ທ່ານ ຄຳພັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ (ຄອສພ) ປະທານສະພາທິດສະດີສູນກາງພັກພ້ອມພັນລະຍາ, ມີທ່ານນາງ ວິລະວອນ ພັນທະວົງ ຮອງຫົວໜ້າ ຄອສພ ຜູ້ຊີ້ນໍາ 3 ອົງ ການຈັດຕັ້ງມະຫາຊົນ ໄດ້ນໍາພາສະມາຊິກແມ່ຍິງ, ກຳມະບານ, ຊາວໜຸ່ມຈຳນວນ 65 ທ່ານ ເຄື່ອນໄຫວແລກປ່ຽນບົດຮຽນຢູ່ແຂວງບໍ່ແກ້ວໃນວັນທີ 9 ມີນານີ້ ທີ່ຫ້ອງວ່າການປົກຄອງແຂວງບໍ່ແກ້ວ ໃນໂອ ກາດວັນແມ່ຍິງສາກົນວັນທີ 8 ມີນາ ຄົບຮອບ 114 ປີ ໃຫ້ກຽດຕ້ອນຮັບຂອງທ່ານ ບົວຄົງ ນາມມະວົງ ກຳມະການສູນກາງພັກ ເລຂາພັກແຂວງ ເຈົ້າແຂວງໆບໍ່ແກ້ວ, ມີຄະນະປະຈຳພັກແຂວງ, ຕາງໜ້າ 3 ອົງການຈັດຕັ້ງມະຫາຊົນສອງຝ່າຍເຂົ້າຮ່ວມ.
ທ່ານ ບົວຄົງ ນາມມະວົງ ໄດ້ລາຍງານສະພາບລວມການຈັດຕັ້ງປະຕິ ບັດວຽກງານຂອງແຂວງບໍ່ແກ້ວວ່າ: ແຂວງບໍ່ແກ້ວມີເນືໍ້ອທີ່ທັງໝົດ 6.196 ກິໂລຕາແມັດ, ມີຊາຍແດນຕິດກັບ 3 ແຂວງຂອງລາວ, ມີຊາຍແດນຕິດກັບແຂວງຊຽງຣາຍ ຣາຊະອານາຈັກໄທຍາວ 145 ກິໂລແມັດ, ຕິດກັບແຂວງທ່າຂີໍ້ເຫຼັກ ສະຫະພາບມຽນມາ ມີລວງຍາວ 98 ກິໂລແມັດ ປະກອບມີ 5 ເມືອງ, 248 ບ້ານ, 37.991 ຄອບຄົວ, ມີພົນລະເມືອງ 205.751 ຄົນ ຍິງ 101.954 ຄົນ, ມີ 13 ຊົນເຜົັ່າ, ຄວາມ ໜາແໜ້ນຂອງພົນລະ ເມືອງສະເລ່ຍ 33 ຄົນຕໍ່ 1 ກິໂລຕາແມັດ. ປີ 2023 ເສດຖະກິດຂອງແຂວງຂະຫຍາຍຕົວໃນລະດັບ 4,8%; ລວມຍອດຜະລິດ ຕະພັນພາຍໃນ GDP 3.715,28 ຕືໍ້ກີບ ທຽບໃສ່ແຜນການປະຕິບັດໄດ້ 99,48% ສະເລ່ຍລາຍຮັບ 967,33 ໂດລາຕໍ່ຄົນຕໍ່ປີ;
ໃນພິທີຕາງໜ້າ 3 ອົງການຈັດຕັ້ງມະຫາຊົນໄດ້ລາຍງານການເຄືໍ່ອນ ໄຫວວຽກງານພົ້ນເດັ່ນ ພ້ອມທັງແລກປ່ຽນບົດ ຮຽນຊຶ່ງກັນ ແລະ ກັນ.
ໂອກາດນີ້, ທ່ານ ຄຳພັນ ເຜີຍຍະວົງ ໄດ້ກ່າວສະແດງຄວາມຊົມເຊີຍ ແລະ ຂອບໃຈເປັນຢ່າງສູງຕໍ່ທ່ານເຈົ້າແຂວງ ທີ່ອຳນວຍຄວາມສະດວກໃນການເດີນທາງມາເຄື່ອນໄຫວຢ້ຽມຢາມແລກປ່ຽນບົດຮຽນໃນຄັ້ງນີ້ ຊຶ່ງອົງການຈັດຕັ້ງມະ ຫາຊົນມີຄວາມສຳຄັນເປັນກະດູກສັນຫຼັງຂອງພັກ, ການມາເຄື່ອນໄຫວຄັ້ງນີ້ເພື່ອຢ້ຽມຢາມເບິ່ງບົດຮຽນການພັດທະນາແຂວງບໍ່ແກ້ວ ກໍຄືການພັດທະນາເຂດເສດຖະ ກິດພິເສດສາມຫຼ່ຽມຄຳ ເພື່ອຫັນປ່ຽນຈິນຕະນາ ການໃໝ່ ທັງເປັນການໂຄສະນາໃຫ້ສັງຄົມຮັບຮູ້ການພັດທະນາຂອງແຂວງຢ່າງກ້າວກະໂດດ, ການແກ້ໄຂຄວາມຫຍຸ້ງ ຍາກດ້ານເສດຖະກິດຂອງແຂວງເປັນໄປດ້ວຍດີ ທັງໝົດສະແດງໃຫ້ເຫັນເຖິງຄວາມກ້າວໜ້າໃນການພັດທະນາແຂວງບໍ່ແກ້ວ.
ຂ່າວ: ພູວັນ, ພາບ: ຄອສພ
ຄໍາເຫັນ