ກຳປູເຈຍ ຈະຂຶ້ນຄ່າແຮງງານຂັ້ນຕໍ່າ ສຳລັບກຳມະກອນອຸດສາຫະກຳຕັດຫຍິບ

11:12 01/10/2026

ສຳນັກຂ່າວສານຊິນຮວາລາຍງານໃນວັນທີ 30 ກັນຍາ ຜ່ານມາວ່າ: ທ່ານ ຮຸນມາແນດ ນາຍົກລັດຖະມົນຕີກຳປູເຈຍ ໄດ້ປະກາດວ່າ: ກຳປູເຈຍໄດ້ກຳນົດຄ່າແຮງງານຂັ້ນຕ່ຳປະຈຳເດືອນໃໝ່ສຳລັບອຸດສາຫະກຳຕັດຫຍິບ, ເກີບ ແລະ ສິນຄ້າເພື່ອການເດີນທາງຂອງປະເທດ, ໂດຍເພີ່ມຂຶ້ນເປັນ 212 ໂດລາ ໃນປີ 2027, ເພີ່ມຂຶ້ນ 2 ໂດລາ ຈາກ 210 ໂດລາ.

ນອກເໜືອໄປຈາກຄ່າແຮງງານຂັ້ນຕ່ຳແລ້ວ, ຜູ້ອອກແຮງງານຈະໄດ້ຮັບສະຫວັດດີການ ແລະ ຄ່າຕອບແທນປະຈຳເດືອນ, ໂບນັດການມາເຮັດວຽກເປັນປະຈຳ, ເງິນຊົດເຊີຍຕາມອາຍຸການ, ເງິນອຸດໜູນທີ່ຢູ່ອາໄສ ແລະ ຄ່າເດີນທາງ, ລວມທັງເງິນອຸດໜູນຄ່າເດີນທາງເພີ່ມເຕີມເດືອນລະ 2.50 ໂດລາ ຊຶ່ງຈະເລີ່ມຈ່າຍໃນຕົ້ນປີໜ້າ, ເພື່ອຊ່ວຍຫຼຸດຜ່ອນພາລະຂອງຄ່າໃຊ້ຈ່າຍຈາກການເດີນທາງທີ່ເພີ່ມຂຶ້ນ.

ທ່ານ ຮຸນມແນດ ກ່າວວ່າ: ຄ່າແຮງງານພື້ນຖານປີ 2027 ຊຶ່ງກວມເອົາທັງຄ່າແຮງງານຂັ້ນຕ່ຳ ແລະ ສະຫວັດດີການສຳລັບຜູ້ອອກແຮງງານໃນອຸດສາຫະກຳດັ່ງກ່າວໄດ້ຮັບຄາດວ່າຈະຢູ່ທີ່ປະມານ 231.5-242.5 ໂດລາຕໍ່ເດືອນ, ໂດຍການປະກາດດັ່ງກ່າວຈະມີຜົນບັງຄັບໃຊ້ໃນວັນທີ 1 ມັງກອນ 2027.

ກະຊວງແຮງງານ ແລະ ການຝຶກອົບຮົມວິຊາຊີບຂອງກຳປູເຈຍເປີດເຜີຍວ່າ: ອຸດສາຫະກໍາຕັດຫຍິບ, ເກີບ ແລະ ສິນຄ້າເພື່ອການເດີນທາງ ຊຶ່ງເປັນແຫຼ່ງລາຍຮັບເງິນຕາຕ່າງປະເທດທີ່ໃຫຍ່ທີ່ສຸດຂອງກຳປູເຈຍ ປະກອບດ້ວຍໂຮງງານ ແລະ ບໍລິສັດຍ່ອຍປະມານ 1,800 ແຫ່ງ, ມີພະນັກງານປະມານ 1.1 ລ້ານຄົນ ຊຶ່ງສ່ວນໃຫຍ່ແມ່ນແມ່ຍິງ.

ໃນຂະນະດຽວກັນ, ກະຊວງການຄ້າຂອງກຳປູເຈຍລາຍງານວ່າ: ມູນຄ່າການສົ່ງອອກສິນຄ້າເຫຼົ່ານີ້ໃນລະຫວ່າງເດືອນມັງກອນ-ສິງຫາ 2026 ແມ່ນ 11.7 ຕື້ໂດລາ, ເພີ່ມຂຶ້ນ 7.2% ຈາກ 10.9 ຕື້ໂດລາ ໃນໄລຍະດຽວກັນໃນປີ 2025.

