ວັນທີ 2 ຕຸລານີ້, ທ່ານ ສົມມາດ ພົນເສນາ ຮອງປະທານສະພາແຫ່ງຊາດ ພ້ອມດ້ວຍບັນດາກະຊວງ, ກົມທີ່ກ່ຽວຂ້ອງໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຄຳມ່ວນ ໂດຍໃຫ້ການຕ້ອນຮັບ ແລະ ລາຍງານສະພາບຈຸດພິເສດ, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຂອງແຂວງ ໂດຍທ່ານ ວັນໄຊ ພອງສະຫວັນ ເຈົ້າແຂວງຄຳມ່ວນ ທີ່ເຮືອນຮັບແຂກ ເລກ 1 ໂດຍມີຄະນະປະທານສະພາປະຊາຊົນແຂວງຄຳມ່ວນ, ບັນດາພະແນກການກ່ຽວຂ້ອງເຂົ້າຮ່ວມ.
ແຂວງຄຳມ່ວນ ໄດ້ກຳນົດແຜນພັດທະນາເສດຖະກິດ-ສັງຄົມ ຕາມ 3 ທ່າແຮງ ຄື: ທ່າແຮງທາງດ້ານກະສິກໍາ, ທ່າແຮງທາງດ້ານອຸດສາຫະກຳພະລັງງານ-ບໍ່ແຮ່ ແລະ ທ່າແຮງທາງດ້ານການບໍລິການທາງຜ່ານ ແລະ ການທ່ອງທ່ຽວ ຊຶ່ງໃນທ້າຍເດືອນມິຖຸນາຜ່ານມາ ຄະນະພັກແຂວງຄຳມ່ວນ ກໍໄດ້ດຳເນີນກອງປະຊຸມກາງສະໄໝ ຂອງຄະນະບໍລິຫານງານພັກແຂວງ ໄດ້ສະຫຼຸບຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ໄລຍະ 2 ປີເຄິ່ງຜ່ານມາ ເສດຖະກິດມີການຂະຫຍາຍຕົວຢ່າງຕໍ່ເນື່ອງ ສະເລ່ຍໃນລະດັບ 5,64% ຄື: ປີ 2021 ຂະຫຍາຍຕົວຢູ່ໃນລະດັບ 5,73% ເທົ່າກັບ 9.328 ຕື້ກີບ; ປີ 2022 ຂະຫຍາຍຕົວ 5,85% ເທົ່າກັບ 14.016 ຕື້ກີບ. ໃນໄລຍະ 9 ເດືອນຕົ້ນປີ 2023 ເຫັນວ່າເສດຖະກິດຂອງແຂວງຍັງສືບຕໍ່ຂະຫຍາຍຕົວຢ່າງຕໍ່ເນື່ອງ ໃນລະດັບ 5,54%,ລາຍໄດ້ສະເລ່ຍຕໍ່ຫົວຄົນ 32.995.471 ກີບ/ຄົນ ເທົ່າກັບ 1.905 ໂດລາ/ຄົນ, ລວມຍອດຜະລິດຕະພັນພາຍໃນບັນລຸ 14.854 ຕື້ກີບ,ການເກັບລາຍຮັບງົບປະມານ ມາຮອດວັນທີ 28 ກັນຍາ 2023 ໄດ້ 1.776,72 ຕື້ກີບ ເທົ່າກັບ 102,40% ຂອງແຜນປີ (ມະຕິສະພາ 1.735,02 ຕື້ກີບ). ໃນນີ້: ລາຍຮັບສູນກາງ ປະຕິບັດໄດ້ 643,20 ຕື້ກີບ ເທົ່າກັບ 81,62% ຂອງແຜນການປີ (ມະຕິສະພາ 788 ຕື້ກີບ), ລາຍຮັບທ້ອງຖິ່ນປະຕິບັດໄດ້ 1.133 ຕື້ກີບ ເທົ່າກັບ 119,69% ຂອງແຜນການປີ, ຄາດຄະເນໝົດປີ ຈະສູ້ຊົນບຸກບືນຈັດເກັບລາຍຮັບໃຫ້ໝົດ ແລະ ໃຫ້ລື່ນແຜນ 200 ກວ່າຕື້ກີບ,ດ້ານລາຍຈ່າຍສາມາດຈັດຕັ້ງປະຕິບັດແຜນລາຍຈ່າຍ 534,77 ຕື້ກີບ ເທົ່າກັບ 74,36% ຂອງແຜນການປີ.
