ທ່ານ ນາງ ໃບຄຳ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ (ຮສສ) ພ້ອມດ້ວຍຄະນະ ໄດ້ລົງເຄື່ອນໄຫວຊຸກຍູ້ວຽກງານ ຂະແໜງແຮງງານ ແລະ ສະຫວັດດີການສັງຄົມ ຢູ່ແຂວງບໍລິຄຳໄຊ ໃນວັນທີ 4 ຕຸລາ ຜ່ານມາ ຊຶ່ງທ່ານໄດ້ເຂົ້າພົບ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ເພື່ອແຈ້ງຈຸດປະສົງໃຫ້ທ່ານເຈົ້າແຂວງ ໄດ້ຮັບຊາບ ພ້ອມສະເໜີໃຫ້ຊຸກຍູ້ວຽກງານຕ່າງໆຂອງພະແນກແຮງງານ ແລະ ສະຫວັດດີການສັງຄົມ ແຂວງບໍລິຄຳໄຊ ໃຫ້ຫຼາຍຕື່ມ ເປັນຕົ້ນ: ວຽກງານການຂຶ້ນທະບຽນແຮງງານ, ການຄຸ້ມຄອງແຮງງານທັງພາຍໃນ ແລະ ຕ່າງປະເທດ, ການຮັບມືກັບໄພພິບັດ ແລະ ວຽກງານລະເບີດບໍ່ທັນແຕກ ຢູ່ພາຍໃນແຂວງ ພ້ອມນີ້ ທ່ານລັດຖະມົນຕີ ຮສສ ຍັງໄດ້ນຳເງິນ ຈຳນວນ 100 ລ້ານກີບ ມອບໃຫ້ກອງທຶນໄພພິບັດແຂວງຕື່ມອີກ ເພື່ອນຳໃຊ້ເຂົ້າໃນວຽກງານໄພພິບັດຕ່າງໆພາຍໃນແຂວງໃຫ້ທວ່ງທັນກັບສະພາບການ.
ຈາກນັ້ນ, ທ່ານ ນາງ ໃບຄຳ ຂັດທິຍະ ກໍໄດ້ເຂົ້າຮ່ວມເປັນປະທານກອງປະຊຸມພະແນກແຮງງານ ແລະ ສະຫວັດດີການສັງຄົມ ແຂວງບໍລິຄຳໄຊ ໂດຍມີ ທ່ານ ແສງເພັດ ມູນລະໄມ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ, ມີພະນັກງານ ຮສສແຂວງ ເຂົ້າຮ່ວມ. ໂອກາດ ທ່ານ ນາງ ໃບຄຳ ຂັດທິຍະ ໄດ້ໂອ້ລົມເນັ້ນໜັກໃຫ້ເອົາໃຈໃສ່ເພີ່ມທະວີ ການຫັນປ່ຽນຢ່າງເລິກເຊິງຮອບດ້ານ, ໂປ່ງໃສແບບມືອາຊີບ, ເຕົ້າໂຮມຄວາມສາມັກຄີໃຫ້ເປັນປຶກແຜ່ນ, ປັບປຸງແບບແຜນວິທີການເຮັດວຽກ ບົນຫຼັກການນໍາພາລວມສູນປະຊາທິປະ ໄຕ, ການນໍາພາເປັນໝູ່ຄະນະ ແບ່ງວຽກໃຫ້ບຸກຄົນຮັບຜິດຊອບ, ມີການຕິດຕາມ, ກວດກາ ຊຸກຍູ້ການຈັດຕັ້ງປະຕິບັດວຽກງານ, ແກ້ໄຂບັນຫາທີ່ຄົງຄ້າງຢ່າງເປັນລະບົບ ເພື່ອເຮັດໃຫ້ທຸກວຽກງານສາມາດຂັບເຄື່ອນໄປຂ້າງໜ້າໄດ້ເປັນຢ່າງດີ ເປັນຕົ້ນແມ່ນວຽກການຄຸ້ມຄອງແຮງງານພາຍໃນ ແລະ ຕ່າງປະເທດ ໃນການເຄື່ອນຍ້າຍແຮງງານຢ່າງຖືກຕ້ອງ ແລະ ໃຫ້ໄດ້ຮັບການປົກປ້ອງສິດຜົນປະໂຫຍດເປັນຢ່າງດີ, ວຽກງານສີມືແຮງງານ ເປັນໃຈກາງໃນການປະສານສົມທົບກັບພາກສ່ວນຕ່າງໆ ໂດຍຝຶກອົບຮົມວິຊາຊີບ ໃຫ້ແກ່ປະຊາຊົນແຮງງານລາວ ເຊັ່ນ: ການປູກ-ການລ້ຽງ ຜະລິດເປັນສິນຄ້າ, ການບໍລິການ ແລະ ການຄ້າຂາຍໃຫ້ເປັນສິນຄ້າປະຈຳທ້ອງຖິ່ນຕ່າງໆ ເພື່ອພັດທະນາວິຊາຊີບ ໃຫ້ປະຊາຊົນໄດ້ມີວຽກເຮັດງານທຳ ສ້າງລາຍຮັບເຂົ້າໃນຄອບຄົວ. ພ້ອມນີ້, ວຽກງານປະກັນສຸຂະພາບ ກໍໃຫ້ເປັນລະບົບການບໍລິການ ເພື່ອອຳນວຍຄວາມສະດວກໃຫ້ແກ່ຜູ້ປະກັນຕົນ ສິ່ງສຳຄັນຫັນການບໍລິການພາກລັດໄປສູ່ສັງຄົມ ແມ່ນຕ້ອງໄດ້ຄົ້ນຄວ້າ, ເຊື່ອມຊຶມ ບັນດານິຕິກຳຕ່າງໆຂອງຂະແໜງ ຮສສ ແລະ ຂອງແຂວງ ຕິດພັນກັບການກຳນົດແຜນຕຳແໜ່ງງານ, ບຳລຸງສ້າງ ພະນັກງານ ເພື່ອສ້າງບຸກຄະລາກອນໃຫ້ມີຄວາມຮູ້ ຄວາມສາມາດ ເພື່ອຮອງຮັບກັບວຽກງານໃນຂະແໜງການຂອງຕົນໃຫ້ດີຂຶ້ນເປັນກ້າວໆ.
ພ້ອມດຽວກັນນີ້, ທ່ານ ນາງ ໃບຄຳ ຂັດທິຍະ ແລະ ທ່ານ ເຈົ້າແຂວງ ຍັງໄປຢ້ຽມມຢາມ ແລະ ຊຸກຍູ້ວຽກແຮງງານ ຂົວມິດຕະພາບ ລາວ-ໄທ ແຫ່ງທີ 5 ແຂວງບໍລິຄຳໄຊ ຫາ ຈັງຫວັດບຶງການ ປະເທດໄທ ອີກດ້ວຍ.
