ຄາດໝາຍການເຕີບໂຕເສດຖະກິດຂອງ ສປປ ລາວ ໃນປີ 2024 ນີ້ ໄດ້ມີມະຕິຮັບຮອງວ່າ:ລວມຍອດຜະລິດຕະພັນພາຍໃນ (GDP) ເຕີບໂຕ 4,5%, (GDP ຕາມລາຄາໃນປີ 293.786 ຕື້ກີບ); ພ້ອມດຽວກັນ, ກໍໄດ້ຄາດວ່າ GDPສະເລ່ຍຕໍ່ຫົວຄົນຈະຢູທີ່ 1.787 ໂດລາ, ລາຍໄດ້ແຫ່ງຊາດ (GNI) ສະເລ່ຍຕໍ່ຫົວຄົນ 1.668 ໂດລາ.
ບັນດາຄາດໝາຍດັ່ງກ່າວ, ລະບຸຄາດໝາຍໄວ້ໃນມະຕິ ກອງປະຊຸມສະພາແຫ່ງຊາດ ເລກທີ 118/ສພຊ, ລົງວັນທີ 21/11/2023 ວ່າດ້ວຍການຮັບຮອງບົດລາຍງານຂອງລັດຖະບານ ກ່ຽວກັບການສະຫຼຸບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ແຫ່ງຊາດ ກາງສະໄໝ 5 ປີ ຄັ້ງທີ IX (2021-2025), ທິດທາງແຜນພັດທະນາເສດຖະກິດ-ສັງຄົມ ທ້າຍສະໄໝ ຮອດປີ 2025, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈໍາປີ 2023 ແລະ ແຜນພັດທະນາເສດຖະກິດ-ສັງຄົມ ປີ 2024.
ໃນມະຕິນີ້, ກໍຍັງໄດ້ມີການຮັບຮອງຄາດໝາຍແຕ່ລະຂະແໜງການທີ່ເຕີບໂຕເພີ່ມຂຶ້ນ ອັນຈະເປັນການປະກອບສ່ວນໃຫ້ການເຕີບໂຕຂອງ GDP ໂດຍໄດ້ຄາດວ່າຂະແໜງກະສິກຳ ເພິີ່ມຂຶ້ນ 2,6% ກວມເອົາ 20,8% ຂອງGDP, ຂະແໜງອຸດສາຫະກຳ ເພີ່ມຂຶ້ນ 5,0% ກວມເອົາ 32,4% ຂອງ GDP, ຂະແໜງການບໍລິການ ເພີ່ມຂຶ້ນ 4,8% ກວມເອົາ 36,1% ຂອງGDP, ພາສີ-ອາກອນ ເພີ່ມຂຶ້ນ 3,9% ກວມເອົາ 10,7% ຂອງ GDP.
ນອກນີ້, ໃນເອກະສານຊ້ອນທ້າຍຂອງມະຕິດັ່ງກ່າວ ກໍຍັງໄດ້ລະບຸ 7 ຄາດໝາຍຂະແໜງການເສດຖະກິດ ວ່າ:
1). ຜະລິດເຂົ້າເປືອກ ໃຫ້ໄດ້ 3,86 ລ້ານໂຕນ, ຜະລິດພືດສະບຽງອາຫານ ໃຫ້ໄດ້ 2,62 ລ້ານໂຕນ; ຜະລິດກະສິກໍາໃຫ້ເປັນສິນຄ້າ 8,66 ລ້ານໂຕນ, ການຜະລິດຊີ້ນ, ໄຂ່ ແລະ ປາ ໃຫ້ໄດ້ 554.000 ໂຕນ;
2). ມູນຄ່າການສົ່ງອອກຜະລິດຕະພັນດ້ານກະສິກໍາໃຫ້ໄດ້ 1.200 ລ້ານໂດລາ, ໃນນັ້ນ, ພືດ ແລະ ຜະລິດຕະພັນພືດ 1.100 ລ້ານໂດລາ, ສັດ ແລະ ຜະລິດຕະພັນສັດ 100 ລ້ານໂດລາ;
3). ສ້າງມູນຄ່າການຜະລິດອຸດສາຫະກໍາປຸງແຕ່ງ ແລະ ຫັດຖະກໍາ ໃຫ້ບັນລຸ 17.900,10 ຕື້ກີບ;
4). ສ້າງມູນຄ່າການຈໍລະຈອນສິນຄ້າ (ຂາຍຍົກ-ຂາຍຍ່ອຍ ແລະ ບໍລິການ) ໃຫ້ບັນລຸ 91.375 ຕື້ກີບ;
5). ຜະລິດກະແສໄຟຟ້າ ໃຫ້ໄດ້ 51.112 ລ້ານກິໂລວັດໂມງ ເປັນມູນຄ່າ 56.564 ຕື້ກີບ, ໃນນັ້ນສົ່ງອອກໄປ ຕ່າງປະເທດ 41.867 ລ້ານກິໂລວັດໂມງເປັນມູນຄ່າ 2.812 ລ້ານໂດລາແລະ ຈໍາໜ່າຍພາຍໃນ ປະເທດ 11.502 ລ້ານກິໂລວັດໂມງເປັນມູນຄ່າ 747 ລ້ານໂດລາ;
6). ຜະລິດແຮ່ທາດ ໃຫ້ໄດ້ ມູນຄ່າ 27.013 ຕື້ກີບ, ໃນນັ້ນ ມູນຄ່າການຈໍາໜ່າຍແຮ່ທາດໄປຕ່າງປະເທດ ໃຫ້ໄດ້ 1.685 ລ້ານໂດລາ ແລະ ມູນຄ່າການຈໍາໜ່າຍແຮ່ທາດພາຍໃນປະເທດໃຫ້ໄດ້ 319ລ້ານໂດລາ;
7). ການບໍລິການຂົນສົ່ງສິນຄ້າ ໃຫ້ໄດ້ 14.002 ລ້ານໂຕນ, ຂົນສົ່ງໂດຍສານ ໃຫ້ໄດ້ 104.724 ລ້ານເທື່ອຄົນ.
(ຂ່າວ-ພາບ: ສຸກສະຫວັນ)
ບັນດາຄາດໝາຍດັ່ງກ່າວ, ລະບຸຄາດໝາຍໄວ້ໃນມະຕິ ກອງປະຊຸມສະພາແຫ່ງຊາດ ເລກທີ 118/ສພຊ, ລົງວັນທີ 21/11/2023 ວ່າດ້ວຍການຮັບຮອງບົດລາຍງານຂອງລັດຖະບານ ກ່ຽວກັບການສະຫຼຸບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ແຫ່ງຊາດ ກາງສະໄໝ 5 ປີ ຄັ້ງທີ IX (2021-2025), ທິດທາງແຜນພັດທະນາເສດຖະກິດ-ສັງຄົມ ທ້າຍສະໄໝ ຮອດປີ 2025, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈໍາປີ 2023 ແລະ ແຜນພັດທະນາເສດຖະກິດ-ສັງຄົມ ປີ 2024.
ໃນມະຕິນີ້, ກໍຍັງໄດ້ມີການຮັບຮອງຄາດໝາຍແຕ່ລະຂະແໜງການທີ່ເຕີບໂຕເພີ່ມຂຶ້ນ ອັນຈະເປັນການປະກອບສ່ວນໃຫ້ການເຕີບໂຕຂອງ GDP ໂດຍໄດ້ຄາດວ່າຂະແໜງກະສິກຳ ເພິີ່ມຂຶ້ນ 2,6% ກວມເອົາ 20,8% ຂອງGDP, ຂະແໜງອຸດສາຫະກຳ ເພີ່ມຂຶ້ນ 5,0% ກວມເອົາ 32,4% ຂອງ GDP, ຂະແໜງການບໍລິການ ເພີ່ມຂຶ້ນ 4,8% ກວມເອົາ 36,1% ຂອງGDP, ພາສີ-ອາກອນ ເພີ່ມຂຶ້ນ 3,9% ກວມເອົາ 10,7% ຂອງ GDP.
ນອກນີ້, ໃນເອກະສານຊ້ອນທ້າຍຂອງມະຕິດັ່ງກ່າວ ກໍຍັງໄດ້ລະບຸ 7 ຄາດໝາຍຂະແໜງການເສດຖະກິດ ວ່າ:
1). ຜະລິດເຂົ້າເປືອກ ໃຫ້ໄດ້ 3,86 ລ້ານໂຕນ, ຜະລິດພືດສະບຽງອາຫານ ໃຫ້ໄດ້ 2,62 ລ້ານໂຕນ; ຜະລິດກະສິກໍາໃຫ້ເປັນສິນຄ້າ 8,66 ລ້ານໂຕນ, ການຜະລິດຊີ້ນ, ໄຂ່ ແລະ ປາ ໃຫ້ໄດ້ 554.000 ໂຕນ;
2). ມູນຄ່າການສົ່ງອອກຜະລິດຕະພັນດ້ານກະສິກໍາໃຫ້ໄດ້ 1.200 ລ້ານໂດລາ, ໃນນັ້ນ, ພືດ ແລະ ຜະລິດຕະພັນພືດ 1.100 ລ້ານໂດລາ, ສັດ ແລະ ຜະລິດຕະພັນສັດ 100 ລ້ານໂດລາ;
3). ສ້າງມູນຄ່າການຜະລິດອຸດສາຫະກໍາປຸງແຕ່ງ ແລະ ຫັດຖະກໍາ ໃຫ້ບັນລຸ 17.900,10 ຕື້ກີບ;
4). ສ້າງມູນຄ່າການຈໍລະຈອນສິນຄ້າ (ຂາຍຍົກ-ຂາຍຍ່ອຍ ແລະ ບໍລິການ) ໃຫ້ບັນລຸ 91.375 ຕື້ກີບ;
5). ຜະລິດກະແສໄຟຟ້າ ໃຫ້ໄດ້ 51.112 ລ້ານກິໂລວັດໂມງ ເປັນມູນຄ່າ 56.564 ຕື້ກີບ, ໃນນັ້ນສົ່ງອອກໄປ ຕ່າງປະເທດ 41.867 ລ້ານກິໂລວັດໂມງເປັນມູນຄ່າ 2.812 ລ້ານໂດລາແລະ ຈໍາໜ່າຍພາຍໃນ ປະເທດ 11.502 ລ້ານກິໂລວັດໂມງເປັນມູນຄ່າ 747 ລ້ານໂດລາ;
6). ຜະລິດແຮ່ທາດ ໃຫ້ໄດ້ ມູນຄ່າ 27.013 ຕື້ກີບ, ໃນນັ້ນ ມູນຄ່າການຈໍາໜ່າຍແຮ່ທາດໄປຕ່າງປະເທດ ໃຫ້ໄດ້ 1.685 ລ້ານໂດລາ ແລະ ມູນຄ່າການຈໍາໜ່າຍແຮ່ທາດພາຍໃນປະເທດໃຫ້ໄດ້ 319ລ້ານໂດລາ;
7). ການບໍລິການຂົນສົ່ງສິນຄ້າ ໃຫ້ໄດ້ 14.002 ລ້ານໂຕນ, ຂົນສົ່ງໂດຍສານ ໃຫ້ໄດ້ 104.724 ລ້ານເທື່ອຄົນ.
(ຂ່າວ-ພາບ: ສຸກສະຫວັນ)
ຄໍາເຫັນ