ທ່ານ ອານີຍາ ຖະແຫຼງຕໍ່ລັດຖະສະພາວ່າ: ນະໂຍບາຍດັ່ງກ່າວໄດ້ຖືກລວມເຂົ້າໃນຮ່າງກົດລະບຽບຂອງກະຊວງດັ່ງກ່າວແລ້ວ ແລະ ຈະຖືກຈັດຕັ້ງປະຕິບັດເທື່ອລະກ້າວ, ໂດຍກຳນົດໃຫ້ເກາະຊາວາເປັນຈຸດເລີ່ມຕົ້ນສຳລັບການປະຕິບັດງານ ແລະ ເຈົ້າຂອງທຸລະກິດນ້ຳມັນເຊື້ອໄຟທັງໝົດຈະຕ້ອງປະສົມໄບໂອເອທານອນ 5% ໃນນໍ້າມັນແອັດຊັງ ໃນໄລຍະເຄິ່ງທີສອງຂອງປີ 2026.
ທ່ານ ອານີຍາ ກ່າວຕື່ມວ່າ: ລັດຖະບານກໍາລັງກະກຽມທີ່ຈະເປີດໂຄງການປະສົມໄບໂອດີເຊວ 50% ຫຼື B50 ໃນວັນທີ 1 ກໍລະກົດ 2026, ໂດຍຮຽກຮ້ອງໃຫ້ທຸກອຸດສາຫະກຳຕ້ອງປະສົມໄບໂອດີເຊວທີ່ຜະລິດຈາກນໍ້າມັນປາມເຂົ້າໃນນ້ຳມັນກາຊວນ. ໂດຍລັດຖະບານໄດ້ສຳເລັດການທົດສອບເພື່ອກະກຽມສຳລັບການເລີ່ມໃຊ້ B50 ສໍາເລັດແລ້ວ.
ອິນໂດເນເຊຍຄາດວ່າ: ການຂະຫຍາຍການຄຸ້ມຄອງຂອງກົດລະບຽບກ່ຽວກັບນ້ຳມັນເຊື້ອໄຟຊີວະພາບເຫຼົ່ານີ້ຈະຊ່ວຍຫຼຸດຜ່ອນການນຳເຂົ້ານ້ຳມັນເຊື້ອໄຟ ເພີ່ມມູນຄ່າໃນການຜະລິດນ້ຳມັນປາມພາຍໃນປະເທດ, ສ້າງວຽກເຮັດງານທຳ ແລະ ຫຼຸດຜ່ອນການປ່ອຍອາຍພິດເຮືອນແກ້ວ ຊຶ່ງເປັນແຮງສະໜັບສະໜູນໃຫ້ອິນໂດເນເຊຍບັນລຸເປົ້າໝາຍການເພິ່ງຕົນເອງດ້ານພະລັງງານ ແລະ ການນຳໃຊ້ພະລັງງານທົດແທນຢ່າງກວ້າງຂວາງ.
ຄໍາເຫັນ