ເຮືອ​ບິນ​ຂົນ​ສົ່ງ​ບໍ່​ມີ​ຄົນ​ຂັບ ທີ່​ຈີນ​ຜະ​ລິດໄດ້​​ທົດ​ລອງ​ບິນ​ເປັນ​ຄັ້ງ​ທຳ​ອິດ

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 23 ສິງຫາ ຜ່ານມາວ່າ: ໃນ​ວັນ​ທີ 21 ສິງ​ຫາ ຜ່ານມາ, ທ່ານ ມາກ ຄາ​ນີ ນາ​ຍົກ​ລັດ​ຖະ​ມົນ​ຕີ​ກາ​ນາ​ດາ​ຢືນຢັນ​ວ່າ: ການາດາ​ໄດ້​ຕົກ​ລົງ​ຢຸດ​ຕິ​ຊົ່ວ​ຄາວໃນ​ການ​ເຈ​ລະ​ຈາ​ການ​ຄ້າ​ກັບ​ອາ​ເມ​ຣິ​ກາ ພ້ອມ​ທັງ​ໄດ້​ຮຽກ​ຄະ​ນະ​ເຈ​ລະ​ຈາ​ກັບຄືນ.

ສຳນັກຂ່າວສານຊິນຮວາລາຍງານຫວ່າງມໍ່ໆມານີ້ວ່າ: ອົງການຄຸ້ມຄອງໂທລະຄົມມະນາຄົມກຳປູເຈຍ ກຳລັງຮຽກຮ້ອງໃຫ້ຜູ້ໃຊ້ສື່ສັງຄົມອອນລາຍເພີ່ມຄວາມລະມັດລະວັງການໂຄສະນາຫຼອກລວງ ແລະ ການສະເໜີການບໍລິການແບບມີຄ່າທຳນຽມ ຊຶ່ງອ້າງວ່າຈະປົກປ້ອງບັນຊີຜູ້ໃຊ້ງານ ແລະ ໜ້າເພຈບໍ່ໃຫ້ຖືກປິດ, ໂຈະ, ລຶບ ຫຼື ການສູນເສຍ.

ສຳນັກຂ່າວສານຊິນຮວາລາຍງານໃນທ້າຍອາທິດຜ່ານມາວ່າ: ສະຖາບັນຄົ້ນຄວ້າເສດຖະກິດ ແລະ ຕະຫຼາດໂລກ ຂອງທະນາຄານ UOB ປະເທດສິງກະໂປ ລາຍງານວ່າ, ກຸ່ມປະເທດອາຊຽນ-5 (ASEAN-5) ຄື: ອິນໂດເນເຊຍ, ສິງກະໂປ, ມາເລເຊຍ, ໄທ ແລະ ຫວຽດນາມ ມີຍອດເກີນດຸນການຄ້າໂດຍລວມ 156 ຕື້ໂດລາ ໃນປີ 2025 ຊຶ່ງເຕີບໂຕເປັນປີທີ 11 ຕິດຕໍ່ກັນນັບຕັ້ງແຕ່ປີ 2014 ແລະ ອັດຕາການເຕີບໂຕປະຈໍາປີ (CAGR) 8.3%.

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 22 ສິງຫາ ຜ່ານມາວ່າ: ຫວ່າງມໍ່ໆມານີ້ ​ຢູ່​ນະ​ຄອນ​ຫຼວງ​ຈາ​ກາ​ຕາ​ປະເທດ​ອິນ​ໂດ​ເນ​ເຊຍ, ທ່ານ ວາງ​ຢີ້ ກຳ​ມະ​ການ​ກົມ​ການ​ເມືອງ​ສູນ​ກາງ​ພັກ​ກອມ​ມູ​ນິດ​ຈີນ ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຈີນ​ໄດ້​ຮ່ວມ​ກັບທ່ານ ຊູ​ຈິ​ໂອ​ໂນ ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ອິນ​ໂດ​ເນ​ເຊຍ ​ເປັນ​ປະ​ທານ​​ກອງ​ປະ​ຊຸມ​ກົນ​ໄກ​ສົນ​ທະ​ນາ​ຍຸດ​ທະ​ສາດ​ຮອບ​ດ້ານ​ຈີນ-ອິນ​ໂດ​ເນ​ເຊຍ​ຄັ້ງ​ທຳ​ອິດ. ສອງ​ຝ່າຍ​ໄດ້​​ແລກ​ປ່ຽນ​ຄວາມ​ຄິດ​ຄວາມ​ເຫັນຢ່າງ​ເລິກ​ເຊິ່ງ​ກ່ຽວ​ກັບ​ການ​ຊຸກ​ຍູ້​ການ​ສ້າງຄູ່​ຮ່ວມ​ຊາ​ຕາ​ກຳ​ຈີນ-ອິນ​ໂດ​ເນ​ເຊຍ ​ແລະ​ ໄດ້​ບັນ​ລຸ​ຄວາມ​ຮັບ​ຮູ້​ທີ່​ເປັນ​ເອ​ກະ​ພາບ​ກັນ​ຢ່າງກວ້າງ​ຂວາງ.

