ການນຳແຂວງວຽງຈັນ ຢ້ຽມຢາມ ແລະ ອວຍພອນ ກອງພົນທະຫານຮາບທີ1 ເນື່ອງໃນໂອກາດ ວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ.

ການນຳແຂວງວຽງຈັນ ຢ້ຽມຢາມ ແລະ ອວຍພອນ ກອງພົນທະຫານຮາບທີ1 ເນື່ອງໃນໂອກາດ ວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ.

10:33 21/01/2026

ໃນວັນທີ 20 ມັງກອນ 2026ນີ້, ທ່ານ ພູທະນູເພັດ ໄຊສົມບັດ ກຳມະການສູນກາງພັກ ເລຂາຄະນະບໍລິຫານງານພັກແຂວງວຽງຈັນ, ພ້ອມດ້ວຍຫົວໜ້າຫ້ອງວ່າການແຂວງ, ປະທານສະຫະພັນແມ່ຍິງແຂວງ, ກຳມະບານແຂວງ, ຊາວໜຸ່ມແຂວງ, ແນວລາວສ້າງຊາດແຂວງ, ກອງບັນຊາການ ປກສ ແຂວງ ແລະ ກອງບັນຊາການທະຫານແຂວງ ໄດ້ລົງຢ້ຽມຢາມ ແລະ ມອບຂອງຂວັນ ເພື່ອອວຍພອນ ຄະນະນຳກອງພົນທະຫານຮາບທີ1 ເນື່ອງໃນໂອກາດ ວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ (ວັນທີ 20 ມັງກອນ 1949 - 20 ມັງກອນ 2026) ໂດຍການຕ້ອນຮັບຂອງ ທ່ານ ພັນເອກ ຄຳຊາວ ລິນທະກຸນແກ້ວ ຫົວໜ້າການທະຫານ ກອງພົນທະຫານຮາບທີ1, ພ້ອມດ້ວຍຄະນະພັກ-ຄະນະນຳຂອງກອງພົນເຂົ້າຮ່ວມ.

ການນຳແຂວງວຽງຈນ ຢຽມຢາມ ແລະ ອວຍພອນ ກອງພນທະຫານຮາບທ1 ເນອງໃນໂອກາດ ວນສາງຕງກອງທບປະຊາຊນລາວ ຄບຮອບ 77 ປ. - image 1

ການລົງຢ້ຽມຢາມໃນຄັ້ງນີ້, ໄດ້ສະແດງເຖິງຄວາມເປັນຫ່ວງເປັນໃຍ, ຄວາມເອົາໃຈໃສ່ຢ່າງຈົດຈໍ່, ໃກ້ສິດຕິດແທດ ຂອງການນຳແຂວງວຽງຈັນ ກັບກອງພົນ ທະຫານຮາບທີ1 ຕະຫຼອດເວລາທີ່ຜ່ານມາ ແລະ ກໍ່ເປັນການສະແດງໃຫ້ເຖິງເຫັນຄວາມສາມັກຄີມິດຕະພາບ ລະຫວ່າງ ກອງທັບ ກັບ ປະຊາຊົນ ຄືປາກັບນໍ້າ ໃຫ້ມີຄວາມ ແໜ້ນແຟ້ນ ແລະ ກ້າວສູ່ລວງເລີກ ຍິ່ງໆຂຶ້ນ. ພ້ອມດຽວກັນນັ້ນໄລຍະຜ່ານມາທາງຄະນະນຳແຂວງ ກໍຍັງໄດ້ອຸ້ມຊູຊ່ວຍເຫຼືອໃນການປັບປຸງກໍ່ສ້າງກອງພົນທີ1 ຕະຫຼອດມາ.

ໃນໂອກາດນີ້, ທ່ານ ພັນເອກ ຄຳຊາວ ລິນທະກຸນແກ້ວ ໄດ້ຕາງໜ້າໃຫ້ນາຍ ແລະ ພົນທະຫານ ກອງພົນທະຫານຮາບທີ1 ໄດ້ສະແດງຄວາມຮູ້ບຸນຄຸນ ແລະ ຂອບໃຈ ເປັນຢ່າງສູງ ທີ່ການນຳແຂວງວຽງຈັນ ໄດ້ນຳເອົາຄວາສາມັກຄີຮັກແພງ, ອົບອຸ່ນ ແລະ ເຕັມໄປດ້ວຍໄມຕີຈິດມິດຕະພາບ ອັນສະໜິດສະໜົມມາສູ່ກອງພົນທີ1 ໃນເທື່ອນີ້.

