ການເກັບກູ້ຜົນຜະລິດເຂົ້ານາຂອງຊາວກະສິກອນ ເມືອງພຽງສຳເລັດແລ້ວ 30 ກວ່າສ່ວນຮ້ອຍ

ການເກັບກູ້ຜົນຜະລິດເຂົ້ານາຂອງຊາວກະສິກອນ ເມືອງພຽງສຳເລັດແລ້ວ 30 ກວ່າສ່ວນຮ້ອຍ
ການເກັບກູ້ຜົນຜະລິດເຂົ້າຂອງຊາວກະສິກອນ ເມືອງພຽງ ແຂວງໄຊຍະບູລີແມ່ນໄດ້ລົງມືເກັບກ່ຽວມາແຕ່ຕົ້ນເດືອນຕຸລາ 2023 ຊຶ່ງມາຮອດໃນໄລຍະນີ້ແມ່ນສຳເລັດໄປແລ້ວ 30 ກວ່າສ່ວນຮ້ອຍ ຊຶ່ງສ່ວນຫຼາຍແມ່ນເຂົ້ານາດໍ.ປັດຈຸບັນແມ່ນສືບຕໍ່ຂຸ້ນຂ້ຽວເກັບກ່ຽວໃຫ້ທ່ວງທັນກັບເວລາ.
ສຳລັບການເກັບກູ້ຜົນຜະລິດເຂົ້າໃນປີນີ້ຂອງຊາວກະສິກອນທົ່ວເມືອງພຽງແມ່ນເປັນຂະບວນການຟົດຟຶ້ນແລະພາກສ່ວນກ່ຽວຂ້ອງຂອງເມືອງກໍຄືຫ້ອງການກະສິກຳແລະປ່າໄມ້ເມືອງໂດຍສະເພາະແມ່ນໜ່ວຍງານປູກຝັງໄດ້ໃຫ້ຮູ້ວ່າ:ການເຄື່ອນໄຫວວຽກງານປູກຝັງແມ່ນໄດ້ເອົາໃຈໃສ່ຕິດຕາມ,ຊຸກຍູ້ການເກັບກູ້ເຂົ້ານາປີຂອງຊາວກະສິກອນໃນທົ່ວເມືອງແລະໃນປັດຈຸບັນນີ້ພວມຊຸກຍູ້ຕິດຕາມການເກັບກູ້ເຂົ້າຂອງຊາວກະສິກອນ ມີເນື້ອທີ່ປັກດໍາຕົວຈິງທັງໝົດ 6.880ກວ່າເຮັກຕາ,ມາຮອດປັດຈຸບັນເກັບກູ້ສຳເລັດແລ້ວ 2.610 ກວ່າເຮັກຕາ,ເທົ່າກັບ 38 ສ່ວນຮ້ອຍແລະສຳລັບການປູກເຂົ້າລວມແມ່ນມີເນື້ອທີ່ແຜນການ 7.480ກວ່າເຮັດຕາ, ປະຕິບັດໄດ້ 7.430ກວ່າເຮັກຕາ, ເທົ່າກັບ 99ກວ່າສ່ວນຮ້ອຍ, ເນື້ອທີ່ເກັບກູ້ແລ້ວ 2.990ກວ່າເຮັກຕາ ເທົ່າກັບ 40 ສ່ວນຮ້ອຍ,ຄາດຄະເນສະມັດຖະພາບ ໄດ້ 4,85 ໂຕນຕໍ່ເຮັກຕາ.ໃນນີ້ນາຊ່າວໃໝ່ 4,6 ເຮັກຕາ. ເນື້ອທີ່ແຜນການປູກເຂົ້ານາທັງໝົດ 6.880 ກວ່າເຮັກຕາ,ປະຕິບັດໄດ້ 6.880ກວ່າເຮັກຕາ, ເທົ່າກັບ 100ສ່ວນຮ້ອຍ, ເນື້ອທີ່ເກັບກູ້ 2ກ610ກວ່າເຮັກຕາ, ເທົ່າກັບ 38 ສ່ວນຮ້ອຍ, ນາທົ່ວໄປ 6.780ກວ່າເຮັກຕາ, ປະຕິບັດໄດ້ 6.760ກວ່າເຮັກຕາ, ເທົ່າກັບ 99 ກວ່າສ່ວນຮ້ອຍ, ເນື້ອທີ່ເກັບກູ້ແລ້ວ 2.610 ກວ່າເຮັກຕາ ເທົ່າກັບ 30 ກວ່າສ່ວນຮ້ອຍ, ນາກະເສດສຸມ ເນື້ອທີ່ແຜນການ 100 ເຮັກຕາ, ປະຕິບັດໄດ້ 120ກວ່າເຮັກຕາ, ເທົ່າກັບ 120 ສ່ວນຮ້ອຍ, ນາຢອດເມັດ ເນື້ອທີ່ປະຕິບັດ 54,24 ເຮັກຕາ, ນາຫວ່ານ 48,47 ເຮັກຕາ, ນາຜະລິດເມັດພັນເຂົ້າເນື້ອທີ່ປະຕິບັດ11.80 ເຮັກຕາ, ນາດຳດ້ວຍກົນຈັກ 5,50 ເຮັກຕາ.