ການສົ່ງອອກລົດຂອງ ສ ເກົາຫຼີ ເພີ່ມຂຶ້ນສີ່ເດືອນຕິດຕໍ່ກັນ

13:14 21/10/2025

ຂ່າວຕ່າງປະເທດລາຍງານໃນວັນທີ 20 ຕຸລາ ຜ່ານມາວ່າ: ກະຊວງການຄ້າ, ອຸດສາຫະກຳ ແລະ ພະລັງງານຂອງສ ເກົາຫຼີ ເປີດເຜີຍວ່າ, ການສົ່ງອອກລົດຂອງ ສ ເກົາຫຼີ ໄດ້ເພີ່ມຂຶ້ນ 16.8% ໃນເດືອນກັນຍາຜ່ານມາ ເມື່ອທຽບໃສ່ໄລຍະດຽວກັນຂອງປີກາຍ ເປັນ 6.41 ຕື້ໂດລາ ຊຶ່ງເປັນການເພີ່ມຂຶ້ນເປັນເດືອນທີ 4 ຕິດຕໍ່ກັນ. ການເຕີບໂຕນີ້ໄດ້ຖືກຂັບເຄື່ອນໂດຍຄວາມຕ້ອງການທີ່ເຂັ້ມແຂງຈາກເອີຣົບ ແລະ ອາຊີ, ເຊັ່ນດຽວກັນກັບຄວາມຕ້ອງການຂອງຍານພາຫະນະທີ່ເປັນມິດກັບສິ່ງແວດລ້ອມ ຊຶ່ງຊົດເຊີຍຄວາມຕ້ອງການທີ່ຫຼຸດລົງຈາກສະຫະລັດ ອາເມຣິກາ ຍ້ອນການເກັບພາສີ ຂອງລັດຖະບານ ທ່ານ ໂດໂນ ທຣໍາ.

ການສົ່ງອອກລົດໄປສະຫະລັດ ອາເມຣິກາ ຫຼຸດລົງ 7.5% ເປັນ 2.38 ຕື້ໂດລາ ໃນເດືອນກັນຍາ, ໃນຂະນະທີ່ການສົ່ງອອກໄປສະຫະພາບເອີຣົບ (EU) ແລະ ອາຊີເພີ່ມຂຶ້ນໃນອັດຕາສອງໂຕເລກ ເປັນ 958 ລ້ານໂດລາ ແລະ 823 ລ້ານໂດລາ ຕາມລໍາດັບ.

ສ່ວນການສົ່ງອອກລົດທີ່ເປັນມິດກັບສິ່ງແວດລ້ອມໄດ້ເພີ່ມຂຶ້ນ 22.9% ເປັນ 2.67 ຕື້ໂດລາ ໃນເດືອນກັນຍາ.

ສຳລັບຈຳນວນພາຫະນະທີ່ສົ່ງອອກໃນເດືອນກັນຍາແມ່ນ 228,153 ຄັນ, ເພີ່ມຂຶ້ນ 11.0% ເມື່ອທຽບໃສ່ໄລຍະດຽວກັນຂອງປີກາຍ, ໃນຂະນະທີ່ການສົ່ງອອກອາໄຫຼ່ລົດເພີ່ມຂຶ້ນ 6% ເປັນ 1.92 ຕື້ໂດລາ.

ຂ່າວລາຍງານວ່າ: ຈຳນວນພາຫະນະທີ່ຜະລິດໃນໂຮງງານພາຍໃນປະເທດເພີ່ມຂຶ້ນ 8.9% ເປັນ 334,319 ຄັນ ໃນເດືອນກັນຍາ ເມື່ອທຽບໃສ່ປີກາຍ ແລະ ຈຳນວນພາຫະນະທີ່ຈຳໜ່າຍພາຍໃນປະເທດ ຊຶ່ງລວມທັງລົດທີ່ຜະລິດພາຍໃນປະເທດ ແລະ ລົດນຳເຂົ້າ ໄດ້ບັນລຸ 157,898 ຄັນ ໃນເດືອນກັນຍາ ເພີ່ມຂຶ້ນ 20,8% ເມື່ອທຽບໃສ່ປີກາຍ.