(ແຫຼ່ງຂ່າວ: ແຂວງວຽງຈັນ)

ຄໍາເຫັນ

ຂ່າວວັດທະນະທຳ-ສັງຄົມ

ປກຊ ຫວນຄືນມູນເຊື້ອວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ

21/01/2026 11:16

ກະຊວງປ້ອງກັນປະເທດ (ປກຊ) ໄດ້ຈັດພິທີປາຖະກະຖາຫວນຄືນມູນເຊື້ອວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ (20/1/1949-20/1/2026) ຂຶ້ນໃນວັນທີ 21 ມັງກອນນີ້ ທີ່ກະຊວງດັ່ງ ກ່າວ ໂດຍໃຫ້ກຽດປາຖະກະຖາຂອງສະຫາຍ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ, ມີສະຫາຍ ພົນໂທ ວົງສອນ ອິນປານພິມ ຮອງລັດຖະມົນຕີກະຊວງ ປກຊ ຫົວໜ້າກົມໃຫຍ່ການເມືອງກອງທັບ, ມີບັນດາສະຫາຍຄະນະນໍາ-ຄະນະບັນຊາ, ພະນັກງານຫຼັກແຫຼ່ງກ່ຽວຂ້ອງເຂົ້າຮ່ວມຮັບຟັງ.

ເມືອງເງິນ ຫວນຄືນມູນເຊື້ອ ວັນສ້າງຕັ້ງກອງທັບ ປະຊາຊົນລາວ

21/01/2026 11:14

ວັນທີ 21 ມັງກອນນີ້ ຢູ່ເມືອງເງິນ ແຂວງໄຊຍະບູລີ ໄດ້ຈັດພິທີ ສະເຫຼີມສະຫຼອງ ວັນສ້າງຕັ້ງກອງທັບປະຊາຊົນລາວ ຄົບຮອບ 77ປີ, ໂດຍເປັນກຽດເຂົ້າຮ່ວມ ແລະ ປາຖະກະຖາຂອງ ທ່ານ ທອງພັນ ສຸກສະຫວັດ ກໍາມະການພັກແຂວງ ເລຂາຄະນະບໍລິຫານງານພັກເມືອງເງິນ ປະທານປ້ອງກັນຊາດ-ປ້ອງກັນຄວາມສະຫງົບຂັ້ນເມືອງ, ມີການນຳຂັ້ນເມືອງ, ຄະນະພັກ, ຄະນະບັນຊາ, ກົມກອງອ້ອມຂ້າງເມືອງ ເຂົ້າຮ່ວມ.

ການນຳພັກ-ລັດແຂວງ ອວຍພອນກຳລັງປ້ອງກັນຊາດເມືອງບໍ່ແຕນ

21/01/2026 10:36

ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ ໃນຕອນບ່າຍ ຂອງວັນທີ 19 ມັງກອນຜ່ານມານີ້, ທ່ານ ສີສອນພັນ ບຸນສີ ຮອງເລຂາ ຄະນະບໍລິຫານງານພັກ ແຂວງໄຊຍະບູລີ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ ແລະ ໂອ້ລົມນາຍ ແລະ ພົນທະຫານ ກອງບັນຊາການທະຫານເມືອງບໍ່ແຕນ, ກອງພັນ 413, ກອງຮ້ອຍ ທະຫານຊາຍແດນ 159 ແລະ ກອງຮ້ອຍທະຫານຊາຍແດນ 160.

