ໃນວັນທີ 16 ພະຈິກນີ້ ທີ່ ຄະນະພົວພັນຕ່າງປະເທດສູນກາງພັກ (ຄຕພ), ທ່ານ ທອງສະຫວັນ ພົມວິຫານກໍາມະການສູນກາງພັກຫົວໜ້າ ຄຕພ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ຊູເດສ ມາເນຍເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສາທາລະນະລັດ ສິງກະໂປ ປະຈໍາ ສປປ ລາວ ຄົນໃໝ່.
ໃນໂອກາດດັ່ງກ່າວ, ທ່ານຫົວໜ້າຄຕພໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍຕໍ່ ທ່ານ ຊູເດສ ມາເນຍ ທີ່ໄດ້ຮັບການແຕ່ງຕັ້ງໃຫ້ດໍາລົງຕໍາແໜ່ງເປັນເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ສິງກະໂປ ປະຈຳ ສປປ ລາວ ຄົນໃໝ່, ເຊື່ອໝັ້ນວ່າ ທ່ານເອກອັກຄະລັດຖະທູດ ຈະປະກອບສ່ວນຢ່າງຕັ້ງໜ້າເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການພົວພັນຮ່ວມມື ລະຫວ່າງ ສປປ ລາວ ແລະ ສິງກະໂປ ໃຫ້ນັບມື້ນັບແໜ້ນແຟ້ນ ແລະ ມີໝາກຜົນ ເພື່ອນໍາເອົາຜົນປະໂຫຍດຕົວຈິງມາສູ່ ປະຊາຊົນ 2 ຊາດ ລາວ-ສິງກະໂປ ໃຫ້ຫຼາຍຂຶ້ນ.
ທ່ານຫົວໜ້າຄຕພໄດ້ແຈ້ງສະພາບພົ້ນເດັ່ນ ໃນການສ້າງສາພັດທະນາ ເສດຖະກິດ-ສັງຄົມ ຂອງ ສປປ ລາວ ພາຍໃຕ້ການນໍາຂອງ ພັກ ປປ ລາວ; ແຈ້ງ ທີ່ຕັ້ງ ແລະ ພາລະບົດບາດຂອງ ຄຕພ ໃນການເປັນເສນາທິການໃຫ້ຂັ້ນເທິງຕໍ່ວຽກງານການຕ່າງປະເທດດ້ານພັກ ແລະ ການທູດປະຊາຊົນ; ຕີລາຄາສູງສາຍພົວພັນມິດຕະພາບ ແລະ ການຮ່ວມມື ລາວ-ສິງກະໂປ ຕະຫຼອດໄລຍະຜ່ານມາ ແລະ ໃນປີ 2024 ຈະເປັນປີທີ່ສຳຄັນຂອງ ສປປ ລາວ ຄື: ຈະເປັນປະທານອາຊຽນ, ເປັນປີຄົບຮອບ 50 ປີແຫ່ງການສ້າງຕັ້ງສາຍພົວພັນການທູດຮ່ວມກັນ ຊຶ່ງທັງສອງປະເທດຈະໄດ້ຮ່ວມກັນຈັດຫຼາຍກິດຈະກຳສະເຫຼີມສະຫຼອງວັນດັ່ງກ່າວ ພ້ອມທັງຈະເປັນປີທ່ອງທ່ຽວລາວ; ສະແດງຄວາມຂອບໃຈເປັນຢ່າງສູງຕໍ່ການສະໜັບສະໜູນ ແລະ ຊ່ວຍເຫຼືອໃນດ້ານຕ່າງໆຂອງ ສິງກະໂປ ຕໍ່ ສປປ ລາວ ເປັນຕົ້ນແມ່ນ ການສຶກສາ, ສາທາລະນະສຸກ, ດ້ານມະນຸດສະທຳ, ການສ້າງຂີດຄວາມສາມາດໃຫ້ແກ່ພະນັກງານ ພັກ-ລັດ ລາວ, ຫວັງວ່າຝ່າຍສິງກະໂປ ຈະສືບຕໍ່ໃຫ້ການສະໜັບສະໜູນ ສປປ ລາວ ໃນການເປັນປະທານອາຊຽນ, ສົ່ງເສີມການໄປມາຫາສູ່ລະຫວ່າງປະຊາຊົນສອງຊາດໃຫ້ຫຼາຍຂຶ້ນ, ສືບຕໍ່ຊ່ວຍເຫຼືອດ້ານຕ່າງໆລວມທັງການພັດທະນາຊັບພະຍາກອນມະນຸດໃຫ້ແກ່ ສປປ ລາວ ກໍຄື ຄະນະພົວພັນຕ່າງປະເທດສູນກາງພັກຕື່ມອີກໃນຕໍ່ໜ້າ; ສະແດງຄວາມຍິນດີຕໍ່ການຮ່ວມມືດ້ານການຄ້າສອງຝ່າຍ, ການລົງທຶນຂອງສິງກະໂປຢູ່ ສປປ ລາວ ທີ່ມີທ່ວງທ່າຂະຫຍາຍຕົວຂຶ້ນໄປເລື້ອຍໆ. ພ້ອມນັ້ນ, ທ່ານຫົວໜ້າ ຄຕພ ມີຄວາມຍິນດີຈະຮ່ວມກັບ ຝ່າຍສິງກະໂປ ກໍຄື ທ່ານທູດສິງກະໂປຄົນໃໝ່ ເພື່ອພ້ອມກັນປະກອບສ່ວນຊຸກຍູ້ ແລະ ເພີ່ມພູນຄູນສ້າງ ສາຍພົວພັນ ລາວ-ສິງກະໂປ ໃຫ້ແຕກດອກອອກຜົນຍິ່ງໆຂຶ້ນ.