ນອກຈາກນີ້ຍັງໄດ້ຊຸກຍູ້ຕິດຕາມການເກັບກູ້ເຂົ້າໄຮ່ເນີນສູງມາຮອດປັດຈຸບັນສຳເລັດ 381,99 ເຮັກຕາ, ເທົ່າກັບ 70ສ່ວນຮ້ອຍ ຂອງເນື້ອທີ່ປະຕິບັດ 540ກວ່າເຮັກຕາ,ເນື້ອທີ່ແຜນການ 600 ເຮັກຕາ,ໃນນີ້ເນື້ອທີ່ຫຼຸດແຜນການຍ້ອນປະຊາຊົນໄດ້ຫັນເອົາເນື້ອທີ່ໄປປູກພືດປະເພດມັນຕົ້ນແລະອື່ນໆນອກຈາກນີ້ໄດ້ສັງລວມຜົນກະທົບໄພນໍ້າຖ້ວມໃນຄັ້ງວັນທີ 27 ຕຸລາ ຜ່ານມານີ້ໂດຍເຂົ້ານາຂອງປະຊາຊົນຈຳນວນໜຶ່ງໄດ້ຮັບຜົນກະທົບນ້ຳສຸໄຫຼແລະໄດ້ຮັບຜົນກະທົບຢູ່ 5 ບ້ານຄື: ບ້ານແສງຈະເລີນ,ດົງເງິນ,ເມືອງພຽງ,ໂພນຫີນ ແລະ ບ້ານນາແວນ ຊື່ງມີທັງໝົດ 18 ຄອບຄົວ,ມີເນື້ອທີ່ເສຍຫາຍ 7,85 ເຮັກຕາ.ພ້ອມທັງໄດ້ຊຸກຍູ້ຕິດຕາມການເກັບກູ້ພືດລະດູຝົນມາຮອດປັດຈຸບັນນີ້ສາມາດເກັບກູ້ສໍາເລັດແລ້ວ 682 ເຮັກຕາ,ເທົ່າກັບ 3,54ສ່ວນຮ້ອຍ ຂອງເນື້ອທີ່ແຜນການ 16.770ກວ່າເຮັກຕາ, ໃນນີ້ ພືດສະບຽງອາຫານເກັບກູ້ ສໍາເລັດ 375 ເຮັກຕາ,ເທົ່າກັບ 84,56 ສ່ວນຮ້ອຍ, ພືດເປັນສິນຄ້າ ເກັບກູ້ສໍາເລັດ 300ກວ່າເຮັກຕາ,ເທົ່າກັບ 1,63 ສ່ວນຮ້ອຍແລະສຳລັບການເກັບກູ້ເຂົ້ານາປີຂອງຊາວກະສິກອນທົ່ວເມືອງພຽງປີນີ້ຄາດວ່າຈະໃຫ້ສຳເລັດໃນທ້າຍເດືອນທັນວາ 2023ນີ້ຮ້ອຍສ່ວນຮ້ອຍ.
ນອກຈາກການເກັບກູ້ເຂົ້າແລ້ວຊາວກະສິກອນຈຳນວນໜຶ່ງຍັງໄດ້ເລີ່ມປູກພືດ ຕ່າງໆເຊັ່ນ:ໝາກແຕງ,ໝາກເຂືອ,ໝາກເຜັດແລະພືດຜັກອື່ນໆເພື່ອສົ່ງຂາຍໃຫ້ກັບຜູ້ບໍລິໂພກໃນທ້ອງຕະຫຼາດກໍຄືຕ່າງເມືອງແລະຕ່າງແຂວງໂດຍນຳໃຊ້ພື້ນທີ່ວ່າງໃຫ້ເປັນປະໂຫຍດພ້ອມທັງເປັນການສ້າງຂະບວນການເພື່ອຂ່ຳນັບຮັບຕ້ອນກອງປະຊຸມໃຫຍ່ 3 ຂັ້ນຂອງພັກແລະວັນສຳຄັນຕ່າງໆຂອງພັກ-ຂອງຊາດໃຫ້ເປັນຂະບວນການຟົດຟື້ນຕື່ມອີກ.
ຂ່າວ: ແສງສຸດາ ກິ່ງສະຫວັດ.

