ເພື່ອບັນລຸເປົ້າໝາຍດັ່ງກ່າວ, ລັດຖະບານວາງແຜນຈະເພີ່ມປະສິດທິພາບການຜະລິດນ້ຳມັນພາຍໃນປະເທດໃຫ້ໄດ້ຫຼາຍທີ່ສຸດ, ປັດຈຸບັນມີປະມານ 580,000 ຫາ 600,000 ບາເຣວ/ວັນ. ທ່ານ ຕັນຈຸງ ກ່າວຕື່ມວ່າ: ທ່າແຮງຂອງແຫຼ່ງນ້ຳມັນພາຍໃນປະເທດຕ້ອງໄດ້ຮັບການນຳໃຊ້ຢ່າງເຕັມທີ່.
ຂ່າວລະບຸວ່າ: ລັດຖະບານຍັງໄດ້ຮຽກຮ້ອງໃຫ້ບໍລິສັດສໍາປະທານທີ່ມີພື້ນທີ່ສໍາຫຼວດ ແລະ ການຜະລິດ ໃຫ້ເລັ່ງເພີ່ມກໍາລັງການຜະລິດ ແລະ ທ່ານ ຕັນຈຸງ ໄດ້ແນະນໍາໃຫ້ບໍລິສັດເຫຼົ່ານີ້ຮ່ວມມືກັບບໍລິສັດເຕັກໂນໂລຊີ ເພື່ອປັບປຸງປະສິດທິພາບ ແລະ ການຜະລິດ.
ທ່ານ ຕັນຈຸງ ລະບຸຕື່ມວ່າ: “ຄວາມພະຍາຍາມຂອງພວກເຮົາໃນການເພີ່ມການຜະລິດນ້ຳມັນ ແລະ ອາຍແກັສແມ່ນແນໃສ່ການຜະລິດນໍ້າມັນພາຍໃນປະເທດໃຫ້ເກີນ 1 ລ້ານບາເຣວຕໍ່ມື້ ພາຍໃນປີ 2029 ຫຼື 2030”.
ປັດຈຸບັນ, ອິນໂດເນເຊຍ ມີການຊົມໃຊ້ນ້ຳມັນເຖິງ 1,6 ລ້ານບາເຣວຕໍ່ມື້ ຊຶ່ງສະແດງໃຫ້ເຫັນຢ່າງຈະແຈ້ງເຖິງຄວາມຈຳເປັນອັນຮີບດ່ວນເພື່ອເພີ່ມການຜະລິດພາຍໃນປະເທດ ແລະ ເພື່ອຫຼຸດຜ່ອນການເອື່ອຍອີງໃສ່ການນໍາເຂົ້າໃຫ້ໄດ້ຫຼາຍທີ່ສຸດ.
ຄໍາເຫັນ