ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 12 ພຶດສະພາ ຜ່ານມາຢູ່ນະຄອນຮະລອງແຂວງ ກວາງນິງໄດ້ດຳເນີນວັນ ຫວຽດນາມ ແລະ ສະຫະພາບເອີຣົບ (ອີຢູ) ຮ່ວມແຮງຮ່ວມໃຈເພື່ອສິ່ງແວດລ້ອມທີ່ສະອາດ. ນີ້ຖືວ່າເປັນຄັ້ງທຳອິດທີ່ກະຊວງການຕ່າງປະເທດ ຫວຽດນາມ ແລະ ຄະນະສະຫະພາບເອີຣົບ ປະຈຳ ຮ່າໂນ້ຍ ໄດ້ສົມທົບກັນຈັດຕັ້ງຂຶ້ນ.
ຂ່າວລະບຸວ່າ: ດ້ວຍຫົວຂໍ້: “ຫວຽດນາມ - ອີຢູ: ຮ່ວມແຮງຮ່ວມໃຈເພື່ອສິ່ງແວດລ້ອມທີ່ສະອາດ”, ເຫດການດັ່ງກ່າວແມ່ນແນໃສ່ຍົກສູງຄວາມຮັບຮູ້ຂອງປະຊາຄົມວິສາຫະກິດ ແລະ ປະຊາຊົນກ່ຽວກັບການປະພຶດຢ່າງມີຄວາມຮັບຜິດຊອບຕໍ່ສິ່ງແວດລ້ອມ, ລະບົບນິເວດທຳມະຊາດເວົ້າລວມ ແລະ ສິ່ງແວດລ້ອມທະເລເວົ້າສະເພາະ, ປະກອບສ່ວນສະກັດກັ້ນມົນລະພິດ ແລະ ການຊຸດໂຊມຂອງສິ່ງແວດລ້ອມທະເລ. ໂດຍແມ່ນສະມາຊິກທີ່ຕັ້ງໜ້າ, ມີຄວາມຮັບຜິດຊອບຂອງປະຊາຄົມສາກົນ, ຫວຽດນາມ ໃຫ້ຄຳໝັ້ນສັນຍາປະຕິບັດການຫຼຸດຜ່ອນການປ່ອຍອາຍພິດລົງເປັນ 0 ແລະ ພວມສົມທົບກັນຢ່າງແໜ້ນແຟ້ນກັບບັນດາຄູ່ຮ່ວມມືສາກົນ, ໃນນັ້ນມີ ອີຢູ ແລະ ຫຼາຍປະເທດສະມາຊິກ ພ້ອມກັນປະຕິບັດເປົ້າໝາຍນີ້.
ທ່ານນາງ ເລທິທູຮັ່ງ ຮອງລັດຖະມົນຕີກະຊວງການຕ່າງປະເທດ ຫວຽດນາມ ໃຫ້ຮູ້ວ່າ: ໃນໄລຍະຜ່ານມາ, ອີຢູ ແລະ ບັນດາປະເທດສະມາຊິກ ໄດ້ຕັ້ງໜ້າໜູນຊ່ວຍ ຫວຽດນາມ ໃນຂົງເຂດນີ້ ຜ່ານບັນດາໂຄງການຮ່ວມມືພັດທະນາກ່ຽວກັບການຮັບມືກັບການປ່ຽນແປງຂອງດິນຟ້າອາກາດ, ອະນຸລັກຮັກສາຊີວະນາໆພັນ, ປົກປັກຮັກສາປ່າ, ກຳຈັດຂີ້ເຫຍື້ອສິ່ງເສດເຫຼືອ. ໃນວາລະປະຊຸມຄັ້ງທີ 4, ຄະນະກຳມະການປະສົມ ຫວຽດນາມ - ອີຢູ ໄດ້ຜັນຂະຫຍາຍສັນຍາຄູ່ຮ່ວມມື ແລະ ການຮ່ວມມືຢ່າງຮອບດ້ານ ຫວຽດນາມ - ອີຢູ ໃນເດືອນຕຸລາ 2023 ຜ່ານມາ, ສອງຝ່າຍໄດ້ເຫັນດີເປັນເອກະພາບນຳການຮ່ວມມືໃນການອະນຸລັກຮັກສາຊີວະນາໆພັນ, ກຳຈັດຂີ້ເຫຍື້ອສິ່ງເສດເຫຼືອຢູ່ທະເລ ໃຫ້ກາຍເປັນໜຶ່ງໃນບັນດາຂົງເຂດຮ່ວມມືບຸລິມະສິດ.
ສ່ວນທ່ານ ຈູລຽນ ແກຣເຣຍ ເອກອັກຄະລັດຖະທູດ ສະຫະພາບເອີຣົບ ປະຈຳ ຫວຽດນາມ ເນັ້ນໜັກວ່າ: ຫວຽດນາມ ໄດ້ສະແດງຄຳໝັ້ນສັນຍາຂອງຕົນໃນຂົງເຂດນີ້ຢ່າງແຂງແຮງ, ພິເສດແມ່ນສຳລັບຂໍ້ຕົກລົງປາຣີ, ບັນດາຍຸດທະສາດຊຶ່ງ ຫວຽດນາມ ໄດ້ວາງອອກ. ພວກຂ້າພະເຈົ້າຂໍສະແດງຄວາມຊົມເຊີຍຕໍ່ການຜັນຂະຫຍາຍບັນດາຂໍ້ລິເລີ່ມ, ນະໂຍບາຍ ແລະ ປາດຖະໜາວ່າ ຈະສືບຕໍ່ໜູນຊ່ວຍ ຫວຽດນາມ ໃນການປະຕິບັດສິ່ງດັ່ງກ່າວ.
