ຫົວໜ້າຫ້ອງວ່າການສູນກາງພັກ ຢ້ຽມຢາມກອງພັນໃຫຍ່ 661

ຫົວໜ້າຫ້ອງວ່າການສູນກາງພັກ ຢ້ຽມຢາມກອງພັນໃຫຍ່ 661
ວັນທີ 16 ມັງກອນນີ້, ໂດຍໄດ້ຮັບການມອບໝາຍຈາກຂັ້ນເທິງກໍຄື ຄະນະຮັບຜິດຊອບຊີ້ນໍາສະເຫຼີມສະຫຼອງ ວັນສ້າງຕັ້ງກອງທັບປະຊາຊົນລາວ ຄົບຮອບ 75, ສະຫາຍ ທອງສະລິດ ມັງໜໍ່ເມກ ເລຂາທິການສູນກາງພັກຫົວໜ້າຫ້ອງວ່າການສູນກາງພັກພ້ອມດ້ວຍການນໍາ ແລະ ພະນັກງານຈຳນວນໜຶ່ງ ຈາກຫ້ອງວ່າການສູນກາງພັກ ແລະ ຫ້ອງວ່າການສຳນັກງານນາຍົກລັດຖະມົນຕີ ລົງເຄື່ອນໄຫວຢ້ຽມຢາມ ກອງພັນໃຫຍ່ 661 ເນື່ອງໃນໂອກາດສະເຫຼີມສະຫຼອງວັນສຳຄັນດັ່ງກ່າວໂດຍໄດ້ຮັບການຕ້ອນຮັບຈາກ ສະຫາຍ ພົນຕີ ສາຍໃຈ ກົມມະສິດ ກໍາມະການຄະນະປະຈໍາພັກຫົວໜ້າຫ້ອງວ່າການກະຊວງປ້ອງກັນປະເທດ,ມີຄະນະພັກ-ຄະນະບັນຊາ, ພະນັກງານ-ນັກຮົບທົ່ວກອງພັນໃຫຍ່ 661 ເຂົ້າຮ່ວມ.
ໂອກາດນີ້, ສະຫາຍ ທອງສະລິດ ມັງໜໍ່ເມກ ໄດ້ນຳເອົາຄວາມຢ້ຽມຢາມຖາມຂ່າວ, ຄວາມເປັນຫ່ວງເປັນໃຍອັນອົບອຸ່ນ ແລະ ຄວາມສາມັກຄີຮັກແພງອັນສະໜິດສະໜົມ ຈາກສູນກາງພັກ, ລັດຖະບານ ມາຍັງບັນດາສະຫາຍຄະນະນຳ, ພະນັກງານ-ນັກຮົບ ທົ່ວເຫຼົ່າຮົບລົດຕັງ-ຍານເກາະ ແລະ ຜ່ານບັນດາສະຫາຍໄປຍັງ ບັນດາຄອບຄົວຜູ້ເສຍຊີວິດ, ຜູ້ບາດເຈັບ, ເຈັບປ່ວຍ, ບັນດາຄອບຄົວນາຍ ແລະພົນທະຫານ ທີ່ກຳລັງປະຕິບັດໜ້າທີ່ຢູ່ເຂດທຸລະກັນດານ, ລວມທັງບັນດາສະຫາຍ ພະນັກງານປະຕິວັດອາວຸໂສ ທີ່ພັກຜ່ອນບຳນານ.
ຕະຫຼອດໄລຍະ 75 ປີ ແຫ່ງການກໍາເນີດ ແລະ ເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ, ບໍ່ວ່າຈະຢູ່ໃນຍຸກໃດ, ສະໄໝໃດ ກອງທັບກໍເປັນກໍາລັງປະຈັບບານ ທີ່ຊື່ສັດ, ຈົງຮັກພັກດີ ພາຍໃຕ້ການນຳພາຂອງພັກປະຊາຊົນປະຕິວັດລາວ ສ້າງພາລະກຳປະຫວັດສາດອັນໃຫຍ່ຫຼວງ ໃນການຕໍ່ສູ້ກູ້ຊາດ ເພື່ອຍາດເອົາຄວາມເປັນເອກະລາດມາສູ່ປວງຊົນລາວທັງຊາດ, ໄດ້ປ່ຽມລົ້ນໄປດ້ວຍຄວາມເສຍສະຫຼະທັງເລືອດເນື້ອ, ເຫື່ອແຮງ ແລະ ສະຕິປັນຍາ ຈົນສາມາດຍາດໄດ້ໄຊຊະນະຢ່າງສະຫງ່າລາສີ ແລະ ຮັກສາໄດ້ຄວາມເປັນເອກະລາດຢ່າງໝັ້ນຄົງຈົນເຖິງປັດຈຸບັນ. ຂະບວນວິວັດ ແຫ່ງການເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ ທີ່ຍາດມາໄດ້ນັ້ນ, ໜຶ່ງໃນກຳລັງແຮງທີ່ສຳຄັນກໍແມ່ນເຫຼົ່າຮົບລົດຕັງ-ຍານເກາະ ທີ່ກໍາເນີດເກີດຂຶ້ນ ໃນວັນທີ 1 ຕຸລາ 1961 ຢູ່ເຂດຄັງໄຂທົ່ງໄຫຫີນແຂວງຊຽງຂວາງ ໄດ້ປະກອບສ່ວນສຳຄັນເຂົ້າໃນຂະບວນການຕໍ່ສູ້ອັນດຸເດືອດຂ້ຽວຂາດ ທ່າມກາງແປວໄຟຂອງສົງຄາມຮຸກຮານ. ດ້ວຍຈິດໃຈຮັກຊາດອັນສູງສົ່ງ ເຫຼົ່ານັກຮົບລົດຕັງ-ຍານເກາະ ກໍໄດ້ສຸມທຸກກຳລັງແຮງເຄື່ອນໄຫວບຸກຕີສັດຕູຢູ່ສະໜາມຮົບ ຢ່າງພິລະອາດຫານ ແລະ ມີໄຊ, ທັງສູ້ຮົບ ທັງກໍ່ສ້າງກຳລັງໄປ ພ້ອມໆກັນ, ຈຶ່ງເຫັນໄດ້ວ່າກຳລັງ ນັບມື້ນັບເຕີບໃຫຍ່ຂະຫຍາຍຕົວ ທັງດ້ານປະລິມານ ແລະ ມີຄຸນນະພາບ.
ພ້ອມນີ້, ສະຫາຍ ທອງສະລິດ ມັງໜໍ່ເມກ ໄດ້ເນັ້ນໃຫ້ເອົາໃຈໃສ່ ບາງດ້ານຄື: ເອົາໃຈໃສ່ສຶກສາອົບຮົມການເມືອງແນວຄິດ ຢ່າງເປັນປົກກະຕິເພີ່ມທະວີຄວາມສາມັກຄີເປັນອັນໜຶ່ງອັນດຽວ, ຕ້ານ ແລະ ສະກັດກັ້ນ ການມ້າງເພ ທໍາລາຍຂອງອິດທິກໍາລັງປໍລະປັກ ຊຶ່ງປັດຈຸບັນເຂົາເຈົ້າພວມສວຍໃຊ້ສື່ສັງຄົມອອນລາຍ ເພື່ອໂຄ່ນລົ້ມໂຈມຕີພັກ-ລັດເຮົາ, ດໍາເນີນການຫັນປ່ຽນໂດຍສັນຕິ, ຫວັງມ້າງພວກເຮົາຈາກພາຍໃນ. ສະນັ້ນ, ຕ້ອງຍົກສູງສະຕິລະວັງຕົວ, ຕິດຕາມຂ່າວຄາວ ຢ່າງມີການເລືອກເຟັ້ນ, ມີການໄຈ້ແຍກຢ່າງຄັກແນ່; ສືບຕໍ່ສຸມໃສ່ກໍ່ສ້າງໜ່ວຍກອງພັນໃຫຍ່ 661 ໃຫ້ປອດໃສ, ເຂັ້ມແຂງ, ໜັກແໜ້ນທາງດ້ານການເມືອງ, ແນວຄິດ, ການຈັດຕັ້ງ, ຍົກສູງຄວາມສາມາດນຳພາຮອບດ້ານ ແລະ ຄວາມສາມາດສູ້ຮົບ ຂອງກອງພັນໃຫຍ່, ພະນັກງານ-ນັກຮົບທຸກສະຫາຍ, ໃນທຸກສະພາບການ ແລະ ທຸກກໍລະນີ ເພື່ອເປັນການກະກຽມໃຫ້ແກ່ກອງປະຊຸມໃຫຍ່ 3 ຂັ້ນຂອງພັກ; ເອົາໃຈໃສ່ທະນຸບໍາລຸງ, ກໍ່ສ້າງຖັນແຖວພະນັກງານສືບທອດ ໂດຍສະເພາະແມ່ນພະນັກງານຂັ້ນຍຸດທະສາດ, ຍຸດທະບັ້ນຮົບ ໃຫ້ເປັນປົກກະຕິ ໂດຍເອົາຄຸນທາດການເມືອງເປັນຫຼັກການກໍ່ສ້າງກົມກອງ,ເອົາໃຈໃສ່ວຽກງານຝຶກອົບຮົມຫັດແອບສິລະປະຍຸດ, ຍຸດທະວີທີສູ້ຮົບ ກໍຄື ວຽກງານວິຊາສະເພາະ, ການບັງຄັບບັນຊາ ແລະ ນໍາໃຊ້ພາຫະນະເຕັກນິກ ໃຫ້ມີຄວາມຄ່ອງແຄ່ວ, ວ່ອງໄວ ແລະ ກຽມພ້ອມສູ້ຮົບກັບທຸກກໍລະນີ ແລະ ສະພາບການ; ພັດທະນາກອງທັບໃຫ້ເຂັ້ມແຂງ, ທັນສະໄໝເທື່ອລະກ້າວ. ໃນນັ້ນ, ໃຫ້ເອົາໃຈວຽກງານພະລາທິການກັບທີ່, ພື້ນຖານອຸດສາຫະກຳປ້ອງກັນຊາດ ຕາມທິດ "ເພິ່ງຕົນເອງ, ກຸ່ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ" ຕອບສະໜອງໄດ້ຄວາມຕ້ອງການ ໃນການກໍ່ສ້າງກົມກອງ ແລະ ກອງທັບ,ສູ້ຊົນ ຮັບປະກັນພາລາທິການເຕັກນິກ ສ້າງພື້ນຖານວັດຖຸເຕັກນິກ ໃຫ້ຮັບປະກັນຮອບ ດ້ານປັບປຸງລະບົບສາງຄັງ, ພື້ນຖານອຸດສາຫະກໍາປ້ອງກັນຊາດ, ບູລະນະຮັກສາ ພາຫະນະ, ອາວຸດຍຸດໂທປະກອນ ໃຫ້ສາມາດກຽມພ້ອມນໍາໃຊ້ໄດ້ທຸກເວລາ; ພ້ອມກັນນັ້ນ, ຕ້ອງເອົາໃຈໃສ່ປະຕິບັດລະບອບປະຈໍາການກຽມພ້ອມສູ້ຮົບ ແລະ ກຽມພ້ອມ ດ້ານຈໍານວນພົນ, ພາຫະນະ ແລະ ອາວຸດ ເພື່ອກຽມພ້ອມຮັບໃຊ້ປ້ອງກັນງານສໍາຄັນຂອງພັກ, ຂອງຊາດ,ລວມທັງກຽມພ້ອມກັບທຸກສະພາບການ ແລະ ກໍລະນີ ທີ່ຄາດວ່າຈະເກີດຂຶ້ນ,ປະຕິບັດແນວທາງການຕ່າງປະເທດ ສັນຕິພາບ, ເອກະລາດ, ມິດຕະພາບ ແລະ ຮ່ວມມືກັບປະເທດຕ່າງໆ, ປັບປຸງ ແລະ ເພີ່ມທະວີການຮ່ວມມືຮອບດ້ານ ກັບກອງທັບເພື່ອນມິດຍຸດທະສາດ,ຮ່ວມມືກັບບັນດາປະເທດສັງຄົມນິຍົມອ້າຍນ້ອງ ກໍຄືເພື່ອນມິດທີ່ກ້າວໜ້າໃຫ້ດີ, ຍາດແຍ່ງການຊ່ວຍເຫຼືອຈາກສາກົນ ເພື່ອປັບປຸງກໍ່ສ້າງກອງທັບພວກເຮົາ ໃຫ້ກ້າວໜ້າສູ່ຄຸນນະພາບໃໝ່.
ໂອກາດນີ້, ສະຫາຍພັອ ຄໍາປານ ແພງພັນ ຫົວໜ້າການເມືອງ ກອງພັນໃຫຍ່ 661 ກໍໄດ້ລາຍງານໃຫ້ຮູ້ວ່າ: ຕະຫຼອດໄລຍະຜ່ານມາ ກອງພັນໃຫຍ່ 661 ຍາມໃດກໍຕໍ່ສູ້ຄຽງບ່າຄຽງໄຫຼ່ ພາຍໃຕ້ການບັນຊາຊີ້ນໍາຂອງກອງທັບປະຊາຊົນລາວ, ຍາມໃດກໍຮັກສາ ແລະ ເສີມຂະຫຍາຍທາດແທ້, ມູນເຊື້ອປະຕິວັດ, ຄວາມສາມັກຄີ, ຄວາມຮັບຜິດຊອບຕໍ່ໜ້າທີ່ການເມືອງອັນສູງສົ່ງ, ມີຫົວຄິດປະດິດສ້າງ, ຕັ້ງໜ້າບຸກບືນສູ້ຊົນຜ່ານຜ່າທຸກຄວາມຫຍຸ້ງຍາກ. ສິ່ງທ້າທາຍນາໆປະການ ແລະ ເຮັດສຳເລັດທຸກໜ້າທີ່ ທີ່ໄດ້ຮັບມອບໝາຍຢ່າງຈົບງາມ.
(ແຫຼ່ງຂ່າວ ຂປລ)

