 |
ເພື່ອເປັນການບູຊາ ແລະ ໄດ້ປະຕິບັດກັນມາແຕ່ບູຮານນະການ.ຝ່າຍສົງນໍາພາໂດຍ ຍາທ່ານ ຄໍາປານ ສຸພັນໂທ ປະທານ ອພສ ແຂວງສະຫວັນນເຂດ,ພາຍນອກມີ ທ່ານ ບຸນໂຈມ ອຸບົນປະເສີດ ເລຂາຄະນະບໍລິຫານງານພັກແຂວງສະຫວັນນເຂດ, ມີບັນດາອາດີດການນໍາຂອງແຂວງ,ພະແນກການຂອງແຂວງ, ພ້ອມດ້ວຍການນຳຂັ້ນສູງຂອງເມືອງ ຕະຫຼອດຮອດຊາວສານິກກະຊົນ ແລະ ນັກທ່ອງທ່ຽວທັງພາຍໃຮ ແລະ ຕ່າງປະເທດ ໄດ້ຮ່ວມກັນຕັກບາດສັງຄະທານໃຫ້ແດ່ພະສົງ ຈໍານວນ 92ອົງ,ສໍາມະເນນ 80 ອົງ.
ການເຮັດບຸນດັ່ງກ່າວ, ເພື່ອເປັນການລະນຶກເຖິງຄຸນງາມຄວາມດີ ແລະ ອຸທິດບຸນກຸສົນ ແດ່ພະເຈົ້າແຖ່ນຄຳເຫຼືອງທີ່ເປັນຜູ້ກໍ່ສ້າງ ແລະ ປະຕິສັງຂອນ ພະທາດໂຜ່ນ ອົງສັກສິດ ທີ່ເປັນ ມິ່ງບ້ານມິ່ງເມືອງ ຂອງຊາວເມືອງໄຊພູທອງ ກໍຄືຂອງຊາວແຂວງສະຫວັນນເຂດ ຈິງໄດ້ຮັບຮອງເອົາພະທາດໂຜ່ນ ແລະ ຜາສາດເຮືອນຫີນ ພ້ອມດ້ວຍພື້ນທີ່ບໍລິເວນອອ້ມຂ້າງ ເປັນມໍລະດົກແຫ່ງຊາດ ລະດັບຊາດ ທາງດ້ານວັດທະນະທໍາ.
 |
ບຸນນະມັດສະການພະທາດໂຜ່ນ, ຖືເປັນບຸນປະເພນີອັນດີງາມຂອງປະຊາຊົນບັນດາເຜົ່າທີ່ສຶບທອດປະຕິບັດກັນມາແຕ່ດົນນານ ນັບວ່າເປັນບຸນປາງໃຫຍ່ອີກປາງໜຶ່ງຂອງລາວ ທີ່ໄດ້ຈັດຂຶ້ນເປັນປະຈຳໃນທຸກໆປີ, ພາຍໃນງານກໍ່ມີຫຼາຍກິດຈະກຳບໍ່ວ່າຈະເປັນງານວາງສະແດງ ແລະ ຂາຍສິນຄ້າຈາກຫົວໜ່ວຍທຸລະກິດ ທີ່ມີທັງເຄື່ອງ ອຸປະໂພກ ແລະ ບໍລິໂພກ ແລະ ອື່ນໆ ເພື່ອເຮັດໃຫ້ຜູ້ທີ່ມາທ່ຽວຊົມບຸນນະມັດສະການພະທາດໂຜ່ນໄດ້ຊົມ,ໄດ້ຊື້,ໄດ້ໃຊ້ ແລະ ສຳພັດກັບຜະລິດຕະພັນທີ່ເປັນສີໄມ້ລາຍມືຂອງຄົນລາວ.ພະທາດໂຜ່ນອົງນີ້ ຊຶ່ງແມ່ນ ເຈົ້າແມ່ແພງສີໄດ້ພ້ອມໃຈກັນສ້າງຂຶ້ນໃນຕອນຄໍ່າຂອງວັນພຸດເດືອນ 12 ພສ 236 ສ້າງດ້ວຍຫີນເຂົ້າຈີ່ ຫຼື ເອີ້ນວ່າ: (ຫີນໝາມໜໍ່) ກໍເປັນທາດອຸໂມງ (ຮູບໂອຂວໍ້າ). ພະທາດດັ່ງກ່າວ, ກວ້າງດ້ານລະ 12 ວາ ສ້າງມື້ໜຶ່ງກັບຄືນໜຶ່ງຈື່ງສໍາເລັດ. ມາເຖິງປັດຈຸບັນນີ້, ມີອາຍຸເຖິງ 2,500 ປີ. ສະນັ້ນ, ສະຖານທີ່ແຫ່ງນີ້ຈຶ່ງຖືວ່າເປັນມໍລະດົກຕົກທອດ, ເປັນຊັບສົມບັດມິ່ງເມືອງທີ່ມີຄ່າສູງ, ໂດດເດັ່ນທາງດ້ານວັດທະນະທໍາອັນລໍ້າຄ່າ ແລະ ເປັນປະຫວັດສາດຊຶ່ງຕິດພັນກັບແບບແຜນດໍາລົງ ຊີວິດຂອງປະຊາຊົນລາວ ບັນດາເຜົ່າມາແຕ່ດຶກດໍາບັນ. ຢັ້ງຢືນເຖິງຄວາມເປັນມາຂອງຊາດລາວ, ຄົນລາວໃນແຕ່ລະຍຸກສະໄໝ ແລະ ຍັງເປັນສະຖານທີ່ທ່ອງທ່ຽວທາງດ້ານວັດທະນະທໍາ ທີ່ສໍາຄັນ ແລະ ມີຊື່ສຽງອີກ ແຫ່ງໜຶ່ງຂອງແຂວງສະຫວັນນະເຂດ ກໍຄືຂອງຊາວເມືອງໄຊພູທອງ.
(ພາບ-ຂ່າວ: ພັນທະມິດ ວົງສຸທິ)
ຄໍາເຫັນ