ກອງປະຊຸມຄັ້ງທີ 13 ຄະນະກຳມະການຮ່ວມມືເສດຖະກິດ ແລະ ການຄ້າ ຫວຽດນາມ - ຈີນ.

ຫວຽດນາມ ຊຸກຍູ້ການຮ່ວມມືດ້ານເສດຖະກິດ - ການຄ້າ ກັບ ຈີນ

15:52 02/10/2024

ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້, ຢູ່ນະຄອນຫຼວງປັກກິ່ງ ປະເທດຈີນ, ທ່ານ ຫງວຽນຮົ່ງຢຽນ ລັດຖະມົນຕີກະຊວງອຸດສາຫະກຳ ແລະ ການຄ້າ

ຫວຽດນາມ ແລະ ທ່ານ ຫວາງເຫວິນທາວ ລັດຖະມົນຕີກະຊວງການຄ້າ ຈີນ ໄດ້ເປັນປະທານຮ່ວມກອງປະຊຸມຄັ້ງທີ 13 ຄະນະກຳມະການຮ່ວມມືເສດຖະກິດ ແລະ ການຄ້າ ຫວຽດນາມ - ຈີນ.
ຂ່າວລະບຸວ່າ: ໃນກອງປະຊຸມ, ທ່ານ ຫງວຽນຮົ່ງຢຽນ ຢັ້ງຢືນວ່າ: ສອງຝ່າຍຕ້ອງເພີ່ມທະວີການຮ່ວມມືລົງທຶນ ແລະ ລະບົບສະໜອງ, ໃຫ້ບຸລິມະສິດຮ່ວມມືໃນຂົງເຂດເສດຖະກິດດີຈີຕອນ, ການພັດທະນາສີຂຽວ ເພາະວ່ານີ້ແມ່ນທ່າອ່ຽງລວມ ແລະ ແມ່ນໜຶ່ງໃນບັນດາກຳລັງໜູນພັດທະນາໃນອະນາຄົດ. ທ່ານລັດຖະມົນຕີກໍໄດ້ຍົກ6 ຂໍ້ສະເໜີແນະ, ໃນນັ້ນ ມີການຮັບປະກັນລະບົບສະໜອງໃຫ້ລຸລ່ວງ, ສ້າງພື້ນຖານໂຄງລ່າງດ່ານຊາຍແດນໃຫ້ສຳເລັດ, ຊຸກຍູ້ການເປີດປະຕູຕະຫຼາດຜະລິດຕະພັນກະເສດ, ຊຸກຍູ້ການສ້າງຕັ້ງຫ້ອງການສົ່ງເສີມການຄ້າ ຫວຽດນາມ ຢູ່ ຈີນ.
ທ່ານ ຫວາງເຫວິນທາວ ສະເໜີໃຫ້ສອງຝ່າຍເອົາໃຈໃສ່ຜັນຂະຫຍາຍບັນດາຂໍ້ຕົກລົງເອກະສານຮ່ວມມືລົງທຶນ ແລະ ຂໍ້ລິເລີ່ມເສດຖະກິດດີຈີຕອນ - ການພັດທະນາສີຂຽວ; ຮ່ວມມືເຂດອຸດສາຫະກຳ; ສືບຕໍ່ເຈລະຈາ ແລະ ລົງນາມໃນບົດບັນທຶກ MOU ກ່ຽວກັບການເພີ່ມທະວີການຮ່ວມມືດ້ານເສດຖະກິດໃນລະບົບຜະລິດ ແລະ ການສະໜອງ. ທ່ານ ຫວາງເຫວິນທາວ ກໍສະເໜີບັນດາມາດຕະການຊຸກຍູ້ການຮ່ວມມືດ້ານການຄ້າ, ໃນນັ້ນ ມີການເຈລະຈາ ແລະ ລົງນາມໃນເອກະສານຮ່ວມມືດ້ານການຄ້າຜະລິດຕະພັນກະເສດ; ເພີ່ມທະວີການແລກປ່ຽນກ່ຽວກັບມາດຕະຖານ, ຕີລາຄາຄວາມເໝາະສົມຂອງຜະລິດຕະພັນນຳເຂົ້າ - ສົ່ງອອກ.

