 |
ໃນໂອກາດດັ່ງກ່າວ, ສະຫາຍ ນາງ ເຂັມມະນີ ພົນເສນາ ໄດ້ເຜີຍແຜ່ມະຕິກອງປະຊຸມຄົບຄະນະ ຄັ້ງທີ 10 ຂອງຄະນະບໍລິຫານງານສູນກາງພັກສະໄໝທີ XI ຊຶ່ງໄດ້ຍົກໃຫ້ເຫັນວ່າ: ກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 10 ສະໄໝທີ XI ໄດ້ດຳເນີນໃນລະຫວ່າງ ວັນທີ 19-23 ພຶດສະພາ ຜ່ານມາ ທີ່ຫ້ອງວ່າການສູນກາງພັກ, ພາຍໃຕ້ການເປັນປະທານ ຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ປະທານປະເທດ ແຫ່ງ ສປປ ລາວ, ກອງປະຊຸມໄດ້ດໍາເນີນບົນຈິດໃຈຍົກສູງຄວາມຮັບຜິດຊອບການເມືອງຂອງບັນດາສະຫາຍສູນກາງ ໃນການຄົ້ນຄວ້າ-ປະກອບຄໍາເຫັນ ຢ່າງມີບັນຍາກາດຟົດຟື້ນ ແລະ ມີເນື້ອໃນເລິກເຊິ່ງ ຊຶ່ງໄດ້ໃຫ້ທິດຊີ້ນໍາ ຕໍ່ບັນຫາສໍາຄັນຂອງພັກ, ຂອງປະເທດຊາດ ແລະ ບັນດາເນື້ອໃນເອກະສານສໍາຄັນ ຂອງກອງປະຊຸມໃຫຍ່ ຄັ້ງທີ XII ຂອງພັກຄື: ຕີລາຄາກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແຫ່ງຊາດ, ແຜນງົບປະມານແຫ່ງລັດ ແລະ ແຜນເງິນຕາ ປະຈໍາ 6 ເດືອນ ຕົ້ນປີ 2025 ແລະ ທິດທາງແຜນການ 6 ເດືອນ ທ້າຍປີ 2025 ຕິດພັນກັບ 2 ວາລະແຫ່ງຊາດ, ກ່ຽວກັບບັນດາເອກະສານກອງປະຊຸມໃຫຍ່ ຄັ້ງທີ XII ຂອງພັກ, ການດຳເນີນກອງປະຊຸມໃຫຍ່ອົງຄະນະພັກເມືອງ - ນະຄອນ, ຮາກຖານພັກອ້ອມຂ້າງກະຊວງ-ອົງການ, ຮາກຖານພັກອ້ອມຂ້າງນະຄອນຫຼວງວຽງຈັນ, ແຂວງ ແລະ ຄາດຄະເນແຜນການກະກຽມດຳເນີນກອງປະຊຸມໃຫຍ່ອົງຄະນະພັກກະຊວງ-ອົງການ, ນະຄອນຫຼວງວຽງຈັນ ແລະ ແຂວງ, ກອງປະຊຸມໄດ້ວາງວຽກງານຈຸດສຸມແຕ່ນີ້ຮອດກອງປະຊຸມສູນກາງ ຄັ້ງທີ 11.
ຈາກນັ້ນ, ສະຫາຍ ອິນທະປັນຍາ ຂຽວວົງພະຈັນ ຮອງເລຂາພັກ ຮອງຫົວໜ້າຫ້ອງວ່າການສຳ ນັກງານປະທານປະເທດໄດ້ເຜີຍແຜ່ເອກະສານ ວັນຜ່າວົງປິດລ້ອມຂອງກອງພັນທີ 2 ວິລະຊົນທີ່ທົ່ງໄຫຫີນຊຽງຂວາງ ຄົບຮອບ 66 ປີ ແລະ ວິລະກຳໂຕນຄຸກຢ່າງມະຫັດສະຈັນຂອງບັນດາຜູ້ນຳຂອງພັກ ແລະ ແນວລາວສ້າງຊາດ ຄົບຮອບ 65 ປີ.
ການຈັດຕັ້ງເຜີຍແຜ່ເອກະສານສຳຄັນຄັ້ງນີ້ ກໍເພື່ອເຮັດໃຫ້ສະມາຊິກພັກ ແລະ ພະນັກງານ ຫ້ອງ ວ່າການສຳນັກງານປະທານເທດ ມີຄວາມຮັບຮູ້ ແລະ ເຂົ້າໃຈຕໍ່ມະຕິຂອງກອງປະຊຸມດັ່ງກ່າວ ແລະ ໃຫ້ເຫັນໄດ້ການຜ່າວົງປິດລ້ອມຂອງກອງພັນທີ 2 ວິລະຊົນທີ່ທົ່ງໄຫຫີນຊຽງຂວາງ ແລະ ວິລະກຳໂຕນຄຸກຢ່າງມະຫັດສະຈັນຂອງບັນດາຜູ້ນຳຂອງພັກ ແລະ ແນວລາວສ້າງຊາດ.
(ຂ່າວ-ພາບ: ສຳນານ)
ຄໍາເຫັນ