ທ່ານ ຟ້າມມິງຈິງ ໄດ້ຕີລາຄາສູງຕໍ່ ບໍລິສັດ Novatek ທີ່ເປັນເຈົ້າການແລກປ່ຽນ, ຮ່ວມມືກັບບັນດາຄູ່ຮ່ວມມື ຫວຽດນາມ ແລະ ເຊື່ອໝັ້ນຕໍ່ຄວາມເໝາະສົມໃນການກຳນົດທິດພັດທະນາ ຈະສ້າງປະສິດທິຜົນໃຫ້ແກ່ທັງສອງຝ່າຍ ແລະ ສະເໜີໃຫ້ບໍລິສັດ Novatek ປະສານສົມທົບກັບບັນດາທ້ອງຖິ່ນ, ອົງການ ແລະ ລັດວິສາຫະກິດຢ່າງແໜ້ນແຟ້ນໃນຂົງເຂດພະລັງງານ, ນ້ຳມັນອາຍແກ໊ສ ຂອງ ຫວຽດນາມ. ທ່ານ ຟ້າມມິງຈິງ ສົ່ງເສີມບັນດາວິສາຫະກິດ ຫວຽດນາມ ເພີ່ມທະວີການຮ່ວມມືກັບ ບໍລິສັດ Novatek ກ່ຽວກັບເຕັກໂນໂລຊີ ຫັນອາຍແກ໊ສທຳມະຊາດເປັນທາດແຫຼວ.
ການນຳຂອງບໍລິສັດ Novatek ສະແດງຄວາມເຫັນດີ ແລະ ໃຫ້ຮູ້ວ່າ: ຈະຕັ້ງໜ້າແລກປ່ຽນກັບບັນດາຄູ່ຮ່ວມມື ຫວຽດນາມ ເພື່ອຊຸກຍູ້ໂຄງການ, ການເຄື່ອນໄຫວຮ່ວມມື ທີ່ນາຍົກລັດຖະມົນຕີຫວຽດນາມ ມີຄຳເຫັນສະເໜີ.
ໃນການປະຕິບັດງານຢູ່ ສະຫະພັນ ຣັດເຊຍ, ທ່ານ ຟ້າມມິງຈິງ ແລະ ຄະນະຜູ້ແທນຂັ້ນສູງ ຫວຽດນາມ ໄດ້ໄປວາງພວງມາລາຢູ່ອະນຸສາວາລີ ປະທານໂຮ່ຈິມິນ.
ຄໍາເຫັນ