 |
ໃນກອງປະຊຸມຖະແຫຼງຂ່າວ, ທ່ານ ເລືອງເກື່ອງ ໃຫ້ຮູ້ວ່າ: ໃນການໂອ້ລົມສົນທະນາກັບທ່ານ ອັນໂຕນິໂອ ຄອສຕາ 2 ຝ່າຍໄດ້ເຫັນດີນຳກັນໂດຍຖືວ່າ ພາຍຫຼັງ 35 ປີແຫ່ງວັນສ້າງຕັ້ງການພົວພັນທາງການທູດ, ການພົວພັນລະຫວ່າງ ຫວຽດນາມ - EU ໄດ້ພັດທະນາຢ່າງຕັ້ງໜ້າໃນທຸກຂົງເຂດ ແລະ ຍັງມີຄວາມສາມາດບົ່ມຊ້ອນຫຼາຍຢ່າງທີ່ຕ້ອງຂຸດຄົ້ນ. ສະນັ້ນ, ເລື່ອງ 2 ຝ່າຍຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານ ໄດ້ສ່ອງແສງວິໄສທັດອັນຍາວໄກຂອງ ຫວຽດນາມ ແລະ EU ໃນໄລຍະໃໝ່. ທ່ານປະທານປະເທດກໍແຈ້ງໃຫ້ຊາບວ່າ: 2 ຝ່າຍໄດ້ແລກປ່ຽນທິດທາງ ແລະ ມາດຕະການຢ່າງລະອຽດ ເພື່ອຜັນຂະຫຍາຍການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - EU ໃນໄລຍະຈະມາເຖິງ, ພວກຂ້າພະເຈົ້າກຳນົດວ່າ ການຮ່ວມມືດ້ານເສດຖະກິດ ສືບຕໍ່ແມ່ນກຳລັງໜູນສຳຄັນໃຫ້ແກ່ການພົວພັນ 2 ຝ່າຍ, ໃຫ້ຄຳໝັ້ນສັນຍາສົມທົບກັນຢ່າງແໜ້ນແຟ້ນ ເພື່ອຮັກສາ ແລະ ປັບປຸງການຄ້າເສລີ, ສ້າງຄວາມສະດວກໃຫ້ແກ່ການເຂົ້າເຖິງ ແລະ ເປີດກວ້າງຕະຫຼາດ, ຊຸກຍູ້ການໃຫ້ສັດຕະຍາບັນສັນຍາອາລັກຂາການລົງທຶນ ຫວຽດນາມ - EU (EVFTA)… ຫວຽດນາມ ສະເໜີໃຫ້ EU ຊຸກຍູ້ການຮ່ວມມືດ້ານເສດຖະກິດທະເລ, ໜູນຊ່ວຍ ຫວຽດນາມ ສ້າງອາຊີບການປະມົງແບບຍືນຍົງ ແລະ ແກ້ໄຂ “ບັດເຫຼືອງ” IUU ສຳລັບສິນໃນນ້ຳຂອງ ຫວຽດນາມ ໂດຍໄວ. ຊົມເຊີຍບັນດາກຸ່ມບໍລິສັດ, ວິສາຫະກິດ EU ທີ່ເປີດກວ້າງການລົງທຶນໃນບັນດາຂົງເຂດໃໝ່, ສຳຄັນຊຶ່ງ 2 ຝ່າຍມີຄວາມສົນໃຈ.
ເມື່ອແບ່ງປັນກ່ຽວກັບບັນດາການຕີລາຄາ, ຂໍ້ສະເໜີຂອງທ່ານ ເລືອງເກື່ອງ, ທ່ານ ອັນໂຕນິໂອ ຄອສຕາ ຢືນຢັນວ່າ: ເປັນຄັ້ງທໍາອິດທີ່ EU ສ້າງຕັ້ງການພົວພັນຄູ່ຮ່ວມມືຍຸດທະສາດຢ່າງຮອບດ້ານກັບປະເທດອາຊີຕາເວັນອອກສ່ຽງໃຕ້ ໄດ້ສະແດງໃຫ້ເຫັນຢ່າງຈະແຈ້ງເຖິງບົດບາດ, ທີ່ຕັ້ງຂອງ ຫວຽດນາມ ໃນນະໂຍບາຍຂອງ EU, ກໍຄືຄວາມສາມາດບົ່ມຊ້ອນ, ຄວາມມຸ່ງຫວັງຕໍ່ການຮ່ວມມືອັນໃຫຍ່ຫຼວງທີ່ຍັງມີຢູ່ລະຫວ່າງ ຫວຽດນາມ ແລະ EU.
ຄໍາເຫັນ