ຄໍາເຫັນ

ຂ່າວວັດທະນະທຳ-ສັງຄົມ

ມອບລາງວັນຮອນດາ ສໍາລັບນັກວິທະຍາສາດ ແລະ ວິສະວະກອນໜຸ່ມ ປະຈຳປີ 2026

ມອບລາງວັນຮອນດາ ສໍາລັບນັກວິທະຍາສາດ ແລະ ວິສະວະກອນໜຸ່ມ ປະຈຳປີ 2026

ສະ​ຖາ​ບັນ​ພັດທະນາ​ຊັບພະຍາກອນ​ມະນຸດ ລາວ-ຍີ່ປຸ່ນ (ສລຍ) ຮ່ວມກັບ ມະຫາວິທະຍາໄລແຫ່ງຊາດ (ມຊ) ໄດ້ຈັດພິທີມອບ​ລາງວັນ​ຮອນ​ດາ ​ສຳລັບ​ນັກ​ວິທະຍາ​ສາດ ​ແລະ ວິສະວະກອນໜຸ່ມ (Honda Y-E-S Award) ປະຈຳປີ 2026 ຂຶ້ນໃນວັນ​ທີ 11 ພະຈິກຜ່ານມາ, ທີ່ສະຖາບັນດັ່ງກ່າວ ໂດຍມີທ່ານ ສິນທະວອນ ດາລາວົງ ຜູ້ອຳນວຍການໃຫຍ່ ມຊ, ທ່ານ Dr ນາງ Nobuko Kayashima ຜູ້ອໍານວຍການບໍ ລິຫານມູນນິທິຮອນດາ ປະເທດຍີ່ປຸ່ນ, ມີຜູ້ຕາງໜ້າຈາກກະຊວງສຶກສາທິການ ແລະ ກິລາ (ສສກ), ສະຖານທູດຍີ່ປຸ່ນ ປະຈຳ ສປປ ລາວ, ອົງການ JICA ປະຈຳ ສປປ ລາວ ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.
ດ່ານສາກົນຂົວມິດຕະພາບ 3 ຄຳມ່ວນ ບົ່ງຕົວ, ແຕ່ງຕັ້ງ ຄະນະໜ່ວຍພັກຕຳຫຼວດກວດຄົນເຂົ້າ-ອອກເມືອງ

ດ່ານສາກົນຂົວມິດຕະພາບ 3 ຄຳມ່ວນ ບົ່ງຕົວ, ແຕ່ງຕັ້ງ ຄະນະໜ່ວຍພັກຕຳຫຼວດກວດຄົນເຂົ້າ-ອອກເມືອງ

