ທ່ານ ຫງວຽນຈີຢຸງ ກ່າວຄຳເຫັນໃນກອງປະຊຸມ ໂດຍໄດ້ເນັ້ນໜັກເຖິງຄວາມຮຽກຮ້ອງທີ່ໄດ້ວາງອອກເພື່ອສ້າງມະຕິໃຫ້ແກ່ຂົງເຂດລັດວິສາຫະກິດ ແມ່ນຕ້ອງມີຈຸດບຸກທະລຸໃນສະພາບການໃໝ່, ບໍ່ພຽງແຕ່ສຸມໃສ່ແກ້ໄຂບັນຫາທີ່ກ່ຽວຂ້ອງເຖິງການຖອນເງິນລົງທຶນ, ຫັນລັດວິສາຫະກິດເປັນຫຸ້ນສ່ວນ, ຈັດແບ່ງຂັ້ນແບ່ງສິດອຳນາດ ແລະ ເງິນເດືອນ ເທົ່ານັ້ນ ຫາກຍັງຕ້ອງເບິ່ງກວ້າງຮອບດ້ານ. ທ່ານ ຫງວຽນຈີຢຸງ ສະເໜີວ່າ: ລັດວິສາຫະກິດ ຈະສຸມໃສ່ 3 ໜ້າທີ່ຈຸດສຸມຍຸດທະສາດຄື: ໜຶ່ງ ແມ່ນຕິດພັນກັບຄວາມໝັ້ນຄົງແຫ່ງຊາດ, ສອງ ແມ່ນສະໜອງບັນດາຜະລິດຕະພັນບໍລິການສາທາລະນະທີ່ເປັນປະໂຫຍດລວມ ຊຶ່ງຂົງເຂດເອກະຊົນບໍ່ເຮັດ, ສາມ ແມ່ນບັນດາຂົງເຂດອຸດສາຫະກຳຍຸດທະສາດຕາມການກຳນົດທິດຍືນຍົງ ແລະ ມີການຫັນປ່ຽນຄວບຄູ່; ເສີມຂະຫຍາຍບົດບາດບຸກທະລຸຂອງເຕັກໂນໂລຊີ ແລະ ພື້ນຖານໂຄງລ່າງ ເຊັ່ນ: ກໍາລັງຄວາມສາມາດແກ້ງແຍ້ງແຫ່ງຊາດບົນພື້ນຖານວິທະຍາສາດເຕັກໂນໂລຊີທີ່ກ້າວໜ້າທັນສະໄໝ; ປະຕິບັດມະຕິໃຫ້ເປັນຢ່າງດີເພື່ອປະຕິບັດການຄຸ້ມຄອງບໍລິຫານລັດຢ່າງຈະແຈ້ງ, ເໝາະສົມກັບທຳນຽມ ແລະ ມາດຖານສາກົນ; ລະດົມບັນດາແຫຼ່ງກຳລັງເພື່ອປະຕິບັດການລົງທຶນເຂົ້າບັນດາຂົງເຂດສຳຄັນ ແລະ ຈຳເປັນ.
ຄໍາເຫັນ