ທ່ານເອກອັກຄະລັດຖະທູດ ໄດ້ສະແດງຄວາມຂອບໃຈ ຕໍ່ການຕ້ອນຮັບອັນອົບອຸ່ນ ແລະ ການແຈ້ງສະພາບພົ້ນເດັ່ນຂອງພັກ, ລັດລາວ ໃຫ້ຊາບ; ຊົມເຊີຍບັນດາຜົນສໍາເລັດດ້ານຕ່າງໆ ທີ່ປະຊາຊົນລາວຍາດມາໄດ້ ພາຍໃຕ້ການນໍາພາຂອງ ພັກ ປປ ລາວ; ຕີລາຄາສູງຕໍ່ສາຍພົວພັນ ສິງກະໂປ-ລາວ; ສະແດງຄວາມໝາຍໝັ້ນທີ່ຈະສືບຕໍ່ເສີມຂະຫຍາຍການຮ່ວມມືດ້ານຕ່າງໆກັບ ສປປ ລາວໃຫ້ດີຂຶ້ນໄປເລື້ອຍໆ; ຈະສະໜັບສະໜູນໃນການເປັນປະທານອາຊຽນ ແລະ ຈະຮ່ວມມືກັບພາກສ່ວນກ່ຽວຂ້ອງ ສປປ ລາວ ສະເຫຼີມສະຫຼອງ 50 ປີແຫ່ງການສ້າງຕັ້ງສາຍພົວພັນການທູດ ສິງກະໂປ-ລາວ ໃນປີ 2024; ແຈ້ງຄວາມສົນໃຈທີ່ຈະຂະຫຍາຍການຮ່ວມມືກັບ ສປປ ລາວ ຕື່ມເຊັ່ນ: ການຮ່ວມມືໃນຂົງເຂດລັດຖະສະພາ, ຄວາມໝັ້ນຄົງທາງດ້ານພະລັງງານໄຟຟ້າ, ປ້ອງກັນຄວາມສະຫງົບ (ສະກັດກັ້ນຢາເສບຕິດ), ການປ່ຽນແປງດິນຟ້າອາກາດ (ກາກບອນເຄຼດິດ), ການສົ່ງອາສາສະໝັກສິງກະໂປມາຊ່ວຍເຫຼືອຢູ່ ສປປ ລາວ; ພ້ອມທັງ ຍິນດີຮ່ວມມືກັບ ຄະນະພົວພັນຕ່າງປະເທດສູນກາງພັກ ໃນການເປັນຂົວເຊື່ອມມິດຕະພາບອັນດີ ລະຫວ່າງ ສິງກະໂປ-ລາວ.
ນອກນັ້ນ, ທັງສອງຝ່າຍຍັງໄດ້ແລກປ່ຽນທັດສະນະຕໍ່ບາງບັນຫາພາກພື້ນ ແລະ ສາກົນ ທີ່ຕ່າງຝ່າຍມີຄວາມສົນໃຈ. ໃນຕອນທ້າຍ, ທ່ານຫົວໜ້າ ຄຕພ ໄດ້ອວຍພອນໃຫ້ ທ່ານເອກອັກຄະລັດຖະທູດ ຈົ່ງປະສົບຜົນສໍາເລັດໃນການປະຕິບັດໜ້າທີ່ຢູ່ ສປປ ລາວ ເພື່ອນໍາເອົາຜົນປະໂຫຍດຕົວຈິງມາສູ່ປະຊາຊົນສອງຊາດ ລາວ-ສິງກະໂປ ກໍຄື ເພື່ອສັນຕິພາບ, ມິດຕະພາບ ແລະ ການຮ່ວມມືເພື່ອການພັດທະນາໃນພາກພື້ນ ແລະ ໃນໂລກ.
