 |
ກອງປະຊຸມຄັ້ງນີ້, ບັນດາຜູ້ຂົ້າຮ່ວມໄດ້ພ້ອມກັນ ຄົ້ນຄວ້າ ປຶກສາຫາລື ປະກອບຄຳຄິດເຫັນ ສັງລວມແຜນການສ້າງ, ປັບປຸງ ບັນດານິຕິກຳໃຕ້ກົດໝາຍ ຂອງບັນດາພະແນກການ ໃນໄລຍະປີ 2026-2030, ຊຶ່ງປະກອບມີ ຂົງເຂດວຽກວັດທະນະທໍາ-ສັງຄົມມີຄື: ໄດ້ອອກຂໍ້ຕົກລົງ ວ່າດ້ວຍການຄຸ້ມຄອງດິນຍຸດທະສາດການທະຫານຢູ່ຂອບເຂດແຂວງຄໍາມ່ວນ ແລະ ຂໍ້ຕົກລົງ ວ່າດ້ວຍມາດຕະການຕໍ່ນາຍ ແລະ ພົນທະຫານ ທົ່ວທະຫານແຂວງຄໍາມ່ວນ ທີ່ລະເມີດລະບຽບຂອງພັກ, ລະບຽບວິໄນຂອງກອງທັບ ແລະ ກົດໝາຍຂອງລັດ ຂອງກອງບັນຊາການ ທະຫານແຂວງ, ຂໍ້ຕົກລົງ ວ່າດ້ວຍການຄຸ້ມຄອງພາຍໃນ ແລະ ບໍລິຫານຕົວເມືອງທ່າແຂກ, ຂໍ້ຕົກລົງ ວ່າດ້ວຍການສະກັດກັ້ນ ແລະ ຕ້ານອັກຄີໄພ ທົ່ວແຂວງ ຂອງກອງບັນຊາການ ປກສ ແຂວງ, ຂໍ້ຕົກລົງ ວ່າດ້ວຍການສັກວັກຊິນກັນພະຍາດແບບບັງຄັບ ຢູ່ແຂວງຄໍາມ່ວນ ແລະ ຂໍ້ຕົກລົງ ວ່າດ້ວຍການກວດເລືອດຊອກຫາການຕິດເຊື້ອເຮສໄອວີ ແລະ ຄຸ້ມຄອງການແຜ່ເຊື້ອເຣສໄອວີ (ພະຍາດເອດ) ຢູ່ແຂວງຄໍາມ່ວນ ຂອງພະແນກສາທາລະນະສຸກແຂວງ, ຂໍ້ຕົກລົງ ວ່າດ້ວຍການຄຸ້ມຄອງການມີສ່ວນຮ່ວມໃນການສົ່ງເສີມຄວາມສະເໝີພາບບົດບາດຍິງ-ຊາຍ ແລະ ການປົກປ້ອງແມ່ຍິງ-ເດັກ ພາຍໃນແຂວງ ສະຫະພັນແມ່ຍິງແຂວງ, ຂໍ້ຕົກລົງ ວ່າດ້ວຍການຄຸ້ມຄອງວຽກງານການຕ່າງປະເທດ ພາຍໃນແຂວງ ພະແນກ ການຕ່າງປະເທດແຂວງ, ຂໍ້ຕົກລົງ ວ່າດ້ວຍການຄຸ້ມຄອງອົງການຈັດຕັ້ງສາກົນ(NGO) ທີ່ເຄື່ອນໄຫວວຽກງານຢູ່ແຂວງ ແລະ ຂໍ້ຕົກລົງ ວ່າດ້ວຍການຄຸ້ມຄອງພົນລະເມືອງຊາວແຂວງຄໍາມ່ວນ ຢູ່ຕ່າງປະເທດ ແລະ ຄຸ້ມຄອງ ຄົນຕ່າງປະເທດຢູ່ແຂວງຄໍາມ່ວນ ຂອງພະແນກການຕ່າງປະເທດແຂວງ, ຂໍ້ຕົກລົງ ວ່າດ້ວຍການຄຸ້ມຄອງອາຄານສະຖານການສຶກສາ ແລະ ກິລາທົ່ວແຂວງ (ຫົວຂໍ້ເກົ່າສືບຕໍ່), ຂໍ້ຕົກລົງ ວ່າດ້ວຍກອງທຶນສົ່ງເສີມ ແລະ ພັດທະນາວຽກງານກິລາກາຍຍະກຳຢູ່ແຂວງ, ຂໍ້ຕົກລົງ ວ່າດ້ວຍກອງທຶນສົ່ງເສີມຂະແໜງການສຶກສາພາຍໃນແຂວງຄໍາມ່ວນ, ຂໍ້ຕົກລົງ ວ່າດ້ວຍການມີສ່ວນຮ່ວມຂອງສັງຄົມ ຕໍ່ການສຶກສາກ່ອນໄວຮຽນ ແລະ ສາມັນສຶກສາທົ່ວແຂວງ ຂອງພະແນກສຶກສາທິການ ແລະ ກິລາແຂວງ, ຂໍ້ຕົກລົງ ວ່າດ້ວຍການສອບເສັງໃນສະຖານອາຊີວະສຶກສາ ສະບັບປັບປຸງ, ຂໍ້ຕົກລົງ ວ່າດ້ວຍການທົດສອບທັກສະວິຊາຊີບ ແລະ ຂໍ້ຕົກລົງ ວ່າດ້ວຍການອອກປະກາສະນີຍະບັດ ແລະ ໃບຢັ້ງຢືນອາຊີວະສຶກສາ ສະບັບປັບປຸງ ຂອງໂຮງຮຽນເຕັກນິກວິຊາຊີບ, ຂໍ້ຕົກລົງ ວ່າດ້ວຍການສ້າງກອງທຶນເພື່ອຊາວໜຸ່ມແຂວງ ແລະ ຂໍ້ຕົກລົງ ວ່າດ້ວຍການຄຸ້ມຄອງ ແລະ ນໍາໃຊ້ເຄື່ອງແບບ ຂອງອົງການຈັດຕັ້ງຊາວໜຸ່ມ-ເຍົາວະຊົນ ແຂວງ ຂອງຊາວໜຸ່ມແຂວງ, ຂໍ້ຕົກລົງ ວ່າດ້ວຍການຄຸ້ມຄອງ ກອງທຶນພັດທະນາຂັ້ນບ້ານ, ຕາແສງ, ຂໍ້ຕົກລົງ ວ່າດ້ວຍການຈັດສັນ, ຄຸ້ມຄອງ ແລະ ພັດທະນາເທສະບານແຂວງ ແລະ ຂໍ້ຕົກລົງ ວ່າດ້ວຍການພັດທະນາຕົວເມືອງທ່າແຂກ ໃຫ້ເປັນຕົວເມືອງສີຂຽວ ສະອາດສວຍງາມ ຂອງເມືອງທ່າແຂກ ແລະ ຄໍາສັ່ງເພີ້ມເຕີມ ວ່າດ້ວຍການຄຸ້ມຄອງອາຊີບ-ພາຫະນະພິເສດ ກອງບັນຊາການ ປກສ ແຂວງ.