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 23 ສິງຫາ ຜ່ານມາ ໃນກອງປະຊຸມວິສາມັນຄັ້ງປະ​ຖົມ​ມະ​ລືກ ຂອງສະພາແຫ່ງຊາດ ຫວຽດນາມ ຊຸດທີ XVI ທີ່ຈັດຂຶ້ນຢູ່ນະຄອນຫຼວງຮ່າ​ໂນ້ຍ, ສະພາແຫ່ງຊາດ ໄດ້ລົງຄະແນນສຽງຮັບຮອງເອົາ ກົດໝາຍວ່າດ້ວຍພາສີ (ສະບັບປັບປຸງ ແລະ ເພີ່ມເຕີມ), ກົດໝາຍວ່າດ້ວຍນ້ຳມັນເຊື້ອໄຟ (ສະບັບປັບປຸງ) ແລະ ກົດໝາຍວ່າດ້ວຍການເຜີຍແຜ່ ແລະ ສຶກສາອົບຮົມກົດໝາຍ (ສະບັບປັບປຸງ). ກົດໝາຍເຫຼົ່ານີ້ ຈະມີຜົນສັກສິດ ນັບຕັ້ງແຕ່ວັນທີ 1 ມີນາ 2027 ເປັນຕົ້ນໄປ.

ສຳນັກຂ່າວສານຊິນຮວາລາຍງານຫວ່າງບໍ່ດົນມານີ້ວ່າ: ທີມນັກຄົ້ນຄວ້າໃນອົສຕຣາລີໄດ້ພັດທະນາລະບົບບຳບັດນ້ຳຝົນທີ່ສາມາດປັບຕົວເຂົ້າກັບສະພາບອາກາດທີ່ປ່ຽນແປງໄດ້ໂດຍອັດຕະໂນມັດ, ຊ່ວຍປັບປຸງຄວາມສາມາດໃນການກຳຈັດມົນລະພິດທີ່ເປັນອັນຕະລາຍກ່ອນທີ່ພວກມັນຈະຖືກປ່ອຍອອກສູ່ທຳມະຊາດຢ່າງຫຼວງຫຼາຍ.

ສຳນັກຂ່າວສານຊິນຮວາລາຍງານໃນວັນທີ 17 ສິງຫາຜ່ານມາວ່າ: ກະຊວງໄຟຟ້າ ແລະ ພະລັງງານ ຂອງມຽນມາໄດ້ປະກາດມາດຕະການຫຼຸດອັດຕາຄ່າໄຟຟ້າໃນຕອນກາງຄືນສຳລັບອຸດສາຫະກຳຂະໜາດໃຫຍ່ທີ່ຕ້ອງການການໃຊ້ໄຟຟ້າຢ່າງຫຼວງຫຼາຍ.

ສຳນັກຂ່າວສານຊິນຮວາລາຍງານໃນວັນທີ 18 ສິງຫາຜ່ານມາວ່າ: ເຈົ້າໜ້າທີ່ສາທາລະນະສຸກຂອງ ສາທາລະນະລັດ ປະຊາທິປະໄຕ ກົງໂກ ຫຼື DR Congo ລາຍງານວ່າ, ຈຳນວນຜູ້ຕິດພະຍາດອີໂບລາທີ່ໄດ້ຮັບການຢືນຢັນແລ້ວໄດ້ເກີນ 5,000 ຄົນ ຊຶ່ງລວມທັງຜູ້ເສຍຊີວິດຫຼາຍກວ່າ 2,320 ຄົນ, ໃນ 6 ແຂວງຄື: ອີຕູຣີ, ກີວູເໜືອ, ກີວູໃຕ້, ຮາວ - ອູເອເລ, ບາສ-ຮູເອເລ ແລະ ໂຊໂປ.

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນເວລາ 7 ໂມງ 35 ນາທີຂອງວັນທີ 19 ສິງຫາ ຜ່ານມາ ຕາມເວລາປັກກິ່ງ, ຈະຫຼວດສົ່ງຍານຈູ່ເຊ້-3-Y2 ໄດ້ຖືກຍິງສົ່ງຂຶ້ນສູ່ອະວະກາດຢູ່ເຂດທົດລອງປະດິດສ້າງການບິນອະວະກາດການຄ້າຕົ່ງເຟີ່ງ, ການບິນທັງໝົດຂອງຈະຫຼວດແມ່ນເປັນປົກກະຕິ.

ວິທະຍຸກະຈາຍສຽງຫວຽດນາມລາຍງານວ່າ: ໃນວັນ​ທີ 18 ສິງ​ຫາ​ ຜ່ານມາ, ຕະ​ຫຼາດ​ເຕັກ​ໂນ​ໂລ​ຊີ ຫວຽດ​ນາມ ໄດ້​ຮັບ​ຮູ້​ຂີດ​ໝາຍ​ໃໝ່​, ເມື່ອ startup ເຕັກ​ໂນ​ໂລ​ຊີ Viet EON Tech ກາຍ​ເປັນ​ວິ​ສາ​ຫະ​ກິດ​ພາຍ​ໃນ​ປະ​ເທດ​ແຫ່ງ​ທີ​ສອງ ທີ່ບັນ​ລຸ​ມາດ​ຖານ​ຄູ່​ຮ່ວມ​ມື​ທົ່ວ​ໂລກ​ຂອງ​ອົງ​ການ​ພັດ​ທະ​ນາ ChatGPT (OpenAI).