ສະພາບໄພພິບັດນ້ຳຖ້ວມ ແລະ ຜົນເສຍຫາຍທີ່ເກີດຂຶ້ນຢູ່ແຂວງຄຳມ່ວນ:ໃນໄລຍະທ້າຍເດືອນກໍລະກົດ ຫາ ຕົ້ນເດືອນສິງຫາ 2023 ຜ່ານມານີ້ ແຂວງຄຳມ່ວນ ໄດ້ຮັບຜົນກະທົບຈາກໄພພິບັດນໍ້າຖ້ວມ ແລະ ດິນເຊາະເຈື່ອນ ເຮັດໃຫ້ເນື້ອທີ່ນາ, ເນື້ອທີ່ສວນ, ເນື້ອທີ່ປູກພືດຕ່າງໆ, ເລົ້າເຂົ້າ, ກົງເຕີໄຟຟ້າ, ພາຫະນະ, ພື້ນຖານໂຄງລ່າງຈຳນວນໜຶ່ງຖືກເສຍຫາຍພ້ອມນັ້ນກໍມີສັດລ້ຽງຕ່າງໆຂອງປະຊາຊົນ ໄດ້ລົ້ມຕາຍ ແລະ ສູນຫາຍເປັນຈຳນວນຫຼວງຫຼາຍ, ສັງລວມມູນຄ່າເສຍຫາຍທັງໝົດ 434 ຕື້ກີບ, ໃນນີ້ ສະເພາະເມືອງຄູນຄຳ ຜົນເສຍຫາຍປະມານ 211 ຕື້ກວ່າກີບ (ຍັງບໍ່ທັນລວມຜົນເສຍຫາຍຈາກດິນເຊາະເຈື່ອນຕາມທາງເລກ 8A ເຂົ້ານຳ).ສັງລວມຍອດທີ່ໄດ້ຮັບການຊ່ວຍເຫຼືອ ທັງໝົດ 15.375.123.499 ກີບ,ໃນນັ້ນເປັນວັດຖຸລວມມູນຄ່າ: 8.349.469.999 ກີບ, ຮັບເປັນເງິນສົດ ມູນຄ່າ: 7.025.653.500 ກີບ.
ສຳລັບວຽກງານຈຸດສຸມ 3 ເດືອນທ້າຍປີສືບຕໍ່ເພີ່ມທະວີປະຕິບັດວຽກງານ ປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານໃນທົ່ວແຂວງໃຫ້ແຂງແຮງກວ່າເກົ່າ, ສືບຕໍ່ສຸມໃສ່ການຈັດເກັບລາຍຮັບເຂົ້າງົບປະມານ ໃຫ້ບັນລຸຕາມແຜນການ ແລະ ລື່ນແຜນການ; ກວດກາບັນດາຫົວໜ່ວຍທຸລະກິດ ທີ່ຍັງຄ້າງມອບພັນທະ, ອາກອນຕ່າງໆເພື່ອຈັດເກັບໃຫ້ຄົບຖ້ວນ,ຊຸກຍູ້, ສົ່ງເສີມການຜະລິດພາຍໃນ ໃຫ້ແຂງແຮງ ແລະ ແທດເຖິງ,ສູ້ຊົນຈັດຕັ້ງປະຕິບັດຄາດໝາຍຕາມຕົວຊີ້ວັດການພັດທະນາແບບຍືນຍົງຂອງຂະແໜງການສຶກສາ,ເອົາໃຈໃສ່ຍົກສູງຄຸນນະພາບການສຶກສາ, ແກ້ໄຂການຂາດຄູສອນຕາມມະຕິຕົກລົງເລກທີ 9 ຂອງລັດຖະບານ ກ່ຽວກັບ ນະໂຍບາຍ ແລະ ມາດຕະການແກ້ໄຂບັນຫາການຂາດແຄນຄູສອນ, ການປະລະການຮຽນ ແລະ ການສົ່ງເສີມເຂົ້າຮຽນວິຊາຊີບ,ເອົາໃຈໃສ່ແນະນຳ, ຊຸກຍູ້ ຜູ້ປະກອບການ ການທ່ອງທ່ຽວ ປັບປຸງ ແລະ ພັດທະນາສະຖານທີ່ແຫຼ່ງທ່ອງທ່ຽວ, ຍົກລະດັບການບໍລິການທີ່ດີຢູ່ສະຖານທີ່ທ່ອງທ່ຽວ, ໂຮງແຮມ, ເຮືອນພັກ, ຮ້ານອາຫານ, ລະບົບການຂົນສົ່ງ, ຄວາມປອດໄພ ແລະ ສິ່ງເອື້ອອຳນວຍຄວາມສະດວກຕ່າງໆຄວບຄູ່ກັບການໂຄສະນາຢ່າງຫຼາກຫຼາຍ ເພື່ອຮອງຮັບໃຫ້ປີທ່ອງທ່ຽວ 2024,ເກັບກຳຂໍ້ມູນຂຶ້ນທະບຽນແຮງງານພາຍໃນ ແລະ ຕ່າງປະເທດ ຕາມຄຳແນະນຳຂອງກະຊວງແຮງງານ ແລະ ສະຫວັດດີການສັງຄົມ.
