 |
ການເຄື່ອນໄຫວຊຸກຍູ້ວຽກງານທ່ອງທ່ຽວຢູ່ 2 ບ້ານຄັ້ງນີ້, ກໍເພື່ອເປັນການສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ອົງຄະນະພັກແຂວງຈຳປາສັກຄັ້ງທີ IX ທີ່ຈະຈັດຂຶ້ນໃນ ເດືອນກັນຍາ 2025 ໃຫ້ເປັນຂະບວນການຟົດຟື້ນ. ນອກນັ້ນ, ຍັງເປັນການໂຄສະນາເຜີຍແຜ່ສະຖານທີ່ທ່ອງທ່ຽວທາງດ້ານປະຫວັດສາດ, ວັດທະນະທຳ ແລະ ທຳມະຊາດ ໃນໄລຍະລະດູການທ່ອງທ່ຽວສີຂຽວຂອງເມືອງຊະນະສໄມບູນໃຫ້ກວ້າງຂວາງ ເພື່ອສ້າງຄວາມສົນໃຈ ດຶງດູດເອົານັກທ່ອງທ່ຽວ ທັງພາຍໃນ ແລະ ຕ່າງປະເທດໃຫ້ມາທ່ອງທ່ຽວຫຼາຍ.
 |
ການລົງຄັ້ງນີ້, ໄດ້ເດີນສຳຫຼວດແຫຼ່ງທ່ອງທ່ຽວທາງດ້ານປະຫວັດສາດ ນະຄອນສິງ, ແຫຼ່ງທ່ອງທ່ຽວພູຂ້ອງບ້ານໃໝ່ ທີ່ຕັ້ງຢູ່ເຂດປ່າສະຫງວນແຫ່ງຊາດພູຊຽງທອງ, ແຫຼ່ງທ່ອງ່ທຽວດ້ານປະເພນີ ສິງສຳພັນ ທີ່ຕັ້ງຢູ່ບ້ານໃຫຍ່ ຕົວເມືອງນ້ອຍໃນຊົນນະບົດສິງສຳພັນ ແລະ ແຫຼ່ງທ່ອງທ່ຽວທາງດ້ານປະຫວັດສາດ, ວັດທະນະທຳ ແລະ ທຳມະຊາດ ຢູ່ຫີນຫຼັກຄອນ, ຫີນສີລາຈາຣືກ, ຫີນຫົງ, ຫີນຮູບຊົງຄ້າຍຄືດອກເຫັດ ແລະ ຄອກມ້າ ທີ່ຕັ້ງຢູ່ເຂດບ້ານພັດທະນາສຸລະ.
 |
ປັດຈຸບັນອົງການປົກຄອງບ້ານສຸລະ ແລະ ບ້ານໃໝ່ ສິງສຳພັນມີຈຸດປະສົງສະເໜີຂໍອະນຸຍາດຈາກເມືອງ ແລະ ພະແນກວັດທະນະທຳ ແລະ ທ່ອງທ່ຽວແຂວງ ເພື່ອພັດທະນາບັນດາແຫ່ງທ່ອງທ່ຽວທີ່ນອນໃນພື້ນທີ່ 2 ບ້ານໃຫ້ເປັນແຫຼ່ງທ່ອງທ່ຽວເຊີ່ງອະນຸລັກ ແບບປະຊາຊົນມີສ່ວນຮ່ວມໃນຕໍ່ໜ້າ.
ຖ້າວ່າມີການປັບປຸງກໍ່ສ້າງເສັ້ນທາງເຂົ້າມາສູ່ແຫຼ່ງທ່ອງທ່ຽວ 2 ບ້ານໃຫ້ມີຄວາມສະດວກເມືອໃດ ທາງ 2 ບ້ານກໍມີຄວາມພ້ອມທີ່ຈະດຳເນີນການບໍລິການນັກທ່ອງທ່ຽວທີ່ສົນໃຈເຂົ້າມາຍ່າງປ່າ, ທ່ຽວຊົມທຳມະຊາດ ຮ່ອງຮອຍປະຫວັດສາດ ໃນເຂດນີ້.
(ຂ່າວ: ຫ້ອງການ ຖວທ ເມືອງຊະນະສົມບູນ, ພາບ: ດາວພະຈັນ ໄຊຍະວົງ)
ຄໍາເຫັນ