(ຂ່າວ-ພາບ: ຄຕພ)
ໃນໂອກາດດັ່ງກ່າວ, ທ່ານຫົວໜ້າຄຕພໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍຕໍ່ ທ່ານ ຊູເດສ ມາເນຍ ທີ່ໄດ້ຮັບການແຕ່ງຕັ້ງໃຫ້ດໍາລົງຕໍາແໜ່ງເປັນເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ສິງກະໂປ ປະຈຳ ສປປ ລາວ ຄົນໃໝ່, ເຊື່ອໝັ້ນວ່າ ທ່ານເອກອັກຄະລັດຖະທູດ ຈະປະກອບສ່ວນຢ່າງຕັ້ງໜ້າເຂົ້າໃນການເສີມຂະຫຍາຍສາຍພົວພັນມິດຕະພາບ ແລະ ການພົວພັນຮ່ວມມື ລະຫວ່າງ ສປປ ລາວ ແລະ ສິງກະໂປ ໃຫ້ນັບມື້ນັບແໜ້ນແຟ້ນ ແລະ ມີໝາກຜົນ ເພື່ອນໍາເອົາຜົນປະໂຫຍດຕົວຈິງມາສູ່ ປະຊາຊົນ 2 ຊາດ ລາວ-ສິງກະໂປ ໃຫ້ຫຼາຍຂຶ້ນ.
ທ່ານຫົວໜ້າຄຕພໄດ້ແຈ້ງສະພາບພົ້ນເດັ່ນ ໃນການສ້າງສາພັດທະນາ ເສດຖະກິດ-ສັງຄົມ ຂອງ ສປປ ລາວ ພາຍໃຕ້ການນໍາຂອງ ພັກ ປປ ລາວ; ແຈ້ງ ທີ່ຕັ້ງ ແລະ ພາລະບົດບາດຂອງ ຄຕພ ໃນການເປັນເສນາທິການໃຫ້ຂັ້ນເທິງຕໍ່ວຽກງານການຕ່າງປະເທດດ້ານພັກ ແລະ ການທູດປະຊາຊົນ; ຕີລາຄາສູງສາຍພົວພັນມິດຕະພາບ ແລະ ການຮ່ວມມື ລາວ-ສິງກະໂປ ຕະຫຼອດໄລຍະຜ່ານມາ ແລະ ໃນປີ 2024 ຈະເປັນປີທີ່ສຳຄັນຂອງ ສປປ ລາວ ຄື: ຈະເປັນປະທານອາຊຽນ, ເປັນປີຄົບຮອບ 50 ປີແຫ່ງການສ້າງຕັ້ງສາຍພົວພັນການທູດຮ່ວມກັນ ຊຶ່ງທັງສອງປະເທດຈະໄດ້ຮ່ວມກັນຈັດຫຼາຍກິດຈະກຳສະເຫຼີມສະຫຼອງວັນດັ່ງກ່າວ ພ້ອມທັງຈະເປັນປີທ່ອງທ່ຽວລາວ; ສະແດງຄວາມຂອບໃຈເປັນຢ່າງສູງຕໍ່ການສະໜັບສະໜູນ ແລະ ຊ່ວຍເຫຼືອໃນດ້ານຕ່າງໆຂອງ ສິງກະໂປ ຕໍ່ ສປປ ລາວ ເປັນຕົ້ນແມ່ນ ການສຶກສາ, ສາທາລະນະສຸກ, ດ້ານມະນຸດສະທຳ, ການສ້າງຂີດຄວາມສາມາດໃຫ້ແກ່ພະນັກງານ ພັກ-ລັດ ລາວ, ຫວັງວ່າຝ່າຍສິງກະໂປ ຈະສືບຕໍ່ໃຫ້ການສະໜັບສະໜູນ ສປປ ລາວ ໃນການເປັນປະທານອາຊຽນ, ສົ່ງເສີມການໄປມາຫາສູ່ລະຫວ່າງປະຊາຊົນສອງຊາດໃຫ້ຫຼາຍຂຶ້ນ, ສືບຕໍ່ຊ່ວຍເຫຼືອດ້ານຕ່າງໆລວມທັງການພັດທະນາຊັບພະຍາກອນມະນຸດໃຫ້ແກ່ ສປປ ລາວ ກໍຄື ຄະນະພົວພັນຕ່າງປະເທດສູນກາງພັກຕື່ມອີກໃນຕໍ່ໜ້າ; ສະແດງຄວາມຍິນດີຕໍ່ການຮ່ວມມືດ້ານການຄ້າສອງຝ່າຍ, ການລົງທຶນຂອງສິງກະໂປຢູ່ ສປປ ລາວ ທີ່ມີທ່ວງທ່າຂະຫຍາຍຕົວຂຶ້ນໄປເລື້ອຍໆ. ພ້ອມນັ້ນ, ທ່ານຫົວໜ້າ ຄຕພ ມີຄວາມຍິນດີຈະຮ່ວມກັບ ຝ່າຍສິງກະໂປ ກໍຄື ທ່ານທູດສິງກະໂປຄົນໃໝ່ ເພື່ອພ້ອມກັນປະກອບສ່ວນຊຸກຍູ້ ແລະ ເພີ່ມພູນຄູນສ້າງ ສາຍພົວພັນ ລາວ-ສິງກະໂປ ໃຫ້ແຕກດອກອອກຜົນຍິ່ງໆຂຶ້ນ.