ຄໍາເຫັນ

ຂ່າວຕ່າງປະເທດ

ສູນຝຶກຄົນພິການເປັນສ່ວນໜຶ່ງທີ່ສຳຄັນທາງສັງຄົມ

21/10/2025 13:32

ຄົນປົກກະຕິທຸກຄົນອາດຈະຂາດບາງຢ່າງໃນຊີວິດມັນກໍເປັນເລື່ອງທຳມະດາ ແຕ່ສິ່ງທີ່ຄົນພິການບໍ່ເຄີຍຂາດຄື “ຄວາມຝັນ ແລະ ກຳລັງໃຈ” ໃນໂລກທີ່ເຕັມໄປດ້ວຍອຸປະສັກ ແລະ ຄວາມບໍ່ເທົ່າທຽມ ຄົນພິການຫຼາຍຄົນກໍຍັງຢືນຢັນວ່າ “ຄວາມພິການ” ບໍ່ແມ່ນກຳແພງກັ້ນຄວາມຝັນ ແຕ່ເປັນພຽງບົດຮຽນທົດສອບໃນຊີວິດທີ່ເຮັດໃຫ້ພວກເຂົາເຂັ້ມແຂງກວ່າເກົ່າ. ລັດຖະບານຈີນ ໄດ້ຖືບັນຫານີ້ເປັນສິ່ງສຳຄັນໃນການເອົາໃຈໃສ່ດູແລຄົນພິການຢ່າງສະເໝີຕົ້ນສະເໝີປາຍ.

ຊາວແຄລິຟໍເນຍ ຫຼາຍກວ່າ 10 ລ້ານຄົນ ຝຶກຊ້ອມຮັບມືກັບແຜ່ນດິນໄຫວ

21/10/2025 13:21

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ຊາວຄາລິຟໍເນຍຫຼາຍກວ່າ 10 ລ້ານຄົນ ໄດ້ເຂົ້າຮ່ວມການຝຶກຊ້ອມກຽມພ້ອມຮັບມືກັບແຜ່ນດິນໄຫວໃນທົ່ວປະເທດ ປະຈຳປີ 2025 ເພື່ອເພີ່ມຄວາມຮັບຮູ້ ແລະ ເພີ່ມຂີດຄວາມອາດສາມາດໃນການຮັບມືກັບແຜ່ນດິນໄຫວຂະໜາດໃຫຍ່.

ເກີດເຫດລັກຊັບສິນ ຢູ່ຫໍພິພິທະພັນສິລະປະລູຟ

21/10/2025 13:18

ຂ່າວສານຊີອາໄອລາຍງານວ່າ: ໃນວັນທີ 19 ຕຸລາ ຜ່ານມາ ຢູ່ຫໍພິພິທະພັນສິລະປະລູຟ ທີ່ນະຄອນຫຼວງປາຣີ ປະເທດຝຣັ່ງ ໄດ້ເກີດເຫດລັກລອບຊັບສິນ, ລວມມີເຄື່ອງປະດັບເພັດ 9 ຢ່າງ ທີ່ “ບໍ່ສາມາດປະເມີນມູນຄ່າທາງປະຫວັດສາດໄດ້” ຖືກລັກລອບ. ຜູ້ຕ້ອງຫາ “ນຳໃຊ້ລິບຂຶ້ນລົງຈາກທາງນອກເຂົ້າໃນຫໍພິພິທະພັນລູຟ”, ເພື່ອເຄື່ອນໄຫວລົງມືກໍ່ເຫດໂດຍໃຊ້ເວລາພຽງ 7 ນາທີເທົ່ານັ້ນ.

