1. ການເດີນທາງໄປເຮັດວຽກຢູ່ຕ່າງປະເທດ ຄວນເປັນການເດີນທາງທີ່ຖືກກົດໝາຍ ໝາຍວ່າ ຄວນມີເອກະສານເດີນທາງທີ່ຄົບຖ້ວນ ແລະ ເດີນທາງຜ່ານດ່ານກວດຄົນເຂົ້າເມືອງທີ່ຖືກຕ້ອງ.
2. ຄວນຮູ້ເສັ້ນທາງຂອງການເດີນທາງເຊັ່ນ: ຊື່ບ້ານ, ຊື່ເມືອງ ແລະ ຊື່ເສັ້ນທາງ ແລະ ສັງເກດ ສະຖານທີ່ເດັ່ນໆ ໃນລະຫວ່າງເດີນທາງ.
3. ລະວັງບໍ່ໃຫ້ນາຍໜ້າ ຫຼື ຜູ້ທີ່ພາເຮົາໄປເຮັດວຽກນັ້ນ ຢຶດເອົາໜັງສືເດີນທາງສະບັບແທ້ຂອງເຮົາ ຊຶ່ງອາດເຂົ້າຂ່າຍການຄ້າມະນຸດ.
4. ຄວນມີເບີຕິດຕໍ່ຂອງສະຖານທູດລາວໃນປະເທດທີ່ເຮົາເດີນທາງໄປ ແລະ ເບີສາຍດ່ວນຂອງອົງກອນທີ່ຊ່ວຍເຫຼືອແຮງງານເພື່ອຂໍການຊ່ວຍເຫຼືອເມື່ອຕ້ອງການ.
5. ເມື່ອເດີນທາງຮອດສະຖານທີ່ເຮັດວຽກຄວນແຈ້ງລາຍລະອຽດຂອງສະຖານທີ່ເຮັດວຽກເຊັ່ນ: ສະຖານທີ່ຕັ້ງ, ເບີຕິດຕໍ່ໃຫ້ຄອບຄົວຮູ້.
6. ໃນໄລຍະເຮັດວຽກ ຖ້າຮູ້ສຶກບໍ່ປອດໄພ ຫຼື ວ່າຖືກນາຍຈ້າງທຳຮ້າຍຮ່າງກາຍ, ກັກຂັງ ແລະ ຂົ່ມຂູ່ ຄວນຂໍຄວາມຊ່ວຍເຫຼືອຈາກເຈົ້າໜ້າທີ່ ຫຼື ອົງກອນຊ່ວຍເຫຼືອໂດຍໄວ.
ປັດຈຸບັນ, ພວກຄ້າມະນຸດມີວິທີການແນບນຽນຍິ່ງຂຶ້ນ, ເຂົ້າຫາເຮົາໄດ້ທຸກຊ່ອງທາງ ແລະ ມີສິ່ງລໍ້ຕາລໍ້ໃຈໃຫ້ຄົນຕົກເປັນເຫຍື່ອທຸກສາລະພັດວິທີ ທີ່ເກີນຄວາມເປັນຈິງ, ວຽກທີ່ເຮັດໜັກໜາສາຫັດ ແລະ ໄດ້ຮັບການປະຕິບັດຢ່າງໄຮ້ມະນຸດສະທຳ. ເພື່ອປ້ອງກັນຕົນເອງ, ໝູ່ເພື່ອນ ແລະ ພີ່ນ້ອງ ຈາກການຕົກເປັນເຫຍື່ອ ຄວນມີການກວດສອບຂໍ້ມູນໃຫ້ລະອຽດຄັກແນ່ ກ່ອນຕັດສິນໃຈໄປເຮັດວຽກ ຫຼື ຕິດຕາມການຊອກວຽກຈາກແຫຼ່ງທີ່ໜ້າເຊື່ອຖືໄດ້ເທົ່ານັ້ນ.
ສຶກສາຂໍ້ມູນເພີ່ມເຕີມໄດ້ ໂທສາຍດ່ວນ 1362 ຂອງສູນກາງສະຫະພັນແມ່ຍິງລາວ ຫຼື ວອັດແອັບ 020 55541362, 23241362 ຫຼື 1300 ຂອງເຈົ້າໜ້າທີ່ຕຳຫຼວດ.
ຄໍາເຫັນ