ມີພາກສ່ວນຕ່າງໆພາຍໃນແຂວງພ້ອມດ້ວຍສະມາຊິກກຳມະບານ, ກຳມະກອນເຂົ້າຮ່ວມຢ່າງຫຼວງຫຼາຍ.
ທ່ານ ນາງ ສີສະຫວັດ ໂຄດທະວົງສາ ປະທານຄະນະບໍລິຫານງານສະຫະພັນກຳມະບານແຂວງ ໄດ້ກ່າວເປີດງານວ່າ: ວັນທີ 1 ພຶດສະພາ ເປັນວັນກຳມະກອນສາກົນ ຊຶ່ງເປັນວັນທີ່ມີຄວາມໝາຍ, ຄວາມສໍາຄັນຂອງຊົນຊັ້ນກຳມະກອນ ແລະຊາວຜູ້ອອກແຮງງານ ເປັນວັນທີ່ກຳມະກອນໃນທົ່ວໂລກໄດ້ລຸກຮື້ຂຶ້ນໃນທ່າມກາງສະພາບແວດລ້ອມທີ່ຊົນຊັ້ນກຳມະກອນສາກົນ ໄດ້ກຳເນີດເກີດຂຶ້ນໃນທ້າຍສະຕະວັດທີ 18 ຫາຕົ້ນສະຕະວັດທີ 19 ຫຼາຍປະເທດໃນທະວີບເອີລົບ, ອາເມລິກາ ໄດ້ສໍາລັດການໂຄ່ນລົ້ມລະບອບສັກດີນາ ແລະ ສ້າງຕັ້ງລະບອບນາຍທຶນຂຶ້ນມາແທນ. ພາຍໃຕ້ການປົກຄອງຂອງພວກນາຍທຶນ, ຊົນຊັ້ນກຳມະກອນ ໄດ້ຖືກກົດຂີ່ຂູດຮີດນັບມື້ຍິ່ງໜັກໜ່ວງ ອອກແຮງງານສຸດທີ່ລໍາບາກ, ມີຄວາມສ່ຽງສູງຕໍ່ຊີວິດ ນາຍທຶນນັບມື້ເພີ່ມທະວີການກົດຂີ່ຂູດຮີດ ບັງຄັບຂົ່ມເຫັງໃຫ້ກຳມະກອນອອກແຮງງານ ໂດຍບໍ່ມີເວລາພັກຜ່ອນ, ມື້ໜຶ່ງເຮັດວຽກ 14–15 ຊົ່ວໂມງ ອອກແຮງງານໜັກ ແຕ່ຄ່າຕອບແທນໜ້ອຍ ບໍ່ມີການປ້ອງກັນສຸຂະພາບ ແລະຄວາມປອດໄພໃນສະຖານທີ່ເຮັດວຽກ ບໍ່ໄດ້ຮັບການເອົາໃຈໃສ່ ດ້ານສະຫວັດດີການ ຈຶ່ງພາໃຫ້ເກີດມີຂໍ້ຂັດແຍ່ງດັ່ງກ່າວນັບມື້ຮຸນແຮງຂຶ້ນເລື້ອຍໆ ມາໃນວັນທີ 1 ພຶດສະພາ 1886 ຂະບວນການຕໍ່ສູ້ຂອງຊົນຊັ້ນກຳມະກອນ ໃນຕົວເມືອງໃຫຍ່ໄດ້ທວງໃຫ້ນາຍທຶນເພີ່ມເງິນເດືອນ, ຫຼຸດຜ່ອນຊົ່ວໂມງເຮັດວຽກ ໂດຍຕໍ່ສູ້ເພື່ອທວງເອົາສິດຂອງຕົນ ພາຍໃຕ້ຄໍາຂວັນ: ແຕ່ນີ້ຕໍ່ໄປບໍ່ໃຫ້ກຳມະກອນຜູ້ໃດເຮັດວຽກເກີນ 8 ຊົ່ວໂມງຕໍ່ມື້, 8 ຊົ່ວໂມງ ພັກຜ່ອນ, 8 ຊົ່ວໂມງຮໍ່າຮຽນ. ດ້ວຍກຳລັງແຮງຂອງຊົນຊັ້ນກຳມະກອນ ຈຶ່ງໄດ້ກຳນົດເອົາ ວັນທີ 1 ພຶດສະພາ 1886 ເປັນວັນກຳມະກອນສາກົນ ນັບແຕ່ນັ້ນມາ ວັນທີ 1 ພຶດສະພາ ໄດ້ກາຍເປັນວັນບຸນໃຫຍ່ຂອງຊົນຊັ້ນກຳມະກອນໃນທຸກໆປີ.
ຂະບວນການຍ່າງຄັ້ງນີ້, ແມ່ນເລີ່ມແຕ່ຈຸດຫ້ອງວ່າການອອກໄປຫາວົງວຽນອາຊຽນແລ້ວຍ່າງກັບຄືນຕາມຖະໜົນຟ້າງຸ່ມມາຫາວົງວຽນກອງ ແລ້ວກັບເຂົ້າສູ່ຈຸດຫ້ອງວ່າການຄືເກົ່າໃນໄລຍະທາງ 2 ກິໂລແມັດ.
(ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