ຂອງຄະນະກໍາມະການສູນກາງພັກ ກອມມູນິດຈີນ ສະໄໝທີ XX ໃນວັນທີ 28 ມັງກອນນີ້ ທີ່ຫ້ອງປະຊຸມ ຂອງ ຫສປທ, ໂດຍການເປັນປະທານຂອງ ທ່ານ ນາງ ເຂັມມະນີ ພົນເສນາກໍາມະການສູນກາງພັກເລຂາຄະນະພັກຫົວໜ້າຫ້ອງວ່າການສໍານັກງານປະທານປະເທດ, ມີບັນດາຄະນະພັກ-ຄະນະນໍາ, ພະນັງງານ-ລັດຖະກອນ ເຂົ້າຮ່ວມຢ່າງພ້ອມພຽງ.
ໃນວາລະ ທ່ານນາງ ເຂັມມະນີ ພົນເສນາໄດ້ໃຫ້ກຽດບັນລະຍາຍເອກະສານ ຊຶ່ງໄດ້ຍົກໃຫ້ຮູ້ວ່າ: ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 9 ສະໄໝທີ XI ໄດ້ດໍາເນີນ ລະຫວ່າງວັນທີ 28 ຕຸລາ-6 ພະຈິກ2024 ທີ່ຫ້ອງວ່າການສູນກາງພັກ ພາຍໃຕ້ການເປັນປະທານ ຂອງສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນປະຕິວັດລາວປະທານປະເທດ ແຫ່ງ ສປປ ລາວ.
ກອງປະຊຸມ ໄດ້ສຸມໃສ່ຍົກສູງຄວາມຮັບຜິດຊອບການເມືອງ ໃນການຄົ້ນຄວ້າ, ປະກອບຄວາມເຫັນ ແລະ ເປັນເອກະພາບ ໃຫ້ທິດຊີ້ນໍາ ຕໍ່ບັນດາເນື້ອໃນ ທີ່ນໍາມາປຶກສາຫາລືກັນ ຄື: 1 ຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ, ແຜນເງິນຕາ ປະຈຳປີ 2024 ແລະ ທິດທາງ, ແຜນການ ປີ 2025 ຕິດພັນກັບການຕີລາຄາການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ແລະ ວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ; 2. ການຈັດຕັ້ງປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ ປະຈຳປີ 2024 ແລະ ທິດທາງ ປີ 2025; 3. ຕີລາຄາຜົນການດໍາເນີນກອງປະຊຸມໃຫຍ່ ຂັ້ນຮາກຖານພັກອ້ອມຂ້າງເມືອງ-ນະຄອນ ແລະ ຮາກຖານບ້ານ ແລະ ການກະກຽມ ແລະ ດໍາເນີນກອງປະຊຸມໃຫຍ່ອົງຄະນະພັກເມືອງ-ນະຄອນ ແລະຮາກຖານພັກ ອ້ອມຂ້າງແຂວງ-ນະຄອນຫຼວງ ແລະ ຮາກຖານພັກ ອ້ອມຂ້າງກະຊວງ-ອົງການ; 4. ການປັບປຸງເອກະສານ ທີ່ຈະນໍາເຂົ້າລາຍງານຕໍ່ກອງປະຊຸມໃຫຍ່ ຜູ້ແທນທົ່ວປະເທດ ສະໄໝທີ XII ຂອງພັກ (ຮ່າງໂຄງການການເມືອງ ຂອງພັກ ສະບັບທີ3, ຮ່າງລາຍງານການເມືອງ, ຮ່າງແຜນພັດທະນາເສດຖະກິດ-ສັງຄົມ ແຫ່ງຊາດ 15 ປີ ຄັ້ງທີ X, ການປັບປຸງກົດລະບຽບຂອງພັກ ສະໄໝທີ XI);5 ການປັບປຸງລັດຖະທໍາມະນູນ ສະບັບປີ 2015; 6. ການຜັນຂະຫຍາຍ ແລະ ຈັດຕັ້ງປະຕິບັດ ຜົນການເຄື່ອນໄຫວວຽກງານຕ່າງປະເທດ ຈຳນວນໜຶ່ງ ແລະ ວຽກງານອື່ນໆ.