ຄໍາເຫັນ

ຂ່າວເສດຖະກິດ

ການຖະແຫຼງຂ່າວຂອງກຸ່ມບໍລິສັດເຄມີແຫ່ງຊາດ ຫວຽດນາມ

ການຖະແຫຼງຂ່າວຂອງກຸ່ມບໍລິສັດເຄມີແຫ່ງຊາດ ຫວຽດນາມ

ລິເລີ່ມໂຄງການຂຸດຄົ້ນ ແລະ ປຸງແຕ່ງເກືອແຮ່ ຢູ່ ລາວ ຄືນໃໝ່ ດ້ວຍມູນຄ່າ 492 ລ້ານໂດລາ. ໃນຕອນເຊົ້າຂອງວັນທີ 12 ຕຸລາຜ່ານມາ, ທີ່ເມືອງໜອງບົກ ແຂວງຄຳມ່ວນ, ກຸ່ມບໍລິສັດເຄມີແຫ່ງຊາດຫວຽດນາມ (Vinachem) ໂດຍຮ່ວມມືກັບ ບໍລິສັດຮຸ້ນສ່ວນລົງທຶນດ້ານພະລັງງານ ແລະ ບໍ່ແຮ່ຫວຽດນາມ, ໄດ້ຈັດພິທີລິເລີ່ມໂຄງການຂຸດຄົ້ນ ແລະ ປຸງແຕ່ງເກືອແຮ່ຄືນໃໝ່. ໂຄງການດັ່ງກ່າວ ມີເປົ້າໝາຍຈະນຳໂຮງງານ ຊຶ່ງຖືກອອກແບບໃຫ້ມີກຳລັງການຜະລິດ ໂປຕາສຊຽມ ຄລໍໄຣດ໌ (potassium chloride) 500,000 ໂຕນຕໍ່ປີ ເຂົ້າສູ່ຂະບວນການຜະລິດພາຍໃນ ປີ 2028.
ເສດຖະກິດເມືອງທ່າແຕງ ສືບຕໍ່ຂະຫຍາຍຕໍ່​ເນື່ອງ

ເສດຖະກິດເມືອງທ່າແຕງ ສືບຕໍ່ຂະຫຍາຍຕໍ່​ເນື່ອງ

ການຈັດຕັ້ງປະຕິບັດ ມະຕິກອງປະຊຸມໃຫຍ່ອົງຄະນະພັກເມືອງທ່າແຕງ ແຂວງ​ເຊກອງກໍຄືການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ (2025-2029) ເຫັນວ່າ ເສດຖະກິດເມືອງທ່າແຕງ ຍັງສືບຕໍ່ຂະຫຍາຍຕົວເພີ່ມຂຶ້ນ ສະເລ່ຍ 5.7%.
6​ ເດືອນຕົ້ນປີນີ້ ເສດຖະກິດແຂວງ​ອັດ​ຕະ​ປືຂະຫຍາຍຕົວ 4.​3%

6​ ເດືອນຕົ້ນປີນີ້ ເສດຖະກິດແຂວງ​ອັດ​ຕະ​ປືຂະຫຍາຍຕົວ 4.​3%

ໃນ 6 ເດືອນ​ຕົ້ນ​ປີ 2026 ເສດ​ຖະ​ກິດ​ແຂວງ​ອັດ​ຕະ​ປື​ຂະ​ຫຍາຍ​ຕົວ 4.3%, ໃນ​ນັ້ນຂະ​ແໜງ​ກະ​ສິ​ກຳຂະ​ຫຍາຍ​ຕົວ 4.9% ກວມ 51% ຂອງ GDP, ຂະແໜງອຸດສາຫະກຳ ຂະຫຍາຍຕົວ 4.2% ກວມ 29%,ຂະແໜງບໍລິການ ຂະຫຍາຍຕົວ 3.7% ກວມ 17% ແລະ ຂະແໜງພາສີ-ອາກອນ ຂະຫຍາຍຕົວ 5.8%.
ກາເຟປ່າວຊ່ານ ລົດຊາດລະດັບໂລກ ເປັນພະລັງຂັບເຄື່ອນຊຸມຊົນ