ວັນທີ 11 ພະຈິກຜ່ານມາ, ທີ່ດ່ານສາກົນຂົວມິດຕະພາບ 3 ແຂວງຄຳມ່ວນ ໄດ້ຈັດພິທີປະກາດບົ່ງຕົວ, ແຕ່ງຕັ້ງ ຄະນະໜ່ວຍພັກຕຳຫຼວດກວດຄົນເຂົ້າ-ອອກເມືອງ ໂດຍການເປັນປະທານຂອງທ່ານ ພູຊະນະ ໄຊໂກສີ ເລຂາຄະນະພັກຮາກຖານ, ຫົວໜ້າດ່ານສາກົນຂົວມິດຕະພາບ 3 ແຂວງຄຳມ່ວນ, ມີທ່ານ ນິກອນ ພົມວົງສາ ຮອງຫົວໜ້າຄະນະຈັດຕັ້ງແຂວງ, ຕາງໜ້າຄະນະກວດກາພັກ-ລັດແຂວງ ພ້ອມດ້ວຍແຂກຖືກເຊີນ ເຂົ້າຮ່ວມ.
ລາວໂທລະຄົມມະນາຄົມ ມະຫາຊົນສະຫຼອງ​ວັນ​ສ້າງ​ຕັ້ງ ຄົບຮອບ 30 ປີ

ລາວໂທລະຄົມມະນາຄົມ ມະຫາຊົນສະຫຼອງ​ວັນ​ສ້າງ​ຕັ້ງ ຄົບຮອບ 30 ປີ

ບໍລິສັດ ລາວໂທລະຄົມມະນາຄົມ ມະຫາຊົນ ໄດ້ຈັດພິທີສະ​ເຫຼີມສະຫຼອງ​ວັນ​ສ້າງ​ຕັ້ງ ແຫ່ງການເຕີບໃຫຍ່ຂະຫຍາຍຕົວ ແລະ ພັດທະນາ ບໍລິສັດລາວ​ໂທລະ​ຄົມ ຄົບຮອບ 30 ປີ (11/11/1996-11/11/2026) ຂຶ້ນໃນວັນທີ 11 ພະຈິກຜ່ານມາ ທີ່ໂຮງແຮມແລນມາກ, ໂດຍການເປັນກຽດເຂົ້າຮ່ວມຂອງທ່ານ ພົນເອກ ຄໍາລຽງ ອຸທະໄກສອນ ກໍາມະການກົມການເມືອງສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ ປະທານຄະນະກໍາມະການຄຸ້ມຄອງອິນເຕີເນັດແຫ່ງຊາດ, ທ່ານ ສັນຕິພາບ ພົມວິຫານ ກໍາມະການສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ, ປະທານສະພາຜູ້ຖືຮຸ້ນ ບໍລິສັດ ລາວໂທລະຄົມມະນາຄົມ ມະຫາຊົນ, ບັນດາທ່ານລັດຖະມົນຕີ, ຮອງລັດຖະມົນຕີ, ບັນດາຫົວໜ້າກົມ, ຕາງໜ້າຜູ້ຖືຮຸ້ນຝ່າຍຕ່າງປະເທດ ແລະ ມີບັນດາຄະນະພັກ, ຄະນະອຳນວຍການໃຫຍ່ ແລະ ​ພະນັກງານ ລາວ​ໂທລະ​ຄົມ ພ້ອມດ້ວຍແຂກທີ່ຖືກເຊີນ ເຂົ້າຮ່ວມຈຳນວນ 550 ທ່ານ ແລະ ລລທ ສາຂາແຂວງ ກໍສະເຫຼີມສະຫຼອງໄປພ້ອມໆກັນຈໍານວນ 2 ພັນກວ່າທ່ານ.
​ຫສປທ ເຜີຍແຜ່ ມະຕິກົມການເມືອງວ່າດ້ວຍເພີ່ມທະວີການນໍາພາ ແລະ ຍົກລະດັບວຽກງານສື່ມວນຊົນ ໃຫ້ກ້າວສູ່ຄຸນະພາບໃໝ່ ໃນຍຸກດີຈີຕອນ

​ຫສປທ ເຜີຍແຜ່ ມະຕິກົມການເມືອງວ່າດ້ວຍເພີ່ມທະວີການນໍາພາ ແລະ ຍົກລະດັບວຽກງານສື່ມວນຊົນ ໃຫ້ກ້າວສູ່ຄຸນະພາບໃໝ່ ໃນຍຸກດີຈີຕອນ

