ຫວຽດນາມ ຖື​ການ​ພັດ​ທະ​ນາ​ທັກ​ສະ​ດີ​ຈີ​ຕອນ​ໃຫ້​​ປວງ​ຊົນ​ແມ່ນ​ຈຸດ​ສຸມ​​ການ​ຫັນ​ເປັນ​ດີ​ຈີ​ຕອນ

ບັນຍາກາດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກກອມມູນິດຫວຽດນາມ, ທີ່ພວມດໍາເນີນໄປລະຫວ່າງ ວັນທີ 19 - 25 ມັງກອນ 2026, ໄດ້ດຶງດູດຄວາມສົນໃຈ ຈາກມວນຊົນທັງພາຍໃນ ແລະ ຕ່າງປະເທດ. ນີ້ແມ່ນເຫດການທາງການເມືອງທີ່ສໍາຄັນເປັນພິເສດ, ເປັນການທົບທວນຄືນເສັ້ນທາງປ່ຽນແປງໃໝ່ເກືອບ 40 ປີ ທີ່ມີຜົນສໍາເລັດອັນຍິ່ງໃຫຍ່ຫຼາຍປະການ. ໃນຂະນະດຽວກັນ, ກໍກໍາລັງຢືນຢູ່ຕໍ່ໜ້າຄວາມທ້າທາຍ ແລະ ຄວາມຕ້ອງການໃໝ່ ໄລຍະການພັດທະນາຂັ້ນຕໍ່ໄປ ໃນສະພາບແວດລ້ອມສາກົນ ທີ່ກໍາລັງປ່ຽນແປງຢ່າງໄວວາ, ສັບຊ້ອນ ແລະ ຄາດຄະເນໄດ້ຍາກ.

ຂ່າວຕ່າງປະເທດລາຍງານວ່າ: ອົງການສືບສວນອາຊະຍາກຳທາງໄຊເບີຂອງຟີລິບປິນ ໄດ້ເປີດເຜີຍໃນວັນທີ 21 ມັງກອນ ຜ່ານມາວ່າ: ຟີລິບປິນກຳລັງກະກຽມທີ່ຈະເປີດໃຫ້ປະຊາຊົນເຂົ້າເຖິງ Grok, chatbot ປັນຍາປະດິດ (AI) ຂອງ ອີລອນ ມັສ ຄືນໃໝ່, ຫຼັງຈາກນັກພັດທະນາໄດ້ສັນຍາວ່າຈະລຶບເຄື່ອງມືການປັບແຕ່ງຮູບພາບ ທີ່ເຄີຍສ້າງຄວາມກັງວົນດ້ານຄວາມປອດໄພສຳລັບເດັກນ້ອຍ.

ຂ່າວສານຊີອາໄອລາຍງານໃນວັນທີ 21 ມັງກອນ ຜ່ານມາວ່າ: ແຫຼ່ງຂ່າວຈາກກະຊວງການຄ້າຈີນໃຫ້ຮູ້ວ່າ, ການລົງທຶນໂດຍກົງທີ່ບໍ່ແມ່ນຂົງເຂດການເງິນຢູ່ຕ່າງປະເທດຂອງຈີນໃນປີ 2025 ໄດ້ເພີ່ມຂຶ້ນ 1.3% ເມື່ອທຽບໃສ່ປີ 2024, ຄອງອັນດັບແຖວໜ້າຂອງໂລກຢ່າງໝັ້ນທ່ຽງ.

ວິທະຍຸກະຈາຍສຽງຫວຽດນາມ ລາຍງານວ່າ: ໃນຕອນບ່າຍວັນທີ 21 ມັງກອນ ຜ່ານມາ, ກອງປະຊຸມໃຫຍ່ຄັ້ງທີ XIV ຂອງພັກກອມມູນິດຫວຽດນາມ ໄດ້ສິ້ນສຸດການປະກອບຄຳເຫັນກ່ຽວກັບບັນດາເອກະສານກອງປະຊຸມໃຫຍ່. ເນື້ອໃນຄຳເຫັນໄດ້ສຸມໃສ່ບັນດາເນື້ອໃນສຳຄັນ ຊຶ່ງປະຊາຊົນ, ພະນັກງານ, ສະມາຊິກພັກໄດ້ໃຫ້ຄວາມສົນໃຈ. ຄະນະປະທານກອງປະຊຸມໃຫຍ່ໄດ້ຕີລາຄາສູງບັນດາເນື້ອໃນປະກອບຄຳເຫັນ ແລະ ບັນດາຄຳກ່າວປາໄສ, ມີສະຕິປັນຍາຂອງຜູ້ແທນທີ່ເຂົ້າຮ່ວມກອງປະຊຸມ.

