ກະຊວງແຮງງານ ແລະ ສະຫວັດດີການສັງຄົມຮສສໄດ້ຈັດພິທີປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 75ປີແລະວັນເກີດປະທານຄຳໄຕສີພັນດອນຄົບຮອບ 100 ປີຂຶ້ນໃນວັນທີ 18 ມັງກອນນີ້ທີ່ກະຊວງແຮງງານ ແລະ ສະຫວັດດີການສັງຄົມ ໃຫ້ກຽດປາຖະກະຖາໂດຍສະຫາຍພົນໂທແສງນວນໄຊຍະລາດເລຂາຄະນະພັກປະທານສະຫະພັນນັກຮົບເກົ່າແຫ່ງຊາລາວ,ມີສະຫາຍປະເດີມພອນສົນທະນີຮອງເລຂາຄະນະພັກຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມພ້ອມດ້ວຍຄະນະພັກ,ພະນັກງານເຂົ້າຮ່ວມ.
ສະຫາຍພົນໂທແສງນວນໄຊຍະລາດໄດ້ເລົ່າຫວນຄືນປະຫວັດມູນເຊື້ອແຫ່ງການກຳເນີດເຕີບໃຫຍ່ຂະຫຍາຍຕົວແລະ ຜົນງານການເຄື່ອນໄຫວສູ້ຮົບຂອງກອງທັບປະຊາຊົນລາວແຕ່ລະໄລຍະ ເລີ່ມແຕ່ວັນສ້າງຕັ້ງຈົນເຖິງປັດຈຸບັນ ເພື່ອໃຫ້ພະນັກງານກະຊວງ ຮສສໄດ້ຮັບຮູ້ເຊື່ອມຊຶມເຂົ້າໃຈຕໍ່ຄວາມໝາຍຄວາມສຳຄັນຂອງວັນດັ່ງກ່າວ ຊຶ່ງກອງທັບປະຊາຊົນລາວໄດ້ກຳເນີດ ແລະ ເຕີບໃຫຍ່ຂະຫຍາຍຕົວພາຍໃຕ້ຮົ່ມທຸງພັກ, ຂອງພັກປະຊາຊົນ ປະຕິວັດລາວ ກຳເນີດມາຈາກປະຊາຊົນ, ຮັບໃຊ້ປະຊາຊົນເພື່ອຜົນປະໂຫຍດຂອງປະຊາຊົນ, ພາຍໃຕ້ການຊີ້ນຳໂດຍກົງຮອບດ້ານຂອງພັກປະຊາຊົນ ປະຕິວັດລາວໂດຍແມ່ນປະທານ ໄກສອນ ພົມວິຫານ ເປັນຜູ້ປະກາດສ້າງຕັ້ງຂຶ້ນໃນວັນທີ 20 ມັງກອນ ປີ 1949 ຢູ່ເຂດທີ່ໝັ້ນຕາແສງລາວຮຸ່ງ ເມືອງຊຽງຄໍ້ ແຂວງຫົວພັນ ບົນດິນແດນວິລະຊົນຄົນກ້ານັບແຕ່ນັ້ນມາ ກອງທັບກໍໄດ້ຮັບການປັບປຸງກໍ່ສ້າງ ແລະ ເຕີບໃຫຍ່ຂະຫຍາຍຕົວທາງດ້ານປະລິມານ ແລະ ຄຸນນະພາບ ເຮັດໜ້າທີ່ໂຄສະນາຂົນຂວາຍກໍ່ສ້າງຮາກຖານການເມືອງ ປຸກລະດົມປະຊາຊົນທັງຕໍ່ສູ້ຕ້ານພວກຈັກກະພັດລ່າເມືອງຂຶ້ນແບບເກົ່າ ແລະ ໃໝ່ຢ່າງບໍ່ຮູ້ອິດບໍ່ຮູ້ເມື່ອຍ, ຍິ່ງຕີຍິ່ງໄດ້ຮັບໄຊຊະນະ, ຍິ່ງຕີຍິ່ງມີບົດຮຽນ, ຍິ່ງຕີຍິ່ງມີຄວາມເຂັ້ມແຂງ ເຮັດໃຫ້ການຕໍ່ສູ້ມີຂະບວນການອັນລະອິດລະອ້ຽວຄ່ຽວຂາດເຕັມໄປດ້ວຍຄວາມອົງອາດກ້າແກ່ນບໍ່ຫວັ່ນໄຫວຕໍ່ອຸປະສັກໃດໆ, ຍິ່ງຕີຍິ່ງມີຄວາມຄຽດແຄ້ນນັບທັງກອງທັບ ນັບທັງປະຊາຊົນເຮັດໃຫ້ການຕໍ່ສູ້ຍິ່ງມີຄວາມໝັ້ນໃຈ, ດ້ວຍນ້ຳໃຈເສຍສະຫຼະເພື່ອກອບກູ້ເອົາເອກະລາດ, ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຕົນມາສູ່ປະຊາຊົນລາວບັນດາເຜົ່າ ນັບແຕ່ເໜືອຕະຫຼອດໃຕ້. ຜ່ານຂະບວນວິວັດແຫ່ງການຕໍ່ສູ້ອັນອົງອາດກ້າແກ່ນ, ລະອິດລະອ້ຽວ ແລະ ຍືດເຍື້ອຍາວນານຂອງກອງທັບກັບປະຊາຊົນລາວບັນດາເຜົ່າ ໂດຍພາຍໃຕ້ການຊີ້ນຳ-ນຳພາອັນປີຊາສາມາດສະຫຼາດສ່ອງໃສຂອງພັກປະຊາຊົນ ປະຕິວັດລາວ ຈຶ່ງເຮັດໃຫ້ພາລະກິດຂອງຊາດມີຜົນສຳເລັດ ສາມາດຍາດໄດ້ເອກະລາດ ປະຊາທິປະໄຕ ແລະ ຜືນແຜ່ນດິນອັນຄົບຖ້ວນມາສູ່ປະຊາຊົນ ປະກາດສະຖາປະນາເປັນປະເທດສາທາລະນະລັດ ປະຊາທິປະໄຕ ປະຊາຊົນລາວຢ່າງສະຫງ່າຜ່າເຜີຍໃນວັນທີ 2 ທັນວາປີ 1975. ນັບແຕ່ນັ້ນມາປະຊາຊົນລາວບັນດາເຜົ່າໄດ້ມີຄວາມພາກພູມໃຈທີ່ໄດ້ເປັນເຈົ້າຂອງປະເທດຊາດຢ່າງແທ້ຈິງ. ຕະຫຼອດໄລຍະ 75 ປີກອງທັບປະຊາຊົນລາວ ໄດ້ຮັບການປັບປຸງກໍ່ສ້າງ ແລະ ຍົກລະດັບທາງດ້ານປະລິມານ ແລະ ຄຸນນະພາບ ກາຍເປັນກອງທັບທີ່ມີຄວາມເຂັ້ມແຂງ ແລະ ທັນສະໄໝ.
ໃນໂອກາດນີ້, ສະຫາຍຍັງໄດ້ຍົກໃຫ້ເຫັນ ເຖິງຄຸນງາມຄວາມດີຂອງ ປະທານ ຄຳໄຕ ສີພັນດອນ ທີ່ມີຕໍ່ປະເທດຊາດ ແນໃສ່ຮຽນຮູ້ ແລະ ນຳເອົາແບບຢ່າງທີ່ດີຂອງເພີ່ນມາໝູນໃຊ້ເຂົ້າໃນການຈັດຕັ້ງ,ເຄື່ອນໄຫວ ແລະ ການດຳລົງຊີວິດຂອງພະນັກງານ,ສະມາຊິກພັກ,ປະຊາຊົນ ແລະ ຊັ້ນຄົນຕ່າງໆ ເພື່ອສືບຕໍ່ພັດທະນາປະເທດ ກ້າວຂຶ້ນຕາມອຸດົມການຂອງພັກຢ່າງມີໄຊ. ປະທານ ຄຳໄຕ ສີພັນດອນ ແມ່ນຜູ້ໜຶ່ງ ໃນບັນດາຜູ້ນຳຮຸ່ນກໍ່ຕັ້ງຂະບວນການ ແລະ ບຸກເບີກເສັ້ນທາງປະຕິວັດ ຢູ່ປະເທດເຮົາຊື່ງເວລາໃດກໍໜັກແໜ້ນທາງດ້ານການເມືອງ,ສະຕິຕໍ່ການຈັດຕັ້ງ,ມີຄວາມຮັບຜິດຊອບສູງຕໍ່ໜ້າທີ່ ທີ່ໄດ້ຮັບມອບໝາຍ,ເລີ່ມຈາກພະນັກງານທຳມະດາກາຍເປັນຜູ້ຊີ້ນຳ-ບັນຊາ ແລະ ນຳພາຂະບວນການຕໍ່ສູ້ປົດປ່ອຍຊາດ,ຄຽງບ່າຄຽງໄຫຼ່ກັບ ປະທານ ໄກສອນ ພົມວິຫານ,ປະທານ ສຸພາ ນຸວົງ ແລະ ຜູ້ນໍາຄົນອື່ນໆ ຂອງແນວລາວຮັກຊາດ ໄດ້ຮັບໄຊຊະນະສະຖາປະນາ ສປປ ລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975, ຕໍ່ຈາກນັ້ນ ກໍໄດ້ປະກອບສ່ວນຄົ້ນຄວ້າ ແລະ ກຳນົດທິດທາງຍຸດທະສາດ ປົກປັກຮັກສາ ແລະ ສ້າງສາພັດທະນາປະເທດຊາດ ລວມທັງແນວທາງປ່ຽນແປງໃໝ່ອອກຢ່າງຖືກຕ້ອງ,ສອດຄ່ອງທັງໄດ້ນຳພາ-ຊີ້ນຳ ການຈັດຕັ້ງປະຕິບັດໄດ້ຮັບຜົນສຳເລັດໃນຫຼາຍດ້ານ.
ການຈັດປາຖະກະຖາໃນຄັ້ງນີ້: ເພື່ອເຮັດໃຫ້ຄະນະພັກ,ສະມາຊິກພັກ-ພະນັກງານ ກະຊວງ ຮສສໄດ້ນຳເອົານໍ້າໃຈເສຍສະຫຼະ,ຄຸນສົມບັດສິນທຳປະຕິວັດ, ແບບແຜນນຳພາ, ແບບແຜນວິທີເຮັດວຽກ ແລະ ແບບແຜນການດຳລົງຊີວິດຕະຫຼອດຮອດແນວຄິດຊີ້ນໍາຂອງເພິ່ນ ໄປຮໍ່າຮຽນ, ເປັນແວ່ນແຍງ ແລະ ເປັນການຜັນຂະຫຍາຍ ເພື່ອນຳໄປປະຕິບັດໜ້າທີ່ຂອງຕົນໃຫ້ມີຜົນສຳເລັດ.
ຂ່າວ-ຮູບ: ບຸນຕອມ.
ສະຫາຍພົນໂທແສງນວນໄຊຍະລາດໄດ້ເລົ່າຫວນຄືນປະຫວັດມູນເຊື້ອແຫ່ງການກຳເນີດເຕີບໃຫຍ່ຂະຫຍາຍຕົວແລະ ຜົນງານການເຄື່ອນໄຫວສູ້ຮົບຂອງກອງທັບປະຊາຊົນລາວແຕ່ລະໄລຍະ ເລີ່ມແຕ່ວັນສ້າງຕັ້ງຈົນເຖິງປັດຈຸບັນ ເພື່ອໃຫ້ພະນັກງານກະຊວງ ຮສສໄດ້ຮັບຮູ້ເຊື່ອມຊຶມເຂົ້າໃຈຕໍ່ຄວາມໝາຍຄວາມສຳຄັນຂອງວັນດັ່ງກ່າວ ຊຶ່ງກອງທັບປະຊາຊົນລາວໄດ້ກຳເນີດ ແລະ ເຕີບໃຫຍ່ຂະຫຍາຍຕົວພາຍໃຕ້ຮົ່ມທຸງພັກ, ຂອງພັກປະຊາຊົນ ປະຕິວັດລາວ ກຳເນີດມາຈາກປະຊາຊົນ, ຮັບໃຊ້ປະຊາຊົນເພື່ອຜົນປະໂຫຍດຂອງປະຊາຊົນ, ພາຍໃຕ້ການຊີ້ນຳໂດຍກົງຮອບດ້ານຂອງພັກປະຊາຊົນ ປະຕິວັດລາວໂດຍແມ່ນປະທານ ໄກສອນ ພົມວິຫານ ເປັນຜູ້ປະກາດສ້າງຕັ້ງຂຶ້ນໃນວັນທີ 