ໃນວັນທີ10 ພະຈິກ ຜ່ານມາ ທີ່ຫ້ອງງານລ້ຽງທໍານຽບປະທານປະເທດ ຫ້ອງວ່າການສໍານັກງານປະທານປະເທດ ໄດ້ຈັດພິທີເຜີຍແຜ່ ມະຕິກົມການເມືອງສູນກາງພັກ ວ່າດ້ວຍການເພີ່ມທະວີການນໍາພາຂອງພັກ ແລະ ການຄຸ້ມຄອງຂອງລັດ ຕໍ່ວຽກງານສື່ມວນຊົນ ໃນໄລຍະໃໝ່ ສະບັບເລກທີ 76/ກມສພ, ລົງວັນທີ 30 ຕຸລາ 2026, ເພື່ອຮັບປະກັນໃຫ້ສື່ມວນຊົນລາວ ປະຕິບັດບົດບາດເປັນກະບອກສຽງອັນແຫຼມຄົມຂອງພັກ, ລັດ ແລະ ສັງຄົມ ໃຫ້ມີຄວາມທັນສະໄໝ, ວ່ອງໄວ ແລະ ທັນການ ຊຶ່ງໃຫ້ກຽດເຜີຍແຜ່ ໂດຍທ່ານນາງ ຟອງສະໝຸດ ອັນລາວັນ ຫົວໜ້າຫ້ອງວ່າການສໍານັກງານປະທານປະເທດ, ເຂົ້າຮ່ວມຮັບຟັງ ມີຄະນະພັກ, ຄະນໍາ, ພະນັກງານ-ລັດຖະກອນ.
ປະກາດຍົກຍ້າຍ ແລະ ແຕ່ງຕັ້ງນາຍຕຳຫຼວດ ຂັ້ນນຳພາ-ບັນຊາ ປກສ ແຂວງຄຳມ່ວນ

ປະກາດຍົກຍ້າຍ ແລະ ແຕ່ງຕັ້ງນາຍຕຳຫຼວດ ຂັ້ນນຳພາ-ບັນຊາ ປກສ ແຂວງຄຳມ່ວນ

ພິທີປະກາດຍົກຍ້າຍ ແລະ ແຕ່ງຕັ້ງນາຍຕຳຫຼວດຂັ້ນນຳພາ-ບັນຊາ ທີ່ຂຶ້ນກັບ ກອງບັນຊາການປ້ອງກັນຄວາມສະຫງົບ (ປກສ) ແຂວງຄຳມ່ວນ ຈັດຂຶ້ນໃນວັນທີ 11 ພະຈິກຜ່ານມາ, ທີ່ສະໂມສອນແຂວງ ໂດຍການເປັນປະທານຂອງທ່ານ ພົຕ ຄອນສະຫວັນ ສົມພາໄຊ ຮອງລັດຖະມົນຕີ ກະຊວງປ້ອງກັນຄວາມສະຫງົບ, ມີທ່ານ ພົຈວ ເຄນທະວີໄຊ ເພັດພະນາ ຮອງຫົວໜ້າຫ້ອງວ່າການກະຊວງ ປກສ, ທ່ານ ພົຈວ ຈັນໄຊ ນັນທະວົງ ຫົວໜ້າກອງບັນຊາການ ປກສ ແຂວງ, ພ້ອມດ້ວຍຄະນະພັກ-ຄະນະບັນຊາ, ນາຍຕຳຫຼວດຫຼັກແຫຼ່ງ ເຂົ້າຮ່ວມ.
ປາກຊັນ ສະຫຼອງ ວັນຊົນລະປະທານ ແລະ ວັນສັກຢາປ້ອງກັນພະຍາດສັດ

