ໄດ້ລາຍງານຕໍ່ກອງປະຊຸມວຽກງານກວດກາທົ່ວປະເທດປະຈຳປີ 2024ໃນວັນທີ 3 ກຸມພານີ້ວ່າ:
ວຽກງານກວດກາລັດ ໄດ້ຕິດຕາມ, ກວດກາ ໂຄງການລົງທຶນຂອງລັດເລີ່ມແຕ່ຫົວທີ ຈຳນວນທັງໝົດ 43 ໂຄງການ, ລວມມູນຄ່າ 10,172.07 ຕື້ກີບ, 7,632,660 ໂດລາ ແລະ 37.40 ຕື້ຢວນ, ໃນນີ້ ກວດກາໂຄງການທີ່ກໍ່ສ້າງສໍາເລັດແລ້ວ 5 ໂຄງການ, ສືບຕໍ່ກວດກາໂຄງການທີ່ບໍ່ທັນສໍາເລັດການກໍ່ສ້າງ 38 ໂຄງການ ລວມມູນຄ່າ 8,891.63 ຕື້ກີບ, ໃນນີ້ ໄດ້ກວດກາແລ້ວຈໍານວນ 28 ໂຄງການ; ກວດກາການຊົດເຊີຍໃຫ້ປະຊາຊົນທີ່ຖືກຜົນກະທົບຈາກ ໂຄງການກໍ່ສ້າງທາງລົດໄຟລາວ-ຈີນປັດຈຸບັນໄດ້ຊົດເຊີຍແລ້ວ 6,504 ຄອບຄົວ ເປັນເງິນ 1,599.63 ຕື້ກີບ; ຍັງຄ້າງ 371 ຄອບຄົວ ທີ່ຈະຕ້ອງໄດ້ສືບຕໍ່ຊົດເຊີຍ.
ພ້ອມນີ້ຍັງໄດ້ກວດກາຕາມຄຳສັ່ງຄື: ກວດກາ ແລະ ປັບປຸງລັດວິສາຫະກິດນໍ້າປະປານະຄອນຫຼວງວຽງຈັນ, ກວດກາເຂດເສດຖະກິດພິເສດໃນທົ່ວປະເທດ; ໄດ້ກວດກາຕາມມະຕິສະພາສະບັບເລກທີ 113/ສພຊຄື: ກວດກາແຫຼ່ງລາຍຮັບ-ລາຍຈ່າຍ ແລະ ຄຸ້ມຄອງການນຳໃຊ້ເງິນກອງທຶນທາງເລີ່ມແຕ່ປີ 2020-2023; ກວດກາການນໍາເຂົ້ານໍ້າມັນຍົກເວັ້ນພາສີ-ອາກອນແຕ່ປີ 2019-2023 ເພື່ອເຂົ້າມາຮັບໃຊ້ໂຄງການ, ຮັບໃຊ້ສະຖານທູດ ແລະ ຮັບໃຊ້ອົງການຈັດຕັ້ງສາກົນ; ກວດກາການນຳເຂົ້າ ແລະ ເສຍພາສີພາຫະນະທີ່ບໍ່ຖືກຕ້ອງຕາມກົດໝາຍ ແລະ ລະບຽບການແຕ່ປີ 2019 ຈົນຮອດປັດຈຸບັນ; ກວດກາ 17 ບໍລິສັດທີ່ຂຸດຄົ້ນ ແລະ ສົ່ງອອກແຮ່ທາດ (ແບບທົດລອງ); ກວດກາການລົງທຶນຂອງລັດຕາມຜົນການກວດສອບທີ່ຍັງຄ້າງຈຳນວນ 43 ໂຄງການ; ສືບຕໍ່ກວດກາໂຄງການລົງທຶນຂອງລັດທີ່ມີມູນຄ່າ 10 ຕື້ຂຶ້ນໄປ ແລະ 10 ຕື້ລົງມາທີ່ຍັງຄ້າງ; ກວດກາຄວາມຮັບຜິດຊອບຂອງພະນັກງານຈໍານວນໜຶ່ງທີ່ກ່ຽວຂ້ອງກັບການປະຕິບັດໂຄງການຢູ່ແຂວງເຊກອງ, ອັດຕະປື