ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ (20ມັງກອນ1949-20ມັງກອນ2024), ໃນອາທິດຜ່ານມາຄະນະພັກ-ຄະນະນຳຫ້ອງວ່າການສຳນັກງານນາຍົກລັດຖະມົນຕີ (ຫສນຍ) ນຳໂດຍສະຫາຍ ອາລຸນໄຊ ສູນນະລາ, ກຳມະການສູນກາງພັກເລຂາຄະນະບໍລິຫານງານພັກລັດຖະມົນຕີຫົວໜ້າຫ້ອງວ່າການສຳນັກງານນາຍົກລັດຖະມົນຕີ ພ້ອມດ້ວຍຄະນະ ໄດ້ເຂົ້າອວຍພອນຄະນະພັກ-ຄະນະນຳກະຊວງປ້ອງກັນປະເທດ ໂດຍການໃຫ້ກຽດຕ້ອນຮັບຂອງສະຫາຍ ພົນໂທ ທອງລອຍ ສິລິວົງກຳມະການສູນກາງພັກຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ການເມືອງກອງທັບ ພ້ອມດ້ວຍຄະນະ.
ໃນໂອກາດທີ່ມີຄວາມໝາຍ, ຄວາມສໍາຄັນທາງປະຫວັດສາດນີ້, ສະຫາຍ ອາລຸນໄຊ ສູນນະລາດ ໄດ້ນຳເອົາຄວາມຢື້ຢາມຖາມຂ່າວ ແລະ ຄໍາອວຍພອນອັນປະເສີດໃນນາມສ່ວນຕົວ ກໍຄື ພະນັກງານ-ລັດຖະກອນ ທົ່ວຫ້ອງວ່າການສຳນັກງານນາຍົກລັດຖະມົນຕີ ມາຍັງຄະນະນໍາ ກະຊວງປ້ອງກັນປະເທດ ຕະຫຼອດຮອດນາຍ ແລະ ພົນທະຫານ ທີ່ກໍາລັງປະຕິບັດໜ້າທີ່ ໃນທົ່ວກອງທັບ; ໄດ້ຕີລາຄາສູງຕໍ່ຜົນງານ, ການກຳເນີດ ແລະ ເຕີບໃຫຍ່ຂະຫຍາຍຕົວຂອງກອງທັບ ຕະຫຼອດໄລຍະ 75 ປີທີ່ຜ່ານມາໄດ້ປະຕິບັດໜ້າທີ່ເປັນຮົ້ວອັນແຂງແກ່ນຂອງຊາດ ຊຶ່ງໄດ້ເຮັດສຳເລັດພາລະກິດປະຕິວັດອັນຍິ່ງໃຫຍ່ ແລະ ໜັກໜ່ວງທີ່ພັກມອບໝາຍໃຫ້ຢ່າງສະຫງ່າງາມ, ສ້າງຜົນງານອັນດີເດັ່ນ, ວິລະກຳອັນລ້ຳເລີດ ປະດັບໄວ້ໃນໜ້າປະຫວັດສາດຂອງຊາດຢ່າງສົມກຽດ, ສ້າງມູນເຊື້ອອັນດີງາມຫຼາຍປະການໄວ້ໃຫ້ແກ່ກຳລັງປະກອບອາວຸດປະຕິວັດ. ສົມແລ້ວທີ່ເປັນກອງທັບວິລະຊົນຂອງຊາດລາວວິລະຊົນຊຶ່ງໄດ້ຮັບຄຳສັນລະເສີນຈາກພັກ ແລະ ລັດວ່າ: ກອງທັບຍາມໃດກໍນໍາໜ້າໃນທຸກວຽກງານ, ເດັດດ່ຽວຜ່ານຜ່າທຸກອຸປະສັກ, ຕີເອົາຊະນະສັດຕູທຸກໂຕ, ສຳເລັດທຸກໜ້າທີ່, ສົມເປັນກຳລັງແກ່ນສານທີ່ເຂັ້ມແຂງຂອງການປະຕິວັດ, ເປັນເຄື່ອງມືອັນແຫຼມຄົມຂອງພັກ.
ໃນໂອກາດດຽວກັນ, ສະຫາຍ ພົນໂທ ທອງລອຍ ສິລິວົງ ກໍໄດ້ຕາງໜ້າໃຫ້ຄະນະພັກ, ຄະນະນຳກະຊວງປ້ອງກັນປະເທດ ກ່າວສະແດງຄວາມຂອບໃຈທີ່ ຄະນະພັກ-ຄະນະນຳ ຫສນຍ ໄດ້ນໍາເອົາກະຕ່າດອກໄມ້ເຂົ້າອວຍພອນຄະນະນໍາກະຊວງປ້ອງກັນປະເທດ, ທັງນຳເອົາຄວາມເປັນຫ່ວງເປັນໃຍ, ຄວາມຢື້ຢາມຖາມຂ່າວຜ່ານຄະນະນໍາກະຊວງປ້ອງກັນປະເທດ ໄປຍັງນາຍ ແລະ ພົນທະຫານ ໃນຂອບເຂດທົ່ວປະເທດ.
ໃນຕອນທ້າຍ, ສະຫາຍ ອາລຸນໄຊ ສູນນະລາດ ຕາງໜ້າຄະນະນຳ ຫສນຍ ກໍໄດ້ມອບເຄື່ອງ ແລະ ງົບປະມານ ຈໍານວນໜຶ່ງ ໃຫ້ກະຊວງປ້ອງກັນປະເທດ ຊຶ່ງລວມມູນຄ່າທັງໝົດ 100ກວ່າລ້ານກີບເພື່ອປະກອບສ່ວນຊຸກຍູ້ວຽກງານຂອງກະຊວງດັ່ງກ່າວ ໂດຍສະເພາະການສະເຫຼີມສະຫຼອງວັນສ້າງຕັ້ງກອງທັບຄົບຮອບ 75 ປີ ເພື່ອໃຫ້ເປັນຂະບວນການຟົດຟື້ນ, ກວ້າງຂວາງ ແລະ ມີຄວາມໝາຍຄວາມສຳຄັນທີ່ເລິກເຊິ່ງ.