ຄໍາເຫັນ

ຂ່າວຕ່າງປະເທດ

ໄພນ້ຳຖ້ວມຢູ່ໄທເຮັດໃຫ້ມີຜູ້ເສຍຊີວິດ 24 ຄົນ

01/10/2026 11:15

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ຫວ່າງມໍ່ໆມານີ້, ຝົນຕົກໜັກຢ່າງຕໍ່ເນື່ອງເຮັດໃຫ້ເກີດໄພນ້ຳຖ້ວມຢູ່ປະເທດໄທ, ໃນວັນທີ 30 ກັນຍາ ຜ່ານມາ, ກົມປະຊາສຳພັນ ສຳນັກນາຍົກລັດຖະມົນຕີໄທໄດ້ອອກຂ່າວໂດຍລະບຸວ່າ, ໄພນ້ຳຖ້ວມເທື່ອນີ້ໄດ້ເຮັດໃຫ້ມີຜູ້ເສຍຊີວິດ 24 ຄົນ, ຫຼາຍລ້ານຄົນປະສົບໄພ, ກະທົບເຖິງນະຄອນຫຼວງບາງກອກ ແລະ ອີກ 31 ແຂວງ.

ສະຫະພາບເອີຣົບ ວາງແຜນຈະເພີ່ມທະວີການຄວບຄຸມຊາຍແດນ ເພື່ອປ້ອງກັນການເຂົ້າເມືອງຜິດກົດໝາຍ

01/10/2026 11:14

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 29 ກັນຍາ ຜ່ານມາ, ຄະນະກຳມະການສະຫະພາບເອີຣົບ ໄດ້ສະເໜີແຜນການທີ່ຈະຄວບຄຸມກ່ຽວກັບການເພີ່ມທະວີຄວາມໝັ້ນຄົງຢູ່ຊາຍແດນທາງນອກຂອງສະຫະພາບເອີຣົບ, ໂດຍມີຈຸດປະສົງເພື່ອຮັບມືກັບເຫດການຄົນເຂົ້າເມືອງຜິດກົດໝາຍຂະໜາດໃຫຍ່ທີ່ອາດເກີດຂຶ້ນ. ອີງຕາມແຜນການດັ່ງກ່າວ, ສະຫະພາບເອີຣົບຈະດຳເນີນການໃນ 5 ດ້ານ ຄື: ເພີ່ມທະວີການຮ່ວມມືກັບປະເທດທີ່ກ່ຽວຂ້ອງ, ເພີ່ມທະວີການຄຸ້ມຄອງ ແລະ ການຄວບຄຸມຊາຍແດນທາງນອກ, ປັບປຸງກົນໄກຕິດຕາມກວດກາ ແລະ ເຕືອນໄພລ່ວງໜ້າ, ລຶບລ້າງເຄືອຂ່າຍການຄ້າມະນຸດ ແລະ ການລັກລອບຂົນສົ່ງຄົນ ແລະ ເພີ່ມທະວີການສົ່ງຜູ້ເຂົ້າເມືອງຜິດກົດໝາຍກັບຄືນປະເທດ.

ທ່ານ ສີຈິ້ນຜິງ ກ່າວຄຳປາໄສໃນພິທີສະເຫຼີມສະຫຼອງວັນສະຖາປະນາ ສປ ຈີນ ຄົບຮອບ 77 ປີ

01/10/2026 11:11

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ພິທີສະເຫຼີມສະຫຼອງວັນສະຖາປະນາ ສາທາລະນະລັດ ປະຊາຊົນຈີນ ຄົບຮອບ 77 ປີ ໄດ້ຈັດຂຶ້ນໃນວັນທີ 30 ກັນຍາ ຜ່ານມາ ຢູ່ຫໍສະພາປະຊາຊົນແຫ່ງຊາດ ທີ່ນະຄອນຫຼວງປັກກິ່ງ. ທ່ານ ສີຈິ້ນຜິງ ເລຂາທິການໃຫຍ່ ຄະນະກຳມະການສູນກາງພັກກອມມູນິດຈີນ ປະທານປະເທດ ປະທານຄະນະກຳມະການການທະຫານສູນກາງຈີນ ໄດ້ເຂົ້າຮ່ວມ ແລະ ກ່າວຄຳປາໄສ.