ໂອກາດນີ້ທ່ານຮອງປະທານສະພາແຫ່ງຊາດ ກໍໄດ້ໂອ້ລົມ ບາງຄຳເຫັນທ່ານໄດ້ກ່າວວ່າ: ໃນໂຄງການລົງທຶນຂອງລັດປີ 2024 ກ່ອນອື່ນໝົດແມ່ນຕ້ອງຖືເອົາການແກ້ໄຂໄພພິບັດເປັນສຳຄັນ ໂດຍສະເພາະໃນການຟື້ນຟູພື້ນຖານໂຄງລ່າງ ໂດຍມີການຈັດລຽງບຸລິມະສິດເຖິງບັນຫາສຳຄັນທີ່ຈະຕ້ອງໄດ້ປັບປຸງແກ້ໄຂກ່ອນ ເພື່ອໃຫ້ທັນກັບເວລາ ແລະ ສະພາບການ, ສຸມໃສ່ແກ້ໄຂບັນຫາເງິນສົມທົບທຶນໃນບັນດາໂຄງການຕ່າງໆໃຫ້ມີຄວາມສອດຄ່ອງ, ສຸມໃສ່ແກ້ໄຂຂະແໜງສຶກສາທິການ ແລະ ກິລາ, ສາທາລະນະສຸກ ແລະ ຂະແໜງແຮງງານ, ສະຫວັດດີການສັງຄົມ ເພື່ອບໍລິການ ແລະ ຮັບໃຊ້ປະຊາຊົນຢ່າງແທ້ຈິງ, ຂຶ້ນແຜນປັບປຸງ, ປະດັບປະດາ ບັນດາດ່ານສາກົນໃຫ້ມີຄວາມສວຍງາມ ໃຫ້ສົມກັບເປັນບ່ອນຕ້ອນຮັບ, ຈຸດບໍລິການຄົນເຂົ້າ-ອອກ ເພື່ອດຶງດູດນັກທ່ອງທ່ຽວ ໃຫ້ເຂົ້າມາທ່ຽວພາຍໃນແຂວງໃຫ້ຫຼາຍຂຶ້ນ.
(ຂ່າວ-ພາບ: ກອງຄຳ) 2322 6776
ແຂວງຄຳມ່ວນ ໄດ້ກຳນົດແຜນພັດທະນາເສດຖະກິດ-ສັງຄົມ ຕາມ 3 ທ່າແຮງ ຄື: ທ່າແຮງທາງດ້ານກະສິກໍາ, ທ່າແຮງທາງດ້ານອຸດສາຫະກຳພະລັງງານ-ບໍ່ແຮ່ ແລະ ທ່າແຮງທາງດ້ານການບໍລິການທາງຜ່ານ ແລະ ການທ່ອງທ່ຽວ ຊຶ່ງໃນທ້າຍເດືອນມິຖຸນາຜ່ານມາ ຄະນະພັກແຂວງຄຳມ່ວນ ກໍໄດ້ດຳເນີນກອງປະຊຸມກາງສະໄໝ ຂອງຄະນະບໍລິຫານງານພັກແຂວງ ໄດ້ສະຫຼຸບຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ໄລຍະ 2 ປີເຄິ່ງຜ່ານມາ ເສດຖະກິດມີການຂະຫຍາຍຕົວຢ່າງຕໍ່ເນື່ອງ ສະເລ່ຍໃນລະດັບ 5,64% ຄື: ປີ 2021 ຂະຫຍາຍຕົວຢູ່ໃນລະດັບ 5,73% ເທົ່າກັບ 9.328 ຕື້ກີບ; ປີ 2022 ຂະຫຍາຍຕົວ 5,85% ເທົ່າກັບ 14.016 ຕື້ກີບ. ໃນໄລຍະ 9 ເດືອນຕົ້ນປີ 2023 ເຫັນວ່າເສດຖະກິດຂອງແຂວງຍັງສືບຕໍ່ຂະຫຍາຍຕົວຢ່າງຕໍ່ເນື່ອງ ໃນລະດັບ 5,54%,ລາຍໄດ້ສະເລ່ຍຕໍ່ຫົວຄົນ 32.995.471 ກີບ/ຄົນ ເທົ່າກັບ 1.905 ໂດລາ/ຄົນ, ລວມຍອດຜະລິດຕະພັນພາຍໃນບັນລຸ 14.854 ຕື້ກີບ,ການເກັບລາຍຮັບງົບປະມານ ມາຮອດວັນທີ 28 ກັນຍາ 2023 ໄດ້ 1.776,72 ຕື້ກີບ ເທົ່າກັບ 102,40% ຂອງແຜນປີ (ມະຕິສະພາ 1.735,02 ຕື້ກີບ). ໃນນີ້: ລາຍຮັບສູນກາງ ປະຕິບັດໄດ້ 643,20 ຕື້ກີບ ເທົ່າກັບ 81,62% ຂອງແຜນການປີ (ມະຕິສະພາ 788 ຕື້ກີບ), ລາຍຮັບທ້ອງຖິ່ນປະຕິບັດໄດ້ 1.133 ຕື້ກີບ ເທົ່າກັບ 119,69% ຂອງແຜນການປີ, ຄາດຄະເນໝົດປີ ຈະສູ້ຊົນບຸກບືນຈັດເກັບລາຍຮັບໃຫ້ໝົດ ແລະ ໃຫ້ລື່ນແຜນ 200 ກວ່າຕື້ກີບ,ດ້ານລາຍຈ່າຍສາມາດຈັດຕັ້ງປະຕິບັດແຜນລາຍຈ່າຍ 534,77 ຕື້ກີບ ເທົ່າກັບ 74,36% ຂອງແຜນການປີ.
ສະພາບໄພພິບັດນ້ຳຖ້ວມ ແລະ ຜົນເສຍຫາຍທີ່ເກີດຂຶ້ນຢູ່ແຂວງຄຳມ່ວນ:ໃນໄລຍະທ້າຍເດືອນກໍລະກົດ ຫາ ຕົ້ນເດືອນສິງຫາ 2023 ຜ່ານມານີ້ ແຂວງຄຳມ່ວນ ໄດ້ຮັບຜົນກະທົບຈາກໄພພິບັດນໍ້າຖ້ວມ ແລະ ດິນເຊາະເຈື່ອນ ເຮັດໃຫ້ເນື້ອທີ່ນາ, ເນື້ອທີ່ສວນ, ເນື້ອທີ່ປູກພືດຕ່າງໆ, ເລົ້າເຂົ້າ, ກົງເຕີໄຟຟ້າ, ພາຫະນະ, ພື້ນຖານໂຄງລ່າງຈຳນວນໜຶ່ງຖືກເສຍຫາຍພ້ອມນັ້ນກໍມີສັດລ້ຽງຕ່າງໆຂອງປະຊາຊົນ ໄດ້ລົ້ມຕາຍ ແລະ ສູນຫາຍເປັນຈຳນວນຫຼວງຫຼາຍ, ສັງລວມມູນຄ່າເສຍຫາຍທັງໝົດ 434 ຕື້ກີບ, ໃນນີ້ ສະເພາະເມືອງຄູນຄຳ ຜົນເສຍຫາຍປະມານ 211 ຕື້ກວ່າກີບ (ຍັງບໍ່ທັນລວມຜົນເສຍຫາຍຈາກດິນເຊາະເຈື່ອນຕາມທາງເລກ 8A ເຂົ້ານຳ).ສັງລວມຍອດທີ່ໄດ້ຮັບການຊ່ວຍເຫຼືອ ທັງໝົດ 15.375.123.499 ກີບ,ໃນນັ້ນເປັນວັດຖຸລວມມູນຄ່າ: 8.349.469.999 ກີບ, ຮັບເປັນເງິນສົດ ມູນຄ່າ: 7.025.653.500 ກີບ.
