ທ່ານ ນາງ ສູນທອນ ໄຊຍະຈັກຮອງປະທານສະພາແຫ່ງຊາດ ໄດ້ຕ້ອນຮັບ ທ່ານ ເມິງຄ໌ບາທາຣ໌ ລັກຄະວາຮອງປະທານສະພາຄູຣານໃຫຍ່ມົງໂກລີ ພ້ອມຄະນະ ເຂົ້າຢ້ຽມພົບປະໃນວັນທີ 13 ພະຈິກນີ້ ທີ່ ສະພາແຫ່ງຊາດ ໃນໂອກາດທີ່ຄະນະຜູ້ແທນດັ່ງກ່າວເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ.
ໃນໂອກາດດັ່ງກ່າວ, ທ່ານຮອງປະທານສະພາແຫ່ງຊາດ ໄດ້ສະແດງຄວາມຍິນດີຕ້ອນຮັບ ທ່ານ ເມິງຄ໌ບາທາຣ໌ ລັກຄະວາ ພ້ອມຄະນະ ແລະ ຕີລາຄາສູງ ຕໍ່ການມາຢ້ຽມຢາມເຮັດວຽກ ຢູ່ ສປປ ລາວໃນຄັ້ງນີ້:ຈຸດປະສົງຕົ້ນຕໍແມ່ນຕາງໜ້າສະພາຄູຣານໃຫຍ່ມົງໂກລີ ເຂົ້າຮ່ວມພິທີ ມອບ-ຮັບຜ້າພົມ ຢ່າງເປັນທາງການ ໃຫ້ແກ່ສະພາແຫ່ງຊາດແຫ່ງສປປ ລາວ ຊຶ່ງໄດ້ປະກອບສ່ວນອັນສໍາຄັນ ໃນການເສີມສ້າງສາຍພົວພັນມິດຕະພາບ ແລະ ການຮ່ວມມື ອັນເປັນມູນເຊື້ອທີ່ດີ ລະຫວ່າງ ລາວ-ມົງໂກລີ ກໍຄືການພົວພັນຮ່ວມມືລະ ຫວ່າງ ສະພາແຫ່ງຊາດລາວ ແລະ ສະພາຄູຣານໃຫຍ່ມົງໂກລີ ໃຫ້ນັບມື້ເພີ່ມທະວີຍິ່ງໆຂຶ້ນ.ການມາຢ້ຽມຢາມເຮັດວຽກຂອງຄະນະດັ່ງກ່າວ ເປັນການສືບຕໍ່ການຈັດຕັ້ງປະຕິບັດຜົນສຳເລັດຂອງການຢ້ຽມຢາມຢ່າງເປັນທາງການ ຂອງປະທານສະພາແຫ່ງຊາດລາວ ແລະ ຄະນະ ຢູ່ປະເທດມົງໂກລີ ໃນເດືອນກັນຍາ ປີ 2023 ຜ່ານມາ. ນອກຈາກນີ້, ຍັງໄດ້ນຳເອົາຜ້າພົມຂອງ ມົງໂກລີ ມາຕິດຕັ້ງ ແລະ ມອບເປັນຂອງຂວັນ ໃຫ້ແກ່ສະພາແຫ່ງຊາດລາວດ້ວຍຕົນເອງ ກໍຖືວ່າເປັນສັນຍາລັກອັນມີຄວາມສຳຄັນ ແຫ່ງສາຍພົວພັນມິດຕະພາບ ລະຫວ່າງ ສອງອົງການນິຕິບັນຍັດພວກເຮົາ. ຜ້າພົມທີ່ມາມອບໃຫ້ ມີລວດລາຍອັນສວຍງາມລ້ຳສະໄໝ ມີເອກະລັກສະເພາະ ໃນການອອກແບບ ໂດຍນັກສະຖາປະນິກທີ່ມີຊື່ສຽງຂອງມົງໂກລີ.ຕາງໜ້າໃຫ້ສະພາແຫ່ງຊາດລາວ ສະແດງຄວາມຂອບໃຈເປັນຢ່າງສູງຕໍ່ການຊ່ວຍເຫຼືອ ຂອງສະພາຄູຣານໃຫຍ່ມົງໂກລີ ເປັນຂອງຂວັນ ຊຶ່ງສະພາແຫ່ງຊາດລາວຈະໄດ້ນຳໃຊ້ຕົວຈິງ ໃນຫ້ອງກຽດຕິຍົດຕ້ອນຮັບແຂກຂັ້ນສູງ ແລະຫ້ອງຮັບແຂກປະທານ-ຮອງປະທານຂອງສະພາແຫ່ງຊາດລາວ.