ຫວຽດນາມ ຈະສືບຕໍ່ປະກອບສ່ວນເຂົ້າໃນການຮັກສາສັນຕິພາບ ແລະ ຄວາມໝັ້ນຄົງຢູ່ພາກພື້ນ

01/10/2026 11:08

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 30 ກັນຍາ ຜ່ານມາ ຢູ່ນະຄອນຫຼວງຮ່າໂນ້ຍ, ທ່ານ ເລມິງຮຶງ ນາຍົກລັດຖະມົນຕີ ຫວຽດນາມ ໄດ້ຕ້ອນຮັບຫົວໜ້າຄະນະຜູ້ແທນບັນດາປະເທດອາຊຽນ ທີ່ເຂົ້າຮ່ວມກອງປະຊຸມການນຳບັນດາອົງການປະຕິບັດກົດໝາຍ ອາຊຽນ ກ່ຽວກັບການຮ່ວມມືຕໍ່ສູ້, ຕ້ານອາຊະຍາກຳຫຼົບໜີ. ທ່ານນາຍົກລັດຖະມົນຕີຫວຽດນາມ ຢືນຢັນວ່າ: ຫວຽດນາມ ໃຫ້ຄຳໝັ້ນສັນຍາຈະສືບຕໍ່ປະກອບສ່ວນຢ່າງຕັ້ງໜ້າ, ມີຄວາມຮັບຜິດຊອບເຂົ້າໃນການຮັກສາສັນຕິພາບ, ຄວາມໝັ້ນຄົງຢູ່ພາກພື້ນ; ມານະພະຍາຍາມເພື່ອພ້ອມກັບບັນດາປະເທດສະມາຊິກປັບປຸງຄວາມສາມັກຄີ, ເຄົາລົບກົດໝາຍ, ສົນທະນາ ແລະ ເສີມຂະຫຍາຍບົດບາດໃຈກາງຂອງ ອາຊຽນ ຢ່າງແທ້ຈິງ.

ກອງປະຊຸມປະຈຳປີ ຄັ້ງທີ 11 ຂອງຄະນະກຳມະການບໍລິຫານທະນາຄານລົງທຶນພື້ນຖານໂຄງລ່າງອາຊີ

30/09/2026 13:11

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 28 ກັນຍາ ຜ່ານມາ, ກອງປະຊຸມປະຈຳປີຄັ້ງທີ 11 ຂອງຄະນະກຳມະການບໍລິຫານທະນາຄານລົງທຶນພື້ນຖານໂຄງລ່າງອາຊີ ຫຼື AIIB ໄດ້ຈັດຂຶ້ນຢູ່ນະຄອນຫຼວງໂດຮາ ປະເທດກາຕາ. ສະມາຊິກຄະນະກຳມະການບໍລິຫານ, ເຈົ້າໜ້າທີ່ອາວຸໂສຂອງລັດຖະບານບັນດາປະເທດ, ຄູ່ຮ່ວມມື ແລະ ຜູ້ຕາງໜ້າອົງການຈັດຕັ້ງທີ່ກ່ຽວຂ້ອງໄດ້ຮ່ວມກັນປຶກສາຫາລືກ່ຽວກັບວາລະຕ່າງໆ ຊຶ່ງລວມທັງການພັດທະນາ ແລະ ການຮ່ວມມືດ້ານພື້ນຖານໂຄງລ່າງແບບຍືນຍົງ ແລະ ອື່ນໆ.

ຄວາມເຊື່ອໝັ້ນທາງທຸລະກິດຂອງ ສ ເກົາຫຼີ ຫຼຸດລົງໃນເດືອນກັນຍາ

30/09/2026 12:31

ຂ່າວຕ່າງປະເທດລາຍງານວ່າ: ທະນາຄານກາງ ສ ເກົາຫຼີ ໄດ້ເປີດເຜີຍໃນວັນທີ 29 ກັນຍາ ຜ່ານມາວ່າ, ຄວາມເຊື່ອໝັ້ນທາງທຸລະກິດຂອງ ສ ເກົາຫຼີ ໄດ້ຫຼຸດລົງໃນເດືອນກັນຍາ, ຫຼັງຈາກບັນລຸລະດັບສູງສຸດໃນຮອບເກືອບ 4 ປີໃນເດືອນມິຖຸນາ ຍ້ອນວ່າຕົ້ນທຶນທີ່ສູງຂຶ້ນເປັນປັດໄຈສຳຄັນທີ່ສົ່ງຜົນກະທົບຕໍ່ຄວາມເຊື່ອໝັ້ນ.

