ໃນປີ 2023 ຜ່ານມາ,ບໍລິສັດໄຟຟ້າລາວ ກະຊວງພະລັງງານ ແລະ ບໍ່ແຮ່ ໄດ້ເອົາໃຈໃສ່ແກ້ໄຂບັນຫາ ໄຟຕົກ, ໄຟມອດ ໃຫ້ຫຼຸດໜ້ອຍຖອຍລົງ ໂດຍໄດ້ສໍາເລັດການຝຶກອົບຮົມ ການນໍາໃຊ້ໂປຣແກຣມຖານຂໍ້ມູນລະບົບຈໍາຫນ່າຍ DDSP ແລະ ວຽກເກັບຂໍ້ມູນໄຟມອດ ແລະ ມອດໄຟ (SAIFI, SAIDI); ລົງຕິດຕາມກວດກາຄິດໄລ່ພະລັງງານຕົກເຮ່ຍ ຈຸດແບ່ງເຂດ ແຕ່ລະຈຸດ, ຕິດຕາມຍົກລະດັບຕາຂ່າຍ 22 kV Program CYMDIST, ປະເມີນຄືນການນໍາໃຊ້ CYMDIST, ວຽກຖານຂໍ້ມູນ ລະບົບຈໍາໜ່າຍ DDSP, ການວິໄຈພະລັງງານຕົກເຮ່ຍ ໃນເຕັກນິກ-ນອກເຕັກນິກ ແລະ ວຽກຂໍ້ຄົງຄ້າງໃນ ວຽກສະເພາະກິດ. ໄດ້ສໍາເລັດການເຄື່ອນໄຫວລົງຊຸກຍູ້ ແລະ ຕິດຕາມ ການຈັດຕັ້ງປະຕິບັດຄໍາສັ່ງວ່າດ້ວຍການປັບປຸງບັນດາ ລະບຽບການ ແລະ ກົນໄກການປະສານງານໃນການດໍາເນີນທຸລະກິດຢູ່ ສປປ ລາວ ສະບັບເລກທີ 02/ນຍ, ລົງວັນທີ 01/02/2018 ແລະ ຄໍາສັ່ງວ່າດ້ວຍການປັບປຸງວຽກງານການບໍລິການ ການອອກ ໃບອະນຸຍາດ ລົງທຶນ ແລະ ການອອກອະນຸຍາດດໍາເນີນທຸລະກິດ ສະບັບເລກທີ 03/ນຍ, ລົງວັນທີ 21/01/2020, ຊຶ່ງເຫັນ ຄວນມີການແຕ່ງຕັ້ງຄະນະຮັບຜິດຊອບທັງສູນກາງ ແລະ ທ້ອງຖິ່ນ ຂອງຂະແໜງພະລັງງານ ແລະ ບໍ່ແຮ່ ໂດຍມີການກໍານົດສິດ ແລະໜ້າທີ່ ໃນການຈັດຕັ້ງປະຕິບັດຕົວຈິງຢ່າງມີຄວາມ ຮັບຜິດຊອບສູງ.ໄດ້ສືບຕໍ່ປັບປຸງ EDL Application ໃນການຕິດຕາມການຊົມໃຊ້ໄຟຟ້າໃນຄົວເຮືອນ, ການຊໍາລະຄ່າ ກະເເສໄຟຟ້າ ໃຫ້ທັນສະໄໝ ເຂົ້າເຖິງລູກຄ້າ. ພ້ອມກັນນີ້, ກໍຍັງໄດ້ອໍານວຍຄວາມສະດວກ ໃຫ້ລູກຄ້າສາມາດ ຊໍາລະຄ່າໄຟຟ້າຜ່ານລະບົບ BCEL One, Yes Pay, LDB Trust, U-Money,M-Money Applications... ໄດ້ສໍາເລັດການປັບປຸງຄ່າບໍລິການ ຂໍຊົມໃຊ້ໄຟຟ້າເຂົ້າໃໝ່ ສະບັບເລກທີ 0467/ຟຟລ, ລົງວັນທີ 14/02/2023. ໄດ້ສໍາເລັດການສ້າງລະບຽບ ດ້ານບໍລິການລູກຄ້າລາຍໃຫ່ຍ ທີ່ສະເໜີຂໍຊົມໃຊ້ໄຟຟ້າໃໝ່ ໃຫ້ເປັນແບບລວມສູນ ພ້ອມທັງມີການເເບ່ງຄວາມຮັບຜິດຊອບຢ່າງລະອຽດ ລະຫວ່າງ ສູນກາງ ແລະ ທ້ອງຖິ່ນ.ສໍາເລັດການປັບປຸງລາຄາຄ່າບໍາລຸງຮັກສາໝໍ້ນັບໄຟ ທຸກປະເພດ ນັບແຕ່ປີ (2023-2029) ສະບັບເລກທີ 0809/ຟຟລ.ຫຟຟລ, ລົງວັນທີ 16/03/2023. (ໂດຍ: ຕະວິນຍານ)
ບົດບາດວີດີໂອສັ້ນ ເປັນຂົວຕໍ່ທີ່ບໍ່ມີພົມແດນ
ໃນໂອກາດນຳພາຄະນະຜູ້ແທນ ສປປ ລາວ ເຂົ້າຮ່ວມພິທີມອບ-ຮັບລາງວັນການປະກວດວີດີໂອສັ້ນພາຍໃຕ້ຫົວຂໍ້: “ການຮ່ວມມືມິດຕະພາບຈີນ-ອາຊຽນ” ຄັ້ງທີ 5 ທີ່ນະຄອນໜານໜິງເຂດປົກຄອງຕົນເອງເຜົ່າຈ້ວງກວາງຊີ ສປ ຈີນ, ທ່ານ ວັນສີ ກົວມົວ ກຳມະການສູນກາງພັກ ຮອງຫົວໜ້າຄະນະໂຄສະນາອົບຮົມສູນກາງພັກໄດ້ໃຫ້ສຳພາດຕໍ່ສື່ມວນຊົນ ສປ ຈີນ ວ່າ: ບົດບາດຂອງວີດີໂອສັ້ນຕໍ່ການເຊື່ອມໂຍງປະຊາຊົນແມ່ນເປັນຂົວຕໍ່ທີ່ບໍ່ມີພົມແດນ.
ຄໍາເຫັນ