 |
ໃນກອງປະຊຸມ, ທ່ານ ສຸລິຈັນ ໂຊກຄໍາຈັນ ກຳມະການພັກແຂວງປະທານສະຫະພັນກຳມະບານແຂວງໄດ້ກ່າວໄຂກອງປະຊຸມຄັ້ງນີ້ວ່າ: ກອງປະຊຸມໃຫຍ່ຜູ້ແທນສະຫະພັນກຳມະບານແຂວງ ຄັ້ງທີ VII ນີ້, ຈະໄດ້ສຸມໃສ່ໜ້າທີ່ຕົ້ນຕໍດັ່ງນີ້: ກອງປະຊຸມ ຈະໄດ້ຜ່ານ ແລະ ຮັບຮອງເອົາບົດລາຍງານການເມືອງ ແລະ ບົດສະຫຼຸບຕີລາຄາແຜນພັດທະນາວຽກງານກຳມະບານ ຂອງຄະນະບໍລິຫານງານສະຫະພັນກຳມະບານແຂວງ ຊຸດທີ VI ຊຶ່ງໄດ້ສະຫຼຸບຕີລາຄາສະພາບການຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ VI ໃນການເຄື່ອນໄຫວຕະຫຼອດ 5 ປີຜ່ານມາ (2021-2025) ດ້ານຜົນງານ, ຈຸດດີ, ຈຸດອ່ອນ, ຂໍ້ຄົງຄ້າງ, ສາຍເຫດ ແລະ ບົດຮຽນທີ່ຖອດຖອນໄດ້ ພ້ອມກັນນີ້ ກໍໄດ້ກຳນົດທິດທາງໜ້າທີ່ລວມ ແລະ ຄາດໝາຍສູ້ຊົນດ້ານຕ່າງໆ ແຕ່ປີ 2026-2030.ກອງປະຊຸມຈະໄດ້ຜ່ານ ແລະ ຮັບຮອງເອົາບົດສຳຫຼວດນຳພາລວມ ຂອງຄະນະບໍລິຫານງານສະຫະພັນກຳມະບານແຂວງ ຊຸດທີ VI ໃນການຊີ້ນໍາ-ນຳພາ ຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ VI ໃນໄລຍະ 5 ປີຜ່ານມາ, ພ້ອມນີ້ຜູ້ແທນສົມບູນຈະໄດ້ໃຊ້ສິດເລືອກຕັ້ງເອົາ ຄະນະບໍລິຫານງານ ສະຫະພັນກຳມະບານແຂວງ ຊຸດທີ VII ເພື່ອຊີ້ນຳ-ນຳພາ ຈັດຕັ້ງປະຕິບັດ ມະຕິກອງປະຊຸມໃຫຍ່ຜູ້ແທນກຳມະບານແຂວງ ຄັ້ງທີ VII ໃຫ້ປະກົດຜົນເປັນຈິງ, ຈະໄດ້ຮັບຟັງການໂອ້ລົມຂອງຜູ້ນຳພັກ-ລັດ ຈາກຂັ້ນແຂວງ ແລະ ສູນກາງສະຫະພັນກຳມະບານລາວ ເພື່ອເປັນເຂັມຊີ້ທິດເຍືອງທາງ ໃຫ້ແກ່ການຈັດຕັ້ງປະຕິບັດເຄື່ອນໄຫວວຽກງານກຳມະບານ ໃນປັັດຈຸບັນ ກໍຄືຕໍ່ໜ້າໃຫ້ເຕີບໃຫຍ່ເຂັ້ມແຂງຂຶ້ນເລື້ອຍໆ.
 |
(ຂ່າວ:ມະນີວອນ)
ຄໍາເຫັນ