ທ່ານເອກອັກຄະລັດຖະທູດ ໄດ້ສະແດງຄວາມຂອບໃຈ ຕໍ່ການຕ້ອນຮັບອັນອົບອຸ່ນ ແລະ ການແຈ້ງສະພາບພົ້ນເດັ່ນຂອງພັກ, ລັດລາວ ໃຫ້ຊາບ; ຊົມເຊີຍບັນດາຜົນສໍາເລັດດ້ານຕ່າງໆ ທີ່ປະຊາຊົນລາວຍາດມາໄດ້ ພາຍໃຕ້ການນໍາພາຂອງ ພັກ ປປ ລາວ; ຕີລາຄາສູງຕໍ່ສາຍພົວພັນ ສິງກະໂປ-ລາວ; ສະແດງຄວາມໝາຍໝັ້ນທີ່ຈະສືບຕໍ່ເສີມຂະຫຍາຍການຮ່ວມມືດ້ານຕ່າງໆກັບ ສປປ ລາວໃຫ້ດີຂຶ້ນໄປເລື້ອຍໆ; ຈະສະໜັບສະໜູນໃນການເປັນປະທານອາຊຽນ ແລະ ຈະຮ່ວມມືກັບພາກສ່ວນກ່ຽວຂ້ອງ ສປປ ລາວ ສະເຫຼີມສະຫຼອງ 50 ປີແຫ່ງການສ້າງຕັ້ງສາຍພົວພັນການທູດ ສິງກະໂປ-ລາວ ໃນປີ 2024; ແຈ້ງຄວາມສົນໃຈທີ່ຈະຂະຫຍາຍການຮ່ວມມືກັບ ສປປ ລາວ ຕື່ມເຊັ່ນ: ການຮ່ວມມືໃນຂົງເຂດລັດຖະສະພາ, ຄວາມໝັ້ນຄົງທາງດ້ານພະລັງງານໄຟຟ້າ, ປ້ອງກັນຄວາມສະຫງົບ (ສະກັດກັ້ນຢາເສບຕິດ), ການປ່ຽນແປງດິນຟ້າອາກາດ (ກາກບອນເຄຼດິດ), ການສົ່ງອາສາສະໝັກສິງກະໂປມາຊ່ວຍເຫຼືອຢູ່ ສປປ ລາວ; ພ້ອມທັງ ຍິນດີຮ່ວມມືກັບ ຄະນະພົວພັນຕ່າງປະເທດສູນກາງພັກ ໃນການເປັນຂົວເຊື່ອມມິດຕະພາບອັນດີ ລະຫວ່າງ ສິງກະໂປ-ລາວ.
ນອກນັ້ນ, ທັງສອງຝ່າຍຍັງໄດ້ແລກປ່ຽນທັດສະນະຕໍ່ບາງບັນຫາພາກພື້ນ ແລະ ສາກົນ ທີ່ຕ່າງຝ່າຍມີຄວາມສົນໃຈ. ໃນຕອນທ້າຍ, ທ່ານຫົວໜ້າ ຄຕພ ໄດ້ອວຍພອນໃຫ້ ທ່ານເອກອັກຄະລັດຖະທູດ ຈົ່ງປະສົບຜົນສໍາເລັດໃນການປະຕິບັດໜ້າທີ່ຢູ່ ສປປ ລາວ ເພື່ອນໍາເອົາຜົນປະໂຫຍດຕົວຈິງມາສູ່ປະຊາຊົນສອງຊາດ ລາວ-ສິງກະໂປ ກໍຄື ເພື່ອສັນຕິພາບ, ມິດຕະພາບ ແລະ ການຮ່ວມມືເພື່ອການພັດທະນາໃນພາກພື້ນ ແລະ ໃນໂລກ.
(ຂ່າວ-ພາບ: ຄຕພ)
ຄໍາເຫັນ