ຄໍາເຫັນ

ຂ່າວຕ່າງປະເທດ

ເກາະບາຫຼີ ຕ້ອນຮັບນັກທ່ອງທ່ຽວຕ່າງປະເທດ 4 ລ້ານກວ່າຄົນ

08/08/2025 13:03

ຂ່າວຕ່າງປະເທດລາຍງານ ໃນວັນທີ 6 ສິງຫາ ຜ່ານມາວ່າ: ທ່ານ ອີ ວາຍັນ ສຸມາຣາຈາຍາ ຫົວໜ້າຫ້ອງການທ່ອງທ່ຽວແຂວງບາຫຼີ ອິນໂດເນເຊຍ ກ່າວວ່າ, ເກາະບາຫຼີ ເປັນຈຸດໝາຍການທ່ອງທ່ຽວຊັ້ນນໍາຂອງປະເທດ, ໂດຍໄດ້ຕ້ອນຮັບນັກທ່ອງທ່ຽວຕ່າງປະເທດຫຼາຍກວ່າ 4 ລ້ານຄົນ ໃນລະຫວ່າງເດືອນມັງກອນ ຫາ ເດືອນກໍລະກົດ 2025 ເພີ່ມຂຶ້ນຈາກ 3.89 ລ້ານຄົນໃນໄລຍະດຽວກັນຂອງປີ 2024. ສ່ວນຈຳນວນທ່ອງທ່ຽວພາຍໃນປະເທດສູງເຖິງ 5 ລ້ານເທື່ອຄົນ.

ເດັກນ້ອຍທີ່ຕິດໜ້າຈໍ ສ່ຽງຕໍ່ໂຣກຫົວໃຈ - ລະບົບເຜົາຜານ ຫຼາຍກວ່າຜູ້ໃຫຍ່

08/08/2025 13:02

ຂ່າວຕ່າງປະເທດລາຍງານຈາກນະຄອນຫຼວງໂກເປັນຮາກ ປະເທດດານມາກ ໃນວັນທີ 7 ສິງຫາ ຜ່ານມາວ່າ: ການຄົ້ນຄວ້າທີ່ລົງພິມໃນວາລະສານຂອງສະມາຄົມໂຣກຫົວໃຈ ສະຫະລັດ ອາເມຣິກາ (Journal of the American Heart Association) ໄດ້ສຶກສາພຶດຕິກຳການໃຊ້ໜ້າຈໍ ແລະ ການນອນຫຼັບຂອງໄວໜຸ່ມ ອາຍຸ 10 ແລະ 18 ປີ ຫຼາຍກວ່າ 1,000 ຄົນ ລວມເຖິງຄວາມສ່ຽງຕໍ່ຫົວໃຈ ແລະ ລະບົບເຜົາຜານ.

ຟິລິບປິນ ຈະໂຈະການນຳເຂົ້າເຂົ້າສານເປັນເວລາ 60 ວັນ

08/08/2025 13:00

ຂ່າວຕ່າງປະເທດລາຍງານວ່າ: ໃນວັນທີ 6 ສິງຫາ ຜ່ານມາ, ລັດຖະບານຟີລິບປິນໄດ້ອອກຄຳສັ່ງຈະໂຈະການນຳເຂົ້າເຂົ້າສານເປັນການຊົ່ວຄາວ ເປັນເວລາ 60 ວັນ ເລີ່ມແຕ່ວັນທີ 1 ກັນຍາໜ້ານີ້ເປັນຕົ້ນໄປ, ເພື່ອປົກປ້ອງຊາວກະສິກອນທີ່ໄດ້ຮັບຜົນກະທົບຍ້ອນລາຄາເຂົ້າສານຫຼຸດລົງໃນລະດູການເກັບກ່ຽວ. ລັດຖະບານຟີລິບປິນຫວັງຈະເຮັດໃຫ້ລາຄາເຂົ້າສານໝັ້ນທ່ຽງໂດຍຜ່ານການໂຈະການນຳເຂົ້າເຂົ້າສານເປັນການຊົ່ວຄາວ.

ເປີດງານກິລາໂລກຄັ້ງທີ 12 ຢ່າງເປັນທາງການ

08/08/2025 12:59

ຂ່າວສານຊີອາໄອລາຍງານວ່າ: ງານກິລາໂລກຄັ້ງທີ 12 ໄດ້ເປີດຂຶ້ນຢ່າງເປັນທາງການໃນຕອນຄ່ຳວັນທີ 7 ສິງຫານີ້ຢູ່ນະຄອນເສີງຕູ່ ແຂວງເສສວນ ປະເທດຈີນ.