ປາກຊັນ ສະຫຼອງ ວັນຊົນລະປະທານ ແລະ ວັນສັກຢາປ້ອງກັນພະຍາດສັດ

ພິທີສະເຫຼີມສະຫຼອງ ວັນຊົນລະປະທານແຫ່ງຊາດ (3 ພະຈິກ) ແລະ ວັນສັກຢາປ້ອງກັນພະຍາດສັດແຫ່ງຊາດ (11 ພະຈິກ) ຢູ່ເມືອງ ປາກຊັນ ໄດ້ຈັດຂຶ້ນໃນວັນທີ 12 ພະຈິກ 2026ທີ່ ຫ້ອງການບ້ານ ປາກປຶງ ຕາແສງໄຊຈະເລີນ ເມືອງ ປາກຊັນ ແຂວງ ບໍລີຄຳໄຊ ການ​ເຂົ້າ​ຮ່ວມຂອງທ່ານ ສຸລິຈັນ ທ່ຽງຈັນໄຊ ຮອງປະທານຄະນະກຳມະການປົກຄອງເມືອງ ປາກຊັນ, ທ່ານ ວຽງແກ້ວ ໄຊພັກດີ ຮອງຫົວໜ້າພະແນກ ກະສິກຳ ແລະ ສິ່ງແວດລ້ອມແຂວງ ບໍລິຄຳໄຊ,ມີພາກ​ສ່ວນ​ກ່ຽວ​ຂ້ອງເຂົ້າຮ່ວມ.
ພະນັກງານລົງກໍ່ສ້າງຮາກຖານການເມືອງ ເຊີດຊູຄວາມຮັບຜິດຊອບປະຕິບັດວຽກງານຢູ່ຂັ້ນຮາກຖານໃຫ້ມີຜົນສຳເລັດ

ພະນັກງານລົງກໍ່ສ້າງຮາກຖານການເມືອງ ເຊີດຊູຄວາມຮັບຜິດຊອບປະຕິບັດວຽກງານຢູ່ຂັ້ນຮາກຖານໃຫ້ມີຜົນສຳເລັດ

ສະຫາຍ ພູນອນ ໄຊຍະລາດ ຮອງຫົວໜ້າພະແນກໂຍທາທິການ ແລະ ຂົນສົ່ງ ແຂວງສາລະວັນ ເປັນໜຶ່ງໃນພະນັກງານນຳພາ-ຄຸ້ມຄອງຂັ້ນແຂວງ ທີ່ໄດ້ຮັບການມອບໝາຍ ລົງກໍ່ສ້າງຮາກຖານການເມືອງ ໄດ້ໃຫ້ສໍາພາດຕໍ່ສື່ມວນຊົນແຂວງສາລະວັນ ໃນວັນທີ 10 ພະຈິກຜ່ານມາວ່າ: ການທີ່ຖືກມອບໝາຍໃຫ້ລົງກໍ່ສ້າງຮາກຖານການເມືອງໃນຄັ້ງນີ້, ມີຄວາມສຳຄັນ ແລະ ເປັນໜ້າທີ່ຄວາມຮັບຜິດຊອບທາງດ້ານການເມືອງ, ຕົນເອງມີຄວາມຮູ້ສຶກດີໃຈ ແລະ ເປັນກຽດຢ່າງສູງ ທີ່ໄດ້ຮັບຄວາມໄວ້ວາງໃຈຈາກຄະນະພັກ-ຄະນະນໍາຂອງແຂວງສາລະວັນເຊິ່ງການລົງກໍ່ສ້າງຮາກຖານເມືອງ ແມ່ນໂອກາດດີໃນການຮ່ຳຮຽນວຽກງານຈາກຕົວຈິງ, ໃກ້ຊິດຕິດແທດປະຊາຊົນ, ເຂົ້າໃຈສະພາບຕົວຈິງຂອງທ້ອງຖິ່ນ ແລະ ນຳເອົາຄວາມຮູ້, ປະສົບການ ໄປໝູນໃຊ້ໃຫ້ເກີດຜົນປະໂຫຍດຢ່າງແທ້ຈິງ ເພື່ອຊ່ວຍວຽກອົງການປົກຄອງເມືອງ ປັບປຸງ ແລະ ພັດທະນາວຽກງານດ້ານຕ່າງໆ ໂດຍສະເພາະດ້ານພື້ນຖານໂຄງລ່າງ.
ເມືອງພຽງ ເກັບກູ້ຜົນຜະລິດເຂົ້ານາປີສຳເລັດແລ້ວ 70%

