 |
ໜອງທາ ເມືອງຈັນທະບູລີ ນະຄອນຫຼວງວຽງຈັນ ໂດຍການເປັນປະທານ ແລະ ໃຫ້ກຽດປາຖະກະຖາຂອງ ສະຫາຍ ໂພໄຊ ໄຊຍະສອນ ກຳມະການສູນກາງພັກ ເລຂາຄະນະພັກ ລັດຖະມົນຕີກະຊວງ ຮສສ, ມີບັນດາສະຫາຍຮອງລັດຖະມົນຕີ, ຄະນະພັກຮາກຖານ, ຄະນະໜ່ວຍພັກ, ສະມາຊິກພັກ, ພະນັກງານ-ລັດຖະກອນ ກະຊວງ ຮສສ ເຂົ້າຮ່ວມຮັບຟັງ.
ສະຫາຍ ໂພໄຊ ໄຊຍະສອນ ໃຫ້ກຽດປາຖະກະຖາໂດຍຍົກໃຫ້ເຫັນຄວາມ ໝາຍ-ຄວາມສໍາຄັນ ລັດຖະທຳມະນູນແມ່ນກົດໝາຍພື້ນຖານຂອງຊາດ ທີ່ກຳນົດບັນຫາໃຫຍ່, ຫຼັກການໃຫຍ່ ກ່ຽວກັບລະບອບການເມືອງ, ລະບອບເສດຖະກິດ-ສັງຄົມ, ການປ້ອງກັນຊາດ-ປ້ອງກັນຄວາມສະຫງົບ, ສິດ ແລະ ພັນທະພື້ນຖານຂອງພົນລະເມືອງ, ລະບົບການຈັດຕັ້ງອໍານາດແຫ່ງລັດ (ສະພາແຫ່ງຊາດ, ປະທານປະເທດ, ລັດຖະບານ, ສະພາປະຊາຊົນທ້ອງຖິ່ນ, ອົງການປົກຄອງທ້ອງຖິ່ນ, ສານປະຊາຊົນ, ອົງການໄອຍະການປະຊາຊົນ, ການກວດກາລັດ ແລະ ການກວດສອບແຫ່ງລັດ), ພາສາ, ອັກສອນ, ເຄື່ອງ
ໝາຍຊາດ, ທຸງຊາດ, ເພງຊາດ, ວັນຊາດ, ສະກຸນເງິນ ແລະ ນະຄອນຫຼວງ; ລັດຖະທໍາມະນູນ ແມ່ນກົດໝາຍແມ່ ຫຼື ແມ່ຂອງກົດໝາຍ ໂດຍອີງໃສ່ລັດຖະທໍາມະນູນ ລັດເຮົາໄດ້ຄົ້ນຄວ້າ ແລະ ປະກາດໃຊ້ກົດໝາຍໃນແຕ່ລະຂະແໜງການ, ແຕ່ລະຂົງເຂດ ໄດ້ທັງໝົດ 171 ສະບັບ. ໃນນັ້ນ, ຂົງເຂດການປົກຄອງ ແລະ ຍຸຕິທໍາ 32 ສະບັບ, ຂົງເຂດເສດຖະກິດ 77 ສະບັບ, ຂົງເຂດວັດທະນະທໍາ-ສັງຄົມ 45 ສະບັບ, ຂົງເຂດປ້ອງກັນຊາດ-ປ້ອງກັນຄວາມສະຫງົບ 12 ສະບັບ, ຂົງເຂດການຕ່າງປະເທດ 5 ສະບັບ; ລັດຖະທຳມະນູນແມ່ນນິຕິກຳສູງສຸດຂອງລັດເຮົາ, ກົດໝາຍວ່າດ້ວຍການສ້າງນິຕິກຳ ສະບັບເລກທີ 06/ສພຊ, ລົງວັນທີ 16 ພະຈິກ 2021 ມາດຕາ 4 ໄດ້ກຳນົດລະບົບນິຕິກຳທີ່ມີຜົນບັງຄັບໃຊ້ທົ່ວໄປຂອງປະເທດເຮົາ. ພ້ອມນັ້ນ, ສະຫາຍຍັງໄດ້ຍົກໃຫ້ເຫັນການຕີລາຄາດ້ານດີ ແລະ ດ້ານອ່ອນການຈັດຕັ້ງປະຕິບັດຕະຫຼອດ 34 ປີ, ບົດຮຽນທີ່ຖອດຖອນໄດ້ ແລະ ເນື້ອໃນສໍາຄັນຂອງລັດຖະທໍາມະນູນສະບັບປັບປຸງ ປີ 2025. ພ້ອມນັ້ນ, ສະຫາຍ ໂພໄຊ ໄຊຍະສອນ ຍັງໄດ້ເຜີຍແຜ່ລັດຖະທໍາມະນູນແຫ່ງ ສປປ ລາວ ສະບັບປີ 2025 ຕື່ມອີກ.
ການຈັດປາຖະກະຖາໃນຄັ້ງນີ້, ເພື່ອໃຫ້ຄະນະພັກ, ສະມາຊິກພັກ, ພະນັກງານ-ລັດຖະກອນ ກະຊວງ ຮສສ ໄດ້ຮັບຮູ້, ເຂົ້າໃຈຄວາມໝາຍ-ຄວາມສໍາຄັນ ຂອງວັນດັ່ງກ່າວ, ພ້ອມກໍາແໜ້ນໄດ້ເນື້ອໃນຈິດໃຈຢ່າງກວ້າງຂວາງ ເພື່ອນໍາໄປຈັດຕັ້ງປະຕິບັດເຂົ້າໃນວຽກງານຂອງຕົນຮັບຜິດຊອບ.
(ຂ່າວ-ພາບ: ວັນເພັງ)
ຄໍາເຫັນ