ກອງປະຊຸມສະໄໝສາມັນປະຈຳເດືອນກໍລະກົດ ຂອງລັດຖະບານຫວຽດນາມ

08/08/2025 12:57

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 7 ສິງຫາ ຜ່ານມາ ຢູ່ສຳນັກງານລັດຖະບານ, ທ່ານ ຟ້າມມິນຈິງ ນາຍົກລັດຖະມົນຕີ ຫວຽດນາມ ໄດ້ເປັນປະທານກອງປະຊຸມສະໄໝສາມັນປະຈຳເດືອນກໍລະກົດ ຂອງລັດຖະບານ. ກອງປະຊຸມໄດ້ຈັດຂຶ້ນແບບທາງໄກກັບ 34 ແຂວງ, ນະຄອນຂຶ້ນກັບສູນກາງ ເພື່ອປຶກສາຫາລືກ່ຽວກັບສະພາບການເສດຖະກິດ - ສັງຄົມ ໃນເດືອນກໍລະກົດ ແລະ 7 ເດືອນຂອງປີ 2025; ສະພາບການປ່ອຍເງິນລົງທຶນສາທາລະນະ, 3 ໂຄງການເປົ້າໝາຍແຫ່ງຊາດ, ການຮັບມືກັບນະໂຍບາຍພາສີອາກອນຂອງ ສະຫະລັດ ອາເມຣິກາ.

ໃນຍຸກແຫ່ງການພັດທະນາ ຊາວຫວຽດນາມ ຢູ່ຕ່າງປະເທດ ແມ່ນຄູ່ຮ່ວມຍຸດທະສາດ ການເຊື່ອມໂຍງສາກົນ

08/08/2025 12:46

ເມື່ອກ້າວເຂົ້າສູ່ຍຸກສະໄໝໃໝ່, ຍຸກຂອງການປະຕິວັດອຸດສາຫະກຳ 4.0, ການຫັນປ່ຽນດີຈີຕອນ, ການຫັນເປັນທົ່ວໂລກ ແລະ ເຊື່ອມໂຍງສາກົນ ຢ່າງເລິກເຊິ່ງກວ້າງຂວາງ, ປະເທດຫວຽດນາມ ໄດ້ຢັ້ງຢືນສະຖານະບົດບາດຂອງຕົນ ໃນເວທີສາກົນ ເທື່ອລະກ້າວ. ໃນສະພາບແວດລ້ອມແຫ່ງການພັດທະນາ, ວົງຄະນາຍາດຊາວຫວຽດນາມ ທີ່ອາໃສຢູ່ຕ່າງປະເທດ ແລະ ເຂດແຄ້ວນ ປະມານ 6 ລ້ານຄົນ ໃນ 130 ກວ່າປະເທດ ຊຶ່ງບໍ່ພຽງແຕ່ແມ່ນພາກສ່ວນໜຶ່ງໃນເລືອດເນື້ອເຊື້ອຊາດຂອງຊາດເທົ່ານັ້ນ, ແຕ່ຍັງແມ່ນຄູ່ຮ່ວມຍຸດທະສາດພິເສດ ແລະ ເປັນກຳລັງອັນໃຫຍ່ຫຼວງ ທີ່ມີບົດບາດເປັນຂົວຕໍ່ ລະຫວ່າງ ຫວຽດນາມກັບໂລກ ໃນທຸກຂົງເຂດວຽກງານ: ເສດຖະກິດ, ວິທະຍາສາດ–ເຕັກໂນໂລຊີ, ວັດທະນະທຳ, ການຕ່າງປະເທດ ແລະ ສື່ມວນຊົນສາກົນ.