ແລະ ແຂວງຫົວພັນ; ສຳລັບວຽກງານສະກັດ, ຕ້ານ ແລະ ສອບສວນການສໍ້ລາດບັງຫຼວງ ໄດ້ດໍາເນີນການສອບສວນຄະດີການສໍ້ລາດບັງຫຼວງ ສຳເລັດ 4 ເລື່ອງ ມີຄວາມເສຍຫາຍທັງໝົດ 115.08 ຕື້ກີບ, 3.2 ລ້ານບາດ, 25.68 ລ້ານໂດລາ ແລະ 7.8 ລ້ານຢວນ; ໃນນີ້ ເກັບກູ້ໄດ້ແລ້ວ 63.62 ຕື້ກີບ,200,000 ບາດ, 4,700 ໂດລາ ແລະ 5.19 ລ້ານຢວນ; ຍັງເກັບກູ້ບໍ່ໄດ້ 51.46 ຕື້ກີບ, 3.0 ລ້ານບາດ, 25.67 ລ້ານໂດລາ ແລະ 2.63 ລ້ານຢວນ; ມີເປົ້າໝາຍພົວພັນທັງໝົດ 208 ຄົນ, ດໍາເນີນຄະດີ 40 ຄົນ (ຕ່າງປະເທດ 2 ຄົນ), ນໍາໃຊ້ມາດຕະການກັກຕົວ 39 ຄົນ ແລະ ແກ້ໄຂທາງລະບຽບບໍລິຫານ 168 ຄົນ; ກຳລັງດໍາເນີນການສືບສວນ-ສອບສວນ 2 ເລື່ອງ, ມີຄວາມເສຍຫາຍທັງໝົດ 382.6 ລ້ານກີບ, 1.6 ລ້ານບາດ ແລະ 7.2 ລ້ານໂດລາ, ເກັບກູ້ໄດ້ 382.6 ລ້ານກີບ, 1.6 ລ້ານບາດ ແລະ 7.2 ລ້ານໂດລາ, ມີເປົ້າໝາຍ ພົວພັນ 6 ຄົນ, ດໍາເນີນຄະດີ 6 ຄົນ, ໃນນີ້ ນໍາໃຊ້ມາດຕະການກັກຕົວ 5 ຄົນ; ວຽກງານຄົ້ນຄວ້າພິຈາລະນາຄຳຮ້ອງ ແລະ ຄຳສະເໜີ ໄດ້ຮັບຄໍາ ຮ້ອງ ແລະ ຄຳສະເໜີ ທັງໝົດ 1.232 ສະບັບ ແລະ ຄໍາຮ້ອງຄ້າງມາແຕ່ປີ 2023 ທັງໝົດ 64 ສະບັບ ລວມຄໍາຮ້ອງ ທັງໝົດ 1.296 ສະບັບ, ໃນນີ້ ໄດ້ສົ່ງໃຫ້ພາກສ່ວນກ່ຽວຂ້ອງແກ້ໄຂ ຈຳນວນ 229 ສະບັບ,ຄົ້ນຄວ້າພິຈາລະນາແກ້ໄຂແລ້ວ 341 ສະບັບ, ແຈ້ງຕອບເຈົ້າຂອງຄໍາຮ້ອງ 43 ສະບັບ, ເກັບໄວ້ເພື່ອຕິດຕາມ 82 ສະບັບ, ເຈົ້າຂອງຄໍາຮ້ອງຖອນຄືນ 2 ສະບັບ ແລະ ປັດຈຸບັນຍັງມີຄຳຮ້ອງທີ່ຈະສືບຕໍ່ຄົ້ນຄວ້າພິຈາລະນາ 304 ສະບັບ; ຄຳຮ້ອງ-ຄໍາສະເໜີ ທີ່ພົ້ນເດັ່ນແມ່ນບໍ່ພໍໃຈຕໍ່ການແກ້ໄຂຂອງອົງການບໍລິຫານລັດ, ການປະຕິບັດໜ້າທີ່ຂອງພະນັກງານລັດ ແລະ ເຈົ້າໜ້າທີ່ຕຳຫຼວດ.
ຄໍາເຫັນ