ຂ່າວລະບຸວ່າ: ສະຫຼຸບໃນການເຮັດວຽກ, ທ່ານ ໂຕເລິມ ຊີ້ແຈ້ງວ່າ ຫວຽດນາມ ພວມກະກຽມໃຫ້ແກ່ຂີດ ໝາຍປະຫວັດສາດພິເສດ ນັ້ນແມ່ນສະເຫຼີມສະຫຼອງ 100 ປີຂອງປະເທດຊາດ ພາຍໃຕ້ການຊີ້ນຳຂອງພັກກອມມູນິດ ຫວຽດນາມ (1930 – 2030) ແລະ 40 ປີແຫ່ງວັນປະຕິບັດໂຄງການການເມືອງສ້າງສາປະເທດຊາດໃນໄລຍະຂ້າມຜ່ານກ້າວຂຶ້ນສັງຄົມນິຍົມ (1991 – 2031). ນີ້ບໍ່ພຽງແຕ່ແມ່ນຜົນງານທີ່ມີລັກສະນະເວລາເທົ່ານັ້ນ, ຫາກນັ້ນຍັງແມ່ນໄລຍະທາງອັນຍາວໄກຂອງວິວັດການປະຕິວັດທີ່ເຕັມໄປດ້ວຍຄວາມເສຍສະຫຼະ, ລຳບາກກາກກຳ, ປະດິດຄິດສ້າງ ແລະ ພັດທະນາ.

ທ່ານ ໂຕເລິມ ເນັ້ນໜັກວ່າ: ວຽກງານນີ້ບໍ່ພຽງແຕ່ຮັບໃຊ້ການສະເຫຼີມສະຫຼອງເທົ່ານັ້ນ, ຫາກສຳຄັນກວ່າແມ່ນການກະກຽມພື້ນຖານທິດສະດີ ແລະ ພຶດຕິກຳຕົວຈິງໃຫ້ແກ່ບັນດາລັດຖະນະໂຍບາຍຍຸດທະສາດຊີ້ຂາດໃນໄລຍະພັດທະນາໃໝ່, ກ້າວໄປເຖິງປີ 2045 ແລະ ໄກກວ່າອີກ, ກຳນົດທິດການນຳພາພັດທະນາປະເທດຊາດຮອດປີ 2130. ຍ້ອນເຫດຜົນນັ້ນ, ນີ້ຕ້ອງແມ່ນບັ້ນດຳເນີນຊີວິດດ້ານການເມືອງຢ່າງເລິກເຊິ່ງ, ກວ້າງຂວາງ, ມີການເຂົ້າຮ່ວມສະຫຼຸບຂອງທົ່ວລະບົບການເມືອງ, ຈາກບັນດາຄະນະ, ກະຊວງ, ຂະແໜງການ, ໝູ່ຄະນະສູນກາງ ຕະຫຼອດຮອດທ້ອງຖິ່ນໃນທົ່ວປະເທດອີກດ້ວຍ.

ເນື່ອງໃນໂອກາດນີ້, ທ່ານ ໂຕເລິມ ໄດ້ສະເໜີໃຫ້ສະພາທິດສະດີສູນກາງ ສືບຕໍ່ລະດົມນັກຊ່ຽວຊານ, ນັກວິທະຍາສາດ, ນັກປະຫວັດສາດ… ເຂົ້າຮ່ວມການສະຫຼຸບຕື່ມອີກ, ຍູ້ແຮງວຽກງານໂຄສະນາ, ສຶກສາທິດສະດີການເມືອງກ່ຽວກັບປະຫວັດສາດຂອງພັກ ສ້າງຄວາມເຫັນດີເຫັນພ້ອມຢ່າງເລິກເຊິ່ງ, ກວ້າງຂວາງໃນປະຊາຊົນທຸກຊັ້ນວັນນະ ແລະ ໃນທົ່ວສັງຄົມອີກດ້ວຍ.