ເກັບກຳຄວາມເຫັນຜ່ານທາງອິນເຕີເນັດກ່ຽວກັບແຜນພັດທະນາເສດຖະກິດ - ສັງຄົມແຫ່ງຊາດຈີນ 5 ປີ ຄັ້ງທີ 15

07/08/2025 13:25

ໃນລະຫວ່າງວັນທີ 20 ພຶດສະພາ ຫາ 20 ມິຖຸນາປີນີ້, ຈີນໄດ້ຈັດການເກັບກຳຄວາມເຫັນຜ່ານທາງອິນເຕີເນັດກ່ຽວກັບການວາງແຜນພັດທະນາເສດຖະກິດ - ສັງຄົມແຫ່ງຊາດ 5 ປີຄັ້ງທີ 15 ໂດຍໄດ້ຕັ້ງເວທີແລກປ່ຽນລະເພາະ ຫຼື ຄໍລຳຢູ່ຫຼາຍເວທີເພື່ອຮັບຟັງຄວາມເຫັນ ແລະ ຂໍ້ສະເໜີຈາກທົ່ວສັງຄົມ.

ອິນໂດເນເຊຍ-ມາເລເຊຍ-ໄທ ຂະຫຍາຍເຄືອຂ່າຍການເຮັດທຸລະກໍາດ້ວຍສະກຸນເງິນທ້ອງຖິ່ນ

06/08/2025 13:48

ຂ່າວຕ່າງປະເທດລາຍງານໃນວັນ 5 ສິງຫາ ຜ່ານມາວ່າ: ທະນາຄານແຫ່ງອິນໂດເນເຊຍ, ທະນາຄານກາງມາເລເຊຍ ແລະ ທະນາຄານແຫ່ງປະເທດໄທ ໄດ້ເພີ່ມທະນາຄານທີ່ເຂົ້າຮ່ວມໃນໂຄງການຕົວແທນບໍລິການແລກປ່ຽນເງິນຕາຂ້າມສະກຸນ (Cross-Currency Counterparty; ACCD) ເພື່ອແນໃສ່ຂະຫຍາຍການບໍລິການການເຮັດທຸລະກໍາທະວິພາຄີດ້ວຍສະກຸນເງິນທ້ອງຖິ່ນລະຫວ່າງສາມປະເທດ.

ສ ເກົາຫຼີ ມີພະນັກງານອາຍຸ 50 ປີຂຶ້ນໄປ ຫຼາຍກວ່າຜູ້ທີ່ມີອາຍຸ 20 ປີ

06/08/2025 13:47

ຂ່າວຕ່າງປະເທດລາຍງານວ່າ: Leaders Index ບໍລິສັດຕິດຕາມຂໍ້ມູນຂອງອົງການຈັດຕັ້ງ ເປີດເຜີຍໃນວັນທີ 5 ສິງຫາ ຜ່ານມາວ່າ: ບໍລິສັດຊັ້ນນໍາຂອງ ສ ເກົາຫຼີ ມີພະນັກງານປະຈຳ ອາຍຸ 20 ປີ ໜ້ອຍກວ່າຜູ້ທີ່ມີອາຍຸ 50 ປີຂຶ້ນໄປ ຊຶ່ງສະທ້ອນໃຫ້ເຫັນເຖິງການຫຼຸດລົງຂອງການຈ້າງງານໄວໜຸ່ມ ທ່າມກາງສະພາບເສດຖະກິດທີ່ຊ້າລົງ.

ຍີ່ປຸ່ນ ມີມະຕິປັບຄ່າແຮງງານຂັ້ນຕໍ່າທົ່ວປະເທດ

06/08/2025 13:45

ຂ່າວຕ່າງປະເທດລາຍງານ ໃນວັນທີ 5 ສິງຫາ ຜ່ານມາວ່າ: ຄະນະກຳມະການທີ່ປຶກສາກະຊວງແຮງງານ ຂອງຍີ່ປຸ່ນ ໄດ້ມີມະຕິໃນວັນທີ 4 ສິງຫາ ຜ່ານມາ ປັບຂຶ້ນຄ່າແຮງງານຂັ້ນຕ່ຳຕໍ່ຊົ່ວໂມງໂດຍສະເລ່ຍທົ່ວປະເທດ 63 ເຢນ ຫຼື 6% ສູ່ລະດັບສູງສຸດແບບບໍ່ເຄີຍມີມາກ່ອນ ທີ່ 1,118 ເຢນ (7.6 ໂດລາ) ສຳລັບປີງົບປະມານ 2025, ທ່າມກາງຄ່າຄອງຊີບທີ່ເພີ່ມຂຶ້ນ.

ເພີ່ມເຕີມ