ຈາກນັ້ນ, ທ່ານ ນາງ ເຂັມມະນີ ພົນເສນາຍັງໄດ້ສືບຕໍ່ເຜີຍແຜ່ຜົນສໍາເລັດ ຂອງກອງປະຊຸມຄົບຄະນະ ຄັ້ງທີ 3 ຂອງຄະນະກຳມະການສູນກາງພັກກອມມູນິດຈີນ ສະໄໝທີ XX ໃນລະຫວ່າງ ວັນທີ 15-18 ກໍລະກົດ 2024 ເປີດຂຶ້ນຢູ່ນະຄອນຫຼວງປັກກິ່ງ ສປຈີນ. ເຂົ້າຮ່ວມກອງປະຊຸມຄົບຄະນະຄັ້ງນີ້ມີ: ກຳມະການສູນກາງພັກ 199 ຄົນ, ກຳມະການສໍາຮອງສູນກາງພັກ 165 ຄົນ. ກຳມະການປະຈໍາຂອງຄະນະກວດກາ ສູນກາງພັກ ແລະ ສະຫາຍຮັບຜິດຊອບຝ່າຍທີ່ກ່ຽວຂ້ອງ ໄດ້ເຂົ້າຮ່ວມຟັງໃນກອງປະຊຸມ. ຜູ້ແທນກອງປະຊຸມໃຫຍ່ຄັ້ງທີ XX ຂອງພັກບາງສະຫາຍທີ່ເຮັດວຽກຢູ່ຂັ້ນຮາກຖານ ພ້ອມດ້ວຍຜູ້ຊ່ຽວຊານ ແລະ ນັກວິຊາການຈໍານວນໜຶ່ງ ກໍໄດ້ເຂົ້າຮ່ວມຮັບຟັງໃນກອງປະຊຸມເຊັ່ນດຽວກັນ. ກອງປະຊຸມຄົບຄະນະຄັ້ງນີ້ ໄດ້ເປີດຂຶ້ນໂດຍມີກົມການເມືອງສູນກາງພັກເປັນປະທານ. ສະຫາຍ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກ ໄດ້ກ່າວຄໍາປາໄສອັນສໍາຄັນ.
ກອງປະຊຸມຄົບຄະນະໄດ້ຮັບຟັງ ແລະ ປຶກສາຫາລືບົດລາຍງານວຽກງານ ທີ່ສະເໜີໂດຍສະຫາຍ ສີຈິ້ນຜິງ ຊຶ່ງໄດ້ຮັບການມອບໝາຍຈາກກົມການເມືອງສູນກາງພັກ, ໄດ້ຄົ້ນຄວ້າພິຈາລະນາ ແລະ ຮັບຮອງເອົາ “ຂໍ້ຕົກລົງຂອງສູນກາງພັກກອມມູນິດຈີນ ກ່ຽວກັບການລົງເລິກການປະຕິຮູບຢ່າງຮອບດ້ານຕື່ມອີກ ເພື່ອຊຸກຍູ້ຄວາມທັນສະໄໝແບບຈີນ”, ສະຫາຍ ສີຈິ້ນຜິງ ໄດ້ອະທິບາຍກ່ຽວກັບ “ຂໍ້ຕົກລົງ (ສະບັບປຶກສາຫາລື)” ຕໍ່ກອງປະຊຸມຄົບຄະນະ. ກອງປະຊຸມຄົບຄະນະ ໄດ້ຢືນຢັນຢ່າງເຕັມທີ່ຕໍ່ວຽກງານ ຂອງກົມການເມືອງສູນກາງພັກ ນັບແຕ່ເປີດກອງປະຊຸມຄົບຄະນະ ຄັ້ງທີ 2 ຂອງຄະນະກຳມະການສູນກາງພັກ ສະໄໝທີ XX ເປັນຕົ້ນມາ, ໂດຍມີຄວາມເຫັນເປັນເອກະພາບກັນວ່າ: ເມື່ອປະເຊີນໜ້າກັບສະພາບແວດລ້ອມສາກົນທີ່ສັບສົນຂ້ຽວຂາດ ແລະ ໜ້າທີ່ການປະຕິຮູບການພັດທະນາ ແລະ ການປົກປັກຮັກສາຄວາມສະຫງົບພາຍໃນປະເທດທີ່ລໍາບາກໜັກໜ່ວງ, ກົມການເມືອງສູນກາງພັກ ໄດ້ຈັດຕັ້ງປະຕິບັດຈິດໃຈກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XX ຂອງພັກ ກອງປະຊຸມຄົບຄະນະ ຄັ້ງທີ 1 ແລະ ຄັ້ງທີ 2 ຂອງຄະນະກຳມະການສູນກາງພັກ ສະໄໝທີ XX ຢ່າງຕັ້ງໜ້າ. ນອກຈາກນັ້ນ, ກອງປະຊຸມ, ຍັງໄດ້ຮັບຟັງການອ່ານຂໍ້ຕົກລົງອະນຸຍາດໃຫ້ພະນັກງານພັກການ ຮັບອຸດໜູນບໍານານຕື່ມອີກ.
(ຂໍ້ມູນຂ່າວ: ຫສປທ)
ຄໍາເຫັນ