ກອງປະຊຸມຄົບຄະນະຄັ້ງທີ 4 ຂອງຄະນະກຳມະການສູນກາງພັກກອມມູນິດຈີນ ສະໄໝທີ 20

21/10/2025 13:12

ຂ່າວສານຊີອາໄອລາຍງານວ່າ: ໃນຕອນເຊົ້າຂອງວັນທີ 20 ຕຸລາ ຜ່ານມານີ້, ກອງປະຊຸມຄົບຄະນະຄັ້ງທີ 4 ຂອງຄະນະກຳມະການສູນກາງພັກກອມມູນິດຈີນ ສະໄໝທີ 20 ໄດ້ເປີດຂຶ້ນຢູ່ນະຄອນຫຼວງປັກກິ່ງ ຂອງຈີນ.

ກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

21/10/2025 13:09

ວິທະຍຸກະຈາຍສຽງຫວຽດນາມລາຍງານວ່າ: ໃນຕອນເຊົ້າວັນທີ 20 ຕຸລາ ຜ່ານມາ ຢູ່ຫໍປະຊຸມຢຽນຮົ່ງ ນະຄອນຫຼວງຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ເປີດກອງປະຊຸມສະໄໝສາມັນເທື່ອທີ 10 ຊຶ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15 ແລະ ເປັນກອງປະຊຸມຫຼາຍວຽກທີ່ສຸດຂອງອາຍຸການ, ຄາດວ່າ ຈະດຳເນີນເປັນເວລາ 40 ວັນ. ເຂົ້າຮ່ວມພິທີເປີດກອງປະຊຸມມີທ່ານ ໂຕເລິມ ເລຂາທິການໃຫຍ່ພັກກອມມູນິດ ຫວຽດນາມ, ທ່ານ ເລືອງເກື່ອງ ປະທານປະເທດ, ທ່ານ ຟ້າມມິງຈິງ ນາຍົກລັດຖະມົນຕີ ແລະ ທ່ານ ເຈິ່ນແທັງເໝີນປະທານສະພາແຫ່ງຊາດ.

ໜູນຊ່ວຍບັນດາປະເທດອາຊີ - ປາຊີຟິກ ກະຕຸ້ນຄວາມຕ້ອງການພາຍໃນ

20/10/2025 14:46

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ທ່ານ ຄຣິຊນາ ສຣິນິວາສັນ ຜູ້ອຳນວຍການກົມອາຊີ-ປາຊີຟິກຂອງກອງທຶນການເງິນສາກົນ (IMF) ທີ່ເຂົ້າຮ່ວມກອງປະຊຸມຖະແຫຼງຂ່າວທ່າອ່ຽງເສດຖະກິດພາກພື້ນອາຊີ-ປາຊີຟິກ ທີ່ນະຄອນຫຼວງວໍຊິງຕັນ ດີຊີ ສະຫະລັດ ອາເມຣິກາ ກ່າວວ່າ: ບັນດາປະເທດໃນອາຊີສາມາດຊຸກຍູ້ການເຕີບໂຕດ້ວຍການເພີ່ມຄວາມຕ້ອງການພາຍໃນ ແລະ ເພີ່ມທະວີການເຊື່ອມໂຍງພາກພື້ນ.

ການນໍາໃຊ້ ແອັບ ChatGPT ປະຈໍາວັນຫຼຸດລົງ

20/10/2025 14:35

ຂ່າວຕ່າງປະເທດລາຍງານໃນທ້າຍອາທິດຜ່ານມາວ່າ: TechCrunch ໜັງສືພິມອອນລາຍດ້ານເຕັກໂນໂລຊີ ຂອງສະຫະລັດ ອາເມຣິກາ ລາຍງານວ່າ, ຈຳນວນຜູ້ທີ່ໃຊ້ແອັບພລິເຄຊັນ ChatGPT ໃນໂທລະສັບມືຖື ປະຈໍາວັນທົ່ວໂລກ ເລີ່ມມີສະຖຽນລະພາບໃນເດືອນກັນຍາ ຜ່ານມາ.