ອົງການ FAO ຮຽກຮ້ອງໃຫ້ຫຼຸດຜ່ອນການສູນເສຍ ແລະ ການສິ້ນເປືອງອາຫານ

30/09/2026 12:26

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 29 ກັນຍາ ຜ່ານມາ ເປັນວັນສາກົນແຫ່ງຄວາມຮັບຮູ້ດ້ານການສູນເສຍ ແລະ ການສິ້ນເປືອງອາຫານ. ທ່ານ ຊວີ່ຕົ່ງຢວີ້ ຜູ້ອຳນວຍການໃຫຍ່ອົງການອາຫານ ແລະ ການກະເສດແຫ່ງສະຫະປະຊາຊາດ ຫຼື FAO ກ່າວວ່າ: ການຫຼຸດຜ່ອນການສູນເສຍ ແລະ ການສິ້ນເປືອງອາຫານມີຜົນດີຕໍ່ການຊຸກຍູ້ການຫັນປ່ຽນຮູບແບບຂອງລະບົບການກະເສດ ແລະ ອາຫານ, ປະຢັດຊັບພະຍາກອນທຳມະຊາດ ແລະ ທຶນຮອນ ພ້ອມທັງຫຼຸດຜ່ອນຄວາມກົດດັນຕໍ່ການອະນຸລັກປ່າໄມ້.

70% ຂອງພົນລະເມືອງຍີ່ປຸ່ນ ສະໜັບສະໜູນການນໍາ AI - ຫຸ່ນຍົນ ຊ່ວຍໃນທາງການແພດ

30/09/2026 11:03

ຂ່າວຕ່າງປະເທດລາຍງານວ່າ: ກະຊວງສາທາລະນະສຸກ, ແຮງງານ ແລະ ສະຫວັດດີການຂອງຍີ່ປຸ່ນໄດ້ເຜີຍແຜ່ຜົນການສຶກສາຜ່ານບົດລາຍງານປົກຂາວປະຈຳປີ ໃນວັນທີ 29 ກັນຍາ ຜ່ານມາວ່າ, ພົນລະເມືອງຍີ່ປຸ່ນຫຼາຍກວ່າ 70% ມີທັດສະນະຄະຕິໃນທາງບວກຕໍ່ການຮັບຮອງເອົາເຕັກໂນໂລຊີທີ່ທັນສະໄໝເຊັ່ນ: ປັນຍາປະດິດ (AI) ແລະ ຫຸ່ນຍົນ ມາໃຊ້ໃນຂະແໜງການແພດ ແລະ ການດູແລສຸຂະພາບ.

ຫວຽດນາມ ສົ່ງອອກຊາໄປຍັງ ອາເມຣິກາ ເພີ່ມຂຶ້ນ 36.4%

30/09/2026 11:00

ວິທະຍຸກະຈາຍສຽງຫວຽດນາມລາຍງານໃນວັນທີ 29 ກັນຍາ ຜ່ານມາວ່າ: ໃນ 8 ເດືອນຕົ້ນປີນີ້, ຫວຽດນາມ ໄດ້ສົ່ງອອກຊາ 77,256 ໂຕນ, ສ້າງລາຍຮັບໄດ້ 143.5 ລ້ານໂດລາ.

ເກີດເຫດຫິມະຖະຫຼົ່ມຢູ່ເນປານ ມີຜູ້ເສຍຊີວິດ 2 ຄົນ

29/09/2026 13:56

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 27 ກັນຍາ ຜ່ານມາ, ຕຳຫຼວດເນປານລາຍງານວ່າ, ເກີດເຫດຫິມະຖະຫຼົ່ມຢູ່ພູຮິມລຸງທາງພາກເໜືອຂອງເນປານ ແລະ ໄດ້ພົບຜູ້ເສຍຊີວິດ 2 ຄົນ.

ເພີ່ມເຕີມ