ຂ່າວ-ພາບ:ກົມປະຊາສຳພັນ, ຫສນຍ.
ໃນໂອກາດທີ່ມີຄວາມໝາຍ, ຄວາມສໍາຄັນທາງປະຫວັດສາດນີ້, ສະຫາຍ ອາລຸນໄຊ ສູນນະລາດ ໄດ້ນຳເອົາຄວາມຢື້ຢາມຖາມຂ່າວ ແລະ ຄໍາອວຍພອນອັນປະເສີດໃນນາມສ່ວນຕົວ ກໍຄື ພະນັກງານ-ລັດຖະກອນ ທົ່ວຫ້ອງວ່າການສຳນັກງານນາຍົກລັດຖະມົນຕີ ມາຍັງຄະນະນໍາ ກະຊວງປ້ອງກັນປະເທດ ຕະຫຼອດຮອດນາຍ ແລະ ພົນທະຫານ ທີ່ກໍາລັງປະຕິບັດໜ້າທີ່ ໃນທົ່ວກອງທັບ; ໄດ້ຕີລາຄາສູງຕໍ່ຜົນງານ, ການກຳເນີດ ແລະ ເຕີບໃຫຍ່ຂະຫຍາຍຕົວຂອງກອງທັບ ຕະຫຼອດໄລຍະ 75 ປີທີ່ຜ່ານມາໄດ້ປະຕິບັດໜ້າທີ່ເປັນຮົ້ວອັນແຂງແກ່ນຂອງຊາດ ຊຶ່ງໄດ້ເຮັດສຳເລັດພາລະກິດປະຕິວັດອັນຍິ່ງໃຫຍ່ ແລະ ໜັກໜ່ວງທີ່ພັກມອບໝາຍໃຫ້ຢ່າງສະຫງ່າງາມ, ສ້າງຜົນງານອັນດີເດັ່ນ, ວິລະກຳອັນລ້ຳເລີດ ປະດັບໄວ້ໃນໜ້າປະຫວັດສາດຂອງຊາດຢ່າງສົມກຽດ, ສ້າງມູນເຊື້ອອັນດີງາມຫຼາຍປະການໄວ້ໃຫ້ແກ່ກຳລັງປະກອບອາວຸດປະຕິວັດ. ສົມແລ້ວທີ່ເປັນກອງທັບວິລະຊົນຂອງຊາດລາວວິລະຊົນຊຶ່ງໄດ້ຮັບຄຳສັນລະເສີນຈາກພັກ ແລະ ລັດວ່າ: ກອງທັບຍາມໃດກໍນໍາໜ້າໃນທຸກວຽກງານ, ເດັດດ່ຽວຜ່ານຜ່າທຸກອຸປະສັກ, ຕີເອົາຊະນະສັດຕູທຸກໂຕ, ສຳເລັດທຸກໜ້າທີ່, ສົມເປັນກຳລັງແກ່ນສານທີ່ເຂັ້ມແຂງຂອງການປະຕິວັດ, ເປັນເຄື່ອງມືອັນແຫຼມຄົມຂອງພັກ.
ໃນໂອກາດດຽວກັນ, ສະຫາຍ ພົນໂທ ທອງລອຍ ສິລິວົງ ກໍໄດ້ຕາງໜ້າໃຫ້ຄະນະພັກ, ຄະນະນຳກະຊວງປ້ອງກັນປະເທດ ກ່າວສະແດງຄວາມຂອບໃຈທີ່ ຄະນະພັກ-ຄະນະນຳ ຫສນຍ ໄດ້ນໍາເອົາກະຕ່າດອກໄມ້ເຂົ້າອວຍພອນຄະນະນໍາກະຊວງປ້ອງກັນປະເທດ, ທັງນຳເອົາຄວາມເປັນຫ່ວງເປັນໃຍ, ຄວາມຢື້ຢາມຖາມຂ່າວຜ່ານຄະນະນໍາກະຊວງປ້ອງກັນປະເທດ ໄປຍັງນາຍ ແລະ ພົນທະຫານ ໃນຂອບເຂດທົ່ວປະເທດ.
ໃນຕອນທ້າຍ, ສະຫາຍ ອາລຸນໄຊ ສູນນະລາດ ຕາງໜ້າຄະນະນຳ ຫສນຍ ກໍໄດ້ມອບເຄື່ອງ ແລະ ງົບປະມານ ຈໍານວນໜຶ່ງ ໃຫ້ກະຊວງປ້ອງກັນປະເທດ ຊຶ່ງລວມມູນຄ່າທັງໝົດ 100ກວ່າລ້ານກີບເພື່ອປະກອບສ່ວນຊຸກຍູ້ວຽກງານຂອງກະຊວງດັ່ງກ່າວ ໂດຍສະເພາະການສະເຫຼີມສະຫຼອງວັນສ້າງຕັ້ງກອງທັບຄົບຮອບ 75 ປີ ເພື່ອໃຫ້ເປັນຂະບວນການຟົດຟື້ນ, ກວ້າງຂວາງ ແລະ ມີຄວາມໝາຍຄວາມສຳຄັນທີ່ເລິກເຊິ່ງ.
ຂ່າວ-ພາບ:ກົມປະຊາສຳພັນ, ຫສນຍ.
ຄໍາເຫັນ