ສານປະຊາຊົນສູງສຸດ ປະກາດພະນັກງານຮັບອຸດໜູນບຳນານ

21/01/2026 10:32

ສານປະຊາຊົນສູງສຸດ ຈັດພິທີປະກາດການຈັດຕັ້ງ ວ່າດ້ວຍການອະນຸດໃຫ້ພະນັກງານ-ລັດຖະກອນຮັບອຸດໜູນບຳນານ ໃນວັນທີ 20 ມັງກອນນີ້ ໂດຍການເປັນປະທານຂອງທ່ານ ບຸນຂວາງ ທະວີສັກ ຮອງປະທານສານປະຊາຊົນສູງສຸດ, ມີບັນດາພະນັກງານພາຍໃນກົມເຂົ້າຮ່ວມ.

ຮອງນາຍົກລັດຖະມົນຕີ ຕິດຕາມຄວາມເປັນໄປໄດ້ໃນການກໍ່ສ້າງຊົນລະປະທານ ເຊລະມັງ

21/01/2026 10:17

ທ່ານ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ ຜູ້ຊີ້ນຳວຽກງານຮອບດ້ານແຂວງສາລະວັນ ໄດ້ເຄື່ອນໄຫວຢ້ຽມຢາມ ແລະ ຕິດຕາມເບີ່ງຄວາມເປັນໄປໄດ້ ໂຄງການກໍ່ສ້າງຊົນລະປະທານ ເຊລະມັງ ເມືອງຕະໂອ້ຍ ແຂວງສາລະວັນ ໃນວັນທີ 17 ມັງກອນຜ່ານມານີ້. ອົງການປົກຄອງແຂວງ ກໍຄືເມືອງ ໄດ້ສຳຫຼວດຄວາມເປັນໄປໄດ້ເບື້ອງຕົ້ນ ເພື່ອຈະສ້າງເງື່ອນໄຂໃຫ້ແກ່ການປູກພຶດ-ການລ້ຽງສັດ ຂອງປະຊາຊົນບັນດາເຜົ່າ ແລະ ສາມາດບຸກເບີກ, ຂະຫຍາຍເປັນເນື້ອທີ່ທຳການຜະລິດ ໄດ້ທັງລະດູແລ້ງ ແລະ ລະດູຝົນ, ທັງເປັນການສະເໜີ ເຈດຈຳນົງ ເພື່ອຂໍງົບປະມານ ດໍາເນີນຈັດຕັ້ງປະຕິບັດໃຫ້ປະກົດຜົນເປັນຈິງ.

ຄະນະໂຄສະນາອົບຮົມສູນກາງພັກ ຢ້ຽມຢາມກອງພັນໃຫຍ່ 479

21/01/2026 10:08

ໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ (20/1/1949-20/1/2026) ສະຫາຍ ຄໍາພັນ ເຜີຍຍະວົງ ກໍາມະການກົມການເມືອງສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະ ພາທິດສະດີສູນກາງພັກ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມກອງພັນໃຫຍ່ 497 ໃນວັນທີ 20 ມັງກອນນີ້ ໃຫ້ກຽດຕ້ອນຮັບຂອງສະຫາຍ ພົທ ວົງສອນ ອິນປານພິມ ຄະນະເລຂາທິການສູນກາງພັກ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ການເມືອງກອງທັບ, ມີບັນດາຄະນະພັກ-ຄະນະບັນຊາກອງພັນໃຫຍ່ ຕະຫຼອດຮອດພະນັກງານ-ນັກຮົບເຂົ້າຮ່ວມ.

ບໍລິສັດລາວໂທລະຄົມ ເຂົ້າອວຍພອນ ແລະ ຊຸກຍູ້ ວັນສ້າງຕັ້ງກອງທັບປະຊາຊົນລາວ

20/01/2026 13:50

ໃນວັນທີ 19 ມັງກອນ ນີ້, ຄະນະພັກ-ຄະນະຜູ້ອຳນວຍການໃຫຍ່ ບໍລິສັດ ລາວໂທລະຄົມມະນາຄົມ ມະຫາຊົນ ນຳໂດຍ ສະຫາຍ ສຸພົນ ຈັນທະວີໄຊ ຄະນະບໍລິຫານງານກຳມະການພັກ ກະຊວງເຕັກໂນໂລຊີ ແລະ ການສື່ສານ ເລຂາຄະນະພັກຮາກຖານ ຜູ້ອຳນວຍການໃຫຍ່ ບໍລິສັດ ລາວໂທລະຄົມມະນາຄົມ ມະຫາຊົນ ໄດ້ນຳກະຕ່າດອກໄມ້ ແລະ ເງິນຈຳນວນ 177,000,000 ກີບ ເຂົ້າອວຍພອນ ສະຫາຍ ພົນໂທ ວົງສອນ ອິນປານພິມ ຄະນະເລຂາທິການສູນກາງພັກ ຮອງລັດຖະມົນຕີ ກະຊວງປ້ອງກັນປະເທດ ຫົວໜ້າກົມໃຫຍ່ການເມືອງກອງທັບ ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 77 ປີ (20 ມັງກອນ 1949 - 20 ມັງກອນ 2026).

