ກະຊວງກ່າວລະບຸວ່າ: ຜົນການສືບສວນເປີດເຜີຍວ່າ, ຄົນເຈັບເຮັດອາຊີບລ້ຽງໄກ່ ແລະ ເປັດ ຊຶ່ງມີບາງສ່ວນ ເຈັບປ່ວຍ ແລະ ຕາຍ. ໂດຍຜົນກວດຢືນຢັນວ່າລາວຕິດເຊື້ອ H5N1 ຫຼັງຈາກສຳຜັດໂດຍກົງກັບສັດປີກທີ່ຕາຍແລ້ວເປັນເວລາ 3 ມື້.
ຖະແຫຼງການດັ່ງກ່າວລະບຸວ່າ: ເຈົ້າໜ້າທີ່ສາທາລະນະສຸກກຳລັງເລັ່ງສືບສວນແຫຼ່ງທີ່ມາຂອງການຕິດເຊື້ອຢ່າງຮີບດ່ວນ ແລະ ກວດສອບກໍລະນີທີ່ສົງໃສ ແລະ ຜູ້ທີ່ໄດ້ຕິດຕໍ່ໃກ້ຊິດກັບຄົນເຈັບເພື່ອປ້ອງກັນການແຜ່ລະບາດໃນຊຸມຊົນ.
ຂ່າວລະບຸວ່າ: ຄົນເຈັບດັ່ງກ່າວຖືເປັນຜູ້ຕິດເຊື້ອໄຂ້ຫວັດສັດປີກໃນມະນຸດກໍລະນີທີ 2 ຂອງປີນີ້, ຫຼັງຈາກກໍລະນີທຳອິດເປັນຜູ້ຊາຍອາຍຸ 30 ປີ ຈາກແຂວງກຳປ໋ອດ ທີ່ຖືກກວດພົບໃນກາງເດືອນກຸມພາ ຜ່ານມາ ແລະ ໄດ້ຫາຍດີແລ້ວ.
ທັງນີ້, ເຊື້ອໄຂ້ຫວັດສັດປີກ H5N1 ມັກຈະແຜ່ລະບາດໃນສັດປີກທີ່ເຈັບປ່ວຍ ແຕ່ໃນບາງກໍລະນີສາມາດແຜ່ລະບາດຈາກສັດປີກສູ່ຄົນໄດ້. ໂດຍຄົນເຈັບຈະມີອາການໄຂ້, ໄອ, ນໍ້າມູກໄຫຼ ແລະ ມີບັນຫາກ່ຽວກັບລະບົບຫາຍໃຈຮຸນແຮງ.
ຄໍາເຫັນ