 |
ໃນໄລຍະດຽວກັນ, ທ່ານປະທານອົງການກາແດງແຫ່ງຊາດລາວ ໄດ້ໃຫ້ກຽດເປັນປະທານເປີດ ຊຸດອົບຮົມການປະເມີນຂີດຄວາມສາມາດຂອງຊຸມຊົນ ໃນການຮັບມືກັບໄພພິບັດ (EVCA) ຢູ່ເມືອງຄູນຄຳ ແຂວງຄຳມ່ວນ. ຊຸດອົບຮົມນີ້ຈັດຂຶ້ນໃຫ້ພະນັກງານ ແລະ ພາກສ່ວນກ່ຽວຂ້ອງຈາກ 4 ເມືອງ (ໃນຂອບເຂດແຂວງຄຳມ່ວນ ແລະ ບໍລິຄຳໄຊ) ເພື່ອຍົກລະດັບຄວາມຮູ້-ທັກສະການປະເມີນຄວາມສ່ຽງ ແລະ ຄວາມອ່ອນແອຂອງຊຸມຊົນ ໂດຍໄດ້ຮັບການສະໜັບສະໜູນຈາກ ອົງການກາແດງສະວິດ (Swiss Red Cross).
 |
ພ້ອມດຽວກັນນີ້, ຄະນະກໍໄດ້ລົງ ມອບເຄື່ອງຊ່ວຍເຫຼືອ ໃຫ້ກັບປະຊາຊົນ 69 ຄອບຄົວ ຢູ່ບ້ານນາກາງ ເມືອງຄູນຄຳ, ຈາກນັ້ນໄດ້ໄປມອບເຄື່ອງບັນເທົາທຸກໃຫ້ກັບປະຊາຊົນທີ່ທຸກຍາກຂາດເຂີນ 50 ຄອບຄົວ ລວມມູນຄ່າ 45 ລ້ານກີບ ຢູ່ ບ້ານສີຊົມຊື່ນ, ເຫຼົາຫຼວງ, ໜອງຂຸ້ນ, ໜອງຫອຍ, ໂພນຄຳ ເມືອງຫີນບູນ ແຂວງຄຳມ່ວນ ແລະ ໄດ້ເດີນທາງຕໍ່ໄປມອບເຄື່ອງໃຫ້ປະຊາຊົນ 50 ຄອບຄົວທີ່ທຸກຍາກຂາດເຂີນຢູ່ບ້ານປ່າໄລ່ ເມືອງໄຊບູລີ ແຂວງສະຫວັນນະເຂດ ມູນຄ່າ 45 ລ້ານກີບ.
(ຂ່າວ: ກາແດງ)
ຄໍາເຫັນ