ທ່ານເລຂາທິການໃຫຍ່ປະທານປະເທດ ຫວຽດນາມ ເນັ້ນໜັກວ່າ: ຈາກປະເທດທີ່ຮັບການໜູນຊ່ວຍ, ຫວຽດນາມ ໄດ້ຫັນໄປສູ່ການເປັນສະມາຊິກທີ່ຕັ້ງໜ້າ, ປະກອບສ່ວນຢ່າງຕັ້ງໜ້າ ແລະ ມີຄວາມຮັບຜິດຊອບເຂົ້າໃນການປັບປຸງບົດບາດໃຈກາງຂອງ ສະຫະປະຊາຊາດ, ສະໜັບສະໜູນ "ຂໍ້ລິເລີ່ມປະຕິຮູບ UN80" ເພື່ອຫັນບັນດາການເຄື່ອນໄຫວຂອງອົງການໃຫ້ມີປະສິດທິຜົນ. ຫວຽດນາມ ຈະສືບຕໍ່ເຂົ້າຮ່ວມ ການເຄື່ອນໄຫວຮັກສາສັນຕິພາບຢ່າງເລິກເຊິ່ງກວ່າເກົ່າ, ສະໜອງສຳນັກງານເຮັດວຽກໂດຍບໍ່ເກັບຄ່າໃຫ້ແກ່ບັນດາອົງການສະຫະປະຊາຊາດປະຈຳນະຄອນຫຼວງຮ່າໂນ້ຍ ເປັນເວລາ 10 ປີດ້ວຍມູນຄ່າປະມານ 3 ລ້ານໂດລາ, ປະກອບສ່ວນເງິນຈຳນວນເກືອບ 1,3 ລ້ານໂດລາ ເຂົ້າງົບປະມານຮັກສາສັນຕິພາບສາກົນ ແລະ ພ້ອມແລ້ວທີ່ຈະເປັນເຈົ້າພາບຈັດບັນດາກອງປະຊຸມໃຫຍ່.
ສ່ວນທ່ານເລຂາທິການໃຫຍ່ສະຫະປະຊາຊາດ ໄດ້ຢືນຢັນວ່າ: ຫວຽດນາມ ໄດ້ກາຍເປັນເສົາຄ້ຳທີ່ສຳຄັນຂອງລັດທິຫຼາຍຝ່າຍ ດ້ວຍການພົວພັນຮ່ວມມືແບບພິເສດ ແລະ ມີຄວາມແຕກຕ່າງ.
ຄໍາເຫັນ