ທ່ານລັດຖະມົນຕີກະຊວງ ຍທຂ ອວຍພອນຄະນະນຳກະຊວງປ້ອງກັນປະເທດ

20/01/2026 13:48

ວັນທີ 19 ມັງກອນຜ່ານມາ, ທ່ານ ເຫຼັກໄຫຼ ສີວິໄລ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ) ພ້ອມດ້ວຍຄະນະໄດ້ນໍາເອົາກະຕ່າດອກໄມ້ ແລະ ຂອງຂວັນເຂົ້າອວຍພອນຄະນະນໍາກະຊວງປ້ອງກັນປະເທດ, ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ວັນທີ 20 ມັງກອນ ຄົບຮອບ 77 ປີ.

ກອງປະຊຸມວິສາມັນ ຂອງຄະນະປະຈຳສະພາແຫ່ງຊາດ ໄດ້ຮັບຮອງເອົາການສະເໜີ ຍົກຍ້າຍ ແຕ່ງຕັ້ງ ພະນັກງານການນຳຂັ້ນສູງ ຫຼາຍຕຳແໜ່ງ

20/01/2026 13:43

ວັນທີ 19 ມັງກອນ ນີ້, ທ່ານ ນາງ ອຳໄພວອນ ລ້ອມບຸນແພງ ກຳມະການສູນກາງພັກ ກຳມະການຄະນະປະຈຳສະພາແຫ່ງຊາດ ເລຂາທິການສະພາແຫ່ງຊາດ ໄດ້ຖະແຫຼ່ງຂ່າວຜົນສໍາເລັດການດໍາເນີນກອງປະຊຸມວິສາມັນ ຂອງຄະນະປະຈຳສະພາແຫ່ງຊາດ ວ່າ:

ປະທານສູນກາງສະຫະພັນແມ່ຍິງລາວ ເຜີຍແຜ່ຜົນສໍາເລັດກອງປະຊຸມໃຫຍ່ແມ່ຍິງທົ່ວປະເທດ ທີ່ແຂວງສະຫວັນນະເຂດ

20/01/2026 13:40

ໃນວັນທີ 19 ມັງກອນຜ່ານມາ ທີ່ສະໂມສອນຫ້ອງວ່າການແຂວງສະຫວັນນະເຂດ, ສະຫາຍ ນາງ ອາລີ ວົງໜໍ່ບຸນທໍາ ກໍາມະການສູນກາງພັກ ປະທານສູນກາງສະຫະພັນແມ່ຍິງລາວ ໄດ້ເຜີຍແຜ່ຜົນສໍາເລັດຂອງກອງປະຊຸມໃຫຍ່ຜູ້ແທນແມ່ຍິງທົ່ວປະເທດ ຄັ້ງທີ IX ທີ່ແຂວງສະຫວັນນະເຂດ, ໂດຍມີສະຫາຍ ນາງ ມະໄລທອງ ທໍາມະຕິກາ ກໍາມະການພັກແຂວງ ປະທານສະຫະພັນແມ່ຍິງແຂວງສະຫວັນນະເຂດ, ພ້ອມດ້ວຍຄະນະບໍລິຫານງານສະຫະພັນແມ່ຍິງແຂວງ, ແຂກຖືກເຊີນ, ສະຫະພັນແມ່ຍິງຮາກຖານ, ໜ່ວຍ ແລະສະມາຊິກແມ່ຍິງພາຍໃນແຂວງເຂົ້າຮ່ວມຮັບຟັງ.

ເພີ່ມເຕີມ