ຂ່າວຕ່າງປະເທດລາຍງານໃນວັນທີ 20 ມັງກອນ ຜ່ານມາວ່າ: ນັກວິທະຍາສາດໃນອົສຕຣາລີໄດ້ຄົ້ນພົບເປັນຄັ້ງທຳອິດໃນໂລກວ່າ, ຫົວໃຈຂອງມະນຸດສາມາດສ້າງຈຸລັງກ້າມຊີ້ນຂຶ້ນມາໃໝ່ໄດ້ຫຼັງຈາກເປັນໂຣກຫົວໃຈວາຍ ຊຶ່ງເຮັດໃຫ້ເກີດຄວາມຫວັງສຳລັບການປິ່ນປົວຟື້ນຟູໃນອະນາຄົດສຳລັບໂຣກຫົວໃຈວາຍ.

ຂ່າວຕ່າງປະເທດລາຍງານໃນວັນທີ 20 ມັງກອນ ຜ່ານມາວ່າ: ກະຊວງວັດທະນະທຳ, ກິລາ ແລະ ການທ່ອງທ່ຽວຂອງ ສ ເກົາຫຼີ ໄດ້ເປີດເຜີຍຜົນການສຳຫຼວດພາບພົດແຫ່ງຊາດປີ 2025 ລະບຸວ່າ: ສະຫະລັດ ອາຣັບ ເອມີເຣດ (UAE) ເປັນປະເທດທີ່ມີທັດສະນະຄະຕິໃນທາງບວກຕໍ່ ສ ເກົາຫຼີ ສູງທີ່ສຸດ, ໃນຂະນະທີ່ປະເທດໄທ ແລະ ອັງກິດ ເປັນສອງປະເທດທີ່ມີຄວາມນິຍົມຕໍ່ ສ ເກົາຫຼີ ເພີ່ມຂຶ້ນຢ່າງຫຼວງຫຼາຍໃນປີ 2025.

ຂ່າວຕ່າງປະເທດລາຍງານວ່າ: ລັດຖະບານຍີ່ປຸ່ນໄດ້ປະກາດໃນວັນທີ 20 ມັງກອນ ຜ່ານມາວ່າ, ຈຳນວນນັກທ່ອງທ່ຽວຕ່າງປະເທດທີ່ເດີນທາງມາຢ້ຽມຢາມຍີ່ປຸ່ນໃນປີ 2025 ເພີ່ມຂຶ້ນເປັນສະຖິຕິສູງສຸດແບບບໍ່ເຄີຍມີມາກ່ອນ ປະມານ 42.7 ລ້ານຄົນ, ໃນຂະນະທີ່ການໃຊ້ຈ່າຍຂອງນັກທ່ອງທ່ຽວກໍບັນລຸລະດັບສູງສຸດແບບບໍ່ເຄີຍມີມາກ່ອນ ປະມານ 9.5 ພັນຕື້ເຢນ (ປະມານ 60.1 ຕື້ໂດລາ) ຊຶ່ງໄດ້ຮັບແຮງຂັບເຄື່ອນຈາກຄ່າເງິນເຢນທີ່ອ່ອນຄ່າລົງ ແລະ ການເພີ່ມຂຶ້ນຂອງຖ້ຽວບິນສາກົນ.

