ໃນພົບປະເຈລະຈາ, ປະທານສະພາແຫ່ງຊາດທັງສອງໄດ້ຢັ້ງຢືນຍາມໃດກໍຖືເປັນສຳຄັນ ແລະ ໃຫ້ບຸລິມະສິດແຖວໜ້າຕໍ່ການພົວພັນລະຫວ່າງສອງປະເທດ, ໃນນັ້ນການຮ່ວມມືສະພາແຫ່ງຊາດແມ່ນຊ່ອງທາງສຳຄັນ, ເຫັນດີເປັນ ເອກະພາບສືບຕໍ່ປະສານສົມທົບຢ່າງແໜ້ນແຟ້ນ ຜັນຂະຫຍາຍບັນດາຄຳໝັ້ນສັນຍາ, ຂໍ້ຕົກລົງລະຫວ່າງການນຳສອງພັກ, ສອງລັດຢ່າງມີປະສິດທິຜົນ; ເພີ່ມທະວີການແລກປ່ຽນຄະນະຜູ້ແທນ, ຍົກສູງປະສິດທິຜົນຂອງບັນດາກົນໄກຮ່ວມມືສອງຝ່າຍ, ຊຸກຍູ້ການເຊື່ອມຕໍ່ພື້ນຖານໂຄງລ່າງຄົມມະນາຄົມ, ດ່ານຊາຍແດນ, ໂລຈິສຕິກ ແລະ ລະບົບສະໜອງ, ສ້າງຄວາມສະດວກໃຫ້ການຄ້າ, ການລົງທຶນ, ສູ້ຊົນນຳວົງເງິນການຄ້າສອງຝ່າຍບັນລຸເປົ້າໝາຍ 20 ຕື້ໂດລາ ໂດຍໄວ, ຊຸກຍູ້ວຽກງານກຳນົດ, ປັກຫຼັກໝາຍຊາຍແດນ ແລະ ປະສານສົມທົບ ຮັບປະກັນເຂດຊາຍແດນແຫ່ງສັນຕິພາບ, ສະຖຽນລະພາບ ແລະ ພັດທະນາ.
ສອງຝ່າຍເຫັນດີເປັນເອກະພາບປະສານສົມທົບການຈັດຕັ້ງບັນດາການເຄື່ອນໄຫວສະເຫຼີມສະຫຼອງ 60 ປີແຫ່ງການພົວພັນທາງການທູດ ຫວຽດນາມ - ກໍາປູເຈຍ (1967-2027), ຍູ້ແຮງການໂຄສະນາ, ການສຶກສາມູນເຊື້ອສາມັກຄີ, ມິດຕະພາບລະຫວ່ງສອງຊາດ.
ຄໍາເຫັນ