ທ່ານຮອງປະທານສະພາແຫ່ງຊາດຍັງໄດ້ແຈ້ງໃຫ້ຄະນະຜູ້ແທນຊາບວ່າ: ໂຕະຕັ່ງ ຈຳນວນ 50 ຊຸດ ທີ່ ສປປ ລາວ ໄດ້ມອບເປັນຂອງຂວັນ ໃຫ້ແກ່ສະພາຄູຣານໃຫຍ່ມົງໂກລີນັ້ນ, ປັດຈຸບັນ ໄດ້ຜະລິດສຳເລັດແລ້ວ ພ້ອມທັງໄດ້ຝາກຕັ່ງໄປນຳຍົນພິເສດ ຂອງພະນະທ່ານປະທານາທິບໍດີມົງໂກລີ ແລະ ອີກໂຕະຈຳ ນວນໜຶ່ງຈະໄດ້ສົ່ງໄປມົງໂກລີ ໃນໄວໆນີ້, ສ່ວນວິທີການຂົນສົ່ງ ແລະ ກົນໄກຕ່າງໆນັ້ນ, ທາງຄະນະເລຂາທິການຂອງສອງຝ່າຍ ຈະໄດ້ມີການປຶກສາຫາລືກັນໃນລາຍລະອຽດ ເພື່ອໃຫ້ໄດ້ໄປຮອດມົງໂກລີ ໃນເວລາອັນເໝາະສົມ.
(ຂ່າວ-ພາບ:ສຳນານ)
ໃນໂອກາດດັ່ງກ່າວ, ທ່ານຮອງປະທານສະພາແຫ່ງຊາດ ໄດ້ສະແດງຄວາມຍິນດີຕ້ອນຮັບ ທ່ານ ເມິງຄ໌ບາທາຣ໌ ລັກຄະວາ ພ້ອມຄະນະ ແລະ ຕີລາຄາສູງ ຕໍ່ການມາຢ້ຽມຢາມເຮັດວຽກ ຢູ່ ສປປ ລາວໃນຄັ້ງນີ້:ຈຸດປະສົງຕົ້ນຕໍແມ່ນຕາງໜ້າສະພາຄູຣານໃຫຍ່ມົງໂກລີ ເຂົ້າຮ່ວມພິທີ ມອບ-ຮັບຜ້າພົມ ຢ່າງເປັນທາງການ ໃຫ້ແກ່ສະພາແຫ່ງຊາດແຫ່ງສປປ ລາວ ຊຶ່ງໄດ້ປະກອບສ່ວນອັນສໍາຄັນ ໃນການເສີມສ້າງສາຍພົວພັນມິດຕະພາບ ແລະ ການຮ່ວມມື ອັນເປັນມູນເຊື້ອທີ່ດີ ລະຫວ່າງ ລາວ-ມົງໂກລີ ກໍຄືການພົວພັນຮ່ວມມືລະ ຫວ່າງ ສະພາແຫ່ງຊາດລາວ ແລະ ສະພາຄູຣານໃຫຍ່ມົງໂກລີ ໃຫ້ນັບມື້ເພີ່ມທະວີຍິ່ງໆຂຶ້ນ.