ເມືອງພຽງ ເກັບກູ້ຜົນຜະລິດເຂົ້ານາປີສຳເລັດແລ້ວ 70%

ອີງຕາມການລາຍງານການຈັດຕັ້ງປະຕິບັດວຽກງານຂອງໜ່ວຍງານປູກຝັງ, ຫ້ອງການກະສິກຳ ແລະ ສິ່ງແວດລ້ອມ ເມືອງພຽງ ແຂວງໄຊຍະບູລີ ປະຈຳເດືອນພະຈິກ 2026 ໃຫ້ຮູ້ວ່າ: ໃນລະດູການຜະລິດປີ 2026 ນີ້ ທົ່ວເມືອງພຽງ ມີເນື້ອທີ່ປູກເຂົ້າທັງໝົດ 7,400 ກວ່າ​ເຮັກ​ຕາ, ປະຕິບັດໄດ້ 90 ກວ່າ%ຂອງແຜນການ. ໃນນີ້, ການປູກເຂົ້ານາປີ ມີເນື້ອທີ່ປະຕິບັດຕົວຈິງ 6,900ກວ່າເຮັກຕາ, ບັນລຸຕາມແຜນການເຊິ່ງປະກອບມີນາດຳທົ່ວໄປ 2,950 ກວ່າເຮັກຕາ ແລະ ນາກະເສດສຸມ 3,940 ກວ່າເຮັກຕາ (ນາຫວ່ານ 2,300 ກວ່າເຮັກຕາ, ນາຢອດ 1,640 ກວ່າເຮັກຕາ, ນາຊ່າວໃໝ່ 23.54 ເຮັກຕາ).
ເມືອງໂຂງ ທຳລາຍອາວຸດລ່າເນື້ອ ແລະ ໝໍ້ຊ໊ອດປາ

ເມືອງໂຂງ ທຳລາຍອາວຸດລ່າເນື້ອ ແລະ ໝໍ້ຊ໊ອດປາ

ເມືອງໂຂງ ແຂວງຈຳປາສັກ ໄດ້ຈັດພິທີທຳລາຍອາວຸດລ່າເນື້ອ ແລະ ວັດຖຸຕ້ອງຫ້າມຈຳນວນຫຼາຍລາຍການເປັນຕົ້ນ: ປືນແກັບ, ປືນອັດລົມດັດແປງ, ປືນດັດແປງຍິງລູກແວງ ແລະ ອຸປະກອນຊ໊ອດປາ ໃນ​ວັນ​ທີ 12 ພະ​ຈິກ​ນີ້ ທີ່ ຕາ​ແສງດອນ​ໂຂງ, ໂດຍມີ ທ່ານ ສາທິດ ປັດສາພັນ ກຳມະການພັກແຂວງ ເລຂາຄະນະບໍລິຫານງານພັກເມືອງ, ພ້ອມດ້ວຍ ພາກ​ສ່ວນ​ກ່ຽວ​ຂ້ອງ​ເຂົ້າ​ຮ່ວມ.
ແກ່ນທ້າວ ສະຫຼອງວັນຊົນລະປະທານພ້ອມເປີດຂະບວນການຜະລິດລະດູແລ້ງ

ແກ່ນທ້າວ ສະຫຼອງວັນຊົນລະປະທານພ້ອມເປີດຂະບວນການຜະລິດລະດູແລ້ງ

ເມືອງແກ່ນທ້າວ ແຂວງໄຊຍະບູລີ ໄດ້ຈັດພິທີສະເຫຼີມສະຫຼອງວັນຊົນລະປະທານແຫ່ງຊາດ (ວັນທີ 3 ພະຈິກ), ວັນສັກຢາກັນພະຍາດສັດ ແຫ່ງຊາດ (ວັນທີ 11 ພະຈິກ) ແລະ ​ວັນເປີດຂະບວນການຜະລິດລະດູແລ້ງ (ວັນທີ 15 ພະຈິກ) ປະຈຳປີ 2026, ໃນ​ວັນ​ທີ 11 ພະ​ຈິກ​ນີ້ ທີ່ ບ້ານ​ນາ​ບອນໂດຍມີທ່ານ ສີຄານ ແກ່ນມະນີ ປະທານຄະນະກຳມະການປົກຄອງເມືອງ,ມີຄະນະປະຈຳພັກເມືອງ, ມີ​ພາກ​ສ່ວນ​ກ່ຽວ​ຂ້ອງ​ເຂົ້າ​ຮ່ວມ
ເພີ່ມເຕີມ