ສຳລັບວຽກງານຈຸດສຸມ 3 ເດືອນທ້າຍປີສືບຕໍ່ເພີ່ມທະວີປະຕິບັດວຽກງານ ປ້ອງກັນຊາດ-ປ້ອງກັນຄວາມສະຫງົບ ທົ່ວປວງຊົນຮອບດ້ານໃນທົ່ວແຂວງໃຫ້ແຂງແຮງກວ່າເກົ່າ, ສືບຕໍ່ສຸມໃສ່ການຈັດເກັບລາຍຮັບເຂົ້າງົບປະມານ ໃຫ້ບັນລຸຕາມແຜນການ ແລະ ລື່ນແຜນການ; ກວດກາບັນດາຫົວໜ່ວຍທຸລະກິດ ທີ່ຍັງຄ້າງມອບພັນທະ, ອາກອນຕ່າງໆເພື່ອຈັດເກັບໃຫ້ຄົບຖ້ວນ,ຊຸກຍູ້, ສົ່ງເສີມການຜະລິດພາຍໃນ ໃຫ້ແຂງແຮງ ແລະ ແທດເຖິງ,ສູ້ຊົນຈັດຕັ້ງປະຕິບັດຄາດໝາຍຕາມຕົວຊີ້ວັດການພັດທະນາແບບຍືນຍົງຂອງຂະແໜງການສຶກສາ,ເອົາໃຈໃສ່ຍົກສູງຄຸນນະພາບການສຶກສາ, ແກ້ໄຂການຂາດຄູສອນຕາມມະຕິຕົກລົງເລກທີ 9 ຂອງລັດຖະບານ ກ່ຽວກັບ ນະໂຍບາຍ ແລະ ມາດຕະການແກ້ໄຂບັນຫາການຂາດແຄນຄູສອນ, ການປະລະການຮຽນ ແລະ ການສົ່ງເສີມເຂົ້າຮຽນວິຊາຊີບ,ເອົາໃຈໃສ່ແນະນຳ, ຊຸກຍູ້ ຜູ້ປະກອບການ ການທ່ອງທ່ຽວ ປັບປຸງ ແລະ ພັດທະນາສະຖານທີ່ແຫຼ່ງທ່ອງທ່ຽວ, ຍົກລະດັບການບໍລິການທີ່ດີຢູ່ສະຖານທີ່ທ່ອງທ່ຽວ, ໂຮງແຮມ, ເຮືອນພັກ, ຮ້ານອາຫານ, ລະບົບການຂົນສົ່ງ, ຄວາມປອດໄພ ແລະ ສິ່ງເອື້ອອຳນວຍຄວາມສະດວກຕ່າງໆຄວບຄູ່ກັບການໂຄສະນາຢ່າງຫຼາກຫຼາຍ ເພື່ອຮອງຮັບໃຫ້ປີທ່ອງທ່ຽວ 2024,ເກັບກຳຂໍ້ມູນຂຶ້ນທະບຽນແຮງງານພາຍໃນ ແລະ ຕ່າງປະເທດ ຕາມຄຳແນະນຳຂອງກະຊວງແຮງງານ ແລະ ສະຫວັດດີການສັງຄົມ.
ໂອກາດນີ້ທ່ານຮອງປະທານສະພາແຫ່ງຊາດ ກໍໄດ້ໂອ້ລົມ ບາງຄຳເຫັນທ່ານໄດ້ກ່າວວ່າ: ໃນໂຄງການລົງທຶນຂອງລັດປີ 2024 ກ່ອນອື່ນໝົດແມ່ນຕ້ອງຖືເອົາການແກ້ໄຂໄພພິບັດເປັນສຳຄັນ ໂດຍສະເພາະໃນການຟື້ນຟູພື້ນຖານໂຄງລ່າງ ໂດຍມີການຈັດລຽງບຸລິມະສິດເຖິງບັນຫາສຳຄັນທີ່ຈະຕ້ອງໄດ້ປັບປຸງແກ້ໄຂກ່ອນ ເພື່ອໃຫ້ທັນກັບເວລາ ແລະ ສະພາບການ, ສຸມໃສ່ແກ້ໄຂບັນຫາເງິນສົມທົບທຶນໃນບັນດາໂຄງການຕ່າງໆໃຫ້ມີຄວາມສອດຄ່ອງ, ສຸມໃສ່ແກ້ໄຂຂະແໜງສຶກສາທິການ ແລະ ກິລາ, ສາທາລະນະສຸກ ແລະ ຂະແໜງແຮງງານ, ສະຫວັດດີການສັງຄົມ ເພື່ອບໍລິການ ແລະ ຮັບໃຊ້ປະຊາຊົນຢ່າງແທ້ຈິງ, ຂຶ້ນແຜນປັບປຸງ, ປະດັບປະດາ ບັນດາດ່ານສາກົນໃຫ້ມີຄວາມສວຍງາມ ໃຫ້ສົມກັບເປັນບ່ອນຕ້ອນຮັບ, ຈຸດບໍລິການຄົນເຂົ້າ-ອອກ ເພື່ອດຶງດູດນັກທ່ອງທ່ຽວ ໃຫ້ເຂົ້າມາທ່ຽວພາຍໃນແຂວງໃຫ້ຫຼາຍຂຶ້ນ.
(ຂ່າວ-ພາບ: ກອງຄຳ) 2322 6776
ຄໍາເຫັນ