ຫວຽດນາມ ເລັ່ງປະຕິບັດໂຄງການແຫ່ງຊາດໃນການປ້ອງກັນ ຕ້ານຢາເສບຕິດ

ແຜນນະໂຍບາຍລົງທຶນໂຄງການເປົ້າໝາຍແຫ່ງຊາດໃນການປ້ອງກັນ, ຕ້ານຢາເສບຕິດ ຮອດປີ 2030.

ຂ່າວລະບຸວ່າ: ປະກອບຄຳເຫັນໃນກອງປະຊຸມ, ທ່ານ ເຈິ່ນແທັງເມິນ ປະທານສະພາແຫ່ງຊາດ ຫວຽດນາມ ຖືວ່າ ນີ້ແມ່ນໂຄງການເປົ້າໝາຍແຫ່ງຊາດທີ່ມີຄວາມໝາຍສຳຄັນ. ໃນໄລຍະຜ່ານມາ, ດ້ວຍຄວາມເອົາໃຈໃສ່ຂອງພັກ, ລັດ, ຄະນະຊີ້ນຳການປ້ອງກັນ, ຕ້ານຢາເສບຕິດໄດ້ມີການກະທຳຢ່າງຂ້ຽວຂາດ, ບັນລຸໝາກຜົນທີ່ເປັນໜ້າຊື່ນຊົມ. ຢູ່ບັນດາເວທີປາໄສ ສະພາແຫ່ງຊາດ, ບັນດາສະມາຊິກສະພາແຫ່ງຊາດມີຄວາມເອົາໃຈໃສ່ເປັນພິເສດ ເຖິງການໄຈ້ແຍກບັນຫານີ້ຢ່າງລະອຽດ, ການກໍ່ສ້າງ ແລະ ຜັນຂະຫຍາຍໂຄງການເປົ້າໝາຍແຫ່ງຊາດ ກ່ຽວກັບການປ້ອງກັນ, ຕ້ານຢາເສບຕິດ ໃນຈຸດເວລານີ້ຈະຕອບສະໜອງໄດ້ຄວາມມຸ່ງຫວັງຂອງຜູ້ມີສິດເລືອກຕັ້ງ ແລະ ປະຊາຊົນ. ທ່ານເນັ້ນນັກວ່າ: ຕ້ອງເຮັດໃຫ້ແຈ້ງສາເຫດ, ຍົກອອກວິທີການປ້ອງກັນ,ຕ້ານຢາເສບຕິດ ຢ່າງສິ້ນເຊິງ ແລະ ຍາວນານ.

ສະຫຼຸບເນື້ອໃນກອງປະຊຸມ, ທ່ານ ຫງວຽນທິແທັງ ຮອງປະທານສະພາແຫ່ງຊາດ ໃຫ້ຮູ້ວ່າ: ຄະນະປະຈຳສະພາແຫ່ງຊາດ ຫວຽດນາມ ເຫັນດີເປັນເອກະພາບກ່ຽວກັບຄວາມຈຳເປັນຂອງໂຄງການ, ເຫັນດີເປັນເອກະພາບໂດຍພື້ນຖານຕໍ່ຮ່າງມະຕິຍື່ນສະເໜີຕໍ່ສະພາແຫ່ງຊາດພິຈາລະນາ, ຮັບຮອງເອົາຢູ່ກອງປະຊຸມສະໄໝສະມັນ ຄັ້ງທີ 8.