ສຳລັບຂົງເຂດເສດຖະກິດມີ: ຂໍ້ຕົກລົງ ວ່າດ້ວຍວຽກງານປົກປ້ອງຜູ້ຊົມໃຊ້ (ປ່ຽນແທນຂໍ້ຕົກລົງ ວ່າດ້ວຍການຄຸ້ມຄອງ ແລະ ກໍານົດລາຄາຊື້-ຂາຍ ສິນຄ້າປະເພດຕ່າງໆ ຢູ່ແຂວງຄໍາມ່ວນ, ຂໍ້ຕົກລົງ ວ່າດ້ວຍການຄຸ້ມຄອງການຮ່ອນແຮ່ໂລຫະແບບພື້ນເມືອງຢູ່ພາຍໃນແຂວງ ແລະ ຂໍ້ຕົກລົງ ວ່າດ້ວຍການຄຸ້ມຄອງເຄມີ ພາຍໃນແຂວງ ຂອງພະແນກອຸດສາຫະກຳ ແລະ ການ ຄ້າແຂວງ, ຂໍ້ຕົກລົງ ວ່າດ້ວຍການຄຸ້ມຄອງນໍ້າໜັກລວມສູງສຸດຂອງລົດບັນທຸກພາຍໃນແຂວງ, ຂໍ້ຕົກລົງ ວ່າດ້ວຍການກຳນົດ ສາຍທາງລົດຂົນສົ່ງ ພາຍໃນແຂວງ ກໍານົດສ້າງປີ 2026 ແລະ ຂໍ້ຕົກລົງ ວ່າດ້ວຍການຄຸ້ມຄອງນໍ້າເປື້ອນຕົວເມືອງ ພາຍໃນແຂວງຄໍາມ່ວນ ກໍານົດສ້າງປີ 2027 ແລະ ຂໍ້ຕົກລົງ ວ່າດ້ວຍການຄຸ້ມຄອງກິດຈະການກໍ່ສ້າງ, ບູລະນະຮັກສາ ແລະ ສ້ອມແປງ ໂຄງລ່າງ ພື້ນຖານທາງນໍ້າ ພາຍໃນແຂວງຄຳມ່ວນ ພະແນກ ຍທຂ ແຂວງ ກຳນົດສ້າງປີ 2027.
ນອກຈາກນີ້, ກອງປະຊຸມ ຍັງໄດ້ວາງແຜນປັບປຸງ ແລະ ປະເມີນການຈັດຕັ້ງປະຕິບັດ ໄລຍະປີ 2026-20230. ຂໍ້ຕົກລົງ ວ່າດ້ວຍການຄຸ້ມຄອງເຂດສະຫງວນທາງຫຼວງ (ສະບັບເລກທີ 683/ຈຂ, ລົງວັນທີ 24 ເມສາ 2024 (ກໍານົດປັບປຸງ ປີ 2027), ຂໍ້ຕົກລົງ ວ່າດ້ວຍມາດຕະການຫຼຸດຜ່ອນອຸບັດຕິເຫດ ແລະ ຮັກສາຄວາມປອດໄພຕາມທ້ອງຖະໜົນ ພາຍໃນແຂວງຄໍາມ່ວນ ສະບັບເລກທີ 668/ຈຂ, ລົງວັນທີ 23 ເມສາ 2024 (ກໍານົດປັບປຸງ ປີ 2027) ແລະ ຂໍ້ຕົກລົງ ວ່າດ້ວຍການຈັດສັນຄວາມເປັນລະບຽບຮຽບຮ້ອຍຂອງຕົວເມືອງ ພາຍໃນແຂວງຄໍາມ່ວນ ສະບັບເລກທີ 918/ຈຂ, ລົງວັນທີ 29 ພຶດສະພາ 2025 (ກໍານົດປັບປຸງ ປີ 2027).
(ຂ່າວ-ພາບ: ແດງສະຫວັດ ແສນພານິດ)
ຄໍາເຫັນ