ຫວຽດນາມ ແລະ ອາເມຣິກາ ເຊັນຂໍ້ຕົກລົງຮ່ວມມືມູນຄ່າ 37 ຕື້ກວ່າໂດລາ

10:19 20/02/2026

ວິທະຍຸກະຈາຍສຽງຫວຽດນາມລາຍງານວ່າ: ໃນຕອນແລງວັນທີ 18 ກຸມພາ ຜ່ານມາ, ຕາມເວລາທ້ອງຖິ່ນ ຢູ່ນະຄອນຫຼວງວໍຊິງຕັນ ດີຊີ (ສະຫະລັດ ອາເມຣິກາ), ບັນດາຄູ່ຮ່ວມມື ຫວຽດນາມ ແລະ ສະຫະລັດ ອາເມຣິກາ ໄດ້ເຊັນສັນຍາ, ຂໍ້ຕົກລົງຮ່ວມມືສະບັບຕ່າງໆໃນບັນດາຂົງເຂດຈຸດສຸມ ລວມມູນຄ່າທັງໝົດ 37.2 ຕື້ໂດລາ. ເຂົ້າຮ່ວມໃນພິທີດັ່ງກ່າວມີທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ແລະ ການນຳສອງປະເທດຫຼາຍທ່ານ.

ເອກະສານສະບັບຕ່າງໆທີ່ສອງຝ່າຍໄດ້ແລກປ່ຽນ ແລະ ເຊັນນັ້ນ ລວມມີຂໍ້ຕົກລົງສຳຄັນຫຼາຍສະບັບໃນບັນດາຂົງເຂດວິທະຍາສາດເຕັກໂນໂລຊີ, ຫັນເປັນດີຈີຕອນ, ການບິນ ແລະ ສາທາລະນະສຸກ.

ບໍລິສັດການບິນ ຫວຽດນາມ (Vietnam Airlines) ແລະ ກຸ່ມບໍລິສັດ Boeing ລົງນາມໃນສັນຍາຊື້-ຂາຍເຮືອບິນ Boeing 737 MAX ຈຳນວນ 50 ລຳ. ບໍລິສັດການບິນ Sun ຝຸກວັກ Airways ແລະ ກຸ່ມບໍລິສັດ Boeing ກໍໄດ້ລົງນາມໃນສັນຍາຊື້-ຂາຍເຮືອບິນ Boeing 787-9 Dreamliner ຈຳນວນ 40 ລຳ. ຄຽງຄູ່າກັນນັ້ນ, Vietjet ແລະ Pratt & Whitney ກໍໄດ້ເຊັນສັນຍາຮ່ວມມືເຊັ່ນດຽວກັນ.

ໃນຂົງເຂດສາທາລະນະສຸກ, ໂຮງໝໍເຕິມແອັງ ຫວຽດນາມ ແລະ ບໍລິສັດ Mevion Medical Systems ໄດ້ເຊັນສັນຍາຊື້-ຂາຍລະບົບສ່ອງ ເອັກຊະເລ ປິ່ນປົວພະຍາດມະເຮັງ ທີ່ທັນສະໄໝທີ່ສຸດຢູ່ ສະຫະລັດ ອາເມຣິກາ.

ຄໍາເຫັນ

ຂ່າວຕ່າງປະເທດ

ການສູດດົມໄມໂຄຣພາສຕິກ ເຮັດໃຫ້ເກີດການອັກສອບ ແລະ ທຳລາຍປອດ

20/02/2026 10:27

ຂ່າວຕ່າງປະເທດລາຍງານ ໃນວັນທີ 18 ກຸມພາ ຜ່ານມາວ່າ: ການຄົ້ນຄວ້າສະບັບໃໝ່ຈາກມະຫາວິທະຍາໄລເຕັກໂນໂລຊີຊິດນີ ຂອງອົສຕຣາລີ ຊີ້ໃຫ້ເຫັນວ່າ, ການສູດດົມເອົາໄມໂຄຣພລາສຕິກ ອາດຈະເຮັດໃຫ້ເກີດການອັກເສບ ແລະ ທຳລາຍປອດ ໄດ້. ສິ່ງນີ້ອາດຈະເພີ່ມຄວາມສ່ຽງຂອງພະຍາດທາງເດີນຫາຍໃຈເຊັ່ນ: ພະຍາດຫືດ, ພະຍາດປອດອຸດຕັນຊໍາເຮື້ອ, ພະຍາດເນື້ອເຍື່ອໃນປອດ ແລະ ມະເຮັງປອດ.