ກາເຟປ່າວຊ່ານ ລົດຊາດລະດັບໂລກ ເປັນພະລັງຂັບເຄື່ອນຊຸມຊົນ

ດ້ວຍສັກກະຍະພາບດ້ານຊັບພະຍາກອນທາງທຳມະຊາດ ພູມສາດ ແລະ ສະພາບອາກາດທີ່ເອື້ອອຳນວຍ ເມືອງປ່າວຊານ ໄດ້ພັດທະນາອຸດສາຫະກຳກາເຟອາຣາບີກາໃຫ້ເຕີບໂຕຢ່າງຕໍ່ເນື່ອງ ແລະ ສ້າງມູນຄ່າເພີ່ມຕາມຫ່ວງໂຊ່ການຜະລິດ. “ກາເຟອາຣາບີກາປ່າວຊານ” ໄດ້ກາຍເປັນສິນຄ້າກະສິກຳຫຼັກຂອງພື້ນທີ່ ດ້ວຍຄຸນນະພາບມາດຕະຖານສູງ ແລະ ອັດຕະລັກດ້ານລົດຊາດທີ່ໂດດເດັ່ນ ໂດຍມີຈຸດເດັ່ນຄື “ບໍ່ສົ້ມ, ບໍ່ຮຶນ,ເຂັ້ມແຕ່ບໍ່ຂົມຫຼາຍ, ຫອມແບບທຳມະຊາດກິ່ນດອກໄມ້ອ່ອນໆ” ສະທ້ອນໃຫ້ເຫັນສັກກະຍະພາບການຜະລິດແລະ ການຄວບຄຸມຄຸນນະພາບຢ່າງເປັນລະບົບ.
ເມືອງໄຊເສດຖາ ມີມູນຄ່າການຈໍລະຈອນສິນຄ້າ 169 ຕື້ກີບ.

ເມືອງໄຊເສດຖາ ມີມູນຄ່າການຈໍລະຈອນສິນຄ້າ 169 ຕື້ກີບ.

ໃນໄລຍະ 6 ເດືອນຕົ້ນປີ 2026 ນີ້ເມືອງໄຊເສດຖາ, ແຂວງອັດຕະປື ມີມູນຄ່າການຈໍລະຈອນສິນຄ້າ 169 ຕື້ກີບ, ບັນລຸໄດ້ເກືອບ 100% ຂອງແຜນການປີ, ເຊິ່ງ ປັດຈຸບັນທົ່ວເມືອງ ມີຫົວໜ່ວຍທຸລະກິດທັງໝົດ 596 ຫົວໜ່ວຍ, ໃນນີ້ 6 ເດືອນຜ່ານມາ, ສາມາດຊຸກຍູ້ທຸລະກິດໃໝ່ເຂົ້າຈົດທະບຽນໄດ້ຕື່ມອີກ 22 ຫົວໜ່ວຍ ແລະ ຍັງມີຫົວໜ່ວຍທຸລະກິດນອກລະບົບ ບໍ່ມີທະບຽນວິສາຫະກິດ ເຖິງ 391 ຫົວໜ່ວຍ, ທີ່ຈະຕ້ອງໄດ້ເລັ່ງໃຫ້ໄດ້ຂຶ້ນທະບຽນຖືກຕ້ອງຕາມກົດໝາຍ.
6 ເດືອນຕົ້ນປີ ເສດຖະກິດແຂວງອັດຕະປື ຂະຫຍາຍຕົວຢູ່ໃນລະດັບ 3,8%

6 ເດືອນຕົ້ນປີ ເສດຖະກິດແຂວງອັດຕະປື ຂະຫຍາຍຕົວຢູ່ໃນລະດັບ 3,8%

ໃນໄລຍະ 6 ເດືອນຕົ້ນປີ 2026 ແຂວງອັດຕະປື ມີອັດຕາການຂະຫຍາຍຕົວຂອງເສດຖະກິດ ຢູ່ໃນລະດັບ 3.8% (ມະຕິສະພາ 5.4%), ຄິດເປັນມູນຄ່າຕາມລາຄາໃນປີ 1,231 ຕື້ກີບ ເທົ່າກັບ 15.6% ຂອງແຜນການ (ມະຕິສະພາ 7,850 ຕື້ກີບ), ລວມຍອດຜະລິດຕະພັນພາຍໃນສະເລ່ຍຕໍ່ຫົວຄົນບັນລຸໄດ້ 21.9 ລ້ານກີບ (ມະຕິສະພາ 42 ລ້ານກີບ).
ລັດຖະມົນຕີກະຊວງ ອຄ ເນັ້ນໃຫ້ສາລະວັນເອົາໃຈໃສ່ກວດກາລາຄາ ແລະ ຄຸນນະພາບສິນຄ້າ

ລັດຖະມົນຕີກະຊວງ ອຄ ເນັ້ນໃຫ້ສາລະວັນເອົາໃຈໃສ່ກວດກາລາຄາ ແລະ ຄຸນນະພາບສິນຄ້າ

ທ້າຍອາທິດຜ່ານມານີ້, ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກຳ ແລະ ການຄ້າ (ອຄ) ພ້ອມຄະນະ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງສາລະວັນ, ໂດຍໃຫ້ກຽດຕ້ອນຮັບຂອງ ທ່ານ ໂພທິຍາ ວົງຈອມສີ ຫົວໜ້າພະແນກອຸດສາຫະກຳ ແລະ ການຄ້າແຂວງສາລະວັນ ພ້ອມຄະນະ ໃຫ້ກຽດຕ້ອນຮັບຢ່າງ ອົບອຸ່ນຢູ່ທີ່ຫ້ອງປະຊຸມຂອງຕົນ.
ຄວາມໝາຍ ແລະ ຄວາມສໍາຄັນຂອງເສດຖະກິດມໍຣະດົກ

ຄວາມໝາຍ ແລະ ຄວາມສໍາຄັນຂອງເສດຖະກິດມໍຣະດົກ

ເສດຖະກິດມໍຣະດົກມີຄວາມໝາຍ ແລະ ນິຍາມກວ້າງຂວາງ. ກ່ອນອື່ນຕ້ອງເຂົ້າໃຈຄວາມໝາຍຂອງ “ມໍຣະດົກ” ໝາຍເຖິງທຸກສິ່ງທຸກຢ່າງທີ່ເປັນວັດຖຸ ນິວັດຖຸທີ່ມີຄຸນຄ່າ ທີ່ພວກເຮົາໄດ້ຮັບການສືບທອດມາຈາກບັນພະບູລຸດ. ມໍຣະດົກບໍ່ພຽງແຕ່ເປັນເອກະລັກຂອງຊາດເທົ່ານັ້ນ, ແຕ່ຍັງເປັນຊັບສິນ ຫຼື ສົມບັດທີ່ມີຄຸນຄ່າທີ່ສາມາດນໍາໃຊ້ເປັນທ່າແຮງໃນການພັດທະນາເສດຖະກິດ-ສັງຄົມຂອງປະເທດ.
ປີນີ້, ຄາດວ່າ GDPຈະຂະຫຍາຍຕົວຢູ່ລະດັບ 5.1%

ປີນີ້, ຄາດວ່າ GDPຈະຂະຫຍາຍຕົວຢູ່ລະດັບ 5.1%

ໃນຫວ່າງບໍ່ດົນມານີ້,ສູນສະຖິຕິແຫ່ງຊາດ ກະຊວງການເງີນ ໄດ້ສະຫຼຸບຕົວເລກຂາດຕົວລວມຍອດຜະລິດຕະພັນພາຍໃນ (GDP)ປີ 2025 ແລະ ທ່າອ່ຽງ ປີ 2026 ຂະນະທີ່ລາວ ຍັງພົບຄວາມຫຍຸ້ງຍາກທາງດ້ານເສດຖະກິດເປັນຕົ້ນ ສະຖຽນລະພາບທາງດ້ານການເງິນ ແລະ ເງິນຕາ, ບັນຫາການເພີ່ມຂຶ້ນຂອງລາຄາ, ອັດຕາເງິນເຟີ້ທີ່ຍັງສືບຕໍ່ເພີ່ມຂຶ້ນ ແລະ ບັນຫາໜີ້ສິນຕ່າງປະເທດ.
ເພີ່ມເຕີມ