ການມາຢ້ຽມຢາມເຮັດວຽກຂອງຄະນະດັ່ງກ່າວ ເປັນການສືບຕໍ່ການຈັດຕັ້ງປະຕິບັດຜົນສຳເລັດຂອງການຢ້ຽມຢາມຢ່າງເປັນທາງການ ຂອງປະທານສະພາແຫ່ງຊາດລາວ ແລະ ຄະນະ ຢູ່ປະເທດມົງໂກລີ ໃນເດືອນກັນຍາ ປີ 2023 ຜ່ານມາ. ນອກຈາກນີ້, ຍັງໄດ້ນຳເອົາຜ້າພົມຂອງ ມົງໂກລີ ມາຕິດຕັ້ງ ແລະ ມອບເປັນຂອງຂວັນ ໃຫ້ແກ່ສະພາແຫ່ງຊາດລາວດ້ວຍຕົນເອງ ກໍຖືວ່າເປັນສັນຍາລັກອັນມີຄວາມສຳຄັນ ແຫ່ງສາຍພົວພັນມິດຕະພາບ ລະຫວ່າງ ສອງອົງການນິຕິບັນຍັດພວກເຮົາ. ຜ້າພົມທີ່ມາມອບໃຫ້ ມີລວດລາຍອັນສວຍງາມລ້ຳສະໄໝ ມີເອກະລັກສະເພາະ ໃນການອອກແບບ ໂດຍນັກສະຖາປະນິກທີ່ມີຊື່ສຽງຂອງມົງໂກລີ.ຕາງໜ້າໃຫ້ສະພາແຫ່ງຊາດລາວ ສະແດງຄວາມຂອບໃຈເປັນຢ່າງສູງຕໍ່ການຊ່ວຍເຫຼືອ ຂອງສະພາຄູຣານໃຫຍ່ມົງໂກລີ ເປັນຂອງຂວັນ ຊຶ່ງສະພາແຫ່ງຊາດລາວຈະໄດ້ນຳໃຊ້ຕົວຈິງ ໃນຫ້ອງກຽດຕິຍົດຕ້ອນຮັບແຂກຂັ້ນສູງ ແລະຫ້ອງຮັບແຂກປະທານ-ຮອງປະທານຂອງສະພາແຫ່ງຊາດລາວ.
ທ່ານຮອງປະທານສະພາແຫ່ງຊາດຍັງໄດ້ແຈ້ງໃຫ້ຄະນະຜູ້ແທນຊາບວ່າ: ໂຕະຕັ່ງ ຈຳນວນ 50 ຊຸດ ທີ່ ສປປ ລາວ ໄດ້ມອບເປັນຂອງຂວັນ ໃຫ້ແກ່ສະພາຄູຣານໃຫຍ່ມົງໂກລີນັ້ນ, ປັດຈຸບັນ ໄດ້ຜະລິດສຳເລັດແລ້ວ ພ້ອມທັງໄດ້ຝາກຕັ່ງໄປນຳຍົນພິເສດ ຂອງພະນະທ່ານປະທານາທິບໍດີມົງໂກລີ ແລະ ອີກໂຕະຈຳ ນວນໜຶ່ງຈະໄດ້ສົ່ງໄປມົງໂກລີ ໃນໄວໆນີ້, ສ່ວນວິທີການຂົນສົ່ງ ແລະ ກົນໄກຕ່າງໆນັ້ນ, ທາງຄະນະເລຂາທິການຂອງສອງຝ່າຍ ຈະໄດ້ມີການປຶກສາຫາລືກັນໃນລາຍລະອຽດ ເພື່ອໃຫ້ໄດ້ໄປຮອດມົງໂກລີ ໃນເວລາອັນເໝາະສົມ.
(ຂ່າວ-ພາບ:ສຳນານ)
ຄໍາເຫັນ