ທະນາຄານກາງນູແວນເຊລັງ ຮັກສາອັດຕາດອກນະໂຍບາຍໄວ້ທີ່ 2.25%

20/02/2026 10:26

ຂ່າວຕ່າງປະເທດລາຍງານວ່າ: ທະນາຄານກາງນູແວນເຊລັງ (RBNZ) ໄດ້ຮັກສາອັດຕາດອກເບ້ຍນະໂຍບາຍຂອງຕົນໄວ້ທີ່ 2.25% ໃນກອງປະຊຸມວັນທີ 18 ກຸມພາ ຜ່ານມາ ຕາມທີ່ຕະຫຼາດຄາດຄະເນໄວ້. RBNZ ລະບຸວ່າ:ນະໂຍບາຍການເງິນຈຳເປັນຕ້ອງຮັກສາໄວ້ໃນລະດັບຜ່ອນຜັນຕໍ່ໄປອີກໄລຍະໜຶ່ງ ເພື່ອສະໜັບສະໜູນການຟື້ນຕົວຂອງເສດຖະກິດ ແລະ ໄດ້ປັບປຸງການຄາດຄະເນສຳລັບການຂຶ້ນອັດຕາດອກເບ້ຍຄັ້ງທຳອິດໄປຈົນຮອດທ້າຍປີນີ້ ຫຼື ຕົ້ນປີໜ້າ.

ທ່ານນາງ ທານາເອະ ທາຄາອິຈິ ໄດ້ຮັບເລືອກຕັ້ງເປັນນາຍົກລັດຖະມົນຕີຍີ່ປຸ່ນຄົນໃໝ່

20/02/2026 10:24

ຂ່າວສານຊີອາໄອລາຍງານວ່າ: ໃນວັນທີ 18 ກຸມພາ ຜ່ານມານີ້, ໃນການປ່ອນບັດຮອບທີສອງຂອງການເລືອກຕັ້ງສະເໜີຊື່ນາຍົກລັດຖະມົນຕີຂອງສະພາສູງຍີ່ປຸ່ນ, ທ່ານນາງ ທານາເອະ ທາຄາອິຈິ ປະທານພັກເສລີປະຊາທິປະໄຕຍີ່ປຸ່ນໄດ້ຮັບບັດຫຼາຍກວ່າເຄິ່ງໜຶ່ງ. ສະນັ້ນ, ໄດ້ຮັບເລືອກຕັ້ງເປັນນາຍົກລັດຖະມົນຕີຍີ່ປຸ່ນຄົນໃໝ່.

ເສັ້ນທາງລົດໄຟຄວາມໄວສູງຈີນ-ໄທ ຈະສ້າງສຳເລັດ ແລະ ເປີດນຳໃຊ້ໃນປີ 2030

20/02/2026 10:21

ຂ່າວສານຊີອາໄອລາຍງານຫວ່າງມໍ່ໆມານີ້ວ່າ: ທ່ານ ອະນັນ ໂພນິ່ມແດງ ຜູ້ວ່າການແທນກົມທາງລົດໄຟແຫ່ງຊາດໄທກ່າວວ່າ, ໂຄງການເສັ້ນທາງລົດໄຟຄວາມໄວສູງຈີນ-ໄທໄລຍະທີໜຶ່ງໄດ້ສຳເລັດໄປແລ້ວ 51.74%, ເປົ້າໝາຍທາງການແມ່ນສ້າງສຳເລັດ ແລະ ເປີດນຳໃຊ້ໃນປີ 2030.

ສະພາບອາກາດໜາວເຢັນໃນມົງໂກລີ ເຮັດໃຫ້ສັດລ້ຽງຫຼາຍກວ່າ 26,000 ໂຕເສຍຊີວິດ

19/02/2026 13:21

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ສຳນັກງານສະຖິຕິແຫ່ງຊາດມົງໂກລີໄດ້ເປີດເຜີຍວ່າ, ສະພາບອາກາດໜາວຮຸນແຮງ ຫຼື "dzud" ໃນປະເທດມົງໂກລີ ໄດ້ເຮັດໃຫ້ສັດລ້ຽງ ຈຳນວນ 26,300 ກວ່າໂຕເສຍຊີວິດ ໃນເດືອນມັງກອນ ຜ່ານມາ ໃນແຂວງພາກຕາເວັນຕົກເຊັ່ນ: ອຸຟ, ບາຍັນ-ເອີລກີ ແລະ ຊັຟຄານ ລວມເຖິງແຂວງເອເວີຮັງໄກ ໃນພາກກາງ.

Microsoft ປະກາດແຜນການລົງທຶນຄັ້ງໃຫຍ່ ເພື່ອເສີມສ້າງ AI ໃນກຸ່ມ Global South

19/02/2026 13:20

ຂ່າວຕ່າງປະເທດລາຍງານວ່າ: ບໍລິສັດ Microsoft ໄດ້ປະກາດໃນວັນທີ 18 ກຸມພາ ຜ່ານມາວ່າ, ບໍລິສັດມີແຜນທີ່ຈະລົງທຶນ 50 ຕື້ໂດລາ ພາຍໃນທ້າຍທົດສະວັດນີ້ ເພື່ອຂະຫຍາຍຄວາມສາມາດດ້ານປັນຍາປະດິດ (AI) ຂອງຕົນໃນບັນດາປະເທດກຳລັງພັດທະນາພາຍໃນກຸ່ມ Global South.

