ມິງ ເຕິມ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈໍາ ສປປ ລາວ (ຄົນໃໝ່) ໃນວັນທີ 12 ພະຈິກນີ້ ທີ່ຫ້ອງວ່າການສູນກາງພັກ.
ໂອກາດນີ້, ສະຫາຍ ທອງສະລິດ ມັງໜໍ່ເມກ ໄດ້ກ່າວຄວາມຍິນດີຕ້ອນຮັບ ແລະ ຕີລາຄາສູງຕໍ່ການມາດຳລົງຕໍາແໜ່ງເປັນ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈໍາ ສປປ ລາວ (ຄົນໃໝ່) ຊຶ່ງຈະເປັນການສືບຕໍ່ເສີມຂະຫຍາຍມູນເຊື້ອສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ລາວ-ຫວຽດນາມ ໃຫ້ນັບມື້ນັບແໜ້ນແຟ້ນ ແລະ ເລິກເຊິ່ງຂຶ້ນກວ່າເກົ່າ ເວົ້າລວມ, ເວົ້າສະເພາະແມ່ນສືບຕໍ່ເປັນຜູ້ຊ່ວຍປະສານງານການພົວພັນຮ່ວມມືລະຫວ່າງ ຫ້ອງວ່າການສູນກາງພັກປະຊາຊົນປະຕິວັດລາວ ແລະ ຫ້ອງວ່າການສູນກາງພັກກອມມູນິດຫວຽດນາມ ໃຫ້ສືບຕໍ່ມີການພົວພັນຮ່ວມມືກັນຢ່າງຕໍ່ເນື່ອງ.
ສະຫາຍ ຫງວຽນມິງເຕິມ ໄດ້ກ່າວຄວາມຂອບໃຈຢ່າງຍິ່ງ ທີ່ສະຫາຍຫົວໜ້າຫ້ອງວ່າການສູນກາງພັກ ໄດ້ສະຫຼະເວລາໃຫ້ການຕ້ອນຮັບຢ່າງອົບອຸ່ນໃນຄັ້ງນີ້; ພ້ອມດຽວກັນ, ກໍສະແດງຄວາມປິຕິຊົມຊື່ນ ແລະ ດີໃຈທີ່ໄດ້ມາດຳລົງຕໍາແໜ່ງເພື່ອເຮັດໜ້າທີ່ການທູດ ປະຈໍາ ສປປ ລາວ ຊຶ່ງຕົນເອງກໍໄດ້ຜ່ານການເຮັດວຽກງານຢູ່ລາວມາເປັນເວລາດົນ ແລະ ໄດ້ຖືກແຕ່ງຕັ້ງໃຫ້ມາດຳລົງດຳແໜ່ງເປັນເອກອັກຄະລັດຖະທູດ ກໍຈະສືບຕໍ່ເພີ່ມພູນຄູນສ້າງ ເພີ່ມທະວີສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານຂອງສອງພັກ, ສອງລັດ ແລະ ປະຊາຊົນສອງຊາດ ໃຫ້ແໜ້ນແຟ້ນຍິ່ງຂຶ້ນ. ພ້ອມນີ້, ກໍໄດ້ສະແດງຄວາມເຊື່ອໝັ້ນວ່າ ຈະໄດ້ຮັບການສະໜັບສະໜູນ ແລະ ການຊ່ວຍເຫຼືອຈາກຫ້ອງວ່າການສູນກາງພັກປະຊາຊົນປະຕິວັດລາວ ໃນການເຮັດໜ້າທີ່ການທູດຂອງຕົນ ໃຫ້ມີຜົນສຳເລັດ.
ສະຫາຍ ຫົວໜ້າຫ້ອງວ່າການສູນກາງພັກ ກໍໄດ້ສະແດງຄວາມຍິນດີ ແລະ ອວຍພອນໃຫ້ແກ່ ສະຫາຍເອກອັກຄະລັດຖະທູດ ແຫ່ງ ສສ ຫວຽດນາມ ຈົ່ງປະສົບຜົນສຳເລັດໃນການເຮັດໜ້າທີ່ການທູດຢູ່ ສປປ ລາວ ຢ່າງມີໝາກຜົນທີ່ສູງເດັ່ນຂຶ້ນ.
(ຂ່າວ-ພາບ: ສຸກສະຫວັນ)
ຄໍາເຫັນ