(ຂ່າວສານຮສສ)
ຈາກນັ້ນ, ທ່ານ ນາງ ໃບຄຳ ຂັດທິຍະ ກໍໄດ້ເຂົ້າຮ່ວມເປັນປະທານກອງປະຊຸມພະແນກແຮງງານ ແລະ ສະຫວັດດີການສັງຄົມ ແຂວງບໍລິຄຳໄຊ ໂດຍມີ ທ່ານ ແສງເພັດ ມູນລະໄມ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ, ມີພະນັກງານ ຮສສແຂວງ ເຂົ້າຮ່ວມ. ໂອກາດ ທ່ານ ນາງ ໃບຄຳ ຂັດທິຍະ ໄດ້ໂອ້ລົມເນັ້ນໜັກໃຫ້ເອົາໃຈໃສ່ເພີ່ມທະວີ ການຫັນປ່ຽນຢ່າງເລິກເຊິງຮອບດ້ານ, ໂປ່ງໃສແບບມືອາຊີບ, ເຕົ້າໂຮມຄວາມສາມັກຄີໃຫ້ເປັນປຶກແຜ່ນ, ປັບປຸງແບບແຜນວິທີການເຮັດວຽກ ບົນຫຼັກການນໍາພາລວມສູນປະຊາທິປະ ໄຕ, ການນໍາພາເປັນໝູ່ຄະນະ ແບ່ງວຽກໃຫ້ບຸກຄົນຮັບຜິດຊອບ, ມີການຕິດຕາມ, ກວດກາ ຊຸກຍູ້ການຈັດຕັ້ງປະຕິບັດວຽກງານ, ແກ້ໄຂບັນຫາທີ່ຄົງຄ້າງຢ່າງເປັນລະບົບ ເພື່ອເຮັດໃຫ້ທຸກວຽກງານສາມາດຂັບເຄື່ອນໄປຂ້າງໜ້າໄດ້ເປັນຢ່າງດີ ເປັນຕົ້ນແມ່ນວຽກການຄຸ້ມຄອງແຮງງານພາຍໃນ ແລະ ຕ່າງປະເທດ ໃນການເຄື່ອນຍ້າຍແຮງງານຢ່າງຖືກຕ້ອງ ແລະ ໃຫ້ໄດ້ຮັບການປົກປ້ອງສິດຜົນປະໂຫຍດເປັນຢ່າງດີ, ວຽກງານສີມືແຮງງານ ເປັນໃຈກາງໃນການປະສານສົມທົບກັບພາກສ່ວນຕ່າງໆ ໂດຍຝຶກອົບຮົມວິຊາຊີບ ໃຫ້ແກ່ປະຊາຊົນແຮງງານລາວ ເຊັ່ນ: ການປູກ-ການລ້ຽງ ຜະລິດເປັນສິນຄ້າ, ການບໍລິການ ແລະ ການຄ້າຂາຍໃຫ້ເປັນສິນຄ້າປະຈຳທ້ອງຖິ່ນຕ່າງໆ ເພື່ອພັດທະນາວິຊາຊີບ ໃຫ້ປະຊາຊົນໄດ້ມີວຽກເຮັດງານທຳ ສ້າງລາຍຮັບເຂົ້າໃນຄອບຄົວ. ພ້ອມນີ້, ວຽກງານປະກັນສຸຂະພາບ ກໍໃຫ້ເປັນລະບົບການບໍລິການ ເພື່ອອຳນວຍຄວາມສະດວກໃຫ້ແກ່ຜູ້ປະກັນຕົນ ສິ່ງສຳຄັນຫັນການບໍລິການພາກລັດໄປສູ່ສັງຄົມ ແມ່ນຕ້ອງໄດ້ຄົ້ນຄວ້າ, ເຊື່ອມຊຶມ ບັນດານິຕິກຳຕ່າງໆຂອງຂະແໜງ ຮສສ ແລະ ຂອງແຂວງ ຕິດພັນກັບການກຳນົດແຜນຕຳແໜ່ງງານ, ບຳລຸງສ້າງ ພະນັກງານ ເພື່ອສ້າງບຸກຄະລາກອນໃຫ້ມີຄວາມຮູ້ ຄວາມສາມາດ ເພື່ອຮອງຮັບກັບວຽກງານໃນຂະແໜງການຂອງຕົນໃຫ້ດີຂຶ້ນເປັນກ້າວໆ.
ພ້ອມດຽວກັນນີ້, ທ່ານ ນາງ ໃບຄຳ ຂັດທິຍະ ແລະ ທ່ານ ເຈົ້າແຂວງ ຍັງໄປຢ້ຽມມຢາມ ແລະ ຊຸກຍູ້ວຽກແຮງງານ ຂົວມິດຕະພາບ ລາວ-ໄທ ແຫ່ງທີ 5 ແຂວງບໍລິຄຳໄຊ ຫາ ຈັງຫວັດບຶງການ ປະເທດໄທ ອີກດ້ວຍ.
(ຂ່າວສານຮສສ)
ຄໍາເຫັນ