UNESCO ສະໜັບສະໜູນການຮັບມືກັບບັນດາກໍລະນີສຸກເສີນທົ່ວໂລກ

19/02/2026 13:19

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 17 ກຸມພາ ຜ່ານມາ, ອົງການສຶກສາ, ວິທະຍາສາດ ແລະ ວັດທະນະທຳ ຂອງ ສປຊ (UNESCO) ໄດ້ປະກາດ 19 ໂຄງການໃໝ່ດ້ວຍມູນຄ່າ 6.9 ລ້ານໂດລາ ເພື່ອແນໃສ່ສະໜັບສະໜູນການຮັບມືກັບບັນດາກໍລະນີສຸກເສີນໃນທົ່ວໂລກ ດ້ວຍແຫຼ່ງເງິນປະກອບເພີ່ມເຕີມຈາກລັດຖະບານຍີ່ປຸ່ນ.

ອິນເດຍ ແລະ ຝຣັ່ງ ຍົກລະດັບສາຍພົວພັນຄູ່ຮ່ວມມືຍຸດທະສາດທົ່ວໂລກແບບພິເສດ

19/02/2026 13:18

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 17 ກຸມພາ ຜ່ານມາ ຢູ່ນະຄອນມຸມບາຍ ປະເທດອິນເດຍ, ທ່ານ ນາເຣນດຣາ ໂມດີ ນາຍົກລັດຖະມົນຕີ ອິນເດຍ ແລະ ທ່ານ ແອມມານູຍແອນ ມາຄຣົງ ປະທານາທິບໍດີຝຣັງ ໄດ້ອອກຖະແຫຼງການຮ່ວມ ຍົກລະດັບສາຍພົວພັນສອງຝ່າຍຂຶ້ນເປັນ “ຄູ່ຮ່ວມມືຍຸດທະສາດທົ່ວໂລກແບບພິເສດ” ຢ່າງເປັນທາງການ, ແນໃສ່ຊຸກຍູ້ສະຖຽນລະພາບ, ຄວາມວັດທະນະຖາວອນ ແລະ ການຮ່ວມມືທົ່ວໂລກໃນສະພາບການໂລກມີການຜັນແປຫຼາຍຢ່າງ.

ຫຸ່ນຍົນສະແດງງານລາຕີສະຫຼອງບຸນກຸດຈີນ ໄດ້ຮັບຄວາມສົນໃຈຈາກສື່ມວນຊົນສາກົນ

19/02/2026 13:17

ຂ່າວສານຊີອາໄອລາຍງານ ໃນວັນທີ 18 ກຸມພາ ຜ່ານມາວ່າ: ພາຍຫຼັງງານລາຕີສະຫຼອງບຸນກຸດຈີນຂອງວິທະຍຸ-ໂທລະພາບສູນກາງຈີນປີ 2026 ອອກອາກາດແລ້ວ, ຫຸ່ນຍົນມະນຸດບົນເວທີສະແດງຂອງງານໄດ້ຮັບຄວາມສົນໃຈຫຼາຍຈາກສື່ມວນຊົນສາກົນ.

ຫວຽດນາມ ຍູ້ແຮງການພົວພັນຕ່າງປະເທດຮອບດ້ານໃນລະດັບສູງໃໝ່

19/02/2026 13:16

ວິທະຍຸກະຈາຍສຽງຫວຽດນາມລາຍງານວ່າ: ກອງປະຊຸມໃຫຍ່ຄັ້ງທີ 14 ຂອງພັກກອມມູນິດຫວຽດນາມ ແມ່ນຂີດໝາຍອັນສະຫງ່າລາສີໃນປະຫວັດສາດ, ເປີດປະຕູເຂົ້າສູ່ສັກກະລາດໃໝ່ຂອງຊາດ. ໂດຍພາຍໃຕ້ແສງສະຫວ່າງຂອງກອງປະຊຸມໃຫຍ່ຄັ້ງທີ 14, ການພົວພັນຕ່າງປະເທດ-ໜ້າທີ່ສຳຄັນຍິ່ງ ຈະໄດ້ຖືກຜັນຂະຫຍາຍຢ່າງຮອບດ້ານໃນລະດັບສູງໃໝ່. ໃນວັນທີ 18 ກຸມພາ ຜ່ານມາ, ທ່ານ ໂຕເລິມ ເລຂາທິການໃຫຍ່ ພັກກອມມູນິດ ຫວຽດນາມ ໄດ້ມີບົດຂຽນຫົວຂໍ້ວ່າ “ຍູ້ແຮງການພົວພັນຕ່າງປະເທດຮອບດ້ານໃນລະດັບສູງໃໝ່”.

ເພີ່ມເຕີມ