ຂ່າວລະບຸວ່າ: ດ້ວຍຫົວຂໍ້: “ຫວຽດນາມ - ອີຢູ: ຮ່ວມແຮງຮ່ວມໃຈເພື່ອສິ່ງແວດລ້ອມທີ່ສະອາດ”, ເຫດການດັ່ງກ່າວແມ່ນແນໃສ່ຍົກສູງຄວາມຮັບຮູ້ຂອງປະຊາຄົມວິສາຫະກິດ ແລະ ປະຊາຊົນກ່ຽວກັບການປະພຶດຢ່າງມີຄວາມຮັບຜິດຊອບຕໍ່ສິ່ງແວດລ້ອມ, ລະບົບນິເວດທຳມະຊາດເວົ້າລວມ ແລະ ສິ່ງແວດລ້ອມທະເລເວົ້າສະເພາະ, ປະກອບສ່ວນສະກັດກັ້ນມົນລະພິດ ແລະ ການຊຸດໂຊມຂອງສິ່ງແວດລ້ອມທະເລ. ໂດຍແມ່ນສະມາຊິກທີ່ຕັ້ງໜ້າ, ມີຄວາມຮັບຜິດຊອບຂອງປະຊາຄົມສາກົນ, ຫວຽດນາມ ໃຫ້ຄຳໝັ້ນສັນຍາປະຕິບັດການຫຼຸດຜ່ອນການປ່ອຍອາຍພິດລົງເປັນ 0 ແລະ ພວມສົມທົບກັນຢ່າງແໜ້ນແຟ້ນກັບບັນດາຄູ່ຮ່ວມມືສາກົນ, ໃນນັ້ນມີ ອີຢູ ແລະ ຫຼາຍປະເທດສະມາຊິກ ພ້ອມກັນປະຕິບັດເປົ້າໝາຍນີ້.
ທ່ານນາງ ເລທິທູຮັ່ງ ຮອງລັດຖະມົນຕີກະຊວງການຕ່າງປະເທດ ຫວຽດນາມ ໃຫ້ຮູ້ວ່າ: ໃນໄລຍະຜ່ານມາ, ອີຢູ ແລະ ບັນດາປະເທດສະມາຊິກ ໄດ້ຕັ້ງໜ້າໜູນຊ່ວຍ ຫວຽດນາມ ໃນຂົງເຂດນີ້ ຜ່ານບັນດາໂຄງການຮ່ວມມືພັດທະນາກ່ຽວກັບການຮັບມືກັບການປ່ຽນແປງຂອງດິນຟ້າອາກາດ, ອະນຸລັກຮັກສາຊີວະນາໆພັນ, ປົກປັກຮັກສາປ່າ, ກຳຈັດຂີ້ເຫຍື້ອສິ່ງເສດເຫຼືອ. ໃນວາລະປະຊຸມຄັ້ງທີ 4, ຄະນະກຳມະການປະສົມ ຫວຽດນາມ - ອີຢູ ໄດ້ຜັນຂະຫຍາຍສັນຍາຄູ່ຮ່ວມມື ແລະ ການຮ່ວມມືຢ່າງຮອບດ້ານ ຫວຽດນາມ - ອີຢູ ໃນເດືອນຕຸລາ 2023 ຜ່ານມາ, ສອງຝ່າຍໄດ້ເຫັນດີເປັນເອກະພາບນຳການຮ່ວມມືໃນການອະນຸລັກຮັກສາຊີວະນາໆພັນ, ກຳຈັດຂີ້ເຫຍື້ອສິ່ງເສດເຫຼືອຢູ່ທະເລ ໃຫ້ກາຍເປັນໜຶ່ງໃນບັນດາຂົງເຂດຮ່ວມມືບຸລິມະສິດ.
ສ່ວນທ່ານ ຈູລຽນ ແກຣເຣຍ ເອກອັກຄະລັດຖະທູດ ສະຫະພາບເອີຣົບ ປະຈຳ ຫວຽດນາມ ເນັ້ນໜັກວ່າ: ຫວຽດນາມ ໄດ້ສະແດງຄຳໝັ້ນສັນຍາຂອງຕົນໃນຂົງເຂດນີ້ຢ່າງແຂງແຮງ, ພິເສດແມ່ນສຳລັບຂໍ້ຕົກລົງປາຣີ, ບັນດາຍຸດທະສາດຊຶ່ງ ຫວຽດນາມ ໄດ້ວາງອອກ. ພວກຂ້າພະເຈົ້າຂໍສະແດງຄວາມຊົມເຊີຍຕໍ່ການຜັນຂະຫຍາຍບັນດາຂໍ້ລິເລີ່ມ, ນະໂຍບາຍ ແລະ ປາດຖະໜາວ່າ ຈະສືບຕໍ່ໜູນຊ່ວຍ ຫວຽດນາມ ໃນການປະຕິບັດສິ່ງດັ່ງກ່າວ.
ຄໍາເຫັນ