 |
ພິທີມອບ-ຮັບໄດ້ມີຂຶ້ນໃນວັນທີ 16 ມິຖຸນານີ້ ທີ່ ຫ້ອງວ່າການແຂວງຄຳມ່ວນ ໃຫ້ກຽດມອບເງິນຈໍານວນດັ່ງກ່າວໂດຍ ທ່ານ ໄຊຊະນະ ໂຄດພູທອນກໍາມະການສູນກາງພັກ ເລຂາພັກແຂວງ ປະທານສະພາປະຊາຊົນແຂວງຄໍາມ່ວນ, ມີ ທ່ານ ແກ້ວອຸດອນ ບຸດສິງຂອນ ຮອງປະທານສະພາປະຊາຊົນແຂວງ, ມີຫົວໜ້າພະແນກກະສິກໍາ ແລະ ສິ່ງແວດລ້ອມແຂວງ ພ້ອມດ້ວຍຄະນະການຈັດຕັ້ງບ້ານ ແລະ ຄອບຄົວຕົວແບບເຂົ້າຮ່ວມ.
ໃນໂອກາດດຽວກັນນັ້ນ ຍັງໄດ້ມອບເງິນສົດຈໍານວນໜຶ່ງ ໃຫ້ແກ່ການຈັດຕັ້ງ ບ້ານສົ້ມ ເພື່ອນໍາໃຊ້ເຂົ້າໃນການປັບປຸງສ້ອມແປງຂົວຫ້ວຍສາຍພາຍ ກໍຄືການພັດທະນາພື້ນຖານໂຄງລ່າງຂອງບ້ານໃຫ້ມີຄວາມສະດວກໃນການສັນຈອນໄປມາ.
ທັງນີ້, ດ້ວຍຄວາມເປັນຫ່ວງເປັນໄຍຂອງການນໍາພັກ-ລັດ ແຂວງຄໍາມ່ວນ, ທີ່ເຫັນໄດ້ຄວາມຈໍາເປັນຕໍ່ການພັດທະນາຍົກລະດັບຄຸນນະພາບຊີວິດການເປັນຢູ່ຂອງປະຊາຊົນ, ເປັນການສະໜັບສະໜູນ ແລະ ກະຕຸ້ນໃຫ້ປະຊາຊົນມີຄວາມດຸໜັ່ນໃນການຜະລິດກະສິກໍາ ໂດຍສະເພາະການປູກເຫັດ ໃຫ້ກາຍເປັນອາຊີບ ສາມາດສ້າງລາຍຮັບທີ່ຍືນຍົງ ແລະ ກາຍເປັນສິນຄ້າສົ່ງອອກໃນອະນາຄົດ.
ຂ່າວ : ມະນີວັນ
ຄໍາເຫັນ