ຂຶ້ນທີ່ສະໂມສອນກະຊວງ. ໂດຍການເປັນປະທານຂອງທ່ານ ລິນຄຳ ດວງສະຫວັນ ລັດຖະມົນຕີກະຊວງກະສິກຳ ແລະ ປ່າໄມ້. ເຂົ້າຮ່ວມມີ ບັນດາທ່ານຮອງລັດຖະມົນຕີກະຊວງກະສິກຳ ແລະ ປ່າໄມ້, ຕາງໜ້າຈາກຄະນະຈັດຕັ້ງສູນກາງພັກ, ມີຫົວໜ້າຫ້ອງການກະຊວງກະສິກຳ ແລະ ປ່າໄມ້, ບັນດາຫົວໜ້າ-ຮອງຫົວໜ້າກົມ, ສະຖາບັນ, ສູນ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ໃນພິທີ ທ່ານ ນາງ ວິໄລ ພິລາວົງ ຮອງຫົວໜ້າກົມຄຸ້ມຄອງພະນັກງານຕາງໜ້າຈາກຄະນະຈັດຕັ້ງສູນກາງພັກ ໄດ້ຂຶ້ນຜ່ານມະຕິຕົກລົງ ຂອງຄະນະເລຂາທິການສູນກາງພັກ ສະບັບເລກທີ 247/ຄລສພ, ລົງວັນທີ 30 ກັນຍາ 2024 ແລະ ດຳລັດ ຂອງນາຍົກລັດຖະມົນຕີ ສະບັບເລກທີ 519/ນຍ, ລົງວັນທີ 1 ຕຸລາ 2024 ວ່າດ້ວຍການອະນຸມັດໃຫ້ພະນັກງານການນໍາຂັ້ນສູງ ອອກພັກການ-ຮັບອຸດໜູນບໍານານ, ປະກາດ ທ່ານ ທອງພັດ ວົງມະນີ ຮອງລັດຖະມົນຕີກະຊວງກະສິກຳ ແລະປ່າໄມ້ ອອກພັກການ-ຮັບອູດໜູນບໍານານ. ຈາກນັ້ນ ທ່ານ ບຸນທະວີ ໄຊຍະເພັດ ຫົວໜ້າກົມຈັດຕັ້ງ ແລະ ພະນັກງານ ໄດ້ຂຶ້ນຜ່ານດໍາລັດ ຂອງນາຍົກລັດຖະມົນຕີ ສະບັບເລກທີ527/ນຍ, ລົງວັນນທີ 2 ຕຸລາ 2024 ວ່າດ້ວຍການແຕ່ງຕັ້ງພະນັກງານນໍາພາ-ຄຸ້ມຄອງຂັ້ນກົມ ປະກາດແຕ່ງຕັ້ງ ທ່ານ ຄຳແສນ ອຸ່ນຄຳ ຮັກສາການຫົວໜ້າສະຖາບັນນິເວດວິທະຍາ ແລະ ເຕັກໂນໂລຊີ ຊີວະພາບ ເປັນຫົວໜ້າສະຖາບັນນິເວດວິທະຍາ ແລະ ເຕັກໂນໂລຊີ ຊີວະພາບ. ເພື່ອເຮັດໃຫ້ພິທີດັ່ງກ່າວ ມີຄວາມໝາຍສຳຄັນ ໃນຕອນທ້າຍ ທ່ານ ລິນຄຳ ດວງສະຫວັນ ໄດ້ໃຫ້ກຽດຂຶ້ນມອບມະຕິຕົກລົງ ຂອງຄະນະເລຂາທິການສູນກາງພັກ ແລະ ເອກະສານດໍາລັດ ຂອງນາຍົກລັດຖະມົນຕີ ພ້ອມທັງມອບເຄື່ອງທີ່ລະນຶກ ໃຫ້ ທ່ານ ທອງພັດ ວົງມະນີ ພ້ອມທັງໃຫ້ກຽດໂອ້ລົມ ຕໍ່ກັບການນໍາທີ່ໄດ້ຮັບບໍານານໃນຄັ້ງນີ້ວ່າແມ່ນການປະຕິບັດນະໂຍບາຍຂອງພັກ ແລະ ລະບຽບຂອງລັດ ວາງອອກກໍຄື ກົດໝາຍ ວ່າດ້ວຍພະນັກງານ-ລັດຖະກອນ ເມື່ອຮອດອາຍຸກະສຽນ ແລະ ຄົບເງື່ອນໄຂແລ້ວ ກໍຈະໄດ້ຮັບການປະຕິບັດນະໂຍບາຍ ເຂົ້າຮັບອຸດໜູນບໍານານ. ພ້ອມນີ້ ໃຫ້ສືບຕໍ່ໃຫ້ຄຳປຶກສາ ເພື່ອຊ່ວຍກໍ່ສ້າງ ພະນັກງານຮຸ່ນສືບທອດ ແລະ ວຽກງານທີ່ຈໍາເປັນຂອງຂະແໜງການຕໍ່ໄປ.
ສໍາລັບ ທ່ານຫົວໜ້າສະຖາບັນນິເວດວິທະຍາ ແລະ ເຕັກໂນໂລຊີຊີວະພາບ ທີ່ໄດ້ຮັບການແຕ່ງຕັ້ງໃນຄັ້ງນີ້ ໃຫ້ສືບຕໍ່ແບບແຜນນໍາພາ-ວິທີເຮັດວຽກ ປະຕິບັດຕາມຫຼັກການລວມສູນປະຊາທິປະໄຕ, ໃນການແບ່ງຄວາມຮັບຜິດຊອບພາຍໃນຄະນະຢ່າງຈະແຈ້ງ, ສືບຕໍ່ປັບປຸງວຽກພັກ-ພະນັກງານ ແລະ ວຽກງານອື່ນໆ ພາຍໃນສະຖາບັນ ເພື່ອໃຫ້ໄດ້ຮັບຜົນສໍາເລັດຕາມລະດັບຄາດໝາຍທີ່ກໍານົດໄວ້.
ຂ່າວ-ພາບ: ສອນເພັດສຸລິພອນ
ຄໍາເຫັນ