ການປ່ອຍນ້ຳມັນໃນຄັ້ງນີ້ຈະມີປະລິມານຫຼາຍກວ່າ 182 ລ້ານບາເຣວ ຊຶ່ງເປັນສະຖິຕິເກົ່າທີ່ປະເທດສະມາຊິກ IEA ໄດ້ປ່ອຍອອກສູ່ຕະຫຼາດທັງໝົດສອງຄັ້ງໃນປີ 2022.
ບົດລາຍງານລະບຸວ່າ: ການຕັດສິນໃຈຂັ້ນສຸດທ້າຍຈະມີຂຶ້ນໃນວັນທີ 11 ມີນານີ້ ແລະ ຂໍ້ສະເໜີດັ່ງກ່າວຈະຖືກຈັດຕັ້ງປະຕິບັດທັນທີ ຖ້າຫາກບໍ່ມີປະເທດສະມາຊິກໃດຄັດຄ້ານ.
ທ່ານ ຟາຕີ ບີໂຣລ ຜູ້ອຳນວຍການບໍລິຫານຂອງ IEA ໄດ້ເປີດເຜີຍວ່າ: ປັດຈຸບັນ, ບັນດາປະເທດສະມາຊິກ IEA ມີນ້ຳມັນສຳຮອງສຸກເສີນລວມກັນຫຼາຍກວ່າ 1.2 ຕື້ບາເຣວ ແລະ ຍັງມີນ້ຳມັນສຳຮອງໃນຂະແໜງອຸດສາຫະກຳອີກ 600 ລ້ານບາເຣວ.
ກ່ອນໜ້ານີ້, CNBC ໄດ້ລາຍງານໂດຍອ້າງອີງຂໍ້ມູນຈາກບໍລິສັດທີ່ປຶກສາ Rapidan Energy Group ວ່າ: ການຢຸດການຂົນສົ່ງຜ່ານຊ່ອງແຄບຮໍມຸສ ເຮັດໃຫ້ເກີດການຢຸດສະງັກຂອງການສະໜອງນ້ຳມັນທົ່ວໂລກຄັ້ງໃຫຍ່ທີ່ສຸດໃນປະຫວັດສາດ, ໂດຍສົ່ງຜົນກະທົບຕໍ່ການຜະລິດເຖິງ 20% ແລະ ຮຸ່ນແຮງກວ່າວິກິດການຄອງຊູແອດ ໃນປີ 1956 ທີ່ສົ່ງຜົນກະທົບປະມານ 10% ແລະ ສົງຄາມອ່າວເປີເຊຍໃນປີ 1990-1991 ທີ່ສົ່ງຜົນກະທົບຕໍ່ການສະໜອງນໍ້າມັນປະມານ 9%.
ຄໍາເຫັນ