ທ່ານ ໂຕເລິມເລຂາທິການໃຫຍ່ ເປັນປະທານ ແລະ ກ່າວຄຳປາໄສເປີດກອງປະຊຸມ.
ທ່ານເລຂາທິການໃຫຍ່ ກ່າວວ່າ: ກອງປະຊຸມປຶກສາຫາລື ປະກອບໃສ່ 5 ເນື້ອໃນ, ໃນນັ້ນມີ 3 ໝວດບັນຫາສຳຄັນ. ໜຶ່ງ, ສະຫຼຸບມະຕິເລກທີ 18 ຂອງສູນກາງພັກ ກ່ຽວກັບການປ່ຽນແປງໃໝ່, ສັບຊ້ອນກົງຈັກການຈັດຕັ້ງຂອງລະບົບການເມືອງໃຫ້ກະທັດຮັດລົງ, ມີປະສິດທິຜົນ; ສອງ, ແຜນຮ່າງເພີ່ມເຕີມເປົ້າໝາຍການເຕີບໂຕ GDP ປີ 2025 ຈາກ 8%ຂຶ້ນໄປ ແລະ ມີການເຕີບໂຕຢູ່ລະດັບ 2 ໂຕເລກໃນໄລຍະ 2026 – 2030; ສາມ, ວຽກງານຈັດຕັ້ງພະນັກງານຕາມສິດອຳນາດຂອງສູນກາງພັກ. ທ່ານ ໂຕເລິມໄດ້ເນັ້ນໜັກເຖິງໝວດບັນຫາສະຫຼຸບມະຕິເລກທີ 18 ຂອງສູນກາງພັກ ແມ່ນເນື້ອໃນຈຸດສຸມທີ່ສຸດຂອງກອງປະຊຸມສູນກາງພັກຄັ້ງນີ້.
ທ່ານໃຫ້ຮູ້ວ່າ:ການສະຫຼຸບມະຕິເລກທີ 18 ແລະ ຈັດຕັ້ງການສັບຊ້ອນກົງຈັກຂອງລະບົບການເມືອງໄດ້ຮັບຄວາມເຫັນດີເຫັນພ້ອມ, ສະໜັບສະໜູນຕີລາຄາສູງທີ່ສຸດຂອງພະນັກງານ, ສະມາຊິກພັກ ແລະ ປະຊາຊົນ, ໃນວິວັດການປະຕິບັດບັນດາເນື້ອໃນຂຶ້ນກັບສິດອຳນາດຂອງກົມການເມືອງ, ຄະນະເລຂາທິການໄດ້ປະຕິບັດຖືກຕ້ອງຕາມຈິດໃຈສູນກາງ ບໍ່ລໍຖ້າຂັ້ນແຂວງ, ຂັ້ນແຂວງບໍ່ລໍຖ້າຂັ້ນເມືອງ ແລະ ຂັ້ນເມືອງບໍ່ລໍຖ້າຂັ້ນຮາກຖານ.
ຄໍາເຫັນ