ໂດຍມີທ່ານ ເລຂາຄະນະພັກຮາກຖານ ກຸ່ມບ້ານຈ່າໃໝ່ ແລະ ບ້ານກຸ່ມຜາງົວ ຮ່ວມເຄື່ອນໄຫວຕິດຕາມກວດກາພື້ນຖານໂຄ່ງລ່າງ, ພື້ນຖານການຜະລິດ ແລະ ເຂດຕ່າງໆທີ່ໄດ້ຮັບຜົນກະທົບ.
ການລົງຕິດຕາມຄັ້ງນີ້, ກໍເພື່ອຕິດຕາມຊຸກຍູ້, ຟື້ນຟູ ແລະ ການແກ້ໄຂຜົນກະທົບ ຈາກໄພພິບັດນໍ້າຖ້ວມ ຢູ່ກຸ່ມຈ່າໃໝ່ ໂດຍສະເພາະການຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກດິນເຊາະເຈື່ອນຖົ່ມເຮືອນປະຊາຊົນ ຢູ່ບ້ານຫ້ວຍຖຸເກົ່າ ຈໍານວນ 6 ຄອບຄົວ, ການຈັດສັນທີ່ຢູ່ອາໃສ່ໃໝ່, ການຊ່ວຍເຫຼືອເຄື່ອງອຸປະໂພກ-ບໍລິໂພກ, ການຕິດຕາມເບິ່ງແຍງດຸແລສຸຂະພາບ ແລະ ສຸຂະອະນາໄມຂອງປະຊາຊົນຜູ້ປະສົບໄພ; ການສ້ອມແປງພື້ນຖານໂຄ່ງລ່າງ ເຊັ່ນ: ສ້ອມແປງເສັ້ນທາງ ເລກທີ 1504 ລະຫວ່າງ ເມືອງລອງ ຫາ ກຸ່ມບ້ານຜາງົວ ທີ່ເປເພ່ເສຍຫາຍ, ດິນເຈື່ອນຫຼາຍຈຸດ, ຂົວຂ້າມນໍ້າຄາຖືກຕັດຂາດ ໃຫ້ສາມາດກັບມານໍາໃຊ້ໄດ້ເປັນປົກກະຕິໂດຍໄວ ຊຶ່ງຜ່ານການເກັບກໍາຂໍ້ມູນຜົນເສຍຫາຍໃນເບື້ອງຕົ້ນປະມານ 3 ຕື້ 451 ລ້ານກວ່າກີບ.
ໃນໂອກາດນີ້, ທ່ານເຈົ້າເມືອງລອງ ຍັງໄດ້ພົບປະໂອລົມໃຫ້ກໍາລັງໃຈ, ຊີ້ນໍາເລຂາຄະນະພັກຮາກຖານ ແລະ ພາກສ່ວນທີ່ກ່ຽວຂ້ອງຂອງເມືອງ ຈົ່ງພ້ອມພາກັນສຸ່ມໃສ່ແກ້ໄຂເສັ້ນທາງ ແລະ ຂົວຂ້າມນໍ້າຄາ ໃຫ້ສາມາດນໍາໃຊ້ໄດ້ເປັນປົກກະຕິໂດຍໄວ; ຮຽກຮ້ອງໃຫ້ທຸກພາກສ່ວນຈົ່ງເພີ່ມທະວີຄວາມເປັນເຈົ້າການໃນການຕ້ານໄພພິບັດ, ຫຼີກເວັ້ນແນວຄິດເອື່ອຍອີງຄ່ອງຄ່ອຍແຕ່ການຊ່ວຍເຫືອຈາກພາກສ່ວນອື່ນ, ນໍາໃຊ້ທ່າແຮງບົ່ມຊ້ອນທີ່ມີໃນການແກ້ໄຂໃຫ້ໄວ ໂດຍສະເພາະແຮງງານອະນາໄມເສັ້ນທາງ, ອະນາໄມຂີ້ເຫຍື້ອອອກຈາກຂົວຂ້າມນໍ້າຄາ, ການນໍາໃຊ້ ລົດຈົກ ເພື່ອປັບແລວນໍ້າ, ປັບດິນເຈື່ອນ, ຖົ່ມບ່າທາງຄືນ ພ້ອມທັງສືບຕໍ່ຕິດຕາມກວດກາ, ເຝົ້າລະວັງໄພພິບັດ ເພື່ອຫຼີກເວັ້ນຜົນເສຍຫາຍທີ່ຈະຕາມມາ.
(ພາບ-ຂ່າວ: ອຸທາ ພົນທາວີ)
ຄໍາເຫັນ