, ເຂົ້າຮ່ວມມີທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ, ມີແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.
ງານດັ່ງກ່າວ, ຈັດຂຶ້ນໂດຍການສົມທົບລະຫວ່າງສະພາການຄ້າ - ອຸດສາຫະກໍາແຂວງ ແລະ ພະແນກອຸດສາຫະກໍາ - ການຄ້າແຂວງຄໍາມ່ວນ ເພື່ອສ້າງເງື່ອນໄຂໃນການນໍາເອົາຜະລິດຕະພັນຂອງບັນດາເມືອງ ພາຍໃນແຂວງ, ການຜະລິດຂະໜາດນ້ອຍ ແລະ ຂະໜາດກາງ ຂອງຜູ້ປະກອບການ ຕະຫຼອດຮອດພໍ່ແມ່ປະຊາຊົນ ໄດ້ນໍາເອົາຜົນຜະລິດ, ຜະລິດຕະພັນ-ສິນຄ້າ ມາແລກປ່ຽນ ຊື້-ຂາຍ ເພື່ອສ້າງລາຍຮັບໃຫ້ແກ່ທຸລະກິດ ແລະ ຄອບຄົວ.
ທ່ານ ແກ້ວອຸດອນ ບຸດສິງຂອນ ຮອງເຈົ້າແຂວງຄໍາມ່ວນ ປະທານຄະນະກໍາມະການຈັດງານບຸນນະມັດສະການພະທາດສີໂຄດຕະບອງ ປະຈໍາປີ 2025 ໄດ້ກ່າວໃນພິທີເປີດງານວ່າ: ການຈັດງານບຸນດັ່ງກ່າວ ເພື່ອເປັນການສົ່ງເສີມທາງດ້ານວັດທະນະທໍາ ແລະ ຮັກສາຮີດຄອງປະເພນີອັນດີງາມຂອງຊາດ ຂອງເຜົ່າ ທີ່ໄດ້ສືບທອດກັນມາແຕ່ບູຮານນະການ ແລະ ເປັນປັດໄຈໜຶ່ງເພື່ອຊຸກຍູ້-ສົ່ງເສີມ ການພັດທະນາເສດຖະກິດ-ສັງຄົມ ຂອງຊາດ ຂອງທ້ອງຖິ່ນ, ເປັນການສົ່ງເສີມດ້ານການຄ້າ, ການລົງທຶນ, ການທ່ອງທ່ຽວ ດຶງດູດເອົາມວນຊົນ-ນັກທ່ອງທ່ຽວ ທັງພາຍໃນ ແລະ ຕ່າງປະເທດໄດ້ເຂົ້າມາທ່ຽວຊົມ.
ງານຄັ້ງນີ້, ມີຮ້ານມາວາງສະແດງ ແລະ ຈໍາໜ່າຍສິນຄ້າ 115 ຫົວໜ່ວຍ, ມີມູນຄ່າຫຼາຍກວ່າ 10 ຕື້ກີບ.
(ຂ່າວ-ພາບ: ກອງຄໍາ)
ຄໍາເຫັນ