20 ມັງກອນ ປີ 1949 ຢູ່ເຂດທີ່ໝັ້ນຕາແສງລາວຮຸ່ງ ເມືອງຊຽງຄໍ້ ແຂວງຫົວພັນ ບົນດິນແດນວິລະຊົນຄົນກ້ານັບແຕ່ນັ້ນມາ ກອງທັບກໍໄດ້ຮັບການປັບປຸງກໍ່ສ້າງ ແລະ ເຕີບໃຫຍ່ຂະຫຍາຍຕົວທາງດ້ານປະລິມານ ແລະ ຄຸນນະພາບ ເຮັດໜ້າທີ່ໂຄສະນາຂົນຂວາຍກໍ່ສ້າງຮາກຖານການເມືອງ ປຸກລະດົມປະຊາຊົນທັງຕໍ່ສູ້ຕ້ານພວກຈັກກະພັດລ່າເມືອງຂຶ້ນແບບເກົ່າ ແລະ ໃໝ່ຢ່າງບໍ່ຮູ້ອິດບໍ່ຮູ້ເມື່ອຍ, ຍິ່ງຕີຍິ່ງໄດ້ຮັບໄຊຊະນະ, ຍິ່ງຕີຍິ່ງມີບົດຮຽນ, ຍິ່ງຕີຍິ່ງມີຄວາມເຂັ້ມແຂງ ເຮັດໃຫ້ການຕໍ່ສູ້ມີຂະບວນການອັນລະອິດລະອ້ຽວຄ່ຽວຂາດເຕັມໄປດ້ວຍຄວາມອົງອາດກ້າແກ່ນບໍ່ຫວັ່ນໄຫວຕໍ່ອຸປະສັກໃດໆ, ຍິ່ງຕີຍິ່ງມີຄວາມຄຽດແຄ້ນນັບທັງກອງທັບ ນັບທັງປະຊາຊົນເຮັດໃຫ້ການຕໍ່ສູ້ຍິ່ງມີຄວາມໝັ້ນໃຈ, ດ້ວຍນ້ຳໃຈເສຍສະຫຼະເພື່ອກອບກູ້ເອົາເອກະລາດ, ອຳນາດອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຕົນມາສູ່ປະຊາຊົນລາວບັນດາເຜົ່າ ນັບແຕ່ເໜືອຕະຫຼອດໃຕ້. ຜ່ານຂະບວນວິວັດແຫ່ງການຕໍ່ສູ້ອັນອົງອາດກ້າແກ່ນ, ລະອິດລະອ້ຽວ ແລະ ຍືດເຍື້ອຍາວນານຂອງກອງທັບກັບປະຊາຊົນລາວບັນດາເຜົ່າ ໂດຍພາຍໃຕ້ການຊີ້ນຳ-ນຳພາອັນປີຊາສາມາດສະຫຼາດສ່ອງໃສຂອງພັກປະຊາຊົນ ປະຕິວັດລາວ ຈຶ່ງເຮັດໃຫ້ພາລະກິດຂອງຊາດມີຜົນສຳເລັດ ສາມາດຍາດໄດ້ເອກະລາດ ປະຊາທິປະໄຕ ແລະ ຜືນແຜ່ນດິນອັນຄົບຖ້ວນມາສູ່ປະຊາຊົນ ປະກາດສະຖາປະນາເປັນປະເທດສາທາລະນະລັດ ປະຊາທິປະໄຕ ປະຊາຊົນລາວຢ່າງສະຫງ່າຜ່າເຜີຍໃນວັນທີ 2 ທັນວາປີ 1975. ນັບແຕ່ນັ້ນມາປະຊາຊົນລາວບັນດາເຜົ່າໄດ້ມີຄວາມພາກພູມໃຈທີ່ໄດ້ເປັນເຈົ້າຂອງປະເທດຊາດຢ່າງແທ້ຈິງ. ຕະຫຼອດໄລຍະ 75 ປີກອງທັບປະຊາຊົນລາວ ໄດ້ຮັບການປັບປຸງກໍ່ສ້າງ ແລະ ຍົກລະດັບທາງດ້ານປະລິມານ ແລະ ຄຸນນະພາບ ກາຍເປັນກອງທັບທີ່ມີຄວາມເຂັ້ມແຂງ ແລະ ທັນສະໄໝ.
ໃນໂອກາດນີ້, ສະຫາຍຍັງໄດ້ຍົກໃຫ້ເຫັນ ເຖິງຄຸນງາມຄວາມດີຂອງ ປະທານ ຄຳໄຕ ສີພັນດອນ ທີ່ມີຕໍ່ປະເທດຊາດ ແນໃສ່ຮຽນຮູ້ ແລະ ນຳເອົາແບບຢ່າງທີ່ດີຂອງເພີ່ນມາໝູນໃຊ້ເຂົ້າໃນການຈັດຕັ້ງ,ເຄື່ອນໄຫວ ແລະ ການດຳລົງຊີວິດຂອງພະນັກງານ,ສະມາຊິກພັກ,ປະຊາຊົນ ແລະ ຊັ້ນຄົນຕ່າງໆ ເພື່ອສືບຕໍ່ພັດທະນາປະເທດ ກ້າວຂຶ້ນຕາມອຸດົມການຂອງພັກຢ່າງມີໄຊ. ປະທານ ຄຳໄຕ ສີພັນດອນ ແມ່ນຜູ້ໜຶ່ງ ໃນບັນດາຜູ້ນຳຮຸ່ນກໍ່ຕັ້ງຂະບວນການ ແລະ ບຸກເບີກເສັ້ນທາງປະຕິວັດ ຢູ່ປະເທດເຮົາຊື່ງເວລາໃດກໍໜັກແໜ້ນທາງດ້ານການເມືອງ,ສະຕິຕໍ່ການຈັດຕັ້ງ,ມີຄວາມຮັບຜິດຊອບສູງຕໍ່ໜ້າທີ່ ທີ່ໄດ້ຮັບມອບໝາຍ,ເລີ່ມຈາກພະນັກງານທຳມະດາກາຍເປັນຜູ້ຊີ້ນຳ-ບັນຊາ ແລະ ນຳພາຂະບວນການຕໍ່ສູ້ປົດປ່ອຍຊາດ,ຄຽງບ່າຄຽງໄຫຼ່ກັບ ປະທານ ໄກສອນ ພົມວິຫານ,ປະທານ ສຸພາ ນຸວົງ ແລະ ຜູ້ນໍາຄົນອື່ນໆ ຂອງແນວລາວຮັກຊາດ ໄດ້ຮັບໄຊຊະນະສະຖາປະນາ ສປປ ລາວ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975, ຕໍ່ຈາກນັ້ນ ກໍໄດ້ປະກອບສ່ວນຄົ້ນຄວ້າ ແລະ ກຳນົດທິດທາງຍຸດທະສາດ ປົກປັກຮັກສາ ແລະ ສ້າງສາພັດທະນາປະເທດຊາດ ລວມທັງແນວທາງປ່ຽນແປງໃໝ່ອອກຢ່າງຖືກຕ້ອງ,ສອດຄ່ອງທັງໄດ້ນຳພາ-ຊີ້ນຳ ການຈັດຕັ້ງປະຕິບັດໄດ້ຮັບຜົນສຳເລັດໃນຫຼາຍດ້ານ.
ການຈັດປາຖະກະຖາໃນຄັ້ງນີ້: ເພື່ອເຮັດໃຫ້ຄະນະພັກ,ສະມາຊິກພັກ-ພະນັກງານ ກະຊວງ ຮສສໄດ້ນຳເອົານໍ້າໃຈເສຍສະຫຼະ,ຄຸນສົມບັດສິນທຳປະຕິວັດ, ແບບແຜນນຳພາ, ແບບແຜນວິທີເຮັດວຽກ ແລະ ແບບແຜນການດຳລົງຊີວິດຕະຫຼອດຮອດແນວຄິດຊີ້ນໍາຂອງເພິ່ນ ໄປຮໍ່າຮຽນ, ເປັນແວ່ນແຍງ ແລະ ເປັນການຜັນຂະຫຍາຍ ເພື່ອນຳໄປປະຕິບັດໜ້າທີ່ຂອງຕົນໃຫ້ມີຜົນສຳເລັດ.
ຂ່າວ-ຮູບ: ບຸນຕອມ.
ຄໍາເຫັນ