ງານວາງສະແດງ ແລະ ແຂ່ງຂັນ "ຄໍາຄືນ AI League" ເພື່ອສ້າງຄວາມເຂັ້ມແຂງໃຫ້ແກ່ອຸດສາຫະກຳຕ່າງໆດ້ວຍ AI ໄດ້ຈັດຂຶ້ນໃນທ້າຍເດືອນທັນວາ 2025 ຜ່ານມາ ທີ່ແຂວງກວາງຊີ ປະເທດຈີນ. ພາຍໃນງານໄດ້ມີການນໍາສະເໜີຜົນການແຂ່ງຂັນທີ່ກວ້າງຂວາງ ຈົນເຖິງການສາທິດເຕັກໂນໂລຊີທີ່ທັນສະໄໝປະສົມປະສານວິທະຍາສາດ ແລະ ເຕັກໂນໂລຊີກັບມະນຸດສາດ ແລະ ເຊື່ອມຕໍ່ປັດຈຸບັນກັບອະນາຄົດຂອງການຮ່ວມມືພາຍໃນອາຊຽນ.

ບັນຍາກາດທາງການເມືອງ ໃນທົ່ວປະເທດກໍາລັງມຸ່ງໜ້າໄປສູ່ເຫດການໜຶ່ງທີ່ສໍາຄັນເປັນພິເສດ. ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກກອມມູນິດຫວຽດນາມ, ທີ່ພວມດໍາເນີນລະຫວ່າງ ວັນທີ 19 – 25/1/2026 ທີ່ນະຄອນຫຼວງຮ່າໂນ້ຍ, ກອງປະຊຸມໃຫຍ່ ບໍ່ພຽງແຕ່ເປັນວັນບຸນໃຫຍ່ຂອງສະມາຊິກພັກຫຼາຍກວ່າ 5.6 ລ້ານຄົນ ເທົ່ານັ້ນ, ແຕ່ຍັງເປັນສັນຍາລັກແຫ່ງຄວາມເຊື່ອໝັ້ນ ແລະ ຄວາມຄາດຫວັງຂອງປະຊາຊົນທັງຊາດ. ເມື່ອຫັນກັບໄປທົບທວນເສັ້ນທາງທີ່ຜ່ານມາ, ກອງປະຊຸມໃຫຍ່ ຄັ້ງທີ XIV ໄດ້ດໍາເນີນໄປພາຍຫຼັງການປ່ຽນແປງໃໝ່ເກືອບ 40 ປີ ທີ່ຜ່ານມາ, ທີ່ບັນລຸຜົນສໍາເລັດອັນຍິ່ງໃຫຍ່, ຮອບດ້ານ ແລະ ສໍາຄັນທາງປະຫວັດສາດ, ເປັນພື້ນຖານທີ່ໝັ້ນຄົງ ເພື່ອໃຫ້ຊາດມີຄວາມພ້ອມໃນການກ້າວເຂົ້າສູ່ໄລຍະການພັດທະນາໃໝ່.

ວິທະຍຸກະຈາຍສຽງຫວຽດນາມ ລາຍງານໃນວັນທີ 20 ມັງກອນ ຜ່ານມາວ່າ: ເນື່ອງໃນໂອກາດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ຂອງພັກກອມມູນິດຫວຽດນາມ ທີ່ພວມດຳເນີນຢູ່ນະຄອນຫຼວງຮ່າໂນ້ຍ, ທ່ານ ຢາມາກູຈິ ຊຶໂຢຊິ ຫົວໜ້າຄະນະສາກົນ ພັກປະຊາທິປະໄຕອິດສະຫຼະ (LDP) ຍີ່ປຸ່ນ ຕີລາຄາວ່າ: ພັກກອມມູນິດ ຫວຽດນາມ ມີບົດບາດສຳຄັນທີ່ສຸດໃນການປະກອບສ່ວນສ້າງສັນຕິພາບ, ເພາະວ່າມີສັນຕິພາບ ຈຶ່ງມີຄວາມວັດທະນາຖາວອນ. ໃນສະພາບການໂລກມີການຜັນແປຫຼາຍຢ່າງ, ບົດບາດຂອງ ຫວຽດນາມ ແລະ ຍີ່ປຸ່ນ ໃນການຮ່ວມມືພ້ອມກັນປະກອບສ່ວນສ້າງສັງກາດໃໝ່ຍິ່ງນັບມື້ນັບມີຄວາມສຳຄັນ ແລະ ພັກກອມມູນິດ ຫວຽດນາມ ພວມມີບົດບາດແກ່ນສານນີ້.