ຕາຂ່າຍໄຟຟ້າອາຊຽນ ຈະເຮັດໃຫ້ພາກພື້ນເປັນສູນກາງພະລັງງານສະອາດ

20/10/2025 11:37

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ທ່ານ ອັນວາ ອິບຣາຮິມ ນາຍົກລັດຖະ ມົນຕີມາເລເຊຍ ໄດ້ເຂົ້າຮ່ວມພິທີເປີດກອງປະຊຸມລັດຖະມົນຕີພະລັງງານອາຊຽນ ຄັ້ງທີ 43 (AMEM-43) ແລະ ບັນດາກອງປະຊຸມທີ່ກ່ຽວຂ້ອງ, ທ່ານກ່າວວ່າ: ການກໍ່ສ້າງຕາຂ່າຍໄຟຟ້າທີ່ເຊື່ອມໂຍງກັນໂດຍຜ່ານໂຄງການຕາຂ່າຍໄຟຟ້າອາຊຽນ (APG) ຈະເພີ່ມທະວີການເຊື່ອມໂຍງລະດັບພາກພື້ນ, ດຶງດູດການລົງທຶນສີຂຽວທີ່ເປັນມິດກັບສິ່ງແວດລ້ອມ, ສ້າງວຽກເຮັດງານທຳທີ່ມີຄຸນນະພາບ ແລະ ຍົກລະດັບອາຊຽນເປັນສູນກາງພະລັງງານສະອາດ.

ເສດຖະກິດຈີນ ສ່ອງແສງໃຫ້ເຫັນເຖິງຜົນງານໃໝ່ດ້ານການພັດທະນາທີ່ມີຄຸນນະພາບ

20/10/2025 11:23

ຂ່າວສານຊີອາໄອລາຍງານ ໃນວັນທີ 19 ຕຸລາ ຜ່ານມາວ່າ: ປີນີ້ແມ່ນປີມ້ວນທ້າຍແຫ່ງການປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 14 （2021-2025）ຂອງຈີນ. ໃນໄລຍະ 5 ປີດັ່ງກ່າວ, ທົ່ວພັກ ແລະ ປະຊາຊົນບັນດາເຜົ່າໃນທົ່ວປະເທດຈີນໄດ້ຜັນຂະຫຍາຍ ແລະ ຈັດຕັ້ງປະຕິບັດແນວຄວາມຄິດການພັດທະນາແບບໃໝ່ຢ່າງຄົບຖ້ວນ, ຖືກຕ້ອງ ແລະ ຮອບດ້ານ, ເລັ່ງສ້າງສະພາບການພັດທະນາແບບໃໝ່, ການພັດທະນາທີ່ມີຄຸນນະພາບສູງໄດ້ຮັບຜົນງານໃໝ່ ແລະ ກ້າວຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ.

ບົດບາດແມ່ຍິງ ກາຍເປັນກຳລັງແຮງຊຸກຍູ້ການພັດທະນາ

15/10/2025 15:36

ຂ່າວສານຊີອາໄອລາຍງານ ໃນວັນທີ 14 ຕຸລາຜ່ານມາວ່າ: ໃນໂອກາດຈັດກອງປະຊຸມສຸດຍອດແມ່ຍິງໂລກ, ໂທລະພາບສາກົນຈີນ ຫຼື CGTN ຂອງວິທະຍຸໂທລະພາບສູນກາງຈີນ ໄດ້ສຳຫຼວດຄວາມເຫັນບັນດາກຸ່ມຄົນຈຳນວນ 7,292 ຄົນ ຈາກ 38 ປະເທດໃນຂອບເຂດທົ່ວໂລກ, ຜົນການສຳຫຼວດສະແດງໃຫ້ເຫັນວ່າ: ຜູ້ຕອບແບບສອບຖາມມີຄວາມຮັບຮູ້ໂດຍທົ່ວໄປວ່າ, ແມ່ຍິງແມ່ນກຳລັງແຮງສຳຄັນໃນການຊຸກຍູ້ຂະບວນການພັດທະນາເສດຖະກິດ-ສັງຄົມ, ແລະ ຍັງໄດ້ຕີລາຄາຢ່າງຕັ້ງໜ້າຕໍ່ແນວຄິດພັດທະນາ ແລະ ຜົນສຳເລັດຂອງພາລະກິດແມ່ຍິງຈີນ.

ເພີ່ມເຕີມ