ທ່ານນາງ ຈໍເຈຍວາ ໄດ້ກ່າວໃນກອງປະຊຸມຂອງສະຖາບັນມິລເຄນ ທີ່ນະຄອນຫຼວງວໍຊິງຕັນດີຊີ ສະຫະລັດ ອາເມຣິກາ ວ່າ: ສະຖານະການໃນປັດຈຸບັນ, ລວມທັງການຂັດແຍ້ງທີ່ຍືດເຍື້ອ ໄດ້ເຮັດໃຫ້ສາລາຄານ້ຳມັນສູງກວ່າ 100 ໂດລາຕໍ່ບາເຣວແລ້ວ, ພ້ອມທັງແຮງກົດດັນດ້ານອັດຕາເງິນເຟີ້ທີ່ເພີ່ມຂຶ້ນ ເຮັດໃຫ້ IMF ອອກຄຳເຕືອນກ່ຽວກັບ “ສະຖານະການທີ່ຮ້າຍແຮງທີ່ສຸດ.”
ໃນເດືອນເມສາຜ່ານມາ, IMF ໄດ້ເປີດເຜີຍ 3 ສະຖານະການສຳລັບການເຕີບໂຕຂອງລວມຍອດຜະລິດຕະພັນພາຍໃນປະເທດ (GDP) ທົ່ວໂລກໃນປີ 2026-2027 ຄື: ການຄາດຄະເນອ້າງອີງ, ສະຖານະການທີ່ຮ້າຍແຮງທີ່ສຸດ ແລະ ສະຖານະການຮຸ່ນແຮງ ຊຶ່ງຮ້າຍແຮງກວ່າເກົ່າ.
ສຳລັບ, ສະຖານະການທີ່ຮ້າຍແຮງທີ່ສຸດ ຄາດຄະເນວ່າ: ການເຕີບໂຕທົ່ວໂລກຈະຊ້າລົງເຫຼືອ 2.5% ໃນປີ 2026 ພ້ອມກັບອັດຕາເງິນເຟີ້ເພີ່ມຂຶ້ນເປັນ 5.4%. ການຄາດຄະເນອ້າງອີງ, ໂດຍສົມມຸດວ່າຂໍ້ຂັດແຍ່ງເກີດຂຶ້ນໃນໄລຍະສັ້ນ, ການເຕີບໂຕຂອງໂລກຄາດວ່າຈະຢູ່ທີ່ 3.1% ດ້ວຍອັດຕາເງິນເຟີ້ຢູ່ທີ່ 4.4%. ໃນຂະນະທີ່ສະຖານະການຮຸ່ນແຮງ, ຄາດຄະເນວ່າການເຕີບໂຕຂອງໂລກຢູ່ທີ່ 2% ແລະ ອັດຕາເງິນເຟີ້ເພີ່ມຂຶ້ນເປັນ 5.8%.
ຄໍາເຫັນ