 |
ກິດຈະກຳດັ່ງກ່າວຈັດຂຶ້ນເພື່ອສະຫຼອງວັນປູກຕົ້ນໄມ້ແຫ່ງຊາດ 1 ມີຖຸນາ ຄົບຮອບ 46 ປີ; ວັນສິ່ງແວດລ້ອມໂລກ ຄົບຮອບ 53 ປີ; ວັນສິ່ງແວດລ້ອມແຫ່ງຊາດ ຄົບຮອບ 27 ປີ ແລະ ວັນເດັກນ້ອຍສາກົນ 1 ມິຖຸນາ ຊຶ່ງຕົ້ນໄມ້ທີ່ນໍາມາປູກແມ່ນປະເພດຕົ້ນໄມ້ປະດັບປະກອບມີ: ຕົ້ນດອກຈໍາປາ, ຕົ້ນຄູນ ແລະ ຕົ້ນຈານ ລວມທັງໝົດຫຼາຍກວ່າ 500 ຕົ້ນ. ການປູກຕົ້ນໄມ້ຄັ້ງນີ້ມີຈຸດປະສົງເພື່ອສ້າງຂະບວນການປູກຕົ້ນໄມ້ປະຈຳປີ, ເພີ່ມພື້ນທີ່ສີຂຽວ, ປັບປຸງພູມີທັດ ແລະ ສ້າງຄວາມຮົ່ມເຢັນໃຫ້ແກ່ເຂດພຣະທາດສີໂຄດຕະບອງ ຊຶ່ງເປັນສະຖານທີ່ສຳຄັນທາງປະຫວັດສາດ ແລະ ວັດທະນະທຳຂອງແຂວງ. ພ້ອມກັນນັ້ນ ບັນດາພະແນກການ, ອົງການຈັດຕັ້ງ ແລະ ບໍລິສັດຕ່າງໆ ຍັງໄດ້ສືບຕໍ່ປູກຕົ້ນໄມ້ຕາມເສັ້ນທາງແຕ່ເຂດສາມແຍກ ບ້ານໜອງໜ້ຽງ ຫາ ເຂດພຣະທາດສີໂຄດຕະບອງ ເພື່ອສ້າງທັດສະນີຍະພາບຄວາມສວຍງາມ ແລະ ເປັນລະບຽບຮຽບຮ້ອຍໃຫ້ແກ່ຕົວເມືອງ.
 |
ນອກຈາກນີ້, ແຂວງຄຳມ່ວນຍັງຈະສືບຕໍ່ຈັດຂະບວນການປູກຕົ້ນໄມ້ຄັ້ງໃຫຍ່ອີກໃນວັນທີ 1 ມິຖຸນາ 2026 ທີ່ໂຮງຮຽນຄຳມ່ວນ-ກວາງບິ່ງ ເພື່ອສືບຕໍ່ປູກຈິດສຳນຶກໃຫ້ປະຊາຊົນ ໂດຍສະເພາະເດັກນ້ອຍ ແລະ ເຍົາວະຊົນ ໄດ້ເຫັນຄຸນຄ່າຂອງການອະນຸລັກຊັບພະຍາກອນທຳມະຊາດ, ການປົກປັກຮັກສາສິ່ງແວດລ້ອມ ແລະ ຮ່ວມກັນສ້າງສັງຄົມສີຂຽວທີ່ມີຄວາມຍືນຍົງໃນອະນາຄົດ.
ຂ່າວ: ມະນີວັນ
ຄໍາເຫັນ