ແລະ ນໍາໃຊ້ເງິນກອງທຶນຄຸ້ມຄອງໄພພິບັດ ເພື່ອຊ່ວຍເຫຼືອຜູ້ປະສົບໄພພິບັດເກີດຂຶ້ນໃນຂອບເຂດທົ່ວປະເທດວ່າ:ໂດຍການຊີ້ນໍາຢ່າງໃກ້ຊິດຈາກກົມການເມືອງ, ຄະນະເລຂາທິການສູນກາງພັກ ແລະ ລັດຖະບານ, ຄະນະກໍາມະການຄຸ້ມຄອງໄພພິບັດຂັ້ນສູນກາງແລະ ຂັ້ນທ້ອງຖິ່ນ ໄດ້ຊີ້ນໍາ-ນໍາພາ ກໍາລັງປ້ອງກັນຊາດ, ປ້ອງກັນຄວາມສະຫງົບແລະ ອົງການຈັດຕັ້ງມະຫາຊົນແຕ່ລະທ້ອງຖິ່ນ ທີ່ໄດ້ຮັບຜົນກະທົບໄພນໍ້າຖ້ວມ ລົງໄປຊ່ວຍຍົກຍ້າຍປະຊາຊົນ,ຜູ້ອາຍຸສູງ, ເດັກນ້ອຍ, ເຄື່ອງຂອງ ແລະ ສັດລ້ຽງ ໄປຢູ່ບ່ອນທີ່ປອດໄພ ແລະ ສ້າງຄັນຄູ ຕ້ານໄພນໍ້າຖ້ວມຊຶ່ງໄດ້ອະນຸມັດມອບເງິນກອງທຶນຄຸ້ມຄອງໄພພິບັດຈໍານວນ 1 ຕື້ກີບ ໃຫ້ 6 ແຂວງ ເພື່ອນໍາໃຊ້ເຂົ້າໃນການຕອບໂຕ້ສຸກເສີນ,ໄດ້ຊ່ວຍເຫຼືອເຄື່ອງອຸປະໂພກ-ບໍລິໂພກໃຫ້ບັນດາແຂວງ ແລະ ນະຄອນຫຼວງວຽງຈັນ ທີ່ໄດ້ຮັບຜົນກະທົບຈາກໄພພິບັດລວມມູນຄ່າ 5.065.701.820 ກີບ, ໃນນີ້: ແຂວງຫຼວງນໍ້າທາ 3.196.694.820 ກີບ. ພ້ອມນັ້ນ, ຍັງໄດ້ຈັດຕັ້ງສະຖານທີ່ບໍລິການສຸຂະພາບຊົ່ວຄາວ 2 ແຫ່ງ,ໃຫ້ການບໍລິການປິ່ນປົວບາດແຜ, ວັກຊິນ ແລະ ຢາສຸກເສີນ, ຕັ້ງຈຸດບໍລິການນໍ້າສະອາດ, ນໍາໃຊ້ລົດຜະລິດນໍ້າສະອາດບໍລິການປະຊາຊົນ, ນໍາໃຊ້ລົດຊີແຕັກບັນທຸກນໍ້າ ບໍລິການປະຊາຊົນ, ແຈກຢາຍຕຸກໃສ່ນໍ້າ, ມອບເຄື່ອງໃຊ້ຄົວເຮືອນ, ນໍ້າຢາຂ້າເຊື້ອ, ຫີນສົ້ມ ແລະ ຜ້າບັດ, ຢາ ແລະ ອຸປະກອນການແພດ ແລະ ອາຫານແຫ້ງຈໍານວນໜຶ່ງ ແລະ ໄດ້ສົ່ງທີມງານປະເມີນລົງຮ່ວມກັບແຂວງດໍາເນີນການປະເມີນຜົນກະທົບ, ຜົນເສຍຫາຍ, ຄວາມຕ້ອງການຟື້ນ ຟູຮີບດ່ວນ ແລະ ຟື້ນຟູຫຼັງໄພພິບັດ ສໍາເລັດ 4 ແຂວງຄື: ແຂວງຫຼວງພະບາງ, ຫົວພັນ, ຊຽງຂວາງ ແລະ ໄຊຍະບູລີ.
ທ່ານ ລີປາວ ຢ່າງ ໄດ້ກ່າວຕື່ມວ່າ: ດ້ວຍຄວາມເປັນຫວ່ງເປັນໃຍ ຕໍ່ປະຊາຊົນ ຜູ້ປະສົບໄພພິບັດນໍ້າຖ້ວມ ໃນຂອບເຂດທົ່ວປະເທດ ໃນປີ 2024 ນີ້, ນັບແຕ່ວັນທີ 29 ສິງຫາ ຮອດວັນທີ 17 ກັນຍາ 2024 ໄດ້ມີບັນດາຂະແໜງການຂອງລັດ, ຫົວໜ່ວຍທຸລະກິດຂອງລັດ, ເອກະຊົນ, ບຸກຄົນ ແລະ ນິຕິບຸກຄົນ ມາໃຫ້ການບໍລິຈາກເປັນເງິນ ແລະ ເຄື່ອງອຸປະໂພກ-ບໍລິໂພກ ເພື່ອຊ່ວຍແບ່ງເບົາຄວາມຫຍຸ້ງຍາກຂອງປະຊາຊົນຜູ້ປະສົບໄພພິບັດ ຢູ່ບັນດາແຂວງໂດຍຜ່ານຄະນະກໍາມະການຄຸ້ມຄອງໄພພິບັດຂັ້ນສູນກາງ ຊຶ່ງລວມມີ 39 ພາກສ່ວນ, ເປັນເງິນທັງໝົດ 32.465.850.000 ກີບ.
ການຄຸ້ມຄອງເງິນກອງທຶນຄຸ້ມຄອງໄພພິບັດງົບປະມານ ທີ່ນໍາໃຊ້ການແກ້ໄຂໄພພິບັດແມ່ນແຍກເປັນ 2 ສ່ວນ ຄື: ບັນດາໂຄງການຟື້ນຟູຫຼັງໄພພິບັດ ແມ່ນນໍາໃຊ້ບ້ວງງົບປະມານໂຄງການລົງທຶນຂອງລັດທີ່ເອົາເຂົ້າແຜນງົບປະມານການລົງທຶນໃນແຕ່ລະປີຕາມກົດໝາຍວ່າດ້ວຍການລົງທຶນຂອງລັດສະບັບເລກທີ 72/ສພຊ, ລົງວັນທີ 15 ທັນວາ 2015 ແລະ ຄໍາແນະນໍາ 1767 /ກຜທ.ກຜ6, ລົງວັນທີ 22 ກໍລະກົດ 2024;ໂຄງການແກ້ໄຂໄພພິບັດສຸກເສີນ ແມ່ນນໍາໃຊ້ກອງທຶນຄຸ້ມຄອງໄພພິບັດ ໂດຍປະຕິບັດຕາມມາດຕາ 47 ຂອງກົດໝາຍ ວ່າດ້ວຍການຄຸ້ມຄອງໄພພິບັດ ແລະ ມາດຕາ 5 ຂອງ ດໍາລັດວ່າດ້ວຍກອງທຶນຄຸ້ມຄອງໄພພິບັດ ຊຶ່ງມີງົບປະມານທີ່ລັດຖະບານຈັດສັນໃຫ້ແຕ່ລະປີ; ເງິນປະກອບສ່ວນຂອງໂຄງການ, ພາກສ່ວນທຸລະກິດ ແລະ ບຸກຄົນທົ່ວໄປ.
ເປົ້າໝາຍການນໍາໃຊ້ກອງທຶນການຊ່ວຍເຫຼືອສຸກເສີນ: ບ່ອນຢູ່ອາໄສຊົ່ວຄາວ, ອາຫານ, ນໍ້າດື່ມ, ນໍ້າໃຊ້, ການບໍລິການແພດສຸກເສີນ, ເຄື່ອງນຸ່ງຫົ່ມ ແລະ ອື່ນໆ ໃຫ້ຜູ້ປະສົບໄພພິບັດ; ການສ້ອມແປງໂຄງລ່າງພື້ນຖານທີ່ຈໍາເປັນ: ເຂັ້ນທາງ, ຂົວ, ໄຟຟ້າ, ໂທລະຄົມມະນາຄົມ, ນໍ້າສະອາດ,ໂຮງໝໍ ແລະ ສຸຂະນາໄມ; ການປະເມີນຜົນເສຍຫາຍ ແລະ ຄວາມຕ້ອງການຮີບດ່ວນເບື້ອງຕົ້ນ; ການອະນຸມັດກອງທຶນຄຸ້ມຄອງໄພພິບັດແມ່ນຄະນະກໍາມະການຄຸ້ມຄອງໄພພິບັດຂັ້ນນັ້ນເປັນຜູ້ອະນຸມັດ;ສໍາລັບສະເໜີນໍາໃຊ້ກອງທຶນຄຸ້ມຄອງໄພພິບັດຂັ້ນສູນກາງ, ໃນເມື່ອທ້ອງຖິ່ນໃດ ຫາກໄດ້ຮັບຜົນກະທົບຈາກ ໄພພິບັດທີ່ສ້າງຄວາມເສຍຫາຍຫຼວງຫຼາຍ, ທາງຄະນະກໍາມະການຄຸ້ມຄອງໄພພິບັດຂັ້ນສູນກາງ ຈະແຕ່ງຕັ້ງທີມງານລົງໄປຊ່ວຍ ຄະນະກໍາມະການຄຸ້ມຄອງໄພພິບັດຂັ້ນທ້ອງຖິ່ນ ໃນການປະເມີນຄວາມເສຍຫາຍ ເພື່ອກໍານົດບັນດາໂຄງການທີ່ຈະຕ້ອງໄດ້ແກ້ໄຂສຸກເສີນທີ່ມີຄວາມຈໍາເປັນ ແລະ ຮັບຮອງຈາກ ອົງການປົກຄອງທ້ອງຖິ່ນ ແລ້ວລາຍງານຕໍ່ຄະນະກໍາມະການຄຸ້ມຄອງໄພພິບັດຂັ້ນສູນກາງ ພິຈາລະນາຮັບຮອງສະເໜີລັດຖະບານອະນຸມັດ ແລະ ແຈ້ງຄືນ ໃຫ້ຄະນະກໍາມະການຄຸ້ມຄອງໄພພິບັດຂັ້ນທ້ອງຖິ່ນ ເປັນຜູ້ດໍາເນີນຂັ້ນຕອນຕາມກົດໝາຍວ່າດ້ວຍການຈັດຊີ-ຈັດຈ້າງຂອງລັດ.
ນັບແຕ່ວັນທີ 18 ກໍລະກົດ 2024 ຮອດປັດຈຸບັນ, ສປປ ລາວ ໄດ້ຮັບຜົນກະທົບຈາກພາຍຸ 3 ຫົວ ຄື: ພາຍຸດີເປຣຊັນ (Depression), ພາຍຸໝູນເຂດຮ້ອນ ພຣະພິຣູນ (Prapiroon) ແລະ ພາຍຸໄຕ້ຝຸ່ນ ຢາກິ (YAKI) ອັນໄດ້ສົ່ງຜົນກະທົບຕໍ່ 15 ແຂວງ ຄື: ນະຄອນຫຼວງວຽງຈັນ, ແຂວງຫຼວງນໍ້າທາ, ຜົ້ງສາລີ, ສາລະວັນ, ຄໍາມ່ວນ, ຫຼວງພະບາງ, ຊຽງຂວາງ, ຫົວພັນ, ເຊກອງ, ວຽງຈັນ, ບໍ່ແກ້ວ, ໄຊຍະບູລີ, ບໍລິຄໍາໄຊ, ໄຊສົມບູນ ແລະ ອຸດົມໄຊ ກວມເອົາ 100 ເມືອງ, 1.144 ບ້ານ, 45.661 ຄອບຄົວ, ຈໍານວນພົນ 176.024 ຄົນຍິງ 75.054 ຄົນ, ເສຍຊີວິດ 5 ຄົນ ແລະ ສູນຫາຍ 1 ຄົນ, ມີ 182 ຄອບຄົວ ຖືກຍົກຍ້າຍໄປຢູ່ສູນພັກຊົ່ວຄາວ, ເຮືອນເປ່ເພ 169 ຫຼັງ; ເນື້ອທີ່ທໍາການຜະລິດເສຍຫາຍ ¬13.139 ເຮັກຕາ, ເສັ້ນທາງ 262 ເສັ້ນ, ຂົວ 12 ແຫ່ງ, ຊົນລະປະທານ 87 ແຫ່ງ, ສຸກສາລາ 5 ແຫ່ງ, ນໍ້າລິນ 30 ແຫ່ງ, ໜອງປາ 334 ໜອງ, ສັດໃຫຍ່ ແລະ ສັດປີກ ລວມ ຈໍານວນ 13.478 ໂຕ, ຄາດຄະເນມູນຄ່າຜົນເສຍຫາຍເບື້ອງຕົ້ນ 477.020.709.864 ກີບ.
(ຂ່າວ-ພາຍ: